༩. པ་རི་པཱ་ཙི་ཏ་སི་ཀྑཱ་པ་ད་ཝ་ཎྞ་ནཱ

པ་རི་པཱ་ཙི་ཏནྟི པ་རི་པཱ་ཀ་མཱ་པཱ་དི་ཏཾ, ཡ་ཐཱ ལ་བྷ་ཏི, ཏ་ཐཱ ཀ་ཏྭཱ ཋ་པི་ཏ་ནྟི ཝུ་ཏྟཾ ཧོ་ཏི. ཏེ་ནཱ་ཧ ‘‘ནེ་ཝ ཏ་སྶཱ’’ཏི་ཨཱ་དི ཏ་སྶཱཏི ཡོ པ་རི་བྷུ་ཉྫེ་ཡྻ, ཏ་སྶ བྷི་ཀྑུ་ནོ. བྷི་ཀྑུ་སྶ གུ་ཎཾ པ་ཀཱ་སེ་ཏྭཱཏི ‘‘ཨ་ཡྻོ བྷཱ་ཎ་ཀོ, ཨ་ཡྻོ བ་ཧུ་སྶུ་ཏོ’’ཏི་ཨཱ་དི་ནཱ (པཱ་ཙི. ༡༩༥) གུ་ཎཾ པ་ཀཱ་སེ་ཏྭཱ. པི་ཎྜ་པཱ་ཏནྟི པ་ཉྩ་ནྣཾ བྷོ་ཛ་ནཱ་ནཾ ཨ་ཉྙ་ཏ་རཾ. ཀ་མྨ་སཱ་དྷ་ནོ་ཡཾ ས་མཱ་ར་མྦྷས་དྡོ་ཏི ཨཱ་ཧ ‘‘ས་མཱ་ར་དྡྷ’’ནྟི. པ་ཊི་ཡཱ་དི་ཏ་སྶཱཏི ས་མྤཱ་དི་ཏ་སྶ. ཡ་སྨཱ ཉཱ་ཏ་ཀ་པྤ་ཝཱ་རི་ཏེ་ཧི བྷི་ཀྑུ་སྶ ཨ་ཏྠཱ་ཡ ཨ་ས་མཱ་ར་དྡྷོ་པི པི་ཎྜ་པཱ་ཏོ ཨ་ཏྠ་ཏོ ས་མཱ་ར་དྡྷོ་ཝ ཧོ་ཏི ཡ་ཐཱ་སུ་ཁཾ ཧ་རཱ་པེ་ཏ་བྦ་ཏོ, ཏ་སྨཱ ‘‘ཉཱ་ཏ་ཀ་པྤ་ཝཱ་རི་ཏཱ་ནཾ ཝཱ ས་ནྟ་ཀ’’ནྟི ཝུ་ཏྟཾ.

ཨུ་བྷ་ཡ་ཏྠཱཏི པ་རི་པཱ་ཙི་ཏཱ་པ་རི་པཱ་ཙི་ཏེ་སུ. ཨ་ཝ་སེ་སེཏི བྷི་ཀྑུ་ནི་པ་རི་པཱ་ཙི་ཏེ་པི ཡཱ་གུ་ཁ་ཛྫ་ཀ་ཕ་ལཱ་ཕ་ལཱ་དི་ཀེ ས་བྦ་ཏྠ. ནི་མི་ཏྟོ་བྷཱ་ས་པ་རི་ཀ་ཐཱ་ཝི་ཉྙ་ཏྟི་ཝ་སེ་ན པ་ན ཨ་ཝ་སེ་སེ་པི དུ་ཀྐ་ཊ་ཏོ ན མུ་ཙྩ་ཏི.

པ་རི་པཱ་ཙི་ཏ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.