༧. མ་ཧཱ་ནཱ་མ་སི་ཀྑཱ་པ་ད་ཝ་ཎྞ་ནཱ

ས་བྦ་ཉྩེ་ཏཾ ཝ་ཏྠུ་ཝ་སེ་ན ཝུ་ཏྟནྟི ‘‘ཨ་གི་ལཱ་ནེ་ན བྷི་ཀྑུ་ནཱ ཙ་ཏུ་མཱ་ས་པ་ཙྩ་ཡ་པ་ཝཱ་ར་ཎཱ སཱ་དི་ཏ་བྦཱ ཨ་ཉྙ་ཏྲ པུ་ན་པ་ཝཱ་ར་ཎཱ་ཡ ཨ་ཉྙ་ཏྲ ནི་ཙྩ་པ་ཝཱ་ར་ཎཱ་ཡཱ’’ཏི (པཱ་ཙི. ༣༠༦) ཨེ་ཏཾ ས་བྦཾ སི་ཀྑཱ་པ་ད་ནི་དཱ་ན་ས་ངྑཱ་ཏ་སྶ ཝ་ཏྠུ་ནོ ཝ་སེ་ན ཝུ་ཏྟཾ. ཏ་ཏྠ ཧི མ་ཧཱ་ནཱ་མེ་ན ས་ཀྐེ་ན ‘‘ཨི་ཙྪཱ་མ་ཧཾ, བྷ་ནྟེ, ས་ངྒྷཾ ཙ་ཏུ་མཱ་སཾ བྷེ་ས་ཛྫེ་ན པ་ཝཱ་རེ་ཏུ’’ནྟི་ཨཱ་དི་ནཱ (པཱ་ཙི. ༣༠༣) ཨུ་སྶ་ནྣུ་སྶ་ནྣེ་ན ཙ བྷེ་ས་ཛྫེ་ན ཙ་ཏུ་མཱ་སཾ པུ་ན ནི་ཙྩཾ པ་ཝཱ་ར་ཎཱ ཀ་ཏཱ, ཏ་སྨཱ བྷ་ག་ཝ་ཏཱ ཏ་སྶ ཝ་སེ་ན ཨེ་ཝཾ ཝུ་ཏྟ་ནྟི ཝུ་ཏྟཾ ཧོ་ཏི. ཨ་ཉྙ་ཏྲ པུ་ན་པ་ཝཱ་ར་ཎཱ་ཡཱཏི ཡ་དི པུ་ན་པ་ཝཱ་ར་ཎཱ ཨ་ཏྠི, ཏཾ ཋ་པེ་ཏྭཱ. ཨ་ཉྙ་ཏྲ ནི་ཙྩ་པ་ཝཱ་ར་ཎཱ་ཡཱཏི ཨེ་ཏྠཱ་པི ཨེ་སེ་ཝ ན་ཡོ. ཡ་དི པ་ན ཏཱ་པི ཨ་ཏྠི, སཱ་དི་ཏ་བྦཱ་ཝཱ་ཏི ཨ་དྷི་པྤཱ་ཡོ. ཏེ་ནཱ་ཧ ‘‘ཨ་ཡཾ པ་ནེ་ཏྠ ཨ་ཏྠོ’’ཏི་ཨཱ་དི. ཏ་ཏྠཱཏི ཏི་སྶཾ པ་ཝཱ་ར་ཎཱ་ཡཾ. བྷེ་ས་ཛྫེ་ཧི ཝཱ པ་རི་ཙྪེ་དོ ཀ་ཏོ ཧོ་ཏཱིཏི ‘‘ས་པྤི ཏེ་ལ’’ནྟི ཨེ་ཝ་མཱ་དི་ནཱ ནཱ་མ་ཝ་སེ་ན ཝཱ ‘‘པ་ཏྠེ་ན ནཱ་ལི༹་ཡཱ ཨཱ་ལ༹ྷ་ཀེ་ནཱ’’ཏི་ཨཱ་དི་ནཱ པ་རི་མཱ་ཎ་ཝ་སེ་ན ཝཱ ‘‘ཨེ་ཏྟ་ཀཱ་ནི ཝཱ བྷེ་ས་ཛྫཱ་ནི ཝི་ཉྙཱ་པེ་ཏ་བྦཱ་ནཱི’’ཏི བྷེ་ས་ཛྫེ་ཧི པ་རི་ཙྪེ་དོ ཀ་ཏོ ཧོ་ཏི. ན་བྷེ་ས་ཛྫ་ཀ་ར་ཎཱི་ཡེཏི མི་སྶ་ཀ་བྷ་ཏྟེ་ནཱ་པི ཙེ ཡཱ་པེ་ཏུཾ ས་ཀྐོ་ཏི, ན་བྷེ་ས་ཛྫ་ཀ་ར་ཎཱི་ཡཾ ནཱ་མ ཧོ་ཏི. ཨ་ཉྙཾ བྷེ་ས་ཛྫནྟི ས་པྤི་ནཱ པ་ཝཱ་རི་ཏོ ཏེ་ལཾ, ཨཱ་ལ༹ྷ་ཀེ་ན པ་ཝཱ་རི་ཏོ དོ་ཎཾ.

ཡ་ཐཱ་བྷཱུ་ཏཾ ཨཱ་ཙི་ཀྑི་ཏྭཱཏི ‘‘ཨི་མེ་ཧི ཏ་ཡཱ བྷེ་ས་ཛྫེ་ཧི པ་ཝཱ་རི་ཏ་མྷཱ, ཨ་མྷཱ་ཀ་ཉྩ ཨི་མི་ནཱ ཙ ཨི་མི་ནཱ ཙ བྷེ་ས་ཛྫེ་ན ཨ་ཏྠོ, ཡཱ་སུ ཏ་ཡཱ ར་ཏྟཱི་སུ པ་ཝཱ་རི་ཏ་མྷཱ, ཏཱ ར་ཏྟི་ཡོ ཝཱི་ཏི་ཝ་ཏྟཱ, ཨ་མྷཱ་ཀ་ཉྩ བྷེ་ས་ཛྫེ་ན ཨ་ཏྠོ’’ཏི ཡ་ཐཱ་བྷཱུ་ཏཾ ཨཱ་རོ་ཙེ་ཏྭཱ. ཨེ་ཝ་ཉྩ ཝི་ཉྙཱ་པེ་ཏུཾ གི་ལཱ་ནོ་ཝ ལ་བྷ་ཏི, ན ཨི་ཏ་རོ.

མ་ཧཱ་ནཱ་མ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.