༩. ཚ་ཏྟུ་པཱ་ཧ་ན་ཝ་གྒོ
༡-༢. ཚ་ཏྟུ་པཱ་ཧ་ནཱ་དི་སི་ཀྑཱ་པ་ད་ཝ་ཎྞ་ནཱ
ཝུ་ཏྟ་ལ་ཀྑ་ཎཾ ཚ་ཏྟནྟི ‘‘ཚ་ཏྟཾ ནཱ་མ ཏཱི་ཎི ཚ་ཏྟཱ་ནི – སེ་ཏ་ཙྪ་ཏྟཾ, ཀི་ལ་ཉྫ་ཙྪ་ཏྟཾ, པ་ཎྞ་ཙྪ་ཏྟཾ མ་ཎྜ་ལ་བ་དྡྷཾ, ས་ལཱ་ཀ་བ་དྡྷ’’ནྟི (པཱ་ཙི. ༡༡༨༡) ཨེ་ཝཾ པ་ད་བྷཱ་ཛ་ནེ ཝུ་ཏྟ་ལ་ཀྑ་ཎཾ ཚ་ཏྟཾ. ཏཱ་དི་སཾ ཋཱ་ནཾ པ་ཏྭཱཏི ག་ཙྪ་ཀ་དྡ་མཱ་དཱི་སུ ཏཾ ཏཾ ཋཱ་ནཾ པ་ཏྭཱ.
ཚ་ཏྟ་སྶེ་ཝཱཏི ཀ་དྡ་མཱ་དཱི་ནི པ་ཏྭཱ ཨུ་པཱ་ཧ་ནཱ ཨོ་མུ་ཉྩི་ཏྭཱ ཚ་ཏྟ་སྶེ་ཝ དྷཱ་ར་ཎཾ. ཨུ་པཱ་ཧ་ནཱ་ནཾ་ཡེ་ཝ ཝཱཏི ག་ཙྪཱ་དཱི་ནི དི་སྭཱ ཚ་ཏྟཾ ཨ་པ་ནཱ་མེ་ཏྭཱ ཨུ་པཱ་ཧ་ནཱ་ནཾ་ཡེ་ཝ དྷཱ་ར་ཎཾ.
དུ་ཏི་ཡཾ ཨུ་ཏྟཱ་ན་ཏྠ་མེ་ཝ.
ཚ་ཏྟུ་པཱ་ཧ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣-༥. ས་ངྒྷཱ་ཎི་ཨཱ་དི་སི་ཀྑཱ་པ་ད་ཝ་ཎྞ་ནཱ
ས་ངྒྷཱ་ཎིནྟི ཀ་ཊི་ཡཾ ཨ་ནུ་བྷ་ཝི་ཏ་བྦཾ ཨཱ་བྷ་ར་ཎཾ. ཏེ་ནཱ་ཧ ‘‘ཡཾ ཀི་ཉྩི ཀ་ཊཱུ་པ་ག’’ནྟི.
ཙ་ཏུ་ཏྠ་པ་ཉྩ་མཱ་ནི ཨུ་ཏྟཱ་ན་ཏྠཱ་ནེ་ཝ.
ས་ངྒྷཱ་ཎི་ཨཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. ཝཱ་སི་ཏ་ཀ་སི་ཀྑཱ་པ་ད་ཝ་ཎྞ་ནཱ
ག་ནྡྷ་ཝཱ་སི་ཏ་ཀེ་ནཱཏི ག་ནྡྷ་པ་རི་བྷཱ་ཝི་ཏེ་ན.
ཝཱ་སི་ཏ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧-༡༠. བྷི་ཀྑུ་ནི་ཨུ་མྨ་དྡཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ
གི་ལཱ་ནཱ་ཡཱཏི (པཱ་ཙི. ཨ་ཊྛ. ༡༢༠༨) ཨ་ནྟ་མ་སོ མ་གྒ་ག་མ་ན་པ་རི་སྶ་མེ་ནཱ་པི ཨཱ་བཱ་དྷི་ཀཱ་ཡ. ཨཱ་པ་དཱ་སཱུཏི ཙོ་ར་བྷ་ཡཱ་དི་ནཱ ས་རཱི་ར་ཀ་མྤ་ནཱ་དཱི་སུ.
