པཱ་ཙི་ཏྟི་ཡ་ཀ་ཎྜཾ
༡. ལ་སུ་ཎ་ཝ་གྒོ
༡. ལ་སུ་ཎ་སི་ཀྑཱ་པ་ད་ཝ་ཎྞ་ནཱ
‘‘ལ་སུ་ཎ’’ནྟི ཀི་ཉྩཱ་པི ཨ་ཝི་སེ་སེ་ན ཝུ་ཏྟཾ, ཏ་ཐཱ་པི མ་ག་དྷེ་སུ ཛཱ་ཏཾ ལ་སུ་ཎ་མེ་ཝ ཨི་དྷཱ་དྷི་པྤེ་ཏཾ, ཏ་མྤི བྷ་ཎྜི་ཀ་ལ་སུ་ཎ་མེ་ཝཱ་ཏི ཨཱ་ཧ མ་ག་དྷ་ར་ཊྛེ ཛཱ་ཏ’’ནྟི་ཨཱ་དི.
བྷ་ཎྜི་ཀ་ལ་སུ་ཎནྟི པོ་ཊྚ་ལི་ཀ་ལ་སུ་ཎ་མེ་ཝ, ས་མྤུ་ཎྞ་མི་ཉྫཱ་ན་མེ་ཏཾ ཨ་དྷི་ཝ་ཙ་ནཾ. ཏེ་ནཱ་ཧ ‘‘ན ཨེ་ཀ་དྭི་ཏི་མི་ཉྫ་ཀ’’ནྟི. ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེཏི (པཱ་ཙི. ཨ་ཊྛ. ༧༩༥) ཨེ་ཏྠ ས་ཙེ དྭེ ཏ་ཡོ བྷ་ཎྜི་ཀེ ཨེ་ཀ་ཏོ་ཡེ་ཝ ས་ངྑཱ་དི་ཏྭཱ ཨ་ཛ྄ཛྷོ་ཧ་ར་ཏི, ཨེ་ཀཾ པཱ་ཙི་ཏྟི་ཡཾ. བྷ་ཉྫི་ཏྭཱ ཨེ་ཀེ་ཀ་མི་ཉྫ་ཀཾ ཁཱ་ད་ནྟི་ཡཱ པ་ན པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཱ་ནི.
པ་ལ་ཎྜུ་ཀཱདཱི་ནཾ ཝ་ཎྞེ་ན ཝཱ མི་ཉྫཱ་ཡ ཝཱ ནཱ་ནཱ་ཏྟཾ ཝེ་དི་ཏ་བྦཾ – ཝ་ཎྞེ་ན ཏཱ་ཝ པ་ལ་ཎྜུ་ཀོ ནཱ་མ པ་ཎྜུ་ཝ་ཎྞོ ཧོ་ཏི, བྷ་ཉྫ་ན་ཀོ ལོ་ཧི་ཏ་ཝ་ཎྞོ, ཧ་རི་ཏ་ཀོ ཧ་རི་ཏ་པ་ཎྞ་ཝ་ཎྞོ. མི་ཉྫཱ་ཡ པ་ན པ་ལ་ཎྜུ་ཀ་སྶ ཨེ་ཀཱ མི་ཉྫཱ ཧོ་ཏི, བྷ་ཉྫ་ན་ཀ་སྶ དྭེ, ཧ་རི་ཏ་ཀ་སྶ ཏི་སྶོ. ཙཱ་པ་ལ་སུ་ཎོ ཨ་མི་ཉྫ་ཀོ. ཨ་ངྐུ་ར་མ་ཏྟ་མེ་ཝ ཧི ཏ་སྶ ཧོ་ཏི. མ་ཧཱ་པ་ཙྩ་རི་ཡཱདཱི་སུ པ་ན ‘‘པ་ལ་ཎྜུ་ཀ་སྶ ཏཱི་ཎི མི་ཉྫཱ་ནི, བྷ་ཉྫ་ན་ཀ་སྶ དྭེ, ཧ་རི་ཏ་ཀ་སྶ ཨེ་ཀ’’ནྟི (པཱ་ཙི. ཨ་ཊྛ. ༧༩༧) ཝུ་ཏྟཾ. ཨེ་ཏེ པ་ལ་ཎྜུ་ཀཱ་ད་ཡོ ས་བྷཱ་ཝེ་ནེ་ཝ ཝ་ཊྚ་ནྟི. སཱུ་པ་ས་མྤཱ་ཀཱ་དཱི་སུ པ་ན མཱ་ག་དྷ་ཀ་མྤི ཝ་ཊྚ་ཏི. ཏ་ཉྷི པ་ཙྩ་མཱ་ནེ་སུ མུ་གྒ་སཱུ་པཱ་དཱི་སུ ཝཱ མ་ཙྪ་མཾ་ས་ཝི་ཀ་ཏི་ཡཱ ཝཱ ཏེ་ལེ ཝཱ བ་ད་ར་སཱ་ལ༹་ཝཱ་དཱི་སུ ཝཱ ཨ་མྦི་ལ་སཱ་ཀཱ་དཱི་སུ ཝཱ ཨུ་ཏྟ་རི་བྷ་ངྒེ་སུ ཝཱ ཡ་ཏྠ ཀ་ཏྠ་ཙི ཨ་ནྟ་མ་སོ ཡཱ་གུ་བྷ་ཏྟེ་པི པ་ཀྑི་ཏྟཾ ཝ་ཊྚ་ཏི. བ་ད་ར་སཱ་ལ༹་ཝཾ (སཱ་ར་ཏྠ. ཊཱི. པཱ་ཙི་ཏྟི་ཡ ༣.༧༩༣-༧༩༧) ནཱ་མ བ་ད་ར་ཕ་ལཱ་ནི སུ་ཀྑཱ་པེ་ཏྭཱ ཙུ་ཎྞེ་ཏྭཱ ཀ་ཏྟ་བྦཱ ཁཱ་ད་ནཱི་ཡ་ཝི་ཀ་ཏི.
ལ་སུ་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༢. ས་མྦཱ་དྷ་ལོ་མ་སི་ཀྑཱ་པ་ད་ཝ་ཎྞ་ནཱ
‘‘པ་ཊི་ཙྪ་ནྣོ་ཀཱ་སེ’’ཏི ཨེ་ཏ་སྶ ཝི་བྷཱ་ག་ད་སྶ་ན་ཏྠཾ ‘‘ཨུ་པ་ཀ་ཙྪ་ཀེ་སུ ཙ མུ་ཏྟ་ཀ་ར་ཎེ ཙཱ་ཏི ཨ་ཏྠོ’’ཏི ཝུ་ཏྟཾ.
ཨཱ་བཱ་དྷ་པ་ཙྩ་ཡཱཏི ཀ་ཎྜུ་ཀ་ཙྪུ་ཨཱ་དི་ཨཱ་བཱ་དྷ་པ་ཙྩ་ཡཱ སཾ་ཧ་རཱ་པེ་ནྟི་ཡཱ ཨ་ནཱ་པ་ཏྟི. ‘‘བྷི་ཀྑུ་སྶ ཨེ་ཏྠ ཙ ལ་སུ་ཎེ ཙ དུ་ཀྐ་ཊ’’ནྟི (ཝ་ཛི་ར. ཊཱི. པཱ་ཙི་ཏྟི་ཡ ༨༠༠) པོ་རཱ་ཎཱ.
ས་མྦཱ་དྷ་ལོ་མ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣. ཏ་ལ་གྷཱ་ཏ་ཀ་སི་ཀྑཱ་པ་ད་ཝ་ཎྞ་ནཱ
ཏ་ལ་གྷཱ་ཏ་ཀེཏི མ་ཏྠ་ཀེ པ་ཧཱ་ར་དཱ་ནེ, ཏ་ཉྩ ཁོ ཏ་ལཾ ‘‘མུ་ཏྟ་ཀ་ར་ཎེ པ་ཧཱ་རཾ དེ་ཏཱི’’ཏི (པཱ་ཙི. ༨༠༤) པ་ད་བྷཱ་ཛ་ནི་ཡཾཝུ་ཏྟ་ཏྟཱ ‘‘མུ་ཏྟ་ཀ་ར་ཎ་སྶཱ’’ཏི ཝི་ཉྙཱ་ཡ་ཏཱི་ཏི ཨཱ་ཧ ‘‘མུ་ཏྟ་ཀ་ར་ཎ་སྶ ཏ་ལ་གྷཱ་ཏ་ནེ’’ཏི. པུ་རི་མ་ན་ཡེ་ནེ་ཝ སཱ་ཎ་ཏྟི་ཀནྟི ཨ་ཏྟ་ནོ ཨ་ཏྠཱ་ཡ ཨ་ཉྙཾ ཨཱ་ཎཱ་པེ་ནྟི་ཡཱ སཱ་ཎ་ཏྟི་ཀཾ.
