24. авигатапаччайаниддесаван̣н̣ана̄
24. авигатапаччайаниддесе чатта̄ро кхандха̄тиа̄дӣнам̣ сабба̄ка̄рена аттхипаччайаниддесе вуттанайенева аттхо ведитаббо. имассапи хи паччайасса аттхипаччайена саддхим̣ бйан̃джанаматтейева на̄наттам̣, на аттхети.
авигатапаччайаниддесаван̣н̣ана̄.
паччайаниддесапакин̣н̣акавиниччхайакатха̄
ида̄ни евам̣ уддесаниддесато дасситесу имесу чатувӣсатийа̄ паччайесу н̃а̄н̣ача̄расса висадабха̄ваттхам̣ анекадхамма̄нам̣ екапаччайабха̄вато, екадхаммасса анекапаччайабха̄вато, екапаччайасса анекапаччайабха̄вато, паччайасабха̄гато, паччайависабха̄гато, йугал̣акато, джанака̄джанакато, саббат̣т̣ха̄ника̄саббат̣т̣ха̄никато, рӯпам̣ рӯпасса̄тиа̄дивикаппато, бхавабхедатоти имесам̣ дасаннам̣ пада̄нам̣ васена пакин̣н̣акавиниччхайо ведитаббо. таттха анекадхамма̄нам̣ екапаччайабха̄ватоти етесу хи т̣хапетва̄ каммапаччайам̣ авасесесу тевӣсатийа̄ паччайесу анекадхамма̄ екато паччайа̄ хонти. каммапаччайо пана еко четана̄дхаммойева̄ти евам̣ та̄веттха анекадхамма̄нам̣ екапаччайабха̄вато виниччхайо ведитаббо.
екадхаммасса анекапаччайабха̄ватоти хетупаччайе та̄ва амохо еко дхаммо. со пуреджа̄такамма̄ха̄раджха̄напаччайова на хоти, сеса̄нам̣ вӣсатийа̄ паччайа̄нам̣ васена паччайо хоти. алобха̄доса̄ индрийамаггапаччайа̄пи на хонти, сеса̄нам̣ ат̣т̣ха̄расаннам̣ паччайа̄нам̣ васена паччайа̄ хонти. лобхамоха̄ випа̄капаччайа̄пи на хонти, сеса̄нам̣ саттарасаннам̣ паччайа̄нам̣ васена паччайа̄ хонти. досо адхипатипаччайопи на хоти, сеса̄нам̣ сол̣асаннам̣ паччайа̄нам̣ васена паччайо хоти. а̄рамман̣апаччайе рӯпа̄йатанам̣ чаккхувин̃н̃а̄н̣адха̄туйа̄ а̄рамман̣апуреджа̄тааттхиавигатавасена чатудха̄ паччайо; татха̄ манодха̄туйа̄ ахетукамановин̃н̃а̄н̣адха̄туйа̄ ча. сахетука̄йа пана а̄рамман̣а̄дхипатиа̄рамман̣ӯпаниссайавасена̄пи паччайо хоти. имина̄ найена саббесам̣ а̄рамман̣апаччайадхамма̄нам̣ анекапаччайабха̄во ведитаббо.
адхипатипаччайе а̄рамман̣а̄дхипатино а̄рамман̣апаччайе вуттанайенева анекапаччайабха̄во ведитаббо. сахаджа̄та̄дхипатӣсу вӣмам̣са̄ амохахету вийа вӣсатидха̄ паччайо хоти. чхандо хетупуреджа̄такаммаа̄ха̄раиндрийаджха̄намаггапаччайо на хоти, сеса̄нам̣ саттарасаннам̣ паччайа̄нам̣ васена паччайо хоти. читтам̣ хетупуреджа̄такаммаджха̄намаггапаччайо на хоти, сеса̄нам̣ екӯнавӣсатийа̄ паччайа̄нам̣ васена паччайо хоти. вӣрийам̣ хетупуреджа̄такамма̄ха̄раджха̄напаччайо на хоти, сеса̄нам̣ екӯнавӣсатийа̄ васена паччайо хоти.
