༡. ས་ཧ་དྷ་མྨི་ཀ་སི་ཀྑཱ་པ་ད་ཝ་ཎྞ་ནཱ

ས་ཧ་དྷ་མྨི་ཀཾ ཝུ་ཙྩ་མཱ་ནོཏི ས་ཧ་དྷ་མྨི་ཀེ་ན ཝུ་ཙྩ་མཱ་ནོ. ཀ་ར་ཎ་ཏྠེ ཙེ་ཏཾ ཨུ་པ་ཡོ་ག་ཝ་ཙ་ནཾ. ‘‘པ་ཉྩ་ཧི ས་ཧ་དྷ་མྨི་ཀེ་ཧི སི་ཀྑི་ཏ་བྦ་ཏྟཱ, ཏེ་སཾ ཝཱ ས་ནྟ་ཀ་ཏྟཱ ‘ས་ཧ་དྷ་མྨི་ཀ’ནྟི ལ་དྡྷ་ནཱ་མེ་ན བུ་དྡྷ་པ་ཉྙ་ཏྟེ་ན སི་ཀྑཱ་པ་དེ་ན ཝུ་ཙྩ་མཱ་ནོ་ཏི ཨ་ཏྠོ’’ཏི (ཀ་ངྑཱ. ཨ་ཊྛ. དུ་བྦ་ཙ་སི་ཀྑཱ་པ་ད་ཝ་ཎྞ་ནཱ; པཱ་རཱ. ཨ་ཊྛ. ༢.༤༢༥-༤༢༦) དུ་བྦ་ཙ་སི་ཀྑཱ་པ་དེ ཝུ་ཏྟ་ཏྟཱ ‘‘ས་ཧ་དྷ་མྨི་ཀཾ ཝུ་ཙྩ་མཱ་ནོ་ཏི ཨི་མ་སྶ་ཏྠོ དུ་བྦ་ཙ་སི་ཀྑཱ་པ་དེ ཝུ་ཏྟོ’’ཏི ཝུ་ཏྟཾ. ཨ་ནཱ་ད་རི་ཡ་བྷ་ཡཱཏི ཨ་ནཱ་ད་ར་ཀ་ར་ཎེ བྷ་ཡཱ, ཏ་ཏྠ པཱ་ཙི་ཏྟི་ཡ་བྷ་ཡཱ་ཏི ཨ་ཏྠོ. ལེ་སེ་ན ཨེ་ཝཾ ཝ་ད་ནྟ་སྶཱཏི ཨུ་ཛུ་ཀཾ ‘‘ན སི་ཀྑི་སྶཱ་མཱི’’ཏི ཨ་ཝ་ཏྭཱ ‘‘ཡཱ་ཝ ན ཨ་ཉྙཾ བྷི་ཀྑུ’’ནྟི་ཨཱ་དི་ནཱ ལེ་སེ་ན ཝ་ད་ནྟ་སྶ.

ས་ཧ་དྷ་མྨི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.