3. песун̃н̃асиккха̄падаван̣н̣ана̄

бхиккхупесун̃н̃ети писатӣти писун̣а̄, йа̄йа ва̄ча̄йа самагге сатте авайавабхӯте вагге бхинне кароти, са̄ ва̄ча̄ писун̣а̄, писун̣а̄ ева песун̃н̃ам̣, та̄йа ва̄ча̄йа саманна̄гато писун̣о, тасса каммам̣ песун̃н̃ам̣, бхиккхусса песун̃н̃ам̣ бхиккхупесун̃н̃ам̣, тасмим̣ бхиккхупесун̃н̃е, бхиккхуто сутва̄ бхиккхуна̄, бхиккхусса ва̄ упасам̣хат̣апесун̃н̃ети аттхо. тена̄ха ‘‘джа̄тиа̄дӣхӣ’’тиа̄ди. тан̃ча кхо двӣхи ка̄ран̣ехи упасам̣харатӣти а̄ха ‘‘бхиккхуно пийакамйата̄йа ва̄’’тиа̄ди. таттха бхиккхуно пийакамйата̄йа̄ти йасса там̣ бха̄сати, тасса бхиккхуно ‘‘евамахам̣ етасса пийо бхависса̄мӣ’’ти аттано пийабха̄вам̣ паттхайама̄ната̄йа. бхеда̄дхиппа̄йена̄ти ‘‘евамайам̣ тена саддхим̣ бхиджджиссатӣ’’ти парасса парена бхедам̣ иччхантена. атха ва̄ пийасун̃н̃акаран̣ато песун̃н̃ам̣ (са̄раттха. т̣ӣ. па̄читтийа 3.36) нируттинайена, йа̄йа ва̄ча̄йа йасса там̣ бха̄сати, тасса хадайе аттано пийабха̄вам̣, парасса ча сун̃н̃абха̄вам̣ кароти, са̄ ва̄ча̄, ‘‘бхиккхусса песун̃н̃ам̣ бхиккхупесун̃н̃а’’нтиа̄дина̄ евампеттха аттхо дат̣т̣хаббо. ‘‘вуттанайенева̄ти ‘‘джа̄тиа̄дӣхи аккосаваттхӯхӣ’’тиа̄дина̄ вуттанайена.

па̄л̣имуттакааккосӯпасам̣ха̄рети ‘‘чоросӣ’’тиа̄дина̄ аккосасса упасам̣ха̄ре. ‘‘анаккосаваттхубхӯтам̣ пана песун̃н̃акарам̣ тасса кирийам̣, вачанам̣ ва̄ пийакамйата̄йа упасам̣харантасса кин̃ча̄пи имина̄ сиккха̄падена а̄патти на диссати, татха̄пи дуккат̣ена бхавитабба’’нти (са̄раттха. т̣ӣ. па̄читтийа 3.36) ваданти. па̄пагарахита̄йа вадантасса̄ти екам̣ аккосантам̣, екан̃ча кхамантам̣ дисва̄ ‘‘ахо нилладжджо, ӣдисампи на̄ма бхавантам̣ пуна ваттаббам̣ ман̃н̃иссатӣ’’ти евам̣ кевалам̣ па̄пагарахита̄йа бхан̣антасса.

песун̃н̃асиккха̄падаван̣н̣ана̄ нит̣т̣хита̄.