9. пан̣ӣтабходжанасиккха̄падаван̣н̣ана̄

‘‘пан̣ӣтабходжана̄нӣ’’ти идам̣ маджджхе падалопам̣ катва̄ ниддит̣т̣ханти а̄ха ‘‘пан̣ӣтасам̣сат̣т̣ха̄нӣ’’тиа̄ди. саббопи ‘‘одако’’ти вутталаккхан̣о маччхоти ‘‘маччхо на̄ма одако вуччатӣ’’ти (па̄чи. 260) евам̣ вибхан̇ге вутталаккхан̣о, саббопи маччхо ева. йо кочи удаке джа̄то маччхо на̄ма̄ти вуттам̣ хоти. маха̄на̄масиккха̄падена̄ти –

‘‘агила̄нена бхиккхуна̄ чатума̄сапаччайапава̄ран̣а̄ са̄дитабба̄ ан̃н̃атра пунапава̄ран̣а̄йа ан̃н̃атра ниччапава̄ран̣а̄йа. тато че уттари са̄дийеййа, па̄читтийа’’нти –

имина̄ сиккха̄падена (па̄чи. 306). еттха хи сан̇гхавасена гила̄напаччайапава̄ран̣а̄йа пава̄ритат̣т̣ха̄не саче таттха раттӣхи ва̄ бхесаджджехи ва̄ париччхедо като хоти ‘‘еттика̄йева раттийо, еттака̄ни ва̄ бхесаджджа̄ни вин̃н̃а̄петабба̄нӣ’’ти, тато раттипарийантато ва̄ бхесаджджапарийантато ва̄ уттари набхесаджджакаран̣ӣйена ва̄ бхесаджджам̣, ан̃н̃абхесаджджакаран̣ӣйена ва̄ ан̃н̃ам̣ бхесаджджам̣ вин̃н̃а̄пентасса па̄читтийам̣ вуттам̣. тасма̄ агила̄но гила̄насан̃н̃ӣпи хутва̄ пан̃ча бхесаджджа̄ни вин̃н̃а̄пенто набхесаджджакаран̣ӣйена бхесаджджам̣ вин̃н̃а̄пенто на̄ма хотӣти ‘‘маха̄на̄масиккха̄падена ка̄ретаббо’’ти вуттам̣.

йо пана набхесаджджаттха̄йа вин̃н̃а̄пети, атха кхо кевалам̣ аттано бхун̃джанаттха̄йа, со сӯподанавин̃н̃аттийа̄йева ка̄ретаббо. вуттан̃хетам̣ самантапа̄са̄дика̄йам̣ ‘‘суддха̄ни саппиа̄дӣни вин̃н̃а̄петва̄ бхун̃джанто па̄читтийам̣ на̄паджджати, секхийесу сӯподанавин̃н̃аттидуккат̣ам̣ а̄паджджатӣ’’ти (па̄чи. ат̣т̣ха. 259). сӯподанавин̃н̃аттийа̄ ка̄ретабботи ‘‘на сӯпам̣ ва̄ оданам̣ ва̄ агила̄но’’тиа̄дина̄ (па̄чи. 613) сиккха̄падена ка̄ретаббо, дуккат̣ена ка̄ретабботи вуттам̣ хоти. имина̄ти имина̄ пан̣ӣтабходжанасиккха̄падена.

‘‘саппибхаттам̣ дехӣ’’ти вутте ким̣ хотӣти а̄ха ‘‘саппибхаттам̣ ‘дехӣ’ти вутте пана̄’’тиа̄ди. сӯподанавин̃н̃аттийа̄ дуккат̣амева хотӣти самбандхо. касма̄ти а̄ха ‘‘йасма̄’’тиа̄ди. атха йатха̄ ‘‘пан̣ӣтабходжана̄нӣ’’ти, евам̣ ‘‘саппибхатта’’нти идампи касма̄ на вин̃н̃а̄йатӣти че? анекантикатта̄. татха̄ хи ‘‘пан̣ӣтабходжана̄нӣ’’ти вутте ‘‘пан̣ӣтасам̣сат̣т̣ха̄ни бходжана̄ни пан̣ӣтабходжана̄нӣ’’ти айаматтхо екантато пан̃н̃а̄йати, ‘‘саппибхатта’’нти вутте пана ‘‘саппимайам̣ бхаттам̣ саппибхатта’’нтипи вин̃н̃а̄йама̄натта̄ ‘сапписам̣сат̣т̣хам̣ бхаттам̣ саппибхатта’’нти айаматтхо на екантато пан̃н̃а̄йати. еса найо ‘‘наванӣтабхаттам̣ дехӣ’’тиа̄дӣсупи.

пуриманайенева̄ти ‘‘бхаттам̣ датва̄ саппим̣ катва̄ бхун̃джа̄’’ти пурименева найена. саче пана ‘‘саппина̄’’ти вутте кевалам̣ сесесу наванӣта̄дӣсу ан̃н̃атарена дети, висан̇кетамева хоти. ана̄паттӣти висан̇кетатта̄ сабба̄хийева а̄паттӣхи ана̄патти. ‘‘кин̃ча̄пи ана̄патти, аттано пана пайогена ниббаттатта̄ на бхун̃джитабба’’нти ваданти. каппийасаппина̄ти каппийамам̣сасаппина̄. еса найо акаппийасаппина̄ти еттха̄пи. каппийа̄каппийата̄ хи мам̣са̄нам̣йева, на саппиа̄дӣнам̣. т̣хапетва̄ екам̣ мануссаваса̄телам̣ саббесам̣ кхӣрададхисаппинаванӣтаваса̄телесу акаппийам̣ на̄ма наттхи.

парибхогепи дуккат̣амева идха анадхиппетатта̄ти адхиппа̄йо. саче асати акаппийасаппимхи пуриманайенева акаппийанаванӣта̄дӣни дети ‘‘саппим̣ катва̄ бхун̃джа̄’’ти, акаппийасаппина̄ва диннам̣ хоти. йатха̄ ча ‘‘каппийасаппина̄ дехӣ’’ти вутте акаппийасаппина̄ дети, висан̇кетам̣, евам̣ ‘‘‘акаппийасаппина̄’ти вутте каппийасаппина̄ детӣ’’ти еттха̄пи пат̣ипа̄т̣ийа̄ екамекам̣ виттха̄ретва̄ вуччама̄непи айамеваттхо ваттаббо сийа̄, со ча сан̇кхепенапи сакка̄ вин̃н̃а̄тунти виттха̄ранайам̣ хитва̄ имина̄ва найена саббападесу виниччхайо ведитабботи вуттам̣. айан̃хеттха сан̇кхепаттхо – йена йена вин̃н̃атти хоти, тасмим̣ ва̄ тасса мӯле ва̄ ладдхе там̣ там̣ ладдхамева хоти. саче пана ан̃н̃ам̣ па̄л̣ийа̄ а̄гатам̣ ва̄ ана̄гатам̣ ва̄ дети, висан̇кетанти. на̄на̄т̣т̣ха̄не ва̄ти тасмим̣йева гхаре саппим̣, итарасмим̣ наванӣтантиа̄дина̄ на̄на̄т̣т̣ха̄не ва̄.

пан̣ӣтабходжанасиккха̄падаван̣н̣ана̄ нит̣т̣хита̄.