༢. ཨ་ངྒུ་ལི་པ་ཏོ་ད་ཀ་སི་ཀྑཱ་པ་ད་ཝ་ཎྞ་ནཱ

ཧ་སཱ་དྷི་པྤཱ་ཡ་སྶཱཏི ཁི་ཌྜཱ་དྷི་པྤཱ་ཡ་སྶ, ཨི་མི་ནཱ ཀཱ་ཡ་སཾ་ས་གྒཱ་དྷི་པྤཱ་ཡཾ པ་ཊི་ཀྑི་པ་ཏི.

ཨེ་ཏྠ ཙ བྷི་ཀྑུ་ནི་མྤི ཧ་སཱ་དྷི་པྤཱ་ཡེ་ན ཕུ་ས་ཏོ བྷི་ཀྑུ་སྶ དུ་ཀྐ་ཊཾ. ཏ་ཐཱ བྷི་ཀྑུ་མྤི ཕུ་ས་ནྟི་ཡཱ བྷི་ཀྑུ་ནི་ཡཱ་ཏི ཨཱ་ཧ ‘‘ཨི་དྷ པ་ན བྷི་ཀྑུ་ནཱིཔི བྷི་ཀྑུ་སྶ, བྷི་ཀྑུ ཙ བྷི་ཀྑུ་ནི་ཡཱ ཨ་ནུ་པ་ས་མྤ་ནྣོ ཨེ་ཝཱ’’ཏི. ཀཱ་ཡ་པྤ་ཊི་བ་དྡྷཱ་དཱི་སུ ས་བྦ་ཏྠཱཏི ‘‘ཀཱ་ཡེ་ན ཀཱ་ཡ་པྤ་ཊི་བ་དྡྷེ, ཀཱ་ཡ་པྤ་ཊི་བ་དྡྷེ་ན ཀཱ་ཡེ, ཀཱ་ཡ་པྤ་ཊི་བ་དྡྷེ་ན ཀཱ་ཡ་པྤ་ཊི་བ་དྡྷེ, ནི་སྶ་གྒི་ཡེ་ན ཀཱ་ཡེ, ནི་སྶ་གྒི་ཡེ་ན ཀཱ་ཡ་པྤ་ཊི་བ་དྡྷེ, ནི་སྶ་གྒི་ཡེ་ན ནི་སྶ་གྒི་ཡེ’’ཏི (པཱ་ཙི. ༣༣༢) ས་བྦ་ཏྠ. ས་ཏི ཀ་ར་ཎཱི་ཡེ ཨཱ་མ་ས་ཏོཏི ས་ཏི ཀ་ར་ཎཱི་ཡེ པུ་རི་སཾ ཨཱ་མ་ས་ཏོ ཨ་ནཱ་པ་ཏྟི. ཨི་ཏྠཱི པ་ན ས་ཏི ཀ་ར་ཎཱི་ཡེ་པི ཨཱ་མ་སི་ཏུཾ ན ཝ་ཊྚ་ཏི.

ཨ་ངྒུ་ལི་པ་ཏོ་ད་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.