ཨ་ཊྛ་མ་ན་ཝ་མ་ད་ས་མེ་སུ ཀི་ཉྩི ཝ་ཏྟ་བྦཾ ན་ཏྠི.
བྷི་ཀྑུ་ནི་ཨུ་མྨ་དྡཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༡. ཨ་ནཱ་པུ་ཙྪཱ་སི་ཀྑཱ་པ་ད་ཝ་ཎྞ་ནཱ
ཨུ་པ་ཙཱ་རཾ ས་ནྡྷཱ་ཡཱཏི ས་མ་ནྟཱ དྭཱ་ད་ས་ཧ་ཏྠཱུ་པ་ཙཱ་རཾ ས་ནྡྷཱ་ཡ.
ཨ་ནཱ་པུ་ཙྪཱ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༢. པ་ཉྷཱ་པུ་ཙྪ་ན་སི་ཀྑཱ་པ་ད་ཝ་ཎྞ་ནཱ
ཨ་ནོ་དི་སྶཱཏི ‘‘ཨ་མུ་ཀ་སྨིཾ ནཱ་མ ཋཱ་ནེ པུ་ཙྪཱ་མཱི’’ཏི ཨེ་ཝཾ ཨ་ནི་ཡ་མེ་ཏྭཱ ཀེ་ཝ་ལཾ ‘‘པུ་ཙྪི་ཏ་བྦཾ ཨ་ཏྠི, པུ་ཙྪཱ་མི, ཨ་ཡྻཱ’’ཏི ཨེ་ཝཾ ཝ་ཏྭཱ.
པ་ཉྷཱ་པུ་ཙྪ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༣. ཨ་སཾ་ཀ་ཙྩི་ཀ་སི་ཀྑཱ་པ་ད་ཝ་ཎྞ་ནཱ
པ་རི་ཀྑི་ཏྟ་སྶ གཱ་མ་སྶ པ་རི་ཀྑེ་པཾ, ཨ་པ་རི་ཀྑི་ཏྟ་སྶ ཨུ་པ་ཙཱ་རཾ ཨ་ཏི་ཀྐ་མ་ནྟི་ཡཱ ཝཱ ཨོ་ཀྐ་མ་ནྟི་ཡཱ ཝཱཏི ཨེ་ཏྠ པ་རི་ཀྑི་ཏྟ་སྶ གཱ་མ་སྶ པ་རི་ཀྑེ་པཾ ཨ་ཏི་ཀྐ་མ་ནྟི་ཡཱ ཝཱ ཨ་པ་རི་ཀྑི་ཏྟ་སྶ གཱ་མ་སྶ ཨུ་པ་ཙཱ་རཾ ཨོ་ཀྐ་མ་ནྟི་ཡཱ ཝཱ་ཏི ཡ་ཐཱ་ཀྐ་མཾ ས་མྦ་ནྡྷོ ཝེ་དི་ཏ་བྦོ. ཨཱ་པ་དཱ་སཱུཏི མ་ཧ་གྒྷཾ སཾ་ཀ་ཙྩི་ཀཾ པཱ་རུ་པི་ཏྭཱ ག་ཙྪ་ནྟི་ཡཱ ཨུ་པ་དྡ་ཝོ ཨུ་པྤ་ཛྫ་ཏི, ཨེ་ཝ་རཱུ་པཱ་སུ ཨཱ་པ་དཱ་སུ.
ཨ་སཾ་ཀ་ཙྩི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཚ་ཏྟུ་པཱ་ཧ་ན་ཝ་གྒོ ན་ཝ་མོ.