ཏ་ལ་གྷཱ་ཏ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. ཛ་ཏུ་མ་ཊྛ་ཀ་སི་ཀྑཱ་པ་ད་ཝ་ཎྞ་ནཱ
ཝ་ཏྠུ་ཝ་སེ་ནེ་ཏཾ ཝུ་ཏྟནྟི ‘‘ཛ་ཏུ་མ་ཊྛ་ཀེ’’ཏི ཨེ་ཏཾ ནི་དཱ་ན་ཝ་སེ་ན ཨུ་པྤ་ནྣ་སྶ ཝ་ཏྠུ་ནོ ཝ་སེ་ནེ་ཝ ཝུ་ཏྟཾ. ཡཾ ཀི་ཉྩི པ་ན ད་ཎྜ་ཀཾ པ་ཝེ་སེ་ནྟི་ཡཱ ཨཱ་པ་ཏྟི་ཡེ་ཝ. ཏེ་ནཱ་ཧ ‘‘ཀཱ་མ་རཱ་གེ་ན པ་ནཱ’’ཏི་ཨཱ་དི.
ཛ་ཏུ་མ་ཊྛ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཨུ་ད་ཀ་སུ་དྡྷི་ཀ་སི་ཀྑཱ་པ་ད་ཝ་ཎྞ་ནཱ
ཨཱ་དཱ་ཏ་བྦནྟི པ་ཝེ་སེ་ཏ་བྦཾ. ཨ་གྒ་པ་བྦནྟི ཀེ་ས་གྒ་མ་ཏྟ་མྤི ཨ་གྒ་པ་བྦཾ. ཏ་ཏི་ཡཾ པ་བྦཾ པ་ཝེ་སེ་ཏཱིཏི ཀེ་ས་གྒ་མ་ཏྟ་མྤི ཏ་ཏི་ཡཾ པ་བྦཾ པ་ཝེ་སེ་ཏི. ཝུ་ཏྟ་ཉྷེ་ཏཾ ས་མ་ནྟ་པཱ་སཱ་དི་ཀཱ་ཡཾ (པཱ་ཙི. ཨ་ཊྛ. ༨༡༢) ‘‘ག་མྦྷཱི་ར་ཏོ དྭི་ནྣཾ པ་བྦཱ་ནཾ ཨུ་པ་རི ཀེ་ས་གྒ་མ་ཏྟ་མྤི པ་ཝེ་སེ་ནྟི་ཡཱ པཱ་ཙི་ཏྟི་ཡ’’ནྟི.
ཨ་ཏི་ག་མྦྷཱི་རཾ ཨུ་ད་ཀ་སུ་དྡྷི་ཀཾ ཨཱ་དི་ཡ་ན་ཝ་ཏྠུ་སྨིནྟི ཨ་ཏི་ཨ་ནྟོ པ་ཝེ་སེ་ཏྭཱ ཨུ་ད་ཀ་དྷོ་ཝ་ན་ཀ་ར་ཎ་ཝ་ཏྠུ་སྨིཾ. ཨུ་ད་ཀ་སུ་དྡྷི་པ་ཙྩ་ཡེ་ན (སཱ་ར་ཏྠ. ཊཱི. པཱ་ཙི་ཏྟི་ཡ ༣.༨༡༢) པ་ན ས་ཏི་པི ཕ་སྶ་སྶཱ་དི་ཡ་ནེ ཡ་ཐཱ་ཝུ་ཏྟ་པ་རི་ཙྪེ་དེ ཨ་ནཱ་པ་ཏྟི.
ཨུ་ད་ཀ་སུ་དྡྷི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. ཨུ་པ་ཏི་ཊྛ་ན་སི་ཀྑཱ་པ་ད་ཝ་ཎྞ་ནཱ
ཏ་ཀྐཱ་དཱི་སུ ཝཱ ཨ་ཉྙ་ཏ་རེ་ནཱཏི ཏ་ཀྐ་ད་དྷི་མ་ཏྠུ་ར་ས་ཁཱི་རཱ་དཱི་སུ ཨ་ཉྙ་ཏ་རེ་ན. ཡཱ་ཡ ཀཱ་ཡ་ཙི བཱི་ཛ་ནི་ཡཱཏི ཨ་ནྟ་མ་སོ ཙཱི་ཝ་ར་ཀ་ཎྞཾ ཨུ་པཱ་དཱ་ཡ ཡཱ་ཡ ཀཱ་ཡ་ཙི བཱི་ཛ་ནི་ཡཱ.
ཨི་མཾ པི་ཝ་ཐཱཏི ཨི་མཾ པཱ་ནཱི་ཡཾ ཝཱ སཱུ་པཱ་དིཾ ཝཱ པི་ཝ་ཐ. ཨི་མི་ནཱ བཱི་ཛ་ཐཱཏི ཨི་མི་ནཱ ཏཱ་ལ་ཝ་ཎྚེ་ན བཱི་ཛ་ཐ. དཱ་པེ་ནྟི་ཡཱཏི ཨ་ཉྙེ་ན ཨུ་བྷ་ཡ་མྤི དཱ་པེ་ནྟི་ཡཱ.
ཨུ་པ་ཏི་ཊྛ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧. ཨཱ་མ་ཀ་དྷ་ཉྙ་སི་ཀྑཱ་པ་ད་ཝ་ཎྞ་ནཱ
ཏ་སྨཱཏི ཡ་སྨཱ ཝི་ཉྙ་ཏྟི ཙེ་ཝ བྷོ་ཛ་ན་ཉྩ པ་མཱ་ཎཾ, ཏ་སྨཱ. ན ཀེ་ཝ་ལ་ཉྩེ་ཏྠ པ་ཊི་གྒ་ཧ་ཎེ་ཡེ་ཝ དུ་ཀྐ་ཊཾ ཧོ་ཏི, པ་ཊི་གྒ་ཎྷི་ཏྭཱ པ་ན ཨ་ར་ཉྙ་ཏོ ཨཱ་ཧ་ར་ཎེ་པི སུ་ཀྑཱ་པ་ནེ་པི ཝ་དྡ་ལི་དི་ཝ་སེ བྷ་ཛྫ་ན་ཏྠཱ་ཡ ཨུ་དྡྷ་ན་ས་ཛྫ་ནེ་པི ཀ་པ་ལླ་ས་ཛྫ་ནེ་པི ད་བྦི་ས་ཛྫ་ནེ་པི དཱ་རཱུ་ནི ཨཱ་དཱ་ཡ ཨ་གྒི་ཀ་ར་ཎེ་པི ཀ་པ་ལླ་མྷི དྷ་ཉྙ་པ་ཀྑི་པ་ནེ་པི ད་བྦི་ཡཱ ས་ངྒྷ་ཊྚ་ནེ་སུ་པི ཀོ་ཊྚ་ན་ཏྠཾ ཨུ་དུ་ཀྑ་ལ་མུ་ས་ལཱ་དི་ས་ཛྫ་ནེ་སུ་པི ཀོ་ཊྚ་ན་པ་པྥོ་ཊ་ན་དྷོ་ཝ་ནཱ་དཱི་སུ་པི ཡཱ་ཝ མུ་ཁེ ཋ་པེ་ཏྭཱ ཨ་ཛ྄ཛྷོ་ཧ་ར་ཎ་ཏྠཾ ད་ནྟེ་ཧི ས་ངྑཱ་ད་ཏི, ཏཱ་ཝ ས་བྦ་པྤ་ཡོ་གེ་སུ དུ་ཀྐ་ཊཱ་ནཱི་ཏི ཨཱ་ཧ ‘‘པ་ཊི་གྒ་ཧ་ཎ་ཏོ པ་ཊྛཱ་ཡ ཡཱ་ཝ ད་ནྟེ་ཧི སཾ་ཁཱ་ད་ནཾ, ཏཱ་ཝ པུ་བྦ་པྤ་ཡོ་གེ་སུ དུ་ཀྐ་ཊཱ་ནཱི’’ཏི.
