༧. སཾ་ཝི་དྷཱ་ན་སི་ཀྑཱ་པ་ད་ཝ་ཎྞ་ནཱ

སཾ་ཝི་ད་ཧི་ཏྭཱཏི ‘‘ཨེ་ཧི, ཨ་སུ་ཀ་གཱ་མཾ ག་ཙྪཱ་མཱ’’ཏི ཝཱ ‘‘སྭེ ཨ་ཧཾ ག་ཙྪཱ་མི, ཏྭ་མྤི ཨཱ་ག་ཙྪེ་ཡྻཱ་སཱི’’ཏི ཝཱ ཝ་ཏྭཱ. ཏ་ཉྩ ཁོ སཾ་ཝི་ད་ཧ་ནཾ ཨ་ཏྠ་ཏོ ས་ངྐེ་ཏ་ཀ་མྨ་ནྟི ཨཱ་ཧ ‘‘ག་མ་ན་ཀཱ་ལེ ས་ངྐེ་ཏཾ ཀ་ཏྭཱ་ཏི ཨ་ཏྠོ’’ཏི. ཨ་ཀ་པྤི་ཡ་བྷཱུ་མི་ཡཾ སཾ་ཝི་ད་ཧ་ནྟ་སྶཱཏི ཨ་ནྟོ་གཱ་མེ, བྷི་ཀྑུ་ནི་ཨུ་པ་སྶ་ཡ་དྭཱ་རེ, ར་ཐི་ཀཱ་ཡ, ཨ་ཉྙེ་སུ ཝཱ ཙ་ཏུ་ཀྐ་སི་ངྒྷཱ་ཊ་ཀ་ཧ་ཏྠི་སཱ་ལཱ་དཱི་སུ ཋ་ཏྭཱ སཾ་ཝི་ད་ཧ་ནྟ་སྶ. ཏེ་ནཱ་ཧ ‘‘ཏ་ཏྠ ཋ་པེ་ཏྭཱ’’ཏི་ཨཱ་དི. ཨཱ་ས་ནྣ་སྶཱ་པཱིཏི ཨ་ཙྩཱ་ས་ནྣ་སྶཱ་པི, ར་ཏ་ན་མ་ཏྟ་ནྟ་ར་སྶཱ་པཱི་ཏི ཨ་དྷི་པྤཱ་ཡོ. ཨ་ཉྙ་སྶ གཱ་མ་སྶཱཏི ཡ་ཏོ ནི་ཀྑ་མ་ཏི, ཏ་ཏོ ཨ་ཉྙ་སྶ གཱ་མ་སྶ. ཏཾ ཨོ་ཀྐ་མ་ནྟ་སྶཱཏི ཏཾ ཨ་ནྟ་ར་གཱ་མ་སྶ ཨུ་པ་ཙཱ་རཾ ཨོ་ཀྐ་མ་ནྟ་སྶ. ས་ཙེ དཱུ་རཾ ག་ནྟུ་ཀཱ་མོ ཧོ་ཏི, གཱ་མཱུ་པ་ཙཱ་ར་ག་ཎ་ནཱ་ཡ ཨོ་ཀྐ་མ་ནྟེ ཨོ་ཀྐ་མ་ནྟེ པུ་རི་མ་ན་ཡེ་ནེ་ཝ ཨཱ་པ་ཏྟི. ཏེ་ནཱ་ཧ ‘‘ཨི་ཏི གཱ་མཱུ་པ་ཙཱ་རོ་ཀྐ་མ་ན་ག་ཎ་ནཱ་ཡ པཱ་ཙི་ཏྟི་ཡཱ་ནཱི’’ཏི. ཏ་སྶ ཏ་སྶ པ་ན གཱ་མ་སྶ ཨ་ཏི་ཀྐ་མ་ནེ ཨ་ནཱ་པ་ཏྟི. གཱ་མེ ཨ་ས་ཏཱིཏི ཨ་དྡྷ་ཡོ་ཛ་ན་བྦྷ་ནྟ་རེ གཱ་མེ ཨ་ས་ཏི. ཏ་སྨིཾ པ་ན གཱ་མེ ས་ཏི གཱ་མ་ནྟ་ར་ག་ཎ་ནཱ་ཡེ་ཝ པཱ་ཙི་ཏྟི་ཡཱ་ནི. ཨ་དྡྷ་ཡོ་ཛ་ན་ག་ཎ་ནཱ་ཡ པཱ་ཙི་ཏྟི་ཡནྟི ཨ་དྡྷ་ཡོ་ཛ་ནེ ཨ་དྡྷ་ཡོ་ཛ་ནེ པཱ་ཙི་ཏྟི་ཡཾ, ཨེ་ཀ་མེ་ཀཾ ཨ་དྡྷ་ཡོ་ཛ་ནཾ ཨ་ཏི་ཀྐ་མ་ནྟ་སྶ ‘‘ཨི་དཱ་ནི ཨ་ཏི་ཀྐ་མི་སྶཱ་མཱི’’ཏི པ་ཋ་མ་པཱ་དེ དུ་ཀྐ་ཊཾ, དུ་ཏི་ཡ་པཱ་དེ པཱ་ཙི་ཏྟི་ཡ་ནྟི ཨ་ཏྠོ. ཨི་མ་སྨི་ཉྷི ན་ཡེ ཨ་ཏི་ཀྐ་མ་ནེ ཨཱ་པ་ཏྟི, ཨོ་ཀྐ་མ་ནེ ཨ་ནཱ་པ་ཏྟི.

