7. наха̄насиккха̄падаван̣н̣ана̄

‘‘дийад̣д̣хо ма̄со сесо гимха̄на’’нти ‘‘васса̄насса пат̣хамо ма̄со’’иччете ад̣д̣хатеййама̄са̄ ун̣хасамайо, парил̣а̄хасамайоти гимха̄нам̣ сесо дийад̣д̣хо ма̄со ун̣хасамайо, васса̄насса пат̣хамо ма̄со парил̣а̄хасамайоти евам̣ ете ад̣д̣хатеййама̄са̄ камена ун̣хасамайо, парил̣а̄хасамайо на̄ма хотӣти аттхо тенева падабха̄джанийам̣ ‘‘ун̣хасамайо на̄ма дийад̣д̣хо ма̄со сесо гимха̄на’’нти, ‘‘парил̣а̄хасамайо на̄ма васса̄насса пат̣хамо ма̄со’’ти вуттам̣. йада̄ вина̄ наха̄нена на пха̄су хоти, айам̣ гила̄насамайо. падабха̄джанийам̣ (па̄чи. 364) пана гила̄не ниччхите гила̄нака̄ло ниччхитова хотӣти ‘‘йасса вина̄ наха̄нена на пха̄су хоти, ‘гила̄насамайо’ти наха̄йитабба’’нти вуттам̣. паривен̣асаммаджджанаматтампӣти антамасо паривен̣асаммаджджанаматтампи.

ва̄лукам̣ уккиритва̄ти суккха̄йа надийа̄ ва̄ликам̣ уттиритва̄. а̄ва̄т̣есупӣти пи-саддена надийам̣ ваттаббамева наттхӣти дассети. а̄пада̄сӯти бхамара̄дӣхи анубандхесу.

наха̄насиккха̄падаван̣н̣ана̄ нит̣т̣хита̄.