ཨཱ་མ་ཀ་དྷ་ཉྙ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༨. པ་ཋ་མ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ
ཏི་རོ་ཀུ་ཊྚེཏི གྷ་ར་ཀུ་ཊྚ་སྶ པ་ར་བྷཱ་གེ. ཏི་རོ་པཱ་ཀཱ་རེཏི པ་རི་ཀྑེ་པ་པཱ་ཀཱ་ར་སྶ ཏི་རོ་བྷཱ་གེ, ཏེ ཙ ཁོ ཀུ་ཊྚ་པཱ་ཀཱ་རཱ ཨི་ཊྛ་ཀ་སི་ལ་དཱ་རཱུ་ནཾ ཝ་སེ་ན ཏི་པྤ་ཀཱ་རཱ་ཏི ཨཱ་ཧ ‘‘ཡ་སྶ ཀ་སྶ་ཙི ཀུ་ཊྚ་སྶ ཝཱ པཱ་ཀཱ་ར་སྶ ཝཱ པ་ར་ཏོ’’ཏི. ས་བྦཱ་ནི་པེ་ཏཱ་ནི ཨེ་ཀ་ཏོ ཚ་ཌྜེ་ནྟི་ཡཱཏི ཨེ་ཏཱ་ནི ཙ་ཏྟཱ་རི་པི ཝ་ཏྠཱུ་ནི ཨེ་ཀ་ཏོ ཚ་ཌྜེ་ནྟི་ཡཱ. པཱ་ཊེ་ཀྐཾ པ་ན ཚ་ཌྜེ་ནྟི་ཡཱ ཝ་ཏྠུ་ག་ཎ་ནཱ་ཡ ཨཱ་པ་ཏྟི་ཡོ. ཨཱ་ཎ་ཏྟི་ཡ་མྤི ཨེ་སེ་ཝ ན་ཡོ.
བྷི་ཀྑུ་སྶ དུ་ཀྐ་ཊནྟི བྷི་ཀྑུ་སྶ ས་བྦ་ཏྠ དུ་ཀྐ་ཊཾ.
པ་ཋ་མ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. དུ་ཏི་ཡ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ
བྷི་ཀྑུ་ནི་ཡཱ་པཱིཏི པི-ས་དྡེ་ན བྷི་ཀྑུཾ ས་མུ་ཙྩི་ནོ་ཏི. ཨ་ནི་ཀྑི་ཏྟ་བཱི་ཛེ་སུ (པཱ་ཙི. ཨ་ཊྛ. ༨༣༠) པ་ན ཁེ་ཏྟེ་སུ ཀོ་ཎཱ་དཱི་སུ ཝཱ ཨ་ས་ཉྫཱ་ཏ་རོ་པི་མེ་སུ ཁེ་ཏྟ་མ་རི་ཡཱ་དཱ་དཱི་སུ ཝཱ ཚ་ཌྜེ་ཏུཾ ཝ་ཊྚ་ཏི. མ་ནུ་སྶཱ་ནཾ ཀ་ཙ་ཝ་ར་ཚ་ཌྜ་ན་ཊྛཱ་ནེ་པི ཝ་ཊྚ་ཏི་ཡེ་ཝ. ཚ་ཌྜི་ཏ་ཁེ་ཏྟེཏི མ་ནུ་སྶེ་སུ ས་སྶཾ ཨུ་དྡྷ་རི་ཏྭཱ ག་ཏེ་སུ ཚ་ཌྜི་ཏ་ཁེ་ཏྟཾ ནཱ་མ ཧོ་ཏི, ཏ་ཏྠ ཝ་ཊྚ་ཏི. ཡ་ཏྠ པ་ན ‘‘ལཱ་ཡི་ཏ་མྤི པུ་བྦ་ཎྞཱ་དི པུ་ན ཨུ་ཊྛ་ཧི་སྶ་ཏཱི’’ཏི ར་ཀྑ་ནྟི, ཏ་ཏྠ ཡ་ཐཱ་ཝ་ཏྠུ་ཀ་མེ་ཝ. སཱ་མི་ཀེ ཨ་པ་ལོ་ཀེ་ཏྭཱཏི ཨེ་ཏྠ ཁེ་ཏྟ་པཱ་ལ་ཀཱ, ཨཱ་རཱ་མཱ་དི་གོ་པ་ཀཱ ཙ སཱ་མི་ཀཱ་ཝ. ཨི་མི་ནཱ ཙ ས་ངྒྷ་ས་ནྟ་ཀེ བྷི་ཀྑུ་སྶ ཚ་ཌྜེ་ཏུཾ ཝ་ཊྚ་ཏི ས་ངྒྷ་པ་རི་ཡཱ་པ་ནྣ་ཏྟཱ, ན བྷི་ཀྑུ་ནཱི་ནཾ. བྷི་ཀྑུ་ནཱི་ནཾ པ་ན ཨ་ཏྟ་ནོ ས་ནྟ་ཀེ བྷི་ཀྑུ་ས་ནྟ་ཀེ ཝུ་ཏྟ་ན་ཡེ་ནེ་ཝ ཝ་ཊྚ་ཏཱི་ཏི ད་སྶེ་ཏི, ཨེ་ཝཾ ས་ནྟེ་པི སཱ་རུ་པྤ་ཝ་སེ་ན ཀཱ་ཏ་བྦཾ.
དུ་ཏི་ཡ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. ན་ཙྩ་གཱི་ཏ་སི་ཀྑཱ་པ་ད་ཝ་ཎྞ་ནཱ
ན་ཙྩནྟི ན་ཊཱ་ད་ཡོ ཝཱ ན་ཙྩ་ནྟུ, སོ་ཎྜཱ ཝཱ ཨ་ནྟ་མ་སོ མོ་ར་སུ་ཝ་མ་ཀྐ་ཊཱ་ད་ཡོ་པི, ས་བྦ་མེ་ཏཾ ན་ཙྩ་མེ་ཝ. ཏེ་ནཱ་ཧ ‘‘ན་ཙྩ་ནྟི ཨ་ནྟ་མ་སོ མོ་ར་ན་ཙྩ་མྤཱི’’ཏི. གཱི་ཏནྟི ན་ཊཱ་དཱི་ནཾ ཝཱ གཱི་ཏཾ ཧོ་ཏུ, ཨ་རི་ཡཱ་ནཾ པ་རི་ནི་བྦཱ་ན་ཀཱ་ལེ ར་ཏ་ན་ཏྟ་ཡ་གུ་ཎཱུ་པ་སཾ་ཧི་ཏཾ སཱ་དྷུ་ཀཱི་ལི༹་ཏ་གཱི་ཏཾ ཝཱ, ཨ་ནྟ་མ་སོ ‘‘ད་ནྟ་གཱི་ཏ་མྤི གཱ་ཡི་སྶཱ་མཱ’’ཏི པུ་བྦ་བྷཱ་གེ ཨོ་ཀཱུ་ཛ་ནྟཱ ཀ་རོ་ནྟི, ས་བྦ་མེ་ཏཾ གཱི་ཏ་མེ་ཝ. ཏེ་ནཱ་ཧ ‘‘གཱི་ཏ་ནྟི ཨ་ནྟ་མ་སོ དྷ་མྨ་བྷཱ་ཎ་ཀ་གཱི་ཏ་མྤཱི’’ཏི. ཏ་ཏྠ དྷ་མྨ་བྷཱ་ཎ་ཀ་གཱི་ཏཾ ནཱ་མ ཨ་ས་ཉྙ་ཏ་བྷི་ཀྑཱུ་ནཾ ཏཾ ཏཾ ཝ་ཏྟཾ བྷི་ནྡི་ཏྭཱ ཨ་ཏི་དཱི་གྷཾ ཀ་ཏྭཱ གཱི་ཏ་སྶ་རེ་ན དྷ་མྨ་བྷ་ཎ་ནཾ, ཏ་མྤི ནེ་ཝ བྷི་ཀྑུ་ནོ, ན བྷི་ཀྑུ་ནཱི་ནཾ ཝ་ཊྚ་ཏི. ཏ་ཐཱ ཧི ཝུ་ཏྟཾ པ་ར་མ་ཏྠ་ཛོ་ཏི་ཀཱ་ཡ ཁུ་དྡ་ཀ་ཊྛ་ཀ་ཐཱ་ཡ (ཁུ. པཱ. ཨ་ཊྛ. ༢.