১০. রহোনিসজ্জসিক্খাপদৰণ্ণনা

উপরীতি অচেলকৰগ্গে. উপনন্দস্স চতুত্থসিক্খাপদেনাতি অপ্পটিচ্ছন্নে মাতুগামেন সদ্ধিং রহোনিসজ্জসিক্খাপদেন (পাচি. ২৮৪ আদযো). তঞ্হি উপনন্দত্থেরং আরব্ভ পঞ্ঞত্তেসু চতুত্থভাৰতো ‘‘উপনন্দস্স চতুত্থসিক্খাপদ’’ন্তি ৰুত্তং. যদি একপরিচ্ছেদং, অথ কস্মা ৰিসুং পঞ্ঞত্তন্তি আহ ‘‘অট্ঠুপ্পত্তিৰসেন পন ৰিসুং পঞ্ঞত্ত’’ন্তি. তত্থ অট্ঠুপ্পত্তিৰসেনাতি অত্থস্স উপ্পত্তিৰসেন, ভিক্খুনিযা এৰ রহোনিসজ্জায উপ্পত্তিৰসেনাতি অত্থো. অযং হেত্থাধিপ্পাযো – চতুত্থসিক্খাপদৰত্থুতো ইমস্স সিক্খাপদস্স ৰত্থুনো পঠমং উপ্পন্নত্তা একপরিচ্ছেদেপি ইদং পঠমং ৰিসুং পঞ্ঞত্তন্তি.

রহোনিসজ্জসিক্খাপদৰণ্ণনা নিট্ঠিতা.

ওৰাদৰগ্গো ততিযো.