1. антепурасиккха̄падаван̣н̣ана̄

аниккхантара̄джаке аниггатаратанакети еттха ‘‘сайанигхаре’’ти па̄т̣хасесо дат̣т̣хабботи а̄ха ‘‘аниккханто ра̄джа̄ ито’’тиа̄ди. таттха итоти сайанигхарато. сайанигхарети сайанӣйагхаре. йаттха ран̃н̃о сайанам̣ пан̃н̃аттам̣ хоти, антамасо са̄н̣ипа̄ка̄рапариккхиттампи, тасминти вуттам̣ хоти. ратиджананат̣т̣хена ратанам̣, хаттхиа̄ди. идха пана иттхиратанам̣ адхиппетанти а̄ха ‘‘ратанам̣ вуччати махесӣ’’ти.

убхосӯти ра̄джамахесӣсу. кирийа̄кирийанти еттха индакхӣла̄тиккамо кирийам̣, аппат̣исам̣видитам̣ акирийанти дат̣т̣хаббам̣.

антепурасиккха̄падаван̣н̣ана̄ нит̣т̣хита̄.