པ་ཙྪི་མ་པ་ཉྩ་སི་ཀྑཱ་པ་ད་ཝ་ཎྞ་ནཱ) ‘‘དྷ་མྨཱུ་པ་སཾ་ཧི་ཏཾ གཱི་ཏཾ ཝ་ཊྚ་ཏི, གཱི་ཏཱུ་པ་སཾ་ཧི་ཏོ པ་ན དྷ་མྨོ ན ཝ་ཊྚ་ཏཱི’’ཏི. ཏ་སྨཱ དྷ་མྨཾ བྷ་ཎ་ནྟེ་ན ཛཱ་ཏ་ཀ་ཝ་ཏྟཱ་དིཾ ཏཾ ཏཾ ཝ་ཏྟཾ ཨ་ཝི་ནཱ་སེ་ཏྭཱ ཙ་ཏུ་ར་སྶེ་ན (ཙཱུ་ལ༹་ཝ. ཨ་ཊྛ. ༢༤༩) ཝ་ཏྟེ་ན པ་རི་མ་ཎྜ་ལཱ་ནི པ་ད་བྱ་ཉྫ་ནཱ་ནི ད་སྶེ་ཏ་བྦཱ་ནི. ཝཱ་དི་ཏནྟི ཏ་ནྟི་བ་དྡྷཱ་དི་ཝཱ་ད་ནཱི་ཡ་བྷ་ཎྜ་ཝཱ་དི་ཏཾ ཝཱ ཧོ་ཏུ, ཀུ་ཊ་བྷེ་རི་ཝཱ་དི་ཏཾ ཝཱ ཨ་ནྟ་མ་སོ ཨུ་ད་ཀ་བྷེ་རི་ཝཱ་དི་ཏ་མྤི, ས་བྦ་མེ་ཝེ་ཏཾ ཝཱ་དི་ཏ་མེ་ཝ. ཏེ་ནཱ་ཧ ‘‘ཝཱ་དི་ཏ་ནྟི ཨ་ནྟ་མ་སོ ཨུ་ད་ཀ་བྷེ་རི་ཝཱ་དི་ཏ’’ནྟི. ཡཾ པ་ན ནི་ཊྛུ་བྷ་ནྟཱི ཝཱ སཱ་ས་ངྐེ ཝཱ ཋི་ཏཱ ཨ་ཙྪ་རི་ཀཾ ཝཱ ཕོ་ཊེ་ཏི, པཱ་ཎིཾ ཝཱ པ་ཧ་ར་ཏི, ཏ་ཏྠ ཨ་ནཱ་པ་ཏྟི. ད་སྶ་ནེ་ན ཙེ་ཏྠ ས་ཝ་ན་མྤི ས་ངྒ་ཧི་ཏཾ ཝི་རཱུ་པེ་ཀ་སེ་ས་ན་ཡེ་ན. ཨཱ་ལོ་ཙ་ན་ས་བྷཱ་ཝ་ཏཱ་ཡ ཝཱ པ་ཉྩ་ནྣཾ ཝི་ཉྙཱ་ཎཱ་ནཾ ས་ཝ་ན་ཀི་རི་ཡཱ་ཡ་པི ད་སྶ་ན་ས་ངྑེ་པ་ས་བྦྷཱ་ཝ་ཏོ ‘‘ད་སྶ་ནཱ་ཡ’’ཨི་ཙྩེ་ཝ ཝུ་ཏྟ་ནྟི ཨཱ་ཧ ‘‘ཨེ་ཏེ་སུ ཡཾ ཀི་ཉྩི ད་སྶ་ནཱ་ཡ ག་ཙྪ་ནྟི་ཡཱ’’ཏི. ཡ་ཏྠ ཋི་ཏཱཏི ཨེ་ཝཾ ག་ནྟྭཱ ཡ་སྨིཾ པ་དེ་སེ ཋི་ཏཱ.
ན་ནུ ཙ ས་ཡཾ་ན་ཙྩ་ནཱ་དཱི་སུ པཱ་ཙི་ཏྟི་ཡཾ པཱ་ལི༹་ཡཾ ན ཝུ་ཏྟཾ, ཨ་ཐ ཀ་ཐཾ ག་ཧེ་ཏ་བྦ་ནྟི ཨཱ་ཧ ‘‘ས་བྦ་ཨ་ཊྛ་ཀ་ཐཱ་སུ ཝུ་ཏྟ’’ནྟི, ཨི་མི་ནཱ པཱ་ལི༹་ཡཾ ཨ་ཝུ་ཏྟེ་པི ཨ་ཊྛ་ཀ་ཐཱ་པ་མཱ་ཎེ་ན ག་ཧེ་ཏ་བྦ་ནྟི ད་སྶེ་ཏི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱིཏི པ་ན མཱ་ཏི་ཀཱ་ག་ཏ་པཱ་ཙི་ཏྟི་ཡ་སྶེ་ཝ ཝ་སེ་ན ཝུ་ཏྟཾ, ས་བྦེ་སཾ ཝ་སེ་ན པ་ན ཚ་ས་མུ་ཊྛཱ་ན་ནྟི ག་ཧེ་ཏ་བྦཾ. ‘‘ཨཱ་རཱ་མེ ཋ་ཏྭཱ’’ཏི ཨི་དཾ ནི་ད་སྶ་ན་མ་ཏྟཾ སེ་ས་ཨི་རི་ཡཱ་པ་ཐེ་ཧི ཡུ་ཏྟཱ་ཡ པ་སྶ་ནྟི་ཡཱ ཨ་ནཱ་པ་ཏྟི་ཡཱ ཨི་ཙྪི་ཏ་བྦ་ཏྟཱ. ཨི་ཏ་ར་ཐཱ ཧི ནི་སི་ནྣཱ་པི པ་སྶི་ཏུཾ ན ལ་བྷེ་ཡྻ. ‘‘པ་སྶི་སྶཱ་མཱི’’ཏི ཝི་ཧཱ་ར་ཏོ ཝི་ཧཱ་རཾ ག་ཙྪ་ནྟི་ཡཱ ཨཱ་པ་ཏྟི་ཡེ་ཝ. ཨཱ་ས་ན་སཱ་ལཱ་ཡ ནི་སི་ནྣཱ པ་སྶ་ཏི, ཨ་ནཱ་པ་ཏྟི, ‘‘པ་སྶི་སྶཱ་མཱི’’ཏི ཨུ་ཊྛ་ཧི་ཏྭཱ ག་ཙྪ་ནྟི་ཡཱ ཨཱ་པ་ཏྟི. ཝཱི་ཐི་ཡཾ ཋ་ཏྭཱ གཱི་ཝཾ པ་རི་ཝ་ཏྟེ་ཏྭཱ པ་སྶ་ནྟི་ཡཱ་པི ཨཱ་པ་ཏྟི་ཡེ་ཝ. བྷི་ཀྑུ་སྶཱ་པི ཨེ་སེ་ཝ ན་ཡོ, ཨཱ་པ་ཏྟི་བྷེ་དོ་ཝ ནཱ་ནཾ.
ན་ཙྩ་གཱི་ཏ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ལ་སུ་ཎ་ཝ་གྒོ པ་ཋ་མོ.
༢. ར་ཏྟ་ནྡྷ་ཀཱ་ར་ཝ་གྒོ
༡. ར་ཏྟ་ནྡྷ་ཀཱ་ར་སི་ཀྑཱ་པ་ད་ཝ་ཎྞ་ནཱ
ཨ་ར་ཧོ་པེ་ཀྑཱ་ཡཱཏི ན་ར་ཧོ་ཨ་སྶཱ་དཱ་པེ་ཀྑཱ་ཡ. ཨ་ཉྙ་ཝི་ཧི་ཏཱ་ཡཱཏི ར་ཧོ་ཨ་སྶཱ་ད་ཏོ ཨ་ཉྙ་ཝི་ཧི་ཏཱ་ཝ ཧུ་ཏྭཱ ཉཱ་ཏིཾ ཝཱ པུ་ཙྪ་ནྟི་ཡཱ, དཱ་ནེ ཝཱ པཱུ་ཛཱ་ཡ ཝཱ མ་ནྟེ་ནྟི་ཡཱ.
ར་ཏྟ་ནྡྷ་ཀཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༢-༣. པ་ཊི་ཙྪ་ནྣོ་ཀཱ་ས་ཨ་ཛ྄ཛྷོ་ཀཱ་ས་ས་ལླ་པ་ན་སི་ཀྑཱ་པ་ད་ཝ་ཎྞ་ནཱ
དུ་ཏི་ཡ་ཏ་ཏི་ཡཱ་ནི ཨུ་ཏྟཱ་ན་ཏྠཱ་ནེ་ཝ.