ཝི་ས་ངྐེ་ཏེ་ནཱཏི (པཱ་ཙི. ཨ་ཊྛ. ༡༨༥) ཨེ་ཏྠ ‘‘པུ་རེ་བྷ་ཏྟཾ ག་མི་སྶཱ་མཱ’’ཏི ཝ་ཏྭཱ པ་ཙྪཱ་བྷ་ཏྟཾ ག་ཙྪ་ནྟི, ‘‘ཨ་ཛྫ ཝཱ ག་མི་སྶཱ་མཱ’’ཏི སྭེ ག་ཙྪ་ནྟི, ཨེ་ཝཾ ཀཱ་ལ་ཝི་ས་ངྐེ་ཏེ་ཡེ་ཝ ཨ་ནཱ་པ་ཏྟི. དྭཱ་ར་ཝི་ས་ངྐེ་ཏེ, པ་ན མ་གྒ་ཝི་ས་ངྐེ་ཏེ, ཝཱ ས་ཏི་པི ཨཱ་པ་ཏྟི་ཡེ་ཝ. ཨཱ་པ་དཱ་སཱུཏི ར་ཊྛ་བྷེ་དེ ཙ་ཀྐ་ས་མཱ་རུ་ལ༹ྷཱ ཛཱ་ན་པ་དཱ པ་རི་ཡཱ་ཡ་ནྟི, ཨེ་ཝ་རཱུ་པཱ་སུ ཨཱ་པ་དཱ་སུ ཨ་ནཱ་པ་ཏྟི. ཙ་ཀྐ་ས་མཱ་རུ་ལ༹ྷཱཏི ཙ ཨི་རི་ཡཱ་པ་ཐ་ཙ་ཀྐཾ ཝཱ ས་ཀ་ཊ་ཙ་ཀྐཾ ཝཱ ས་མཱ་རུ་ལ༹ྷཱ་ཏི ཨ་ཏྠོ. མཱ་ཏུ་གཱ་མ་སི་ཀྑཱ་པ་དེ་ནཱཏི (པཱ་ཙི. ༤༡༣ ཨཱ་ད་ཡོ) ས་པྤཱ་ཎ་ཀ་ཝ་གྒེ ས་ཏྟ་མ་སི་ཀྑཱ་པ་དེ་ན.

སཾ་ཝི་དྷཱ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.