౧౦. అపనిధానసిక్ఖాపదవణ్ణనా

అధిట్ఠానుపగన్తి అధిట్ఠానయోగ్గం అయోపత్తఞ్చేవ మత్తికాపత్తఞ్చ. సూకరన్తకం నామ కుఞ్చికాకోసో వియ అన్తో సుసిరం కత్వా కోట్టితం.

అఞ్ఞం పరిక్ఖారన్తి పాళియా అనాగతపత్తత్థవికాదిం. ధమ్మకథం కత్వాతి ‘‘సమణేన నామ అనిహితపరిక్ఖారేన భవితుం న వట్టతీ’’తి ఏవం ‘‘ధమ్మకథం కథేత్వా దస్సామీ’’తి నిక్ఖిపతో అనాపత్తి.

అపనిధానసిక్ఖాపదవణ్ణనా నిట్ఠితా.

సురాపానవగ్గో ఛట్ఠో.