анантарапаччайе ‘‘чаккхувин̃н̃а̄н̣адха̄тӯ’’тиа̄дина̄ найена вуттесу чатӯсу кхандхесу ведана̄ккхандхо хетупуреджа̄такамма̄ха̄рамаггапаччайо на хоти, сеса̄нам̣ екӯнавӣсатийа̄ васена паччайо хоти. сан̃н̃а̄ккхандхо индрийаджха̄напаччайопи на хоти, сеса̄нам̣ саттарасаннам̣ васена паччайо хоти. сан̇кха̄раккхандхе хетӯ хетупаччайе вуттанайена, чхандавӣрийа̄ни адхипатипаччайе вуттанайенева паччайа̄ хонти. пхассо хетупуреджа̄такаммаиндрийаджха̄намаггапаччайо на хоти, сеса̄нам̣ ат̣т̣ха̄расаннам̣ васена паччайо хоти. четана̄ хетупуреджа̄таиндрийаджха̄намаггапаччайо на хоти. сеса̄нам̣ екӯнавӣсатийа̄ васена паччайо хоти. витакко хетупуреджа̄такамма̄ха̄риндрийапаччайо на хоти, сеса̄нам̣ екӯнавӣсатийа̄ васена паччайо хоти. вича̄ро маггапаччайопи на хоти, сеса̄нам̣ ат̣т̣ха̄расаннам̣ васена паччайо хоти. пӣти тесан̃н̃ева васена паччайо хоти. читтекаггата̄ хетупуреджа̄такамма̄ха̄рапаччайо на хоти, сеса̄нам̣ вӣсатийа̄ васена паччайо хоти. саддха̄ хетупуреджа̄такамма̄ха̄раджха̄намаггапаччайо на хоти, сеса̄нам̣ ат̣т̣ха̄расаннам̣ васена паччайо хоти. сати техи чева маггапаччайена ча̄ти екӯнавӣсатийа̄ васена паччайо хоти. джӣвитиндрийам̣ саддха̄йа вутта̄нам̣ ат̣т̣ха̄расаннам̣ васена паччайо хоти. хироттаппам̣ тато индрийапаччайам̣ апанетва̄ сеса̄нам̣ саттарасаннам̣ васена паччайо хоти. татха̄ ка̄йапассаддха̄дӣни йугал̣ака̄ни, йева̄панакесу адхимоккхаманасика̄рататрамаджджхаттата̄ карун̣а̄мудита̄ ча. виратийо пана техи чева маггапаччайена ча̄ти ат̣т̣ха̄расадха̄ паччайа̄ хонти. миччха̄дит̣т̣хи тато випа̄капаччайам̣ апанетва̄ саттарасадха̄, миччха̄ва̄ча̄камманта̄джӣва̄ техи чева камма̄ха̄рапаччайехи ча̄ти екӯнавӣсатидха̄. ахирикам̣ аноттаппам̣ ма̄но тхинам̣ миддхам̣ уддхаччанти име хетупуреджа̄такаммавипа̄ка̄ха̄риндрийаджха̄намаггапаччайа̄ на хонти, сеса̄нам̣ пана сол̣асаннам̣ паччайа̄нам̣ васена паччайа̄ хонти. вичикиччха̄исса̄маччхарийакуккучча̄ни тато адхипатипаччайам̣ апанетва̄ паннарасадха̄ вин̃н̃а̄н̣аккхандхасса. адхипатипаччайе вуттанайенева анекапаччайабха̄во ведитаббо. саманантарапаччайепи есева найо.
