༡༠. ཚ་ནྡཾ་ཨ་ད་ཏྭཱ་ག་མ་ན་སི་ཀྑཱ་པ་ད་ཝ་ཎྞ་ནཱ

ཨཱ་རོ་ཙི་ཏཾ ཝ་ཏྠུ ཨ་ཝི་ནི་ཙྪི་ཏནྟི ཨཱ་རོ་ཙི་ཏ་ཝ་ཏྠུ ཨཱ་པ་ཏྟི་ཀ་བྷཱ་ཝེ་ན ན ཝི་ནི་ཙྪི་ཏཾ. ཨེ་ཏྠ ཙ ཙོ་ད་ཀེ་ན ཙ ཙུ་དི་ཏ་ཀེ་ན ཙ ཨ་ཏྟ་ནོ ཀ་ཐཱ ཀ་ཐི་ཏཱ, ཨ་ནུ་ཝི་ཛྫ་ཀོ ས་མྨ་ཏོ, ཨེ་ཏྟཱ་ཝ་ཏཱ ཝ་ཏྠུ་མེ་ཝ ཨཱ་རོ་ཙི་ཏཾ ཧོ་ཏཱི་ཏི ད་ཊྛ་བྦཾ. ཚ་ནྡཾ ཨ་ད་ཏྭཱ ཨུ་ཊྛཱ་ཡཱ་ས་ནཱ པ་ཀྐ་མེ་ཡྻཱཏི ‘‘ཀ་ཐཾ ཨི་དཾ ཀ་མྨཾ ཀུ་པྤཾ ཨ་སྶ, ཝ་གྒཾ ཨ་སྶ, ན ཀ་རེ་ཡྻཱ’’ཏི (པཱ་ཙི. ༤༨༡) ཨི་མི་ནཱ ཨ་དྷི་པྤཱ་ཡེ་ན ཚ་ནྡཾ ཨ་ད་ཏྭཱ ནི་སི་ནྣཱ་ས་ན་ཏོ ཨུ་ཊྛཱ་ཡ ག་ཙྪེ་ཡྻ. ཏེ་ནཱ་ཧ ‘‘ཡོ བྷི་ཀྑཱུ’’ཏི་ཨཱ་དི. ཀི་རི་ཡཱ་ཀི་རི་ཡནྟི ཨེ་ཏྠ ག་མ་ནཾ ཀི་རི་ཡཾ, ཚ་ནྡ་སྶ ཨ་དཱ་ནཾ ཨ་ཀི་རི་ཡཾ.

ཚ་ནྡཾ་ཨ་ད་ཏྭཱ་ག་མ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.