౯. వికప్పనసిక్ఖాపదవణ్ణనా

సమ్ముఖేన వికప్పనా సమ్ముఖవికప్పనా. పరమ్ముఖేన వికప్పనా పరమ్ముఖవికప్పనా. సన్నిహితాసన్నిహితభావన్తి ఆసన్నదూరభావం. ఆసన్నదూరభావో చ అధిట్ఠానే వుత్తనయేనేవ వేదితబ్బో.

మిత్తోతి దళ్హమిత్తో. సన్దిట్ఠోతి దిట్ఠమత్తో నాతిదళ్హమిత్తో. అకతపచ్చుద్ధారన్తి ‘‘మయ్హం సన్తకం పరిభుఞ్జ వా విస్సజ్జేహి వా’’తిఆదినా అకతపచ్చుద్ధారం. యేన వినయకమ్మం కతన్తి యేన సద్ధిం వినయకమ్మం కతం.

పరిభోగేన కాయకమ్మం, అపచ్చుద్ధారాపనేన వచీకమ్మన్తి ఆహ ‘‘సముట్ఠానాదీని పఠమకథినసదిసానేవా’’తి. కిరియాకిరియన్తి ఏత్థ పరిభుఞ్జనం కిరియం. అపచ్చుద్ధారాపనం అకిరియం.

వికప్పనసిక్ఖాపదవణ్ణనా నిట్ఠితా.