сахаджа̄тапаччайе чатӯсу та̄ва кхандхесу екекасса дхаммасса анекапаччайабха̄во вуттанайенева ведитаббо. чатта̄ри маха̄бхӯта̄ни а̄рамман̣аа̄рамман̣а̄дхипатисахаджа̄таан̃н̃аман̃н̃аниссайаупаниссайапуреджа̄тааттхиавигатавасена навадха̄ паччайа̄ хонти. хадайаваттху тесан̃чева виппайуттасса ча васена дасадха̄ паччайо хоти. ан̃н̃аман̃н̃апаччайе апуббам̣ наттхи. ниссайапаччайе чаккха̄йатана̄дӣни а̄рамман̣аа̄рамман̣а̄дхипатиниссайаупаниссайапуреджа̄таиндрийавиппайуттааттхиавигатавасена навадха̄ паччайа̄ хонти. упаниссайе апуббам̣ наттхи. пуреджа̄тапаччайе рӯпасаддагандхараса̄йатана̄ни а̄рамман̣аа̄рамман̣а̄дхипатиупаниссайапуреджа̄тааттхиавигатавасена чхадха̄ паччайа̄ хонти. еттакамеветтха апуббам̣. паччха̄джа̄та̄дӣсу апуббам̣ наттхи. а̄ха̄рапаччайе кабал̣ӣка̄ра̄ха̄ро а̄рамман̣аа̄рамман̣а̄дхипатиупаниссайаа̄ха̄рааттхиавигатавасена чхадха̄ паччайо хоти. индрийа̄дӣсу апуббам̣ наттхи. еваметтха екадхаммасса анекапаччайабха̄ватопи вин̃н̃а̄таббо виниччхайо.
екапаччайасса анекапаччайабха̄ватоти хетупаччайа̄дӣсу йасса кассачи екасса паччайасса йена̄ка̄рена йенаттхена йо паччайуппанна̄нам̣ паччайо хоти, там̣ а̄ка̄рам̣ там̣ аттхам̣ авиджахитва̄ва ан̃н̃ехипи йеха̄ка̄рехи йехи аттхехи со тасмин̃н̃ева кхан̣е тесам̣ дхамма̄нам̣ анекапаччайабха̄вам̣ гаччхати, тато анекапаччайабха̄вато тасса виниччхайо ведитабботи аттхо. сеййатхидам̣ – амохо хетупаччайо, со хетупаччайаттам̣ авиджахантова адхипатисахаджа̄таан̃н̃аман̃н̃аниссайавипа̄каиндрийамаггасампайуттавиппайуттааттхиавигата̄нам̣ васена апарехипи ека̄дасаха̄ка̄рехи анекапаччайабха̄вам̣ гаччхати. алобха̄доса̄ тато адхипатииндрийамаггапаччайе тайо апанетва̄ сеса̄нам̣ васена анекапаччайабха̄вам̣ гаччханти. идам̣ випа̄кахетӯсуйева лаббхати, кусалакирийесу пана випа̄капаччайата̄ париха̄йати. лобхадосамоха̄ те тайо випа̄кан̃ча̄ти чатта̄ро апанетва̄ сеса̄нам̣ васена анекапаччайабха̄вам̣ гаччханти.
а̄рамман̣апаччайо там̣ а̄рамман̣апаччайаттам̣ авиджахантам̣йева а̄рамман̣а̄дхипатиниссайаупаниссайапуреджа̄тавиппайуттааттхиавигата̄нам̣ васена апарехипи саттаха̄ка̄рехи анекапаччайабха̄вам̣ гаччхати. айаметтха уккат̣т̣хапариччхедо, арӯпадхамма̄нам̣ пана атӣта̄на̄гата̄нам̣ ва̄ рӯпадхамма̄нам̣ а̄рамман̣апаччайабха̄ве сати а̄рамман̣а̄дхипатиа̄рамман̣ӯпаниссайаматтан̃н̃ева уттари лаббхати. адхипатипаччайе вӣмам̣са̄ амохасадиса̄. чхандо адхипатипаччайо адхипатипаччайаттам̣ авиджахантова сахаджа̄таан̃н̃аман̃н̃аниссайавипа̄касампайуттавиппайуттааттхиавигата̄нам̣ васена апарехипи ат̣т̣хаха̄ка̄рехи анекапаччайабха̄вам̣ гаччхати. вӣрийам̣ тесан̃чева индрийамаггапаччайа̄нан̃ча̄ти имесам̣ васена апарехипи дасаха̄ка̄рехи анекапаччайабха̄вам̣ гаччхати. читтам̣ тато маггапаччайам̣ апанетва̄ а̄ха̄рапаччайам̣ паккхипитва̄ имесам̣ васена адхипатипаччайато уттари дасаха̄ка̄рехи анекапаччайабха̄вам̣ гаччхати. а̄рамман̣а̄дхипатино пана хет̣т̣ха̄ а̄рамман̣апаччайе вуттанайенева анекапаччайабха̄во ведитаббо.
