8. дуббан̣н̣акаран̣асиккха̄падаван̣н̣ана̄

ла̄бхасаддойам̣ каммаса̄дхано ‘‘ко бхавата̄ ла̄бхо ладдхо’’тиа̄дӣсу вийа, со четтха атӣтака̄ликоти а̄ха ‘‘алаббхӣти лабхо’’ти, ладдханти аттхо. ‘‘лабхо ева ла̄бхо’’ти имина̄ сакаттхе н̣апаччайоти дассети. ким̣ алаббхӣти ким̣ ладдхам̣. наванти абхинавам̣. етта̄вата̄ ча наван̃ча там̣ чӣваран̃ча̄ти навачӣварам̣, навачӣварам̣ ла̄бхо етена̄ти навачӣварала̄бхоти еваметтха сама̄со дат̣т̣хабботи. йади евам̣ катхам̣ ‘‘навам̣ чӣварала̄бхена̄’’ти вуттанти а̄ха ‘‘ити навачӣварала̄бхена̄’’тиа̄ди. еттха ча ‘‘викаппанупагам̣ паччхима’’нти на вуттатта̄ чӣваранти йам̣ нива̄сетум̣ ва̄ па̄рупитум̣ ва̄ сакка̄ хоти, тадева ведитаббанти а̄ха ‘‘нива̄санапа̄рупанупагам̣ чӣвара’’нти. ‘‘дуббан̣н̣акаран̣ам̣ а̄да̄табба’’нти етам̣ каппабиндум̣ сандха̄йа вуттам̣, на нӣла̄дӣхи сакалачӣварам̣ дуббан̣н̣акаран̣ам̣, тан̃ча пана каппам̣ а̄дийантена чӣварам̣ раджитва̄ чатӯсу ва̄ кон̣есу, тӣсу ва̄ двӣсу ва̄ екасмим̣ ва̄ кон̣е морасса аккхиман̣д̣аламаттам̣ ва̄ ман̇гулапит̣т̣химаттам̣ ва̄ а̄да̄таббанти а̄ха ‘‘тасса̄’’тиа̄ди. кам̣санӣлена̄ти чаммака̄ранӣлена. маха̄паччарийам̣ пана ‘‘айомалам̣ лохамалам̣, етам̣ кам̣санӣлам̣ на̄ма̄’’ти (па̄чи. ат̣т̣ха. 368) вуттам̣. паттанӣлена̄ти йена кеначи нӣлаван̣н̣ена пан̣н̣арасена. каппабиндум̣ а̄дийитва̄ти ват̣т̣ам̣ екам̣ каппабиндум̣ а̄дийитва̄.

па̄л̣икаппакан̣н̣икакаппа̄дайо пана саббат̣т̣хакатха̄су пат̣исиддха̄. аггал̣а̄дӣни каппакатачӣваре пана паччха̄ а̄ропетва̄ каппакаран̣акиччам̣ наттхӣти а̄ха ‘‘паччха̄ а̄ропитесӯ’’тиа̄ди. аггал̣аанува̄тапарибхан̣д̣есӯти уддхаритва̄ аллийа̄панакакхан̣д̣апит̣т̣хианува̄такуччхианува̄тесу. кирийа̄кирийанти нива̄санапа̄рупанато, каппасса ана̄да̄нато кирийа̄кирийам̣.

дуббан̣н̣акаран̣асиккха̄падаван̣н̣ана̄ нит̣т̣хита̄.