༢. ས་ཧ་ཛཱ་ཏ་ཝཱ་ར་ཝ་ཎྞ་ནཱ

༢༣༤-༢༤༢. ཀུ་ས་ལཾ དྷ་མྨཾ ས་ཧ་ཛཱ་ཏོ, ཀུ་ས་ལཾ ཨེ་ཀཾ ཁ་ནྡྷཾ ས་ཧ་ཛཱ་ཏོཏི་ཨཱ་དཱི་སུ ས་ཧ་ཛཱ་ཏ་ས་དྡེ་ན ས་ཧ་ཛཱ་ཏ་པ་ཙྩ་ཡ་ཀ་ར་ཎཾ ས་ཧ་ཛཱ་ཏཱ་ཡ་ཏྟ་བྷཱ་ཝ་ག་མ་ནཾ ཝཱ ཝུ་ཏྟ་ནྟི ཏ་སྶ ཀ་ར་ཎ་སྶ ག་མ་ན་སྶ ཝཱ ཀུ་ས་ལཱ་དཱི་ནཾ ཀ་མྨ་བྷཱ་ཝ་ཏོ ཨུ་པ་ཡོ་ག་ཝ་ཙ་ནཾ ཀ་ཏ་ནྟི ད་ཊྛ་བྦཾ. ཨེ་ས ན་ཡོ པ་ཙྩ་ཡ་ཝཱ་རཱ་དཱི་སུ་པི. ཏ་ཏྲཱ་པི ཧི པ་ཙྩ་ཡ་ས་དྡེ་ན ཙ ནི་སྶ་ཡ་པ་ཙྩ་ཡ་ཀ་ར་ཎཾ ནི་སྶ་ཡཱ་ཡ་ཏྟ་བྷཱ་ཝ་ག་མ་ནཾ ཝཱ ཝུ་ཏྟཾ, སཾ་ས་ཊྛ་ས་དྡེ་ན ཙ ས་མྤ་ཡུ་ཏྟ་པ་ཙྩ་ཡ་ཀ་ར་ཎཾ ས་མྤ་ཡུ་ཏྟཱ་ཡ་ཏྟ་བྷཱ་ཝ་ག་མ་ནཾ ཝཱ་ཏི ཏཾ་ཀ་མྨ་བྷཱ་ཝ་ཏོ ཨུ་པ་ཡོ་ག་ཝ་ཙ་ནཾ ཀུ་ས་ལཱ་དཱི་སུ ཀ་ཏ་ནྟི. ས་ཧ་ཛཱ་ཏ་མྤི ཙ ཨུ་པཱ་དཱ་རཱུ་པཾ བྷཱུ་ཏ་རཱུ་པ་སྶ པ་ཙྩ་ཡོ ན ཧོ་ཏཱིཏི ‘‘པ་ཊི་ཙྩཱ’’ཏི ཨི་མི་ནཱ ཝ་ཙ་ནེ་ན དཱི་པི་ཏོ པ་ཙྩ་ཡོ ན ཧོ་ཏཱི་ཏི ཨ་ཏྠོ. ‘‘ཨུ་པཱ་དཱ་རཱུ་པཾ བྷཱུ་ཏ་རཱུ་པ་སྶཱ’’ཏི ཙ ནི་ད་སྶ་ན་ཝ་སེ་ན ཝུ་ཏྟཾ. ཨུ་པཱ་དཱ་རཱུ་པ་སྶ་པི ཧི ཨུ་པཱ་དཱ་རཱུ་པཾ ཡ་ཐཱ་ཝུ་ཏྟོ པ་ཙྩ་ཡོ ན ཧོ་ཏི, ཝ་ཏྠུ་ཝ་ཛྫཱ་ནི རཱུ་པཱ་ནི ཙ ཨ་རཱུ་པཱ་ན་ནྟི.

ས་ཧ་ཛཱ་ཏ་ཝཱ་ར་ཝ་ཎྞ་ནཱ ནི་ཊྛི་ཏཱ.