анантарасаманантарапаччайа̄ анантарасаманантарапаччайаттам̣ авиджаханта̄ва упаниссайакаммаа̄севананаттхивигата̄нам̣ васена апарехипи пан̃чаха̄ка̄рехи анекапаччайабха̄вам̣ гаччханти. арийамаггачетана̄йева четтха каммапаччайатам̣ лабхати, на сесадхамма̄. сахаджа̄тапаччайо сахаджа̄тапаччайаттам̣ авиджахантова хетуадхипатиан̃н̃аман̃н̃аниссайакаммавипа̄каа̄ха̄раиндрийаджха̄намаггасампайуттавиппайуттааттхиавигата̄нам̣ васена апарехи чуддасаха̄ка̄рехи анекапаччайабха̄вам̣ гаччхати. айампи уккат̣т̣хапариччхедо ваттхусахаджа̄та̄дӣнам̣ пана васенеттха хетупаччайа̄дӣнам̣ абха̄вопи ведитаббо. ан̃н̃аман̃н̃апаччайепи есева найо.
ниссайапаччайо ниссайапаччайаттам̣ авиджахантова чатувӣсатийа̄ паччайесу аттано ниссайапаччайаттан̃чева анантарасаманантарапаччха̄джа̄таа̄севананаттхивигатапаччайе ча чха апанетва̄ сеса̄нам̣ васена апарехипи саттарасаха̄ка̄рехи анекапаччайабха̄вам̣ гаччхати. айампи уккат̣т̣хапариччхедова ваттхуниссайа̄дӣнам̣ пана васенеттха хетупаччайа̄дӣнам̣ а̄бха̄вопи ведитаббо.
упаниссайапаччайе а̄рамман̣ӯпаниссайо а̄рамман̣а̄дхипатисадисо. анантарӯпаниссайо анантарӯпаниссайапаччайаттам̣ авиджахантова анантарасаманантаракаммаа̄севананаттхивигата̄нам̣ васена апарехипи чхаха̄ка̄рехи анекапаччайабха̄вам̣ гаччхати. арийамаггачетана̄йева четтха каммапаччайатам̣ лабхати, на сесадхамма̄. пакатӯпаниссайо пакатӯпаниссайова. пуреджа̄тапаччайо аттано пуреджа̄тапаччайаттам̣ авиджахантова а̄рамман̣аа̄рамман̣а̄дхипатиниссайаупаниссайаиндрийавиппайуттааттхиавигата̄нам̣ васена апарехипи ат̣т̣хаха̄ка̄рехи анекапаччайабха̄вам̣ гаччхати. айампи уккат̣т̣ханиддесова а̄рамман̣апуреджа̄те панеттха ниссайаиндрийавиппайуттапаччайата̄ на лаббхати. ито уттарипи лаббхама̄на̄лаббхама̄нам̣ ведитаббам̣. паччха̄джа̄тапаччайо аттано паччха̄джа̄тапаччайабха̄вам̣ авиджахантова виппайуттааттхиавигата̄нам̣ васена апарехипи тӣха̄ка̄рехи анекапаччайабха̄вам̣ гаччхати. а̄севанапаччайо а̄севанапаччайаттам̣ авиджахантова анантарасаманантараупаниссайанаттхивигата̄нам̣ васена апарехипи пан̃чаха̄ка̄рехи анекапаччайабха̄вам̣ гаччхати.
