༡༠. ཨུ་ཡྻོ་དྷི་ཀ་སི་ཀྑཱ་པ་ད་ཝ་ཎྞ་ནཱ

ས་མྤ་ཧཱ་ར་ཊྛཱ་ན་སྶཱཏི ཡུ་དྡྷ་བྷཱུ་མི་ཡཱ. བ་ལ་སྶ ཨ་གྒཾ ཛཱ་ན་ནྟཱིཏི ‘‘ཨེ་ཏྟ་ཀཱ ཧ་ཏྠཱི, ཨེ་ཏྟ་ཀཱ ཨ་སྶཱ, ཨེ་ཏྟ་ཀཱ ར་ཐཱ, ཨེ་ཏྟ་ཀཱ པ་ཏྟཱི’’ཏི (པཱ་ཙི. ༣༢༤) བ་ལ་སྶ ཀོ་ཊྛཱ་སཾ ཛཱ་ན་ནྟི. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཝི་ཧཱ་ར་གྒེ་ནཱ’’ཏི་ཨཱ་དཱི་སུ (ཙཱུ་ལ༹་ཝ. ༣༡༨) ཝི་ཡ ཀོ་ཊྛཱ་ས་ཏྠོ ཧེ་ཏྠ ཨ་གྒས་དྡོ. ཏེ་ནཱ་ཧ ‘‘བ་ལ་ག་ཎ་ན་ཊྛཱ་ན་ནྟི ཨ་ཏྠོ’’ཏི. སེ་ནཱ་ཡ ཝི་ཡཱུ་ཧནྟི ‘‘ཨི་ཏོ ཧ་ཏྠཱི ཧོ་ནྟུ, ཨི་ཏོ ཨ་སྶཱ ཧོ་ནྟུ, ཨི་ཏོ ར་ཐཱ ཧོ་ནྟུ, ཨི་ཏོ པ་ཏྟཱི ཧོ་ནྟཱུ’’ཏི (པཱ་ཙི. ༣༢༤) སེ་ནཱ་ཡ ཋ་པ་ནཾ, རཱ་སིཾ ཀ་ཏྭཱ ཋ་པ་ན་ནྟི ཨ་ཏྠོ. ཏེ་ནཱ་ཧ ‘‘སེ་ནཱ་ས་ནྣི་ཝེ་ས་སྶེ་ཏཾ ནཱ་མ’’ནྟི. དྭཱ་ད་ས་པུ་རི་སོ ཧ་ཏྠཱིཏི ཙ་ཏྟཱ་རོ ཨཱ་རོ་ཧ་ཀཱ, ཨེ་ཀེ་ཀ་པཱ་ད་ར་ཀྑ་ཀཱ དྭེ དྭེ་ཏི ཨེ་ཝཾ དྭཱ་ད་ས་པུ་རི་སོ ཧ་ཏྠཱི. ཏི་པུ་རི་སོ ཨ་སྶོཏི ཨེ་ཀོ ཨཱ་རོ་ཧ་ཀོ, དྭེ པཱ་ད་ར་ཀྑ་ཀཱ་ཏི ཨེ་ཝཾ ཏི་པུ་རི་སོ ཨ་སྶོ. ཙ་ཏུ་པུ་རི་སོ ར་ཐོཏི ཨེ་ཀོ སཱ་ར་ཐི, ཨེ་ཀོ ཡོ་དྷོ, དྭེ ཨཱ་ཎི་ར་ཀྑ་ཀཱ་ཏི ཨེ་ཝཾ ཙ་ཏུ་པུ་རི་སོ ར་ཐོ་ཏི.

ཨུ་ཡྻོ་དྷི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ཨ་ཙེ་ལ་ཀ་ཝ་གྒོ པ་ཉྩ་མོ.