10. рахонисаджджасиккха̄падаван̣н̣ана̄

упарӣти ачелакавагге. упанандасса чатуттхасиккха̄падена̄ти аппат̣иччханне ма̄туга̄мена саддхим̣ рахонисаджджасиккха̄падена (па̄чи. 284 а̄дайо). тан̃хи упанандаттхерам̣ а̄раббха пан̃н̃аттесу чатуттхабха̄вато ‘‘упанандасса чатуттхасиккха̄пада’’нти вуттам̣. йади екапариччхедам̣, атха касма̄ висум̣ пан̃н̃аттанти а̄ха ‘‘ат̣т̣хуппаттивасена пана висум̣ пан̃н̃атта’’нти. таттха ат̣т̣хуппаттивасена̄ти аттхасса уппаттивасена, бхиккхунийа̄ ева рахонисаджджа̄йа уппаттивасена̄ти аттхо. айам̣ хеттха̄дхиппа̄йо – чатуттхасиккха̄падаваттхуто имасса сиккха̄падасса ваттхуно пат̣хамам̣ уппаннатта̄ екапариччхедепи идам̣ пат̣хамам̣ висум̣ пан̃н̃аттанти.

рахонисаджджасиккха̄падаван̣н̣ана̄ нит̣т̣хита̄.

ова̄давагго татийо.