каммапаччайо каммапаччайаттам̣ авиджахантова екаккхан̣ико та̄ва сахаджа̄таан̃н̃аман̃н̃аниссайавипа̄каа̄ха̄расампайуттавиппайуттааттхиавигата̄нам̣ васена апарехипи наваха̄ка̄рехи анекапаччайабха̄вам̣ гаччхати. на̄на̄ккхан̣ико упаниссайаанантарасаманантаранаттхивигата̄нам̣ васена апарехипи пан̃чаха̄ка̄рехи анекапаччайабха̄вам̣ гаччхати. випа̄капаччайо випа̄капаччайаттам̣ авиджахантова хетуадхипатисахаджа̄таан̃н̃аман̃н̃аниссайакаммаа̄ха̄раиндрийаджха̄намаггасампайуттавиппайуттааттхиавигата̄нам̣ васена апарехипи чуддасаха̄ка̄рехи анекапаччайабха̄вам̣ гаччхати. а̄ха̄рапаччайе кабал̣ӣка̄ро а̄ха̄ро а̄ха̄рапаччайаттам̣ авиджахантова аттхиавигата̄нам̣ васена апарехипи двӣха̄ка̄рехи анекапаччайабха̄вам̣ гаччхати. сеса̄ тайо а̄ха̄рапаччайаттам̣ авиджаханта̄ва йатха̄нурӯпам̣ адхипатисахаджа̄таан̃н̃аман̃н̃аниссайакаммавипа̄каиндрийасампайуттавиппайуттааттхиавигата̄нам̣ васена апарехипи ека̄дасаха̄ка̄рехи анекапаччайабха̄вам̣ гаччханти.
индрийапаччайе рӯпино пан̃чиндрийа̄ индрийапаччайаттам̣ авиджаханта̄ва ниссайапуреджа̄тавиппайуттааттхиавигата̄нам̣ васена апарехипи пан̃чаха̄ка̄рехи анекапаччайабха̄вам̣ гаччханти. рӯпаджӣвитиндрийампи индрийапаччайаттам̣ авиджахантан̃н̃ева аттхиавигата̄нам̣ васена апарехипи двӣха̄ка̄рехи анекапаччайабха̄вам̣ гаччхати. арӯпино индрийа̄нипи йатха̄нурӯпам̣ индрийапаччайаттам̣ авиджаханта̄нева хетуадхипатисахаджа̄таан̃н̃аман̃н̃аниссайавипа̄каа̄ха̄раджха̄намаггасампайуттавиппайуттааттхиавигата̄нам̣ васена апарехипи терасаха̄ка̄рехи анекапаччайабха̄вам̣ гаччханти. джха̄напаччайо джха̄напаччайаттам̣ авиджахантова йатха̄нурӯпам̣ сахаджа̄таан̃н̃аман̃н̃аниссайавипа̄каиндрийамаггасампайуттавиппайуттааттхиавигата̄нам̣ васена апарехипи дасаха̄ка̄рехи анекапаччайабха̄вам̣ гаччхати. маггапаччайо маггапаччайаттам̣ авиджахантова йатха̄нурӯпам̣ джха̄напаччайе вутта̄нам̣ дасаннам̣ хетуадхипатӣнан̃ча̄ти имесам̣ васена апарехипи два̄дасаха̄ка̄рехи анекапаччайабха̄вам̣ гаччхати.
сампайуттапаччайо сампайуттапаччайаттам̣ авиджахантова йатха̄нурӯпам̣ хетуадхипатисахаджа̄таан̃н̃аман̃н̃аниссайакаммавипа̄каа̄ха̄раиндрийаджха̄намаггааттхиавигата̄нам̣ васена апарехипи терасаха̄ка̄рехи анекапаччайабха̄вам̣ гаччхати. виппайуттапаччайо виппайуттапаччайаттам̣ авиджахантова анантарасаманантараа̄севанасампайуттанаттхивигатасан̇кха̄те чха паччайе апанетва̄ сеса̄нам̣ васена йатха̄нурӯпам̣ апарехипи саттарасаха̄ка̄рехи анекапаччайабха̄вам̣ гаччхати. таттха рӯпасса ча арӯпасса ча паччайавибха̄го ведитаббо. аттхипаччайо аттхипаччайаттам̣ авиджахантова анантарасаманантараа̄севананаттхивигатасан̇кха̄те пан̃ча паччайе апанетва̄ сеса̄нам̣ васена йатха̄нурӯпам̣ апарехи ат̣т̣ха̄расаха̄ка̄рехи анекапаччайабха̄вам̣ гаччхати. наттхипаччайавигатапаччайа̄ анантарапаччайасадиса̄. авигатапаччайо аттхипаччайасадисойева̄ти еваметтха екапаччайасса анекапаччайабха̄ватопи вин̃н̃а̄таббо виниччхайо.
