19. сампайуттапаччайаниддесаван̣н̣ана̄

19. сампайуттапаччайаниддесе па̄л̣и утта̄наттха̄ ева. айам̣ пана сампайуттапаччайо на̄ма сан̇кхепато саббепи арӯпино кхандха̄. пабхедато панеса джа̄тито кусала̄дӣнам̣, бхӯмито ча ка̄ма̄вачара̄дӣнам̣ васена анекадха̄ бхиджджатӣти еваметтха на̄наппака̄рабхедато вин̃н̃а̄таббо виниччхайо. евам̣ бхинне панеттха чатубхӯмакесупи кусалаккхандхесу еко кхандхо тин̣н̣ам̣ кхандха̄нам̣, тайо екасса, две двиннанти евам̣ саббепи ан̃н̃аман̃н̃ам̣ сампайуттапаччайена паччайо. акусалавипа̄какирийаккхандхесупи есева найоти еваметтха паччайуппаннатопи вин̃н̃а̄таббо виниччхайоти.

сампайуттапаччайаниддесаван̣н̣ана̄.