པ་ཊི་ཙྪ་ནྣོ་ཀཱ་ས་ཨ་ཛ྄ཛྷོ་ཀཱ་ས་ས་ལླ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. དུ་ཏི་ཡི་ཀ་ཨུ་ཡྻོ་ཛ་ན་སི་ཀྑཱ་པ་ད་ཝ་ཎྞ་ནཱ
‘‘པུ་རི་མ་ན་ཡེ་ནེ་ཝཱ’’ཏི ཨི་མི་ནཱ ‘‘ས་ནྟི་ཊྛེ་ཡྻ ཝཱཏི ཧ་ཏྠ་པཱ་སེ ཋི་ཏ་མ་ཏྟཱ་ཡ པཱ་ཙི་ཏྟི་ཡཾ, ས་ལླ་པེ་ཡྻ ཝཱཏི ཏ་ཏྠ ཋ་ཏྭཱ གེ་ཧ་སི་ཀ་ཀ་ཐཾ ཀ་ཐེ་ནྟི་ཡཱ་པི པཱ་ཙི་ཏྟི་ཡ་མེ་ཝ, ནི་ཀ་ཎྞི་ཀཾ ཝཱ ཛ་པྤེ་ཡྻཱཏི ཀ་ཎྞ་མཱུ་ལེ ཛ་པྤེ་ནྟི་ཡཱ་པི པཱ་ཙི་ཏྟི་ཡ་མེ་ཝཱ’’ཏི ཨི་མཾ ན་ཡཾ ད་སྶེ་ཏི.
དུ་ཏི་ཡི་ཀ་ཨུ་ཡྻོ་ཛ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཨ་ནཱ་པུ་ཙྪཱ་པ་ཀྐ་མ་ན་སི་ཀྑཱ་པ་ད་ཝ་ཎྞ་ནཱ
ཨཱ་སཱི་ད་ནྟི ཨེ་ཏྠཱ་ཏི ཨཱ་ས་ནནྟི ཨཱ་ཧ ‘‘པ་ལླ་ངྐ་སྶོ་ཀཱ་ས་བྷཱུ་ཏེ’’ཏི, ཨཱུ་རུ་བ་དྡྷཱ་ས་ན་སྶ ཨོ་ཀཱ་སེ་ཏི ཨ་ཏྠོ. ཨ་ནོ་ཝ་སྶ་ཀནྟི ནི་བྦ་ཀོ་ཀཱ་སཾ. ཨ་ཛ྄ཛྷོ་ཀཱ་སེ ཨུ་པ་ཙཱ་རནྟི ཨ་ཛ྄ཛྷོ་ཀཱ་སེ ནི་སཱི་དི་ཏྭཱ དྭཱ་ད་ས་ཧ་ཏྠ་པྤ་མཱ་ཎཾ པ་དེ་སཾ. གི་ལཱ་ནཱ་ཡཱཏི ཡཱ ཏཱ་དི་སེ་ན གེ་ལ་ཉྙེ་ན ཨཱ་པུ་ཙྪི་ཏུཾ ན ས་ཀྐོ་ཏི. ཨཱ་པ་དཱ་སཱུཏི གྷ་རེ ཨ་གྒི ཝཱ ཨུ་ཊྛི་ཏོ ཧོ་ཏི, ཙོ་རོ ཝཱ, ཨེ་ཝ་རཱུ་པེ ཨུ་པ་དྡ་ཝེ ཨ་ནཱ་པུ་ཙྪཱ པ་ཀྐ་མ་ཏི, ཨ་ནཱ་པ་ཏྟི.
ཨ་ནཱ་པུ་ཙྪཱ་པ་ཀྐ་མ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. ཨ་ནཱ་པུ་ཙྪཱ་ཨ་བྷི་ནི་སཱི་ད་ན་སི་ཀྑཱ་པ་ད་ཝ་ཎྞ་ནཱ
དྷུ་ཝ་པ་ཉྙ་ཏྟེཏི བྷི་ཀྑུ་ནཱི་ནཾ ཨ་ཏྠཱ་ཡ ནི་ཙྩ་པ་ཉྙ་ཏྟེ.
ཨ་ནཱ་པུ་ཙྪཱ་ཨ་བྷི་ནི་སཱི་ད་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧. ཨ་ནཱ་པུ་ཙྪཱ་ས་ནྠ་ར་ཎ་སི་ཀྑཱ་པ་ད་ཝ་ཎྞ་ནཱ
ཀུ་ལཱ་ནཱིཏི ཀུ་ལ་སྶ གྷ་རཱ་ནི.
ཨ་ནཱ་པུ་ཙྪཱ་ས་ནྠ་ར་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༨. པ་ར་ཨུ་ཛ྄ཛྷཱ་པ་ན་ཀ་སི་ཀྑཱ་པ་ད་ཝ་ཎྞ་ནཱ
ཨ་ཊྛ་མཾ ཨུ་ཏྟཱ་ན་ཏྠ་མེ་ཝ.
པ་ར་ཨུ་ཛ྄ཛྷཱ་པ་ན་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. པ་ར་ཨ་བྷི་ས་པ་ན་སི་ཀྑཱ་པ་ད་ཝ་ཎྞ་ནཱ
མ་ནུ་སྶ་དོ་བྷ་གྒེ་ན ཝཱཏི ‘‘ཀཱ་ཎཱ ཧོ་མི, ཀུ་ཎཱི ཧོ་མི, ཨི་ཏ་རཱ ཝཱ ཨཱི་དི་སཱ ཧོ་ཏཱུ’’ཏི་ཨཱ་དི་ནཱ མ་ནུ་སྶ་ཝི་རཱུ་པ་བྷཱ་ཝེ་ན. ཨ་ཏྠ་དྷ་མྨ་ཨ་ནུ་སཱ་ས་ནི་པུ་རེ་ཀྑཱ་རཱ་ནནྟི ཨེ་ཏྠ ཨ་ཏྠ་པུ་རེ་ཀྑཱ་རཱ་ཡཱཏི ཨ་ཊྛ་ཀ་ཐཾ ཀ་ཐེ་ནྟི་ཡཱ. དྷ་མྨ་པུ་རེ་ཀྑཱ་རཱ་ཡཱཏི པཱ་ལི༹ཾ ཝཱ་ཙེ་ནྟི་ཡཱ. ཨ་ནུ་སཱ་ས་ནི་པུ་རེ་ཀྑཱ་རཱ་ཡཱཏི ‘‘ཨི་དཱ་ནི་པི ཏྭཾ ཨེ་དི་སཱ, སཱ་དྷུ ཝི་ར་མ་སྶུ, ནོ ཙེ ཝི་ར་མ་སི, ཨ་དྡྷཱ པུ་ན ཨེ་ཝ་རཱུ་པཱ་ནི ཀ་མྨཱ་ནི ཀ་ཏྭཱ ནི་ར་ཡེ ཨུ་པྤ་ཛྫི་སྶ་སི, ཏི་ར་ཙྪཱ་ན་ཡོ་ནི་ཡཱ ཨུ་པྤ་ཛྫི་སྶ་སཱི’’ཏི (པཱ་ཙི. ཨ་ཊྛ. ༨༧༨) ཨེ་ཝཾ ཨ་ནུ་སཱ་ས་ནི་ཡཾ ཋ་ཏྭཱ ཝ་ད་ནྟི་ཡཱ.
པ་ར་ཨ་བྷི་ས་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. རོ་ད་ན་སི་ཀྑཱ་པ་ད་ཝ་ཎྞ་ནཱ
ད་ས་མཾ ཨུ་ཏྟཱ་ན་ཏྠ་མེ་ཝ.
རོ་ད་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ར་ཏྟ་ནྡྷ་ཀཱ་ར་ཝ་གྒོ དུ་ཏི་ཡོ.
༣. ན་གྒ་ཝ་གྒོ
༡-༢. ན་གྒཱ་དི་སི་ཀྑཱ་པ་ད་ཝ་ཎྞ་ནཱ
ཨི་དནྟི ཨི་དཾ ཨུ་ད་ཀ་སཱ་ཊི་ཀ་ཙཱི་ཝ་རཾ.
དུ་ཏི་ཡཾ ཨུ་ཏྟཱ་ན་ཏྠ་མེ་ཝ.
ན་གྒཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣. ཙཱི་ཝ་ར་སི་བྦ་ན་སི་ཀྑཱ་པ་ད་ཝ་ཎྞ་ནཱ
ཝི་སི་བྦེ་ཏྭཱཏི ཝི་ཛ་ཊེ་ཏྭཱ. དྷུ་རཾ ནི་ཀྑི་ཏྟ་མ་ཏྟེཏི དྷུ་རེ ནི་ཀྑི་ཏྟ་མ་ཏྟེ, དྷུ་རཾ ནི་ཀྑི་པི་ཏྭཱ ས་ཙེ་པི པ་ཙྪཱ སི་བྦ་ཏི, ཨཱ་པ་ཏྟི་ཡེ་ཝཱ་ཏི ཨ་ཏྠོ.
