༧. མ་ཧཱ་པེ་ས་ཀཱ་ར་སི་ཀྑཱ་པ་ད་ཝ་ཎྞ་ནཱ

ཙཱི་ཝ་ར་སཱ་མི་ཀེ་ཧི པུ་བྦེ ཨ་པྤ་ཝཱ་རི་ཏོ ཧུ་ཏྭཱཏི ‘‘ཀཱི་དི་སེ་ན ཏེ, བྷ་ནྟེ, ཙཱི་ཝ་རེ་ན ཨ་ཏྠོ, ཀཱི་དི་སཾ ཏེ ཙཱི་ཝ་རཾ ཝཱ་ཡཱ་པེ་མི, ཝ་ད, བྷ་ནྟེ, ཡ་དི་ཙྪ་སཱི’’ཏི ཙཱི་ཝ་ར་སཱ་མི་ཀེ་ཧི པུ་བྦེ ཨ་ཝུ་ཏྟོ ཧུ་ཏྭཱ. ཨེ་ཏྠ ཙ ཨཱ་ཡ་ཏཱ་དཱི་ཧི ཏཱི་ཧི སུ་ཏྟ་ཝ་ཌྜྷ་ནཱ་ཀཱ་རེ་ན ས་ཧ ཝཱ་ཡ་ནཱ་ཀཱ་རཾ ད་སྶེ་ཏི, སུ་ཝཱི་ཏཱ་དཱི་ཧི ཙ་ཏཱུ་ཧི ཝཱ་ཡ་ནཱ་ཀཱ་ར་མེ་ཝ. ‘‘ཀི་ཉྩི་མ་ཏྟཾ ཨ་ནུ་པ་ད་ཛྫེ་ཡྻཱ་མཱ’’ཏི་ཨཱ་དི ཏ་སྶ ཀ་ཏྟ་བྦཱ་ཀཱ་ར་མ་ཏྟ་ད་སྶ་ནཾ, ན པ་ན ཨ་ངྒ་ད་སྶ་ནཾ སུ་ཏྟ་ཝ་ཌྜྷ་ན་ཝ་སེ་ནེ་ཝ ཨཱ་པ་ཛྫི་ཏ་བྦ་ཏྟཱ་ཏི ཨཱ་ཧ ‘‘ན བྷི་ཀྑུ་ནོ པི་ཎྜ་པཱ་ཏ་དཱ་ན་མ་ཏྟེ་ནཱ’’ཏི་ཨཱ་དི. ཨེ་ཏྠ ཙ ‘‘ཨི་དཾ མེ, བྷ་ནྟེ, ཙཱི་ཝ་རཾ པུ་བྦེ ཨ་པྤ་ཝཱ་རི་ཏེ་ན ཨ་ཉྙཱ་ཏ་ཀ་སྶ ག་ཧ་པ་ཏི་ཀ་སྶ ཏ་ནྟ་ཝཱ་ཡེ ཨུ་པ་ས་ངྐ་མི་ཏྭཱ ཙཱི་ཝ་རེ ཝི་ཀ་པྤཾ ཨཱ་པ་ནྣཾ ནི་སྶ་གྒི་ཡ’’ནྟི (པཱ་རཱ. ༦༤༣) ཨི་མི་ནཱ ན་ཡེ་ན ནི་སྶ་ཛྫ་ན་ཝི་དྷཱ་ནཾ ཝེ་དི་ཏ་བྦཾ. ཏི་ཀ་པཱ་ཙི་ཏྟི་ཡནྟི ཨ་ཉྙཱ་ཏ་ཀེ ཨ་ཉྙཱ་ཏ་ཀ་ས་ཉྙི་ཝེ་མ་ཏི་ཀ་ཉཱ་ཏ་ཀ་ས་ཉྙཱི་ནཾ ཝ་སེ་ན ཏཱི་ཎི པཱ་ཙི་ཏྟི་ཡཱ་ནི.

མ་ཧཱ་པེ་ས་ཀཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.