паччайасабха̄гатоти етесу хи чатувӣсатийа̄ паччайесу анантарасаманантараанантарӯпаниссайаа̄севананаттхивигата̄ сабха̄га̄, татха̄ а̄рамман̣аа̄рамман̣а̄дхипатиа̄рамман̣ӯпаниссайа̄ти имина̄ упа̄йенеттха паччайасабха̄гатопи вин̃н̃а̄таббо виниччхайо.
паччайависабха̄гатоти пуреджа̄тапаччайо панеттха паччха̄джа̄тапаччайена висабха̄го, татха̄ сампайуттапаччайо виппайуттапаччайена, аттхипаччайо наттхипаччайена, вигатапаччайо авигатапаччайена̄ти имина̄ упа̄йенеттха паччайависабха̄гатопи вин̃н̃а̄таббо виниччхайо.
йугал̣акатоти етесу ча аттхасариккхата̄йа, саддасариккхата̄йа, ка̄лапат̣ипаккхата̄йа, хетупхалата̄йа, ан̃н̃аман̃н̃апат̣ипаккхата̄йа̄ти имехи ка̄ран̣ехи йугал̣акато вин̃н̃а̄таббо виниччхайо. анантарасаманантара̄ хи аттхасариккхата̄йа екам̣ йугал̣акам̣ на̄ма; ниссайӯпаниссайа̄ саддасариккхата̄йа, пуреджа̄тапаччха̄джа̄та̄ ка̄лапат̣ипаккхата̄йа, каммапаччайавипа̄капаччайа̄ хетупхалата̄йа, сампайуттавиппайуттапаччайа̄ ан̃н̃аман̃н̃апат̣ипаккхата̄йа екам̣ йугал̣акам̣ на̄ма, татха̄ аттхинаттхипаччайа̄, вигата̄вигатапаччайа̄ ча̄ти еваметтха йугал̣акатопи вин̃н̃а̄таббо виниччхайо. джанака̄джанакатоти етесу ча анантарасаманантара̄нантарӯпаниссайапакатӯпаниссайа̄севанапаччайа̄ на̄на̄ккхан̣ико, каммапаччайо, наттхивигатапаччайа̄ти име паччайа̄ джанака̄йева, на аджанака̄. паччха̄джа̄тапаччайо кевалам̣ упаттхамбхакойева, на джанако. сеса̄ джанака̄ ча аджанака̄ ча упаттхамбхака̄ ча̄ти аттхо. еваметтха джанака̄джанакатопи вин̃н̃а̄таббо виниччхайо.
саббат̣т̣ха̄ника̄саббат̣т̣ха̄никатоти етесу ча сахаджа̄таниссайааттхиавигатапаччайа̄ саббат̣т̣ха̄ника̄ на̄ма, саббесам̣ сан̇кхата̄нам̣ рӯпа̄рӯпадхамма̄нам̣ т̣ха̄набхӯта̄ ка̄ран̣абхӯта̄ти аттхо. етехи вина̄ уппаджджама̄но екадхаммопи наттхӣти. а̄рамман̣аа̄рамман̣а̄дхипатианантарасаманантара̄нантарӯпаниссайапакатӯпаниссайа̄севанасампайуттанаттхивигатапаччайа̄ асаббат̣т̣ха̄ника̄ на̄ма. на саббесам̣ рӯпа̄рӯпадхамма̄нам̣ т̣ха̄набхӯта̄, арӯпаккхандха̄нан̃н̃ева пана т̣ха̄набхӯта̄ ка̄ран̣абхӯта̄ти аттхо. арӯпадхамма̄йева хи етехи уппаджджанти, на рӯпадхамма̄. пуреджа̄тапаччха̄джа̄та̄пи асаббат̣т̣ха̄ника̄ арӯпарӯпа̄нан̃н̃ева йатха̄ккамена паччайабха̄вато. вутта̄васеса̄пи екачча̄нам̣ рӯпа̄рӯпадхамма̄нам̣ уппаттихетуто на саббат̣т̣ха̄ника̄ти еваметтха саббат̣т̣ха̄ника̄ саббат̣т̣ха̄никатопи вин̃н̃а̄таббо виниччхайо.
