༡༠. ར་ཧོ་ནི་ས་ཛྫ་སི་ཀྑཱ་པ་ད་ཝ་ཎྞ་ནཱ

ཨུ་པ་རཱིཏི ཨ་ཙེ་ལ་ཀ་ཝ་གྒེ. ཨུ་པ་ན་ནྡ་སྶ ཙ་ཏུ་ཏྠ་སི་ཀྑཱ་པ་དེ་ནཱཏི ཨ་པྤ་ཊི་ཙྪ་ནྣེ མཱ་ཏུ་གཱ་མེ་ན ས་དྡྷིཾ ར་ཧོ་ནི་ས་ཛྫ་སི་ཀྑཱ་པ་དེ་ན (པཱ་ཙི. ༢༨༤ ཨཱ་ད་ཡོ). ཏ་ཉྷི ཨུ་པ་ན་ནྡ་ཏྠེ་རཾ ཨཱ་ར་བྦྷ པ་ཉྙ་ཏྟེ་སུ ཙ་ཏུ་ཏྠ་བྷཱ་ཝ་ཏོ ‘‘ཨུ་པ་ན་ནྡ་སྶ ཙ་ཏུ་ཏྠ་སི་ཀྑཱ་པ་ད’’ནྟི ཝུ་ཏྟཾ. ཡ་དི ཨེ་ཀ་པ་རི་ཙྪེ་དཾ, ཨ་ཐ ཀ་སྨཱ ཝི་སུཾ པ་ཉྙ་ཏྟ་ནྟི ཨཱ་ཧ ‘‘ཨ་ཊྛུ་པྤ་ཏྟི་ཝ་སེ་ན པ་ན ཝི་སུཾ པ་ཉྙ་ཏྟ’’ནྟི. ཏ་ཏྠ ཨ་ཊྛུ་པྤ་ཏྟི་ཝ་སེ་ནཱཏི ཨ་ཏྠ་སྶ ཨུ་པྤ་ཏྟི་ཝ་སེ་ན, བྷི་ཀྑུ་ནི་ཡཱ ཨེ་ཝ ར་ཧོ་ནི་ས་ཛྫཱ་ཡ ཨུ་པྤ་ཏྟི་ཝ་སེ་ནཱ་ཏི ཨ་ཏྠོ. ཨ་ཡཾ ཧེ་ཏྠཱ་དྷི་པྤཱ་ཡོ – ཙ་ཏུ་ཏྠ་སི་ཀྑཱ་པ་ད་ཝ་ཏྠུ་ཏོ ཨི་མ་སྶ སི་ཀྑཱ་པ་ད་སྶ ཝ་ཏྠུ་ནོ པ་ཋ་མཾ ཨུ་པྤ་ནྣ་ཏྟཱ ཨེ་ཀ་པ་རི་ཙྪེ་དེ་པི ཨི་དཾ པ་ཋ་མཾ ཝི་སུཾ པ་ཉྙ་ཏྟ་ནྟི.

ར་ཧོ་ནི་ས་ཛྫ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ཨོ་ཝཱ་ད་ཝ་གྒོ ཏ་ཏི་ཡོ.