໑໐. ຣໂຫນິສຊ຺ຊສິກ຺ຂາປທວຓ຺ຓນາ

ອຸປຣີຕິ ອເຈລກວຄ຺ເຄ. ອຸປນນ຺ທສ຺ສ ຈຕຸຕ຺ຖສິກ຺ຂາປເທນາຕິ ອປ຺ປຏິຈ຺ຉນ຺ເນ ມາຕຸຄາເມນ ສທ຺ຘິໍ ຣໂຫນິສຊ຺ຊສິກ຺ຂາປເທນ (ປາຈິ. ໒໘໔ ອາທໂຍ). ຕຎ຺ຫິ ອຸປນນ຺ທຕ຺ເຖຣໍ ອາຣພ຺ຠ ປຎ຺ຎຕ຺ເຕສຸ ຈຕຸຕ຺ຖຠາວໂຕ ‘‘ອຸປນນ຺ທສ຺ສ ຈຕຸຕ຺ຖສິກ຺ຂາປທ’’ນ຺ຕິ ວຸຕ຺ຕໍ. ຍທິ ເອກປຣິຈ຺ເຉທໍ, ອຖ ກສ຺ມາ ວິສຸໍ ປຎ຺ຎຕ຺ຕນ຺ຕິ ອາຫ ‘‘ອຏ຺ຐຸປ຺ປຕ຺ຕິວເສນ ປນ ວິສຸໍ ປຎ຺ຎຕ຺ຕ’’ນ຺ຕິ. ຕຕ຺ຖ ອຏ຺ຐຸປ຺ປຕ຺ຕິວເສນາຕິ ອຕ຺ຖສ຺ສ ອຸປ຺ປຕ຺ຕິວເສນ, ຠິກ຺ຂຸນິຍາ ເອວ ຣໂຫນິສຊ຺ຊາຍ ອຸປ຺ປຕ຺ຕິວເສນາຕິ ອຕ຺ໂຖ. ອຍໍ ເຫຕ຺ຖາຘິປ຺ປາໂຍ – ຈຕຸຕ຺ຖສິກ຺ຂາປທວຕ຺ຖຸໂຕ ອິມສ຺ສ ສິກ຺ຂາປທສ຺ສ ວຕ຺ຖຸໂນ ປຐມໍ ອຸປ຺ປນ຺ນຕ຺ຕາ ເອກປຣິຈ຺ເຉເທປິ ອິທໍ ປຐມໍ ວິສຸໍ ປຎ຺ຎຕ຺ຕນ຺ຕິ.

ຣໂຫນິສຊ຺ຊສິກ຺ຂາປທວຓ຺ຓນາ ນິຏ຺ຐິຕາ.

ໂອວາທວຄ຺ໂຄ ຕຕິໂຍ.