༨. ད་སྶ་ནེ་ན་པ་ཧཱ་ཏ་བྦ་ཏྟི་ཀ་ཝ་ཎྞ་ནཱ
ད་སྶ་ནེ་ན་པ་ཧཱ་ཏ་བྦ་ཏྟི་ཀེ ད་སྶ་ནེ་ན པ་ཧཱ་ཏ་བྦོ དྷ་མྨོ བྷཱ་ཝ་ནཱ་ཡ པ་ཧཱ་ཏ་བྦ་སྶ དྷ་མྨ་སྶ ཨེ་ཀེ་ན་པི པ་ཙྩ་ཡེ་ན པ་ཙྩ་ཡོ ན ཧོ་ཏཱིཏི ཨི་དཾ པ་ཊི་ཙྩ་ས་མུ་པྤཱ་ད་ཝི་བྷ་ངྒེ ཝི་ཙཱ་རི་ཏ་ན་ཡེ་ན ཝི་ཙཱ་རེ་ཏ་བྦ་ནྟི.
ད་སྶ་ནེ་ན་པ་ཧཱ་ཏ་བྦ་ཏྟི་ཀ་ཝ་ཎྞ་ནཱ ནི་ཊྛི་ཏཱ.
པུ་ཙྪཱ་ག་ཎ་ན་གཱ་ཐཱ་ཡོ
ཀུ་ས་ལཱ་དི ཨེ་ཀ་ཀ་ཏྟ་ཡ-མ་ཐཱ་དི ཨ་ནྟེ་ན མ་ཛ྄ཛྷི་མ་ནྟེ་ན;
ཨཱ་དི ཙ མ་ཛ྄ཛྷེ་ན དུ་ཀཱ, ཏ་ཡོ ཏི་ཀེ་ཀོ ཙ ཝི་ཉྙེ་ཡྻོ.
ཏེ་སྭེ་ཀེ་ཀཾ མཱུ་ལཾ ཀ་ཏྭཱ, ཏཾ ས་ཏྟ་ས་ཏྟ་ཀཱ པུ་ཙྪཱ;
ཨེ་ཀེ་ཀ་པ་ཙྩ་ཡེ ཡ་ཐཱ, བྷ་ཝ་ནྟི ཨེ་ཀཱུ་ན་པ་ཉྙཱ་ས.
ཚ་ས་ཏྟ་ཏཱ་དྷི་ཀ་ས་ཏཾ, ས་ཧ་སྶ་མེ་ཀ་ཉྩ སུ་དྡྷི་ཀེ པུ་ཙྪཱ;
ཨེ་ས ཙ ན་ཡོ་ནུ་ལོ་མེ, པ་ཙྩ་ནཱི་ཡེ ཙཱ་ཏི ནཱ་ཉྙ་ཏྠ.
རཱ་སི་གུ་ཎི་ཏ་སྶ རཱ་སི་སྶ་ཌྜྷཾ, ས་ཧ རཱ་སི་ཀ་སྶ པི་ཎྜོ སོ;
རཱ་སི་སྶ ཝཱ ས་ཧེ་ཀ་སྶ་ཌྜྷཾ, པུ་ན རཱ་སི་ནཱ གུ་ཎི་ཏཾ.
ཨི་ཏི ཧེ་ཏུ་མཱུ་ལ་ཀཱ་དུ་ཀ-ཏི་ཀཱ་ད་ཡོ ཚ་ཙྩ ས་ཏྟ་ཏི་ས་ཏཱ དྭེ;
ཙ་ཏུ་ཝཱི་ས་ཏེ་ཏྠ པུ་ཙྪཱ, ཨ་ཌྜྷུ་ཌྜྷ་ས་ཧ་སྶ་ན་ཧུ་ཏ་ཉྩ.
ཏཱ་སཾ ཡ་སྨཱ སུ་དྡྷི་ཀ-ན་ཡོ ན པ་ཙྩེ་ཀ་པ་ཙྩ་ཡེ ཏ་སྨཱ;
ཙ་ཏུ་ཝཱི་ས་ཏི་གུ་ཎི་ཏཱ་ནཾ, ས་སུ་དྡྷི་ཀཱ་ནཾ ཨ་ཡཾ ག་ཎ་ནཱ.
