༤. པ་ཧཱ་ར་སི་ཀྑཱ་པ་ད་ཝ་ཎྞ་ནཱ

པ་ཧཱ་རཾ ད་དེ་ཡྻཱཏི ཨ་ནྟ་མ་སོ ཨུ་པྤ་ལ་པ་ཏྟཾ ཨུ་པཱ་དཱ་ཡ ཀཱ་ཡ་ཀཱ་ཡ་པྤ་ཊི་བ་དྡྷ་ནི་སྶ་གྒི་ཡཱ་ནཾ ཨ་ཉྙ་ཏ་རེ་ན པ་ཧཱ་རཾ ད་དེ་ཡྻ. ཨེ་ཝཾ པ་ན པ་ཧཱ་རེ དི་ནྣེ ཧ་ཏྠོ ཝཱ བྷི་ཛྫ་ཏུ, པཱ་དོ ཝཱ སཱི་སཾ ཝཱ, མ་ར་ཏུ ཝཱ, པཱ་ཙི་ཏྟི་ཡ་མེ་ཝ. ཏེ་ནཱ་ཧ ‘‘པ་ཧ་རི་ཏུ་ཀཱ་མ་ཏཱ་ཡཱ’’ཏི་ཨཱ་དི.

ཨ་ནུ་པ་ས་མྤ་ནྣེཏི ག་ཧ་ཊྛེ ཝཱ པ་བྦ་ཛི་ཏེ ཝཱ ཨི་ཏྠི་ཡཱ ཝཱ པུ་རི་སེ ཝཱ ཨ་ནྟ་མ་སོ ཏི་ར་ཙྪཱ་ན་ག་ཏེ་པི. ས་ཙེ པ་ན ར་ཏྟ་ཙི་ཏྟོ ཨི་ཏྠིཾ པ་ཧ་ར་ཏི, ས་ངྒྷཱ་དི་སེ་སོ. ཀེ་ན་ཙི ཝི་ཧེ་ཋི་ཡ་མཱ་ན་སྶཱཏི མ་ནུ་སྶེ་ན ཝཱ ཏི་ར་ཙྪཱ་ན་ག་ཏེ་ན ཝཱ ཝི་ཧེ་ཋི་ཡ་མཱ་ན་སྶ. མོ་ཀྑཱ་དྷི་པྤཱ་ཡ་སྶཱཏི ཏ་ཏོ ཨ་ཏྟ་ནོ མོ་ཀྑཾ པ་ཏྠ་ཡ་མཱ་ན་སྶ. ས་ཙེ་པི ཨ་ནྟ་རཱ་མ་གྒེ (པཱ་ཙི. ཨ་ཊྛ. ༤༥༣) ཙོ་རཾ ཝཱ པ་ཙྩ་ཏྠི་ཀཾ ཝཱ ཝི་ཧེ་ཋེ་ཏུ་ཀཱ་མཾ དི་སྭཱ ‘‘ཨུ་པཱ་ས་ཀ, ཨེ་ཏྠེ་ཝ ཏི་ཊྛ, མཱ ཨཱ་ག་མི་ཏྠཱ’’ཏི ཝ་ཏྭཱ ཝ་ཙ་ནཾ ཨ་ནཱ་དི་ཡི་ཏྭཱ ཨཱ་ག་ཙྪ་ནྟཾ ‘‘ག་ཙྪ རེ’’ཏི མུ་གྒ་རེ་ན ཝཱ ས་ཏྠ་ཀེ་ན ཝཱ པ་ཧ་རི་ཏྭཱ ཡཱ་ཏི, སོ ཙེ ཏེ་ན པ་ཧཱ་རེ་ན མ་ར་ཏི, ཨ་ནཱ་པ་ཏྟི་ཡེ་ཝ. ཝཱ་ལ༹་མི་གེ་སུ་པི ཨེ་སེ་ཝ ན་ཡོ.

པ་ཧཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.