༡༠. ས་པྤཱ་ཎ་ཀ་སི་ཀྑཱ་པ་ད་ཝ་ཎྞ་ནཱ

ཨེ་ཀ་སྨིཾ གྷ་ཊེ ཨེ་ཀཱ་ཝ ཨཱ་པ་ཏྟཱིཏི ཨེ་ཀ་སྨིཾ ཨུ་ད་ཀ་གྷ་ཊེ ཨེ་ཀཱ་ཝ ཨཱ་པ་ཏྟི. ཨེ་ས ན་ཡོ ས་བྦ་བྷཱ་ཛ་ནེ་སུ. ཝི་ཙྪི་ནྡ་ནྟ་སྶཱཏི དྷཱ་རཾ ཝི་ཙྪི་ནྡ་ནྟ་སྶ. ཨེ་ཀེ་ཀཾ པ་ཀྑི་པ་ནྟ་སྶཱཏི ཨེ་ཀེ་ཀཾ ཏི་ཎཾ ཝཱ པ་ཎྞཾ ཝཱ མ་ཏྟི་ཀཾ ཝཱ ཨ་ཉྙཾ ཝཱ ཀ་ཊྛ་གོ་མ་ཡཱ་དིཾ པ་ཀྑི་པ་ནྟ་སྶ. པ་རི་ཡཱ་དཱ་ནནྟི ཁ་ཡཾ.

‘‘པ་དཱི་པེ (སཱ་ར་ཏྠ. ཊཱི. པཱ་ཙི་ཏྟི་ཡ ༣.༡༤༠) པ་ཏི་ཏྭཱ པ་ཊ་ངྒཱ་དི་པཱ་ཎ་ཀཱ མ་རི་སྶ་ནྟཱི’’ཏི ཛཱ་ན་ནྟ་སྶཱ་པི ཀུ་ས་ལ་ཙི་ཏྟེ་ན པ་དཱི་པུ་ཛྫ་ལ་ནཾ ཝི་ཡ ‘‘སི་ཉྩ་ནེ་ན པཱ་ཎ་ཀཱ མ་རི་སྶ་ནྟཱི’’ཏི པུ་བྦ་བྷཱ་གེ ཛཱ་ན་ནྟ་སྶཱ་པི ‘‘ཨི་དཾ ཛ་ལཾ སི་ཉྩཱ་མཱི’’ཏི སི་ཉྩ་ནྟ་སྶ ཝ་དྷ་ཀ་ཙི་ཏྟཾ ན ཧོ་ཏཱི་ཏི ཨཱ་ཧ ‘‘ཝི་ནཱ ཝ་དྷ་ཀ་ཙེ་ཏ་ནཱ་ཡཱ’’ཏི་ཨཱ་དི. ཨེ་ཝ་ཉྩ ཀ་ཏྭཱ ‘‘པ་ཎྞ་ཏྟི་ཝ་ཛྫ’’ནྟི ཨི་ད་མྤི ས་མ་ཏྠི་ཏཾ ཧོ་ཏི. ཏི་ཙི་ཏྟནྟི ཀུ་ས་ལཱ་ཀུ་ས་ལཱ་བྱཱ་ཀ་ཏ་ཝ་སེ་ན ཏི་ཙི་ཏྟཾ. ཏ་ཐཱ ཧི པ་ཎྞ་ཏྟིཾ མ་དྡི་ཏྭཱ སི་ཉྩ་ནྟ་སྶ ཝཱ སི་ཉྩཱ་པེ་ནྟ་སྶ ཝཱ ཨ་ཀུ་ས་ལ་ཙི་ཏྟེ་ན ཧོ་ཏི, ‘‘ཨཱ་ས་ནཾ དྷོ་ཝི་སྶཱ་མཱི’’ཏི ཙི་ཏྟེ་ན དྷོ་ཝ་ན་ཏྠཾ སི་ཉྩ་ནྟ་སྶ ཝཱ སི་ཉྩཱ་པེ་ནྟ་སྶ ཝཱ ཀུ་ས་ལ་ཙི་ཏྟེ་ན ཧོ་ཏི, པ་ཎྞ་ཏྟིཾ ཨ་ཛཱ་ན་ཏཱ ཨ་ར་ཧ་ཏཱ སི་ཉྩ་ནཱ་དི་ཀ་ར་ཎེ ཨ་བྱཱ་ཀ་ཏ་ཙི་ཏྟེ་ན ཧོ་ཏཱི་ཏི ཀུ་ས་ལཱ་ཀུ་ས་ལཱ་བྱཱ་ཀ་ཏ་ཙི་ཏྟ་ཝ་སེ་ན ཏི་ཙི་ཏྟཾ ཧོ་ཏི.

ས་པྤཱ་ཎ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

བྷཱུ་ཏ་གཱ་མ་ཝ་གྒོ དུ་ཏི་ཡོ.