ཙཱི་ཝ་ར་སི་བྦ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. ས་ངྒྷཱ་ཊི་ཙཱ་ར་སི་ཀྑཱ་པ་ད་ཝ་ཎྞ་ནཱ
‘‘ཨི་དཾ མེ ཙཱི་ཝ་རཾ མ་ཧ་གྒྷཾ ཨཱི་དི་སེ ཙོ་ར་བྷ་ཡེ ན ས་ཀྐཱ དྷཱ་རེ་ཏུ་ནྟི ཨེ་ཝ་རཱུ་པཱ་སུ ཨཱ་པ་དཱ་སཱུ’’ཏི ཨེ་ཏྠ པཱ་ཋོ. སོ པ་ན ཀཱ་ཀ་པ་ད་ས་ཉྫ་ནི་ཏ་མོ་ཧེ་ཧི ལེ་ཁ་ཀེ་ཧི ཨུ་པ་རི་སི་ཀྑཱ་པ་དེ ལི་ཁི་ཏོ. ཀི་ཉྩཱ་པི ཏ་ཏྠ ལི་ཁི་ཏོ, ཨེ་ཏྠེ་ཝ པ་ན ད་ཊྛ་བྦོ.
ས་ངྒྷཱ་ཊི་ཙཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཙཱི་ཝ་ར་ས་ངྐ་མ་ནཱི་ཡ་སི་ཀྑཱ་པ་ད་ཝ་ཎྞ་ནཱ
ཨཱ་པ་དཱ་སུ ཝཱ དྷཱ་རེ་ཏཱིཏི ས་ཙེ ཨ་པཱ་རུ་ཏཾ ཝཱ ཨ་ནི་ཝ་ཏྠཾ ཝཱ ཙོ་རཱ ཧ་ར་ནྟི, ཨེ་ཝ་རཱུ་པཱ་སཱུ ཨཱ་པ་དཱ་སུ དྷཱ་རེ་ཏི, ཨ་ནཱ་པ་ཏྟི.
ཙཱི་ཝ་ར་ས་ངྐ་མ་ནཱི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. ག་ཎ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ
ཨ་ཉྙ་སྨིཾ པ་རི་ཀྑཱ་རེཏི ཡ་ཏྠ ཀ་ཏྠ་ཙི ཐཱ་ལ་ཀཱ་དཱི་ནཾ ཝཱ ས་པྤི་ཏེ་ལཱ་དཱི་ནཾ ཝཱ ཨ་ཉྙ་ཏ་ར་སྨིཾ. ‘‘ས་མ་གྒྷ་ཀཱ་ལེ ད་སྶ་ཐཱ’’ཏི ཨེ་ཝཾ ཨཱ་ནི་སཾ་སཾ ད་སྶེ་ཏྭཱ ནི་ཝཱ་རེ་ནྟི་ཡཱཏི ‘‘ཀི་ཏྟ་ཀཾ ཨ་གྒྷ་ན་ཀཾ དཱ་ཏུ་ཀཱ་མ་ཏྠཱ’’ཏི པུ་ཙྪི་ཏྭཱ (པཱ་ཙི. ཨ་ཊྛ. ༩༠༩) ‘‘ཨེ་ཏྟ་ཀཾ ནཱ་མཱ’’ཏི ཝུ་ཏྟེ ‘‘ཨཱ་ག་མེ་ཐ ཏཱ་ཝ, ཨི་དཱ་ནི ཝ་ཏྠཾ མ་ཧ་གྒྷཾ, ཀ་ཏི་པཱ་ཧེ་ན ཀ་པྤཱ་སེ ཨཱ་ཧ་ཊེ ས་མ་གྒྷཾ བྷ་ཝི་སྶ་ཏི, ཏ་སྨིཾ ཀཱ་ལེ ད་སྶ་ཐཱ’’ཏི ཨེ་ཝཾ ཨཱ་ནི་སཾ་སཾ ད་སྶེ་ཏྭཱ ནི་ཝཱ་རེ་ནྟི་ཡཱ.
ག་ཎ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧-༡༠. པ་ཊི་བཱ་ཧ་ནཱ་དི་སི་ཀྑཱ་པ་ད་ཝ་ཎྞ་ནཱ
ཨཱ་ནི་སཾ་སཾ ད་སྶེ་ཏྭཱ པ་ཊི་བཱ་ཧ་ནྟི་ཡཱཏི ‘‘ཨེ་ཀི་སྶཱ ཨེ་ཀཾ སཱ་ཊ་ཀཾ ན་པྤ་ཧོ་ཏི, ཨཱ་ག་མེ་ཐ ཏཱ་ཝ, ཀ་ཏི་པཱ་ཧེ་ན ཨུ་པྤ་ཛྫི་སྶ་ཏི, ཏ་ཏོ བྷཱ་ཛེ་སྶཱ་མཱ’’ཏི (པཱ་ཙི. ཨ་ཊྛ. ༩༡༥) ཨེ་ཝཾ ཨཱ་ནི་སཾ་སཾ ད་སྶེ་ཏྭཱ པ་ཊི་བཱ་ཧ་ནྟི་ཡཱ ཨ་ནཱ་པ་ཏྟི.
ཨ་ཊྛ་མ་ན་ཝ་མཱ་ནི ཨུ་ཏྟཱ་ན་ཏྠཱ་ནེ་ཝ.
སེ་སནྟི ‘‘དྷ་མྨི་ཀེ ཝེ་མ་ཏི་ཀཱ་ཡཱ’’ཏི་ཨཱ་དི་ཀཾ ཨ་ཝ་སེ་སཾ. ཏ་ཏྠ ཨཱ་ནི་སཾ་སཾ ད་སྶེ་ཏྭཱ པ་ཊི་བཱ་ཧ་ནྟི་ཡཱཏི ‘‘བྷི་ཀྑུ་ནི་ས་ངྒྷོ ཛི་ཎྞ་ཙཱི་ཝ་རོ, ཀ་ཐི་ནཱ་ནི་སཾ་ས་མཱུ་ལ་ཀོ མ་ཧཱ་ལཱ་བྷོ’’ཏི (པཱ་ཙི. ཨ་ཊྛ. ༩༣༡) ཨེ་ཝ་རཱུ་པཾ ཨཱ་ནི་སཾ་སཾ ད་སྶེ་ཏྭཱ པ་ཊི་བཱ་ཧ་ནྟི་ཡཱ ཨ་ནཱ་པ་ཏྟི.
པ་ཊི་བཱ་ཧ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ན་གྒ་ཝ་གྒོ ཏ་ཏི་ཡོ.
༤. ཏུ་ཝ་ཊྚ་ཝ་གྒོ
༡-༣. ཨེ་ཀ་མ་ཉྩ་ཏུ་ཝ་ཊྚ་ནཱ་དི་སི་ཀྑཱ་པ་ད་ཝ་ཎྞ་ནཱ
པ་ཋ་མཾ ཨུ་ཏྟཱ་ན་ཏྠ་མེ་ཝ.
ཝ་ཝ་ཏྠཱ་ནཾ ད་སྶེ་ཏྭཱཏི (པཱ་ཙི. ཨ་ཊྛ. ༩༤༠) མ་ཛ྄ཛྷེ ཀཱ་སཱ་ཡཾ ཝཱ ཀ་ཏྟ་ར་ཡ་ཊྛིཾ ཝཱ ཨ་ནྟ་མ་སོ ཀཱ་ཡ་བ་ནྡྷ་ན་མྤི ཋ་པེ་ཏྭཱ ནི་པ་ཛྫ་ནྟཱི་ནཾ ཨ་ནཱ་པ་ཏྟཱི་ཏི ཨ་ཏྠོ.
ཏ་ཏི་ཡཾ ཨུ་ཏྟཱ་ན་ཏྠ་མེ་ཝ.
ཨེ་ཀ་མ་ཉྩ་ཏུ་ཝ་ཊྚ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤-༩. ན་ཨུ་པ་ཊྛཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ
པ་རི་ཡེ་སི་ཏྭཱ ཨ་ལ་བྷ་ནྟི་ཡཱཏི ཨ་ཉྙཾ ཨུ་པ་ཊྛཱ་ཡི་ཀཾ ཨ་ལ་བྷ་ནྟི་ཡཱ. གི་ལཱ་ནཱ་ཡཱཏི ས་ཡཾ གི་ལཱ་ནཱ་ཡ. ཨཱ་པ་དཱ་སཱུཏི ཏ་ཐཱ་རཱུ་པེ ཨུ་པ་དྡ་ཝེ ས་ཏི.
པ་ཉྩ་མ་ཚ་ཊྛ་ས་ཏྟ་མ ཨ་ཊྛ་མ་ན་ཝ་མཱ་ནི ཨུ་ཏྟཱ་ན་ཏྠཱ་ནེ་ཝ.