ཨི་ཏི ཀ་ངྑཱ་ཝི་ཏ་ར་ཎི་ཡཱ པཱ་ཏི་མོ་ཀྑ་ཝ་ཎྞ་ནཱ་ཡ
ཝི་ན་ཡ་ཏྠ་མ་ཉྫཱུ་སཱ་ཡཾ ལཱི་ན་ཏྠ་པྤ་ཀཱ་ས་ནི་ཡཾ
བྷི་ཀྑུ་ནི་པཱ་ཏི་མོ་ཀྑེ པཱ་ཙི་ཏྟི་ཡ་ཝ་ཎྞ་ནཱ ནི་ཊྛི་ཏཱ.
ཨ་སཱ་དྷཱ་ར་ཎ་ས་མུ་ཊྛཱ་ན་ཝ་ཎྞ་ནཱ
ཨ་ཙི་ཏྟ་ཀཱ་ནཱིཏི (སཱ་ར་ཏྠ. ཊཱི. པཱ་ཙི་ཏྟི་ཡ ༣.༡༢༡༤) ‘‘ན་ཙྩ’’ནྟི་ཨཱ་དི་ནཱ ཨ་ཛཱ་ནི་ཏྭཱ ད་སྶ་ནཱ་དིཾ ཀ་རོ་ནྟི་ཡཱ ཨཱ་པ་ཏྟི་ས་མྦྷ་ཝ་ཏོ ཝ་ཏྠུ་ཨ་ཛཱ་ན་ན་ཙི་ཏྟེ་ན ཨ་ཙི་ཏྟ་ཀཱ་ནི. ལོ་ཀ་ཝ་ཛྫཱ་ནཱིཏི ‘‘ན་ཙྩ’’ནྟི་ཨཱ་དི་ནཱ ཛཱ་ནི་ཏྭཱ ད་སྶ་ནཱ་དིཾ ཀ་རོ་ནྟི་ཡཱ ཨ་ཀུ་ས་ལེ་ནེ་ཝ ཨཱ་པ་ཛྫ་ན་ཏོ ལོ་ཀ་ཝ་ཛྫཱ་ནི. ཏེ་ནཱ་ཧ ‘‘ཨ་ཡཾ པ་ནེ་ཏྠ ཨ་དྷི་པྤཱ་ཡོ’’ཏི་ཨཱ་དི ས་ཙི་ཏྟ་ཀཱ་ནཱིཏི ‘‘ཙོ་རཱི’’ཏི་ཨཱ་དི་ནཱ ཝ་ཏྠུཾ ཛཱ་ནི་ཏྭཱ ཀ་ར་ཎེ་ཡེ་ཝ ཨཱ་པ་ཏྟི་ས་མྦྷ་ཝ་ཏོ ས་ཙི་ཏྟ་ཀཱ་ནི. ཨུ་པ་ས་མྤ་དཱ་དཱི་ནཾ ཨེ་ཀ་ནྟཱ་ཀུ་ས་ལ་ཙི་ཏྟེ་ནེ་ཝ ཨ་ཀ་ཏྟ་བྦ་ཏྟཱ པ་ཎྞ་ཏྟི་ཝ་ཛྫཱ་ནི. ‘‘ཨི་དྷ ས་ཙི་ཏྟ་ཀཱ་ཙི་ཏྟ་ཀ་ཏཱ པ་ཎྞ་ཏྟི་ཛཱ་ན་ནཱ་ཛཱ་ན་ན་ཏཱ་ཡ ཨ་གྒ་ཧེ་ཊྛཱ ཝ་ཏྠུ་ཛཱ་ན་ནཱ་ཛཱ་ན་ན་ཏཱ་ཡ ག་ཧེ་ཏ་བྦ’’ནྟི ཝ་ད་ནྟི.
ཨ་སཱ་དྷཱ་ར་ཎ་ས་མུ་ཊྛཱ་ན་ཝ་ཎྞ་ནཱ ནི་ཊྛི་ཏཱ.