рӯпам̣ рӯпасса̄тиа̄дивикаппатоти етесу ча чатувӣсатийа̄ паччайесу екапаччайопи екантена рӯпамева хутва̄ рӯпассева паччайо на̄ма наттхи, екантена пана рӯпам̣ хутва̄ арӯпассева паччайо на̄ма аттхи. катаро панесоти? пуреджа̄тапаччайо. пуреджа̄тапаччайо хи екантена рӯпамева хутва̄ арӯпассева паччайо хоти. екантена рӯпамева хутва̄ рӯпа̄рӯпассева паччайо на̄ма̄типи наттхи, екантена пана арӯпам̣ хутва̄ арӯпассева паччайо на̄ма аттхи. катаро панесоти? анантарасаманантараа̄севанасампайуттанаттхивигатавасена чхаббидхо. со хи саббопи екантена арӯпамева хутва̄ арӯпассева паччайо хоти. екантена арӯпамева хутва̄пи екантена рӯпассева паччайо на̄ма̄типи аттхи. катаро панесоти? паччха̄джа̄тапаччайо. со хи екантена арӯпам̣ хутва̄ рӯпассева паччайо хоти; екантена пана арӯпадхаммова хутва̄ рӯпа̄рӯпа̄нам̣ паччайопи аттхи. катаро панесоти? хетукаммавипа̄каджха̄намаггавасена пан̃чавидхо. со хи саббопи екантена арӯпамева хутва̄ рӯпадхамма̄нам̣ арӯпадхамма̄нампи паччайо хоти. екантена пана рӯпа̄рӯпамева хутва̄ рӯпассева паччайо на̄ма̄типи наттхи, арӯпассева пана хоти. катаро панесоти? а̄рамман̣апаччайо чева упаниссайапаччайо ча. идан̃хи двайам̣ екантена рӯпа̄рӯпамева хутва̄ арӯпассева паччайо хоти. екантена рӯпа̄рӯпамева хутва̄ пана рӯпа̄рӯпассева паччайо на̄ма̄типи аттхи. катаро панесоти? адхипатисахаджа̄таан̃н̃аман̃н̃аниссайаа̄ха̄раиндрийавиппайуттааттхиавигатавасена нававидхо. со хи саббопи екантена рӯпа̄рӯпамева хутва̄ рӯпа̄рӯпассева паччайо хотӣти еваметтха рӯпам̣ рӯпасса̄тиа̄дивикаппатопи вин̃н̃а̄таббо виниччхайо.
бхавабхедатоти имесу пана чатувӣсатийа̄ паччайесу пан̃чавока̄рабхаве та̄ва на кочи паччайо на лаббхати на̄ма. чатувока̄рабхаве пана тайо пуреджа̄тапаччха̄джа̄тавиппайуттапаччайе апанетва̄ сеса̄ екавӣсатимева лаббханти. екавока̄рабхаве сахаджа̄таан̃н̃аман̃н̃аниссайакаммаиндрийааттхиавигатавасена саттева лаббханти. ба̄хире пана аниндрийабаддхарӯпе сахаджа̄таан̃н̃аман̃н̃аниссайааттхиавигатавасена пан̃чева лаббхантӣти еваметтха бхавабхедатопи вин̃н̃а̄таббо виниччхайоти.
паччайаниддесава̄раван̣н̣ана̄ нит̣т̣хита̄.