༩. ཝི་ཀ་པྤ་ན་སི་ཀྑཱ་པ་ད་ཝ་ཎྞ་ནཱ

ས་མྨུ་ཁེ་ན ཝི་ཀ་པྤ་ནཱ ས་མྨུ་ཁ་ཝི་ཀ་པྤ་ནཱ. པ་ར་མྨུ་ཁེ་ན ཝི་ཀ་པྤ་ནཱ པ་ར་མྨུ་ཁ་ཝི་ཀ་པྤ་ནཱ. ས་ནྣི་ཧི་ཏཱ་ས་ནྣི་ཧི་ཏ་བྷཱ་ཝནྟི ཨཱ་ས་ནྣ་དཱུ་ར་བྷཱ་ཝཾ. ཨཱ་ས་ནྣ་དཱུ་ར་བྷཱ་ཝོ ཙ ཨ་དྷི་ཊྛཱ་ནེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ.

མི་ཏྟོཏི ད་ལ༹ྷ་མི་ཏྟོ. ས་ནྡི་ཊྛོཏི དི་ཊྛ་མ་ཏྟོ ནཱ་ཏི་ད་ལ༹ྷ་མི་ཏྟོ. ཨ་ཀ་ཏ་པ་ཙྩུ་དྡྷཱ་རནྟི ‘‘མ་ཡ྄ཧཾ ས་ནྟ་ཀཾ པ་རི་བྷུ་ཉྫ ཝཱ ཝི་སྶ་ཛྫེ་ཧི ཝཱ’’ཏི་ཨཱ་དི་ནཱ ཨ་ཀ་ཏ་པ་ཙྩུ་དྡྷཱ་རཾ. ཡེ་ན ཝི་ན་ཡ་ཀ་མྨཾ ཀ་ཏནྟི ཡེ་ན ས་དྡྷིཾ ཝི་ན་ཡ་ཀ་མྨཾ ཀ་ཏཾ.

པ་རི་བྷོ་གེ་ན ཀཱ་ཡ་ཀ་མྨཾ, ཨ་པ་ཙྩུ་དྡྷཱ་རཱ་པ་ནེ་ན ཝ་ཙཱི་ཀ་མྨནྟི ཨཱ་ཧ ‘‘ས་མུ་ཊྛཱ་ནཱ་དཱི་ནི པ་ཋ་མ་ཀ་ཐི་ན་ས་དི་སཱ་ནེ་ཝཱ’’ཏི. ཀི་རི་ཡཱ་ཀི་རི་ཡནྟི ཨེ་ཏྠ པ་རི་བྷུ་ཉྫ་ནཾ ཀི་རི་ཡཾ. ཨ་པ་ཙྩུ་དྡྷཱ་རཱ་པ་ནཾ ཨ་ཀི་རི་ཡཾ.

ཝི་ཀ་པྤ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.