9. викаппанасиккха̄падаван̣н̣ана̄

саммукхена викаппана̄ саммукхавикаппана̄. параммукхена викаппана̄ параммукхавикаппана̄. саннихита̄саннихитабха̄ванти а̄саннадӯрабха̄вам̣. а̄саннадӯрабха̄во ча адхит̣т̣ха̄не вуттанайенева ведитаббо.

миттоти дал̣хамитто. сандит̣т̣хоти дит̣т̣хаматто на̄тидал̣хамитто. акатапаччуддха̄ранти ‘‘майхам̣ сантакам̣ парибхун̃джа ва̄ виссаджджехи ва̄’’тиа̄дина̄ акатапаччуддха̄рам̣. йена винайакаммам̣ катанти йена саддхим̣ винайакаммам̣ катам̣.

парибхогена ка̄йакаммам̣, апаччуддха̄ра̄панена вачӣкамманти а̄ха ‘‘самут̣т̣ха̄на̄дӣни пат̣хамакатхинасадиса̄нева̄’’ти. кирийа̄кирийанти еттха парибхун̃джанам̣ кирийам̣. апаччуддха̄ра̄панам̣ акирийам̣.

викаппанасиккха̄падаван̣н̣ана̄ нит̣т̣хита̄.