༡༢. དུ་བྦ་ཙ་སི་ཀྑཱ་པ་ད་ཝ་ཎྞ་ནཱ

དུ་ཀྑེ་ན ཝ་ཏྟ་བྦོ ཨ་ནུ་སཱ་སི་ཏུཾ ཨ་ས་ཀྐུ་ཎེ་ཡྻོ ས་བྷཱ་ཝོ ཨ་སྶཱ་ཏི དུ་བྦ་ཙ་ཛཱ་ཏི་ཀོ, ཝི་ལོ་མ་བྷཱ་ཝཱི. ཏེ་ནཱ་ཧ ‘‘དུ་བྦ་ཙ་ས་བྷཱ་ཝོ’’ཏི་ཨཱ་དི. ཝ་ཏྟུཾ ཨ་ས་ཀྐུ་ཎེ་ཡྻོཏི ཀི་སྨི་ཉྩི ཝུ་ཙྩ་མཱ་ནེ ཨ་ས་ཧ་ན་ཏོ ཨོ་ཝ་དི་ཏུཾ ཨ་ས་ཀྐུ་ཎེ་ཡྻོ. ཨུ་དྡི་སཱི་ཡ་ཏཱི་ཏི ཨུ་དྡེ་སོ, པཱ་ཏི་མོ་ཀྑོ, ཏ་སྨིཾ པ་རི་ཡཱ་པ་ནྣཱ ཨ་ནྟོ་ག་དྷཱ ཨུ་དྡེ་ས་པ་རི་ཡཱ་པ་ནྣཱ, ཏེ་སུ ཨུ་དྡེ་ས་པ་རི་ཡཱ་པ་ནྣེ་སུ. ཏེ་ནཱ་ཧ ‘‘ཨུ་དྡེ་སེ’’ཏི་ཨཱ་དི. ཨ་ཐ ས་བྦཱ་ནེ་ཝ སི་ཀྑཱ་པ་དཱ་ནི ཀ་ཐཾ པཱ་ཏི་མོ་ཀྑུ་དྡེ་ས་པ་རི་ཡཱ་པ་ནྣཱ་ནཱི་ཏི ཨཱ་ཧ ‘‘ཡ་སྶ སི་ཡཱ ཨཱ་པ་ཏྟི, སོ ‘ཨཱ་ཝི་ཀ་རེ་ཡྻཱ’ཏི ཨེ་ཝཾ ས་ངྒ་ཧི་ཏ་ཏྟཱ’’ཏི. ‘‘ཡ་སྶ སི་ཡཱ ཨཱ་པ་ཏྟཱི’’ཏི ཨི་མི་ནཱ ས་བྦཱ་པི ཨཱ་པ་ཏྟི་ཡོ ནི་དཱ་ནུ་དྡེ་སེ ས་ངྒ་ཧི་ཏཱ ཨེ་ཝ ཧོ་ནྟི. སི་ཀྑཱ་པ་དེ་སཱུཏི ཨ་དྷི་སཱི་ལ་སི་ཀྑཱ་ཡ ཨ་དྷི་ག་མཱུ་པཱ་ཡ་བྷཱུ་ཏེ་སུ ཝི་ན་ཡ་པ་ཉྙ་ཏྟཱི་སཱུ་ཏི ཨ་ཏྠོ. སོ པ་ན པཱ་ཀ་ཊོ་ཡེ་ཝཱ་ཏི ཨ་ཊྛ་ཀ་ཐཱ་ཡཾ ན ཝུ་ཏྟོ. པ་ཉྩ་ཧི ས་ཧ་དྷ་མྨི་ཀེ་ཧཱིཏི བྷི་ཀྑུ་བྷི་ཀྑུ་ནི་སཱ་མ་ཎེ་ར་སཱ་མ་ཎེ་རི་སི་ཀྑ་མཱ་ནཱ་ཧི. སི་ཀྑི་ཏ་བྦ་ཏྟཱཏི ལ་བྦྷ་མཱ་ན་ཝ་སེ་ན སི་ཀྑི་ཏ་བྦ་ཏྟཱ. ཏ་ཐཱ ཧི ཏེ་ཧི ཡ་ཐཱ་ས་ཀཾ སི་ཀྑཱ སི་ཀྑཱི་ཡ་ཏི, ན ས་བྦཱ. བུ་དྡྷ་པ་ཉྙ་ཏྟེ་ནཱཏི བུ་དྡྷེ་ན ཋ་པི་ཏེ་ན, ཝི་ཧི་ཏེ་ནཱ་ཏི ཨ་ཏྠོ. ཨ་ཐ ཝཱ ས་ཧ་དྷ་མྨི་ཀེ་ན ས་ཀཱ་ར་ཎེ་ན ཝུ་ཙྩ་མཱ་ནོ་ཏི ཨེ་ཝ་མེ་ཏྠ ཨ་ཏྠོ ད་ཊྛ་བྦོ. ཝ་ཙ་ནཱ་ཡཱཏི ནི་སྶ་ཀྐེ ས་མྤ་དཱ་ན་ཝ་ཙ་ན་ནྟི ཨཱ་ཧ ‘‘ཏ་ཏོ མ་མ ཝ་ཙ་ན་ཏོ’’ཏི.

དུ་བྦ་ཙ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.