༨. ཀུ་མཱ་རི་བྷཱུ་ཏ་ཝ་གྒོ
༡-༥. པ་ཋ་མ་ཀུ་མཱ་རི་བྷཱུ་ཏཱ་དི་སི་ཀྑཱ་པ་ད་ཝ་ཎྞ་ནཱ
ས་བྦ་པ་ཋ་མཱ དྭེ མ་ཧཱ་སི་ཀྑ་མཱ་ནཱཏི ག་བྦྷི་ནི་ཝ་གྒེ ཝུ་ཏྟཱ དྭེ སི་ཀྑ་མཱ་ནཱ. ‘‘སི་ཀྑ་མཱ་ནཱ’’ཨི་ཙྩེ་ཝ ཝ་ཏྟ་བྦཱཏི ས་མྨུ་ཏི་ཀ་མྨཱ་དཱི་སུ ཨེ་ཝཾ ཝ་ཏྟ་བྦཱ. ‘‘གི་ཧི་ག་ཏཱ’’ཏི ཝཱ ‘‘ཀུ་མཱ་རི་བྷཱུ་ཏཱ’’ཏི ཝཱ ན ཝ་ཏྟ་བྦཱཏི ས་ཙེ ཝ་ད་ནྟི, ཀ་མྨཾ ཀུ་པྤ་ཏཱི་ཏི ཨ་དྷི་པྤཱ་ཡོ.
ཙ་ཏུ་ཏྠ་པ་ཉྩ་མཱ་ནི ཨུ་ཏྟཱ་ན་ཏྠཱ་ནེ་ཝ.
པ་ཋ་མ་ཀུ་མཱ་རི་བྷཱུ་ཏཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦-༨. ཁཱི་ཡ་ན་དྷ་མྨཱ་དི་སི་ཀྑཱ་པ་ད་ཝ་ཎྞ་ནཱ
ཝུ་ཊྛཱ་པ་ན་ས་མྨུ་ཏི་ཡཱ ཡཱ་ཙི་ཏཱ་ཡཱཏི ཨུ་པ་ས་མྤ་དཱ་ས་མྨུ་ཏི་ཡཱ ཡཱ་ཙི་ཏཱ་ཡ.
ས་ཏྟ་མ་ཊྛ་མཱ་ནི ཨུ་ཏྟཱ་ན་ཏྠཱ་ནེ་ཝ.
ཁཱི་ཡ་ན་དྷ་མྨཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. སོ་ཀཱ་ཝཱ་ས་སི་ཀྑཱ་པ་ད་ཝ་ཎྞ་ནཱ
ཨཱ་ག་ཙྪ་མཱ་ནཱཏི ཨཱ་ག་ཙྪ་ནྟཱི.
སོ་ཀཱ་ཝཱ་ས་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. ཨ་ན་ནུ་ཉྙཱ་ཏ་སི་ཀྑཱ་པ་ད་ཝ་ཎྞ་ནཱ
ཏེ་སཾ ཨ་ཏྠི་བྷཱ་ཝཾ ཨ་ཛཱ་ན་ནྟི་ཡཱཏི (པཱ་ཙི. ཨ་ཊྛ. ༡༡༦༣) ཏེ་སཾ མཱ་ཏཱ་དཱི་ནཾ ཨ་ཏྠི་བྷཱ་ཝཾ ཨ་ཛཱ་ན་ནྟི་ཡཱ. ཨ་ན་ནུ་ཉྙཱ་ཏ་ས་མུ་ཊྛཱ་ནནྟི ཡཾ ཝཱ་ཙ་ཏོ, ཀཱ་ཡ་ཝཱ་ཙ་ཏོ, ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཏཾ ཨ་ན་ནུ་ཉྙཱ་ཏ་ས་མུ་ཊྛཱ་ནཾ. ཀ་ཐཾ? ཨ་བྦྷཱ་ན་ཀ་མྨཱ་དཱི་སུ ཀེ་ན་ཙི་དེ་ཝ ཀ་ར་ཎཱི་ཡེ་ན ཁ་ཎྜ་སཱི་མཱ་ཡཾ ནི་སི་ནྣཱ ‘‘པ་ཀྐོ་ས་ཐ སི་ཀྑ་མཱ་ནཾ, ཨི་དྷེ་ཝ ནཾ ཨུ་པ་ས་མྤཱ་དེ་སྶཱ་མཱ’’ཏི ཨུ་པ་ས་མྤཱ་དེ་ཏི, ཨེ་ཝཾ ཝཱ་ཙ་ཏོ ས་མུ་ཊྛཱ་ཏི. ‘‘ཨུ་པ་སྶ་ཡ་ཏོ ཨུ་ཊྛཱ་ཡ ཨུ་པ་ས་མྤཱ་དེ་སྶཱ་མཱི’’ཏི ཝ་ཏྭཱ ཁ་ཎྜ་སཱི་མཾ ག་ཙྪ་ནྟི་ཡཱ ཀཱ་ཡ་ཝཱ་ཙ་ཏོ ས་མུ་ཊྛཱ་ཏི. དྭཱི་སུ ཋཱ་ནེ་སུ པ་ཎྞ་ཏྟིཾ ཛཱ་ནི་ཏྭཱ ཝཱི་ཏི་ཀྐ་མཾ ཀ་རོ་ནྟི་ཡཱ ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི. ཨ་ན་ནུ་ཛཱ་ནཱ་པེ་ཏྭཱ ཨུ་པ་ས་མྤཱ་ད་ན་ཏོ ཀི་རི་ཡཱ་ཀི་རི་ཡཾ.
ཨ་ན་ནུ་ཉྙཱ་ཏ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༡. པཱ་རི་ཝཱ་སི་ཀ་སི་ཀྑཱ་པ་ད་ཝ་ཎྞ་ནཱ
དཱ་རུ་ཎནྟི པཱ་པཾ. པ་ཏི་མཱ་ནེ་ནྟནྟི ཨོ་ལོ་ཀེ་ནྟཾ.
པཱ་རི་ཝཱ་སི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༢. ཨ་ནུ་ཝ་སྶ་སི་ཀྑཱ་པ་ད་ཝ་ཎྞ་ནཱ
ཨེ་ཀ་ནྟ་རི་ཀནྟི ཨེ་ཀེ་ན ཝ་སྶེ་ན ཨ་ནྟ་རི་ཀཾ ཀ་ཏྭཱ.
ཨ་ནུ་ཝ་སྶ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༣. ཨེ་ཀ་ཝ་སྶ་སི་ཀྑཱ་པ་ད་ཝ་ཎྞ་ནཱ
མཱ་ཏི་ཀཱ་ཡཾ ཨེ་ཀཾ ཝ་སྶཾ དྭེཏི ཨེ་ཀ་ནྟ་རི་ཀེ ཨེ་ཀེ་ཀ་སྨིཾ སཾ་ཝ་ཙྪ་རེ དྭེ. ཨེ་ཀ་ནྟ་རི་ཀཾ ཝུ་ཊྛཱ་པེ་ནྟི་ཡཱཏི ཨི་མ་སྨིཾ ཝ་སྶེ ཨེ་ཀཾ, པུ་ན ཨེ་ཀ་ནྟ་རི་ཀཾ ཨེ་ཀ་ནྟི དྭེ ཝུ་ཊྛཱ་པེ་ནྟི་ཡཱ ཨ་ནཱ་པ་ཏྟི.
ཨེ་ཀ་ཝ་སྶ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཀུ་མཱ་རི་བྷཱུ་ཏ་ཝ་གྒོ ཨ་ཊྛ་མོ.