ན་ཨུ་པ་ཊྛཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. ཙཱ་རི་ཀ་ན་པ་ཀྐ་མ་ན་སི་ཀྑཱ་པ་ད་ཝ་ཎྞ་ནཱ
དྷུ་རེ ནི་ཀྑི་ཏྟ་མ་ཏྟེཏི ས་ཙེ དྷུ་རཾ ནི་ཀྑི་པི་ཏྭཱ པ་ཙྪཱ པ་ཀྐ་མ་ཏི, ཨཱ་པ་ཏྟི་ཡེ་ཝཱ་ཏི ཨ་ཏྠོ. ཨ་ནྟ་རཱ་ཡེ ས་ཏཱིཏི ད་ས་ཝི་དྷེ་སུ ཨ་ནྟ་རཱ་ཡེ་སུ ཨ་ཉྙ་ཏ་ར་སྨིཾ ས་ཏི. ‘‘ག་ཙྪི་སྶཱ་མཱི’’ཏི ནི་ཀྑ་ནྟཱ, ན་དཱི ཝཱ པཱུ་རཱ, ཝ་ན་དཱ་ཧོ ཝཱ ཨཱ་ག་ཏོ, ཙོ་རཱ ཝཱ མ་གྒེ ཧོ་ནྟི, མེ་གྷོ ཝཱ ཨུ་ཊྛ་ཧ་ཏི, ནི་ཝ་ཏྟི་ཏུཾ ཝ་ཊྚ་ཏི.
ཙཱ་རི་ཀ་ན་པ་ཀྐ་མ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཏུ་ཝ་ཊྚ་ཝ་གྒོ ཙ་ཏུ་ཏྠོ.
༥. ཙི་ཏྟཱ་གཱ་ར་ཝ་གྒོ
༡. རཱ་ཛཱ་གཱ་ར་སི་ཀྑཱ་པ་ད་ཝ་ཎྞ་ནཱ
ཀཱི་ལ༹་ན་ཙི་ཏྟ་སཱ་ལནྟི ན ར་ཉྙོ་ཝ ཀཱི་ལ༹་ན་ཙི་ཏྟ་སཱ་ལཾ, ཨ་ཐ ཁོ ཡེ་སཾ ཀེ་ས་ཉྩི མ་ནུ་སྶཱ་ནཾ ཀཱི་ལ༹་ན་ཏྠཾ ཡ་ཏྠ ཀ་ཏྠ་ཙི ཀ་ཏ་སཱ་ལཾ. ཨེ་ས ན་ཡོ ‘‘ཀཱི་ལ༹་ན་ཨུ་པ་ཝ་ན’’ནྟི་ཨཱ་དཱི་སུ་པི. ཡ་ཐཱ་ཧ ‘‘རཱ་ཛཱ་གཱ་རཾ ནཱ་མ ཡ་ཏྠ ཀ་ཏྠ་ཙི ར་ཉྙོ ཀཱི་ལི༹་ཏུཾ ར་མི་ཏུཾ ཀ་ཏཾ ཧོ་ཏཱི’’ཏི་ཨཱ་དི་ཀོ (པཱ་ཙི. ༩༧༩) ཝི་ཏྠཱ་རོ. ཏ་ཏྠ ཀཱི་ལ༹་ན་ཨུ་པ་ཝ་ནནྟི ཀཱི་ལ༹་ན་ཏྠཾ ཨ་ནྟོ་ན་ག་རེ ཀ་ཏཾ ཨཱ་རཱ་མཾ. ཀཱི་ལ༹་ནུ་ཡྻཱ་ནནྟི ཏ་ཐེ་ཝ བ་ཧི་ན་ག་རེ ཀ་ཏཾ ཨུ་ཡྻཱ་ནཾ.
རཱ་ཛཱ་གཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༢. ཨཱ་ས་ནྡི་པ་རི་བྷུ་ཉྫ་ན་སི་ཀྑཱ་པ་ད་ཝ་ཎྞ་ནཱ
ཨ་ཏི་ཀྐ་ནྟ་པྤ་མཱ་ཎཱཏི ཨ་ཊྛ་ངྒུ་ལ་ཏོ ཨ་ཏི་ཀྐ་ནྟ་པྤ་མཱ་ཎ་པཱ་ད་ཀཱ. ཝུ་ཏྟོཏི པ་ད་བྷཱ་ཛ་ནི་ཡཾ ཝུ་ཏྟོ. ‘‘ཨ་ཀ་པྤི་ཡ་རཱུ་པཱ་ཀུ་ལོ ཨ་ཀ་པྤི་ཡ་མ་ཉྩོ པ་ལླ་ངྐོ’’ཏི (སཱ་ར་ཏྠ. ཊཱི. མ་ཧཱ་ཝ་གྒ ༣.༢༥༤) སཱ་ར་ས་མཱ་སཱ་ཙ་རི་ཡོ.
ཨཱ་ས་ནྡི་པ་རི་བྷུ་ཉྫ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣. སུ་ཏྟ་ཀ་ནྟ་ན་སི་ཀྑཱ་པ་ད་ཝ་ཎྞ་ནཱ
ཨུ་ཛྫ་ཝུ་ཛྫ་ཝེཏི ཨུ་གྒི་རི་ཏྭཱ ཨུ་གྒི་རི་ཏྭཱ ཝེ་ཋ་ནེ. ཀ་ནྟི་ཏ་སུ་ཏྟཾ ཀ་ནྟ་ནྟི་ཡཱཏི ད་སི་ཀ་སུ་ཏྟཱ་དིཾ ས་ངྒྷཱ་ཊེ་ཏྭཱ ཀ་ནྟ་ནྟི་ཡཱ, དུ་ཀྐ་ནྟི་ཏཾ ཝཱ པ་ཊི་ཀ་ནྟ་ནྟི་ཡཱ.
སུ་ཏྟ་ཀ་ནྟ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. གི་ཧི་ཝེ་ཡྻཱ་ཝ་ཙྩ་སི་ཀྑཱ་པ་ད་ཝ་ཎྞ་ནཱ
ཨ་ཏྟ་ནོ ཝེ་ཡྻཱ་ཝ་ཙྩ་ཀ་ར་སྶ ཙཱཏི ས་ཙེ་པི མཱ་ཏཱ་པི་ཏ་རོ ཨཱ་ག་ཙྪ་ནྟི, ཡཾ ཀི་ཉྩི བཱི་ཛ་ནིཾ ཝཱ ས་མྨུ་ཉྫ་ནི་ད་ཎྜ་ཀཾ ཝཱ ཀཱ་རཱ་པེ་ཏྭཱ ཝེ་ཡྻཱ་ཝ་ཙྩ་ཀ་ར་ཊྛཱ་ནེ ཋ་པེ་ཏྭཱ ཡཾ ཀི་ཉྩི ཝཱ པ་ཙི་ཏུཾ ཝ་ཊྚ་ཏི.
གི་ཧི་ཝེ་ཡྻཱ་ཝ་ཙྩ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥-༦. ཨ་དྷི་ཀ་ར་ཎཱ་དི་སི་ཀྑཱ་པ་ད་ཝ་ཎྞ་ནཱ
ཨ་ན་ནྟ་རཱ་ཡི་ཀི་ནཱིཏི ད་ས་ཝི་དྷེ་སུ ཨ་ནྟ་རཱ་ཡེ་སུ ཨེ་ཀེ་ནཱ་པི ཨ་ན་ནྟ་རཱ་ཡི་ཀི་ནཱི. དྷུ་རཾ ནི་ཀྑི་པི་ཏྭཱ པ་ཙྪཱ ཝི་ནི་ཙྪི་ན་ནྟཱི ཨཱ་པ་ཏྟིཾ ཨཱ་པ་ཛྫི་ཏྭཱ་ཝ ཝི་ནི་ཙྪི་ནཱ་ཏི.
ཚ་ཊྛཾ ཨུ་ཏྟཱ་ན་ཏྠ་མེ་ཝ.
ཨ་དྷི་ཀ་ར་ཎཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧. ཨཱ་ཝ་ས་ཐ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ
ཨཱ་པ་དཱ་སཱུཏི མ་ཧ་གྒྷ་ཙཱི་ཝ་རཾ ས་རཱི་ར་ཏོ མོ་ཙེ་ཏྭཱ སུ་པྤ་ཊི་སཱ་མི་ཏ་མྤི ཙོ་རཱ ཧ་ར་ནྟི, ཨེ་ཝ་རཱུ་པཱ་སུ ཨཱ་པ་དཱ་སུ ཨ་ནི་སྶ་ཛྫི་ཏྭཱ ནི་ཝཱ་སེ་ནྟི་ཡཱ ཨ་ནཱ་པ་ཏྟི.
