6. джотисиккха̄падаван̣н̣ана̄

агила̄ноти йасса вина̄ аггина̄ пха̄су хоти, со идха агила̄но на̄ма. джотинти аггим̣.

бхаггесӯти евам̣на̄маке джанападе. бхагга̄на̄ма джа̄нападино ра̄джакума̄ра̄, тесам̣ нива̄со екопи джанападо рул̣хисаддена ‘‘бхагга̄’’ти вуччати. тена вуттам̣ ‘‘бхаггесӯти евам̣на̄маке джанападе’’ти. татха̄ патила̄там̣ уккхипантасса̄ти д̣айхама̄нам̣ ала̄там̣ патитам̣ уккхипантасса татха̄ дуккат̣анти аттхо. тан̃ча̄ти дуккат̣ам̣ пара̄масати. авиджджха̄танти аниббута̄ла̄там̣. падӣпаджотикаджанта̄гхарети падӣпуджджаланапаттапачанаседакамма̄дӣсу джотикаран̣е аггиса̄ла̄йан̃ча сама̄дахантасса ана̄паттӣти аттхо. татха̄рӯпаппаччайети т̣хапетва̄ падӣпа̄дӣни ан̃н̃асмимпи татха̄рӯпапаччайе. а̄пада̄сӯти дут̣т̣хава̄л̣амигаамануссехи упаддавесу.

джотисиккха̄падаван̣н̣ана̄ нит̣т̣хита̄.