༩. དུ་ཏི་ཡ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ

བྷི་ཀྑུ་ནི་ཡཱ་པཱིཏི པི-ས་དྡེ་ན བྷི་ཀྑུཾ ས་མུ་ཙྩི་ནོ་ཏི. ཨ་ནི་ཀྑི་ཏྟ་བཱི་ཛེ་སུ (པཱ་ཙི. ཨ་ཊྛ. ༨༣༠) པ་ན ཁེ་ཏྟེ་སུ ཀོ་ཎཱ་དཱི་སུ ཝཱ ཨ་ས་ཉྫཱ་ཏ་རོ་པི་མེ་སུ ཁེ་ཏྟ་མ་རི་ཡཱ་དཱ་དཱི་སུ ཝཱ ཚ་ཌྜེ་ཏུཾ ཝ་ཊྚ་ཏི. མ་ནུ་སྶཱ་ནཾ ཀ་ཙ་ཝ་ར་ཚ་ཌྜ་ན་ཊྛཱ་ནེ་པི ཝ་ཊྚ་ཏི་ཡེ་ཝ. ཚ་ཌྜི་ཏ་ཁེ་ཏྟེཏི མ་ནུ་སྶེ་སུ ས་སྶཾ ཨུ་དྡྷ་རི་ཏྭཱ ག་ཏེ་སུ ཚ་ཌྜི་ཏ་ཁེ་ཏྟཾ ནཱ་མ ཧོ་ཏི, ཏ་ཏྠ ཝ་ཊྚ་ཏི. ཡ་ཏྠ པ་ན ‘‘ལཱ་ཡི་ཏ་མྤི པུ་བྦ་ཎྞཱ་དི པུ་ན ཨུ་ཊྛ་ཧི་སྶ་ཏཱི’’ཏི ར་ཀྑ་ནྟི, ཏ་ཏྠ ཡ་ཐཱ་ཝ་ཏྠུ་ཀ་མེ་ཝ. སཱ་མི་ཀེ ཨ་པ་ལོ་ཀེ་ཏྭཱཏི ཨེ་ཏྠ ཁེ་ཏྟ་པཱ་ལ་ཀཱ, ཨཱ་རཱ་མཱ་དི་གོ་པ་ཀཱ ཙ སཱ་མི་ཀཱ་ཝ. ཨི་མི་ནཱ ཙ ས་ངྒྷ་ས་ནྟ་ཀེ བྷི་ཀྑུ་སྶ ཚ་ཌྜེ་ཏུཾ ཝ་ཊྚ་ཏི ས་ངྒྷ་པ་རི་ཡཱ་པ་ནྣ་ཏྟཱ, ན བྷི་ཀྑུ་ནཱི་ནཾ. བྷི་ཀྑུ་ནཱི་ནཾ པ་ན ཨ་ཏྟ་ནོ ས་ནྟ་ཀེ བྷི་ཀྑུ་ས་ནྟ་ཀེ ཝུ་ཏྟ་ན་ཡེ་ནེ་ཝ ཝ་ཊྚ་ཏཱི་ཏི ད་སྶེ་ཏི, ཨེ་ཝཾ ས་ནྟེ་པི སཱ་རུ་པྤ་ཝ་སེ་ན ཀཱ་ཏ་བྦཾ.

དུ་ཏི་ཡ་ཨུ་ཙྩཱ་ར་ཚ་ཌྜ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.