༩. ཨུ་ཀྑི་ཏྟ་ས་མྦྷོ་ག་སི་ཀྑཱ་པ་ད་ཝ་ཎྞ་ནཱ

ཨ་ཀ་ཏཱ་ནུ་དྷ་མྨེ་ནཱཏི ཨུ་ཀྑི་པི་ཏྭཱ ཨ་ནོ་སཱ་རི་ཏེ་ན. ཏེ་ནཱ་ཧ ‘‘ཨ་ནུ་དྷ་མྨོ ཝུ་ཙྩ་ཏཱི’’ཏི་ཨཱ་དི. ཨེ་ཏྠ ཨ་ནུ་དྷ་མྨོ་ཏི ཨོ་སཱ་ར་ཎཱ ཝུ་ཙྩ་ཏཱི་ཏི ས་མྦ་ནྡྷོ. ཨུ་ཀྑེ་པ་ནཱི་ཡ་ཀ་མྨ་སྶཱ་ནུ་རཱུ་པོ, པ་ཙྪཱ ཀ་ཏྟ་བྦོ ཝཱ དྷ་མྨོ་ཏི ཨ་ནུ་དྷ་མྨོ. ཨ་ནུ་ལོ་མ་ཝ་ཏྟཾ དི་སྭཱཏི ‘‘ན ཨུ་པ་ས་མྤཱ་དེ་ཏ་བྦཾ, ན ནི་སྶ་ཡོ དཱ་ཏ་བྦོ’’ཏི་ཨཱ་དི་ཀཾ (ཙཱུ་ལ༹་ཝ. ༧༠) ཨ་ཊྛཱ་ར་ས་ཝི་དྷཾ ཝ་ཏྟཾ དི་སྭཱ, ཨེ་ཏེ་སུ ཨ་ཊྛཱ་ར་ས་སུ ཨ་ནུ་ལོ་མ་ཝ་ཏྟེ་སུ ཝ་ཏྟ་ནྟཾ དི་སྭཱ་ཏི ཨ་དྷི་པྤཱ་ཡོ. ཨཱ་མི་ས་ས་མྦྷོ་གཾ ཝཱ དྷ་མྨ་ས་མྦྷོ་གཾ ཝཱཏི ཨེ་ཏྠ ཡཾ ཀི་ཉྩི ཨཱ་མི་ས་སྶ དཱ་ནཾ, པ་ཊི་གྒ་ཧ་ཎ་ཉྩ ཨཱ་མི་ས་ས་མྦྷོ་གོ. དྷ་མྨ་སྶ ཨུ་དྡི་ས་ནཾ, ཨུ་དྡི་སཱ་པ་ན་ཉྩ དྷ་མྨ་ས་མྦྷོ་གོ. སཾ་ཝ་སེ་ཡྻཱཏི ‘‘ཨུ་པོ་ས་ཐཾ ཝཱ པ་ཝཱ་ར་ཎཾ ཝཱ ས་ངྒྷ་ཀ་མྨཾ ཝཱ’’ཏི (པཱ་ཙི. ༤༢༥) ཨེ་ཝཾ པ་ད་བྷཱ་ཛ་ནི་ཡཾ ཝུ་ཏྟཾ ཏི་ཝི་དྷཾ སཾ་ཝཱ་སཾ ཀ་རེ་ཡྻ. ཡ་སྨཱ པ་ནེ་ཏྠ ཨུ་པོ་ས་ཐ་པ་ཝཱ་ར་ཎཱ་པི ས་ངྒྷེ་ཧི་ཡེ་ཝ ཀཱ་ཏ་བྦ་ཏྟཱ ས་ངྒྷ་ཀ་མྨཱ་ནིཡེ་ཝ ཧོ་ནྟི, ཏ་སྨཱ ‘‘ཨུ་པོ་ས་ཐཱ་དི་ཀཾ ས་ངྒྷ་ཀ་མྨཾ ཀ་རེ་ཡྻཱ’’ཏི ཝུ་ཏྟཾ. པ་ཡོ་གེ པ་ཡོ་གེཏི དཱ་ནེ དཱ་ནེ, ག་ཧ་ཎེ ག་ཧ་ཎེ ཙཱ་ཏི ཨ་ཏྠོ.

པ་ཎྞ་ཏྟིཾ ཨ་ཛཱ་ན་ནྟེ་ན ཨ་ར་ཧ་ཏཱ་པི ཀི་རི་ཡཱ་བྱཱ་ཀ་ཏ་ཙི་ཏྟེ་ན ཨཱ་པ་ཛྫི་ཏ་བྦ་ཏྟཱ ‘‘ཏི་ཙི་ཏྟ’’ནྟི ཝུ་ཏྟཾ.

ཨུ་ཀྑི་ཏྟ་ས་མྦྷོ་ག་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.