ཨཱ་ཝ་ས་ཐ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༨. ཨཱ་ཝ་ས་ཐ་ཝི་ཧཱ་ར་སི་ཀྑཱ་པ་ད་ཝ་ཎྞ་ནཱ
ཀ་ཝཱ་ཊ་བ་དྡྷ་ཝི་ཧཱ་རནྟི དྭཱ་ར་བ་དྡྷ་ཝི་ཧཱ་རཾ. གི་ལཱ་ནཱ་ཡཱཏི ཝ་ཙཱི་བྷེ་དཾ ཀཱ་ཏུཾ ཨ་ས་མ་ཏྠཱ་ཡ. ཨཱ་པ་དཱ་སཱུཏི ར་ཊྛེ བྷི་ཛྫ་ནྟེ ཨཱ་ཝཱ་སེ ཚ་ཌྜེ་ཏྭཱ ག་ཙྪ་ནྟི, ཨེ་ཝ་རཱུ་པཱ་སུ ཨཱ་པ་དཱ་སུ.
ཨཱ་ཝ་ས་ཐ་ཝི་ཧཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. ཏི་ར་ཙྪཱ་ན་ཝི་ཛྫཱ་པ་རི་ཡཱ་པུ་ཎ་ན་སི་ཀྑཱ་པ་ད་ཝ་ཎྞ་ནཱ
ཧ་ཏྠིཨཱ་དཱི་སུ་པི (སཱ་ར་ཏྠ. ཊཱི. པཱ་ཙི་ཏྟི་ཡ ༣.༡༠༡༥) སི་པྤས་དྡོ པ་ཙྩེ་ཀཾ ཡོ་ཛེ་ཏ་བྦོ, ཏ་ཐཱ ཨཱ་ཐ་བྦ་ཎཱདཱི་སུ མ་ནྟས་དྡོ. ཏ་ཏྠ ཐ་རཱུཏི ཁ་གྒ་མུ་ཊྛི. ཨཱ་ཐ་བྦ་ཎ་མ་ནྟོ ནཱ་མ ཨཱ་ཐ་བྦ་ཎ་ཝེ་ད་ཝི་ཧི་ཏོ པ་རཱུ་པ་གྷཱ་ཏ་ཀ་རོ མ་ནྟོ. ཁི་ལ་ན་མ་ནྟོ ནཱ་མ དཱ་རུ་སཱ་ར་ཁི་ལཾ མ་ནྟེ་ཏྭཱ པ་ཐ་ཝི་ཡཾ པ་ཝེ་སེ་ཏྭཱ མཱ་ར་ཎ་མ་ནྟོ. ཨ་ག་ད་པྤ་ཡོ་གོ ནཱ་མ ཝི་ས་ཡོ་ཛ་ནཾ.
ཏི་ར་ཙྪཱ་ན་ཝི་ཛྫཱ་པ་རི་ཡཱ་པུ་ཎ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. ཏི་ར་ཙྪཱ་ན་ཝི་ཛྫཱ་ཝཱ་ཙ་ན་སི་ཀྑཱ་པ་ད་ཝ་ཎྞ་ནཱ
ལེ་ཁེཏི ལི་ཁ་སི་པྤེ. དྷཱ་ར་ཎཱ་ཡ ཝཱཏི དྷཱ་ར་ཎ་ས་ཏྠེ, ཡ་སྨིཾ ཝུ་ཏྟ་ན་ཡེ་ན པ་ཊི་པ་ཛྫ་ནྟཱ བ་ཧཱུ་ནི་པི ག་ནྠཱ་ནི དྷཱ་རེ་ནྟི. ནཱ་ག་མ་ཎྜ་ལཱ་དི་ཀེཏི ཨེ་ཏྠ ནཱ་ག་མ་ཎྜ་ལཾ ནཱ་མ ས་པྤཱ་ནཾ པ་ཝེ་ས་ནི་ཝཱ་ར་ཎ་ཏྠཾ མ་ཎྜ་ལ་བ་དྡྷ་མ་ནྟོ.
ཏི་ར་ཙྪཱ་ན་ཝི་ཛྫཱ་ཝཱ་ཙ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཙི་ཏྟཱ་གཱ་ར་ཝ་གྒོ པ་ཉྩ་མོ.
༦. ཨཱ་རཱ་མ་ཝ་གྒོ
༡-༢. ཨཱ་རཱ་མ་པ་ཝི་ས་ནཱ་དི་སི་ཀྑཱ་པ་ད་ཝ་ཎྞ་ནཱ
སཱི་སཱ་ནུ་ལོ་ཀི་ཀཱ་ཡཱཏི སཱི་སཾ ཨ་ནུ་ལོ་ཀེ་ནྟི་ཡཱ. ཡ་ཏྠ ཝཱ བྷི་ཀྑུ་ནི་ཡོ ས་ནྣི་པ་ཏི་ཏཱཏི ཡ་ཏྠ བྷི་ཀྑུ་ནི་ཡོ པ་ཋ་མ་ཏ་རཾ ས་ཛ྄ཛྷཱ་ཡ་ན་ཙེ་ཏི་ཡ་ཝ་ནྡ་ནཱ་དི་ཨ་ཏྠཾ ས་ནྣི་པ་ཏི་ཏཱ. ཨཱ་པ་དཱ་སཱུཏི ཀེ་ན་ཙི ཨུ་པ་དྡུ་ཏཱ ཧོ་ཏི, ཨེ་ཝ་རཱུ་པཱ་སུ ཨཱ་པ་དཱ་སུ པ་ཝི་སི་ཏུཾ ཝ་ཊྚ་ཏི.
དུ་ཏི་ཡཾ ཨུ་ཏྟཱ་ན་ཏྠ་མེ་ཝ.
ཨཱ་རཱ་མ་པ་ཝི་ས་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣-༤. ག་ཎ་པ་རི་བྷཱ་ས་ནཱ་དི་སི་ཀྑཱ་པ་ད་ཝ་ཎྞ་ནཱ
སེ་སནྟི ‘‘ཨ་ཏྠ་དྷ་མྨ་ཨ་ནུ་སཱ་ས་ནི་པུ་རེ་ཀྑཱ་རཱ་ཡཱ’’ཏི་ཨཱ་དི་ཀཾ ཨ་ཝ་སེ་སཾ. ཏ་ཏྠ ཨ་ནུ་སཱ་ས་ནི་པུ་རེ་ཀྑཱ་རཱ་ཡཱཏི ‘‘ཨི་དཱ་ནི་པི ཏྭཾ བཱ་ལཱ ཨ་བྱ་ཏྟཱ’’ཏི་ཨཱ་དི་ནཱ (པཱ་ཙི. ཨ་ཊྛ. ༡༠༣༦) ན་ཡེ་ན ཨ་ནུ་སཱ་ས་ནི་པ་ཀྑེ ཋ་ཏྭཱ ཝ་ད་ནྟི་ཡཱ ཨ་ནཱ་པ་ཏྟི.
ཙ་ཏུ་ཏྠཾ ཨུ་ཏྟཱ་ན་ཏྠ་མེ་ཝ.
ག་ཎ་པ་རི་བྷཱ་ས་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ
ཀུ་ལེ མ་ཙྪ་རོ ཀུ་ལ་མ་ཙྪ་རོཏི པུ་རི་མ་སྨིཾ པ་ཀྑེ ས་ཀ་ཏྠེ ཨི་ནཱིཔ་ཙྩ་ཡོ, ཏཾ ཀུ་ལཾ ཨ་སྶ་དྡྷཾ ཨ་པྤ་ས་ནྣ་ནྟི ཀུ་ལ་སྶ ཨ་གུ་ཎཾ, ཨ་ཡ་སཾ ཝཱ བྷཱ་ས་ནྟི་ཡཱ་ཏི ཨ་ཏྠོ. བྷི་ཀྑུ་ནཱི་ནཾ ཨ་ཝ་ཎྞཾ བྷཱ་ས་ནྟི་ཡཱཏི ‘‘བྷི་ཀྑུ་ནི་ཡོ དུ་སྶཱི་ལཱ པཱ་པ་དྷ་མྨཱ’’ཏི (པཱ་ཙི. ཨ་ཊྛ. ༡༠༤༣) བྷི་ཀྑུ་ནཱི་ནཾ ཨ་གུ་ཎཾ, ཨ་ཡ་སཾ ཝཱ བྷཱ་ས་ནྟི་ཡཱ.
ས་ནྟཾ་ཡེ་ཝ ཨཱ་དཱི་ན་ཝནྟི ཀུ་ལ་སྶ ཝཱ བྷི་ཀྑུ་ནཱི་ནཾ ཝཱ ས་ནྟཾ་ཡེ་ཝ ཨ་གུ་ཎཾ.
ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.