ལ་ཀྑ་ཏྟ་ཡཾ དྭི་ན་ཧུ་ཏཾ, པ་ཉྩ ས་ཧ་སྶཱ་ནི ས་ཏྟ ཙ ས་ཏཱ་ནི;
དྭཱ་པ་ཉྙཱ་སཱ ཨེ་ཏཱ, ཨ་ནུ་ལོ་མེ པི་ཎྜི་ཏཱ པུ་ཙྪཱ.
ཨ་ནུ་ལོ་མ་ས་དི་ས་ག་ཎ་ནཱ, བྷ་ཝ་ནྟི པུ་ཙྪཱ་ན་ཡེ ཙ པ་ཙྩ་ནཱི་ཡེ;
ཧཱ་པེ་ཏྭཱ པ་ན སེ་སེ, ན་ཡ་དྭ་ཡེ སུ་དྡྷི་ཀེ ལ་དྡྷཱ.
ཚ་པྤ་ཉྙཱ་ས བྷ་ཝ་ནྟི པུ་ཙྪཱ, ཚ་ས་ཏ་ས་ཧི་ཏ་ཉྩ ལ་ཀྑ་ཏེ་ར་ས་ཀཾ;
པུ་ཙྪཱ་ན་ཡེ་སུ ག་ཎི་ཏཱ, པ་ཊི་ཙྩ་ཝཱ་རེ ཙ་ཏཱུ་སྭ་པི.
ས་ཏྟ་ཧི གུ་ཎི་ཏཱ ཀུ་ས་ལ་ཏྟི་ཀེ དྭ་ཡཾ, ན་ཝུ་ཏི་ཉྩེ་ཝ པ་ཉྩ་ས་ཏཱ;
ཙ་ཏྟཱ་རི ས་ཧ་སྶཱ་ནི ཙ, ཏ་ཐེ་ཀ་ན་ཝུ་ཏེ ཙ ལ་ཀྑ་ཀཱ.
ནཱ་དྭཱ་ཝཱི་ས་ཏི གུ་ཎི་ཏཱ, ཏི་ཀེ་སུ ས་བྦེ་སུ ཝཱི་ས་ཏི ཙ ཀོ་ཊི;
ལ་ཀྑ་ཏྟ་ཡཾ ས་ཧ་སྶཾ, ཙ་ཏུ་ཝཱི་ས་ཏི ཙཱ་པི ཝི་ཉྙེ་ཡྻཱ.
ཏི་ཀ་པ་ཊྛཱ་ནཾ.
ཨེ་ཀ་ཀ་པ་ཙྩ་ཡེ པ་ན, ན་ཝ ན་ཝ ཀ་ཏྭཱ ས་སོ་ལ༹་ས་དྭི་ས་ཏཾ;
ཧེ་ཏུ་དུ་ཀ་པ་ཋ་མ་ཝཱ་རེ, པ་ཋ་མ་ན་ཡེ སུ་དྡྷི་ཀེ པུ་ཙྪཱ.
ཧེ་ཏཱ་དི་མཱུ་ལ་ཀ་ན་ཡེ-སྭེ་ཀེ་ཀ་སྨིཾ དུ་ཀཱ་དི་བྷེ་ད་ཡུ་ཏེ;
ཙ་ཏུ་རཱ་སཱི་ཏི་ཙ་ཏུ་ས་ཏ-ས་ཧི་ཏཾ ས་ཧ་སྶ་དྭ་ཡཾ པུ་ཙྪཱ.
ཏཱ ཙ་ཏུ་ཝཱི་ས་ཏི་གུ་ཎི་ཏཱ, ས་སུ་དྡྷི་ཀཱ ཨེ་ཏྠ ཧོ་ནྟི ཨ་ནུ་ལོ་མེ;
དྭ་ཏྟིཾ་ས་ཊྛ་ས་ཏཱ་དྷི་ཀ-ས་ཧ་སྶ་ན་ཝ་ཀ་ཌྜྷ་ལ་ཀྑ་ཀཱ.
ཨེ་ཝཾ པ་ཙྩ་ནཱི་ཡེ དྭེ, སུ་དྡྷི་ཀ་ར་ཧི་ཏཱ ཙ་ཏཱུ་སྭ་ཏོ ཧོ་ནྟི;
ཚ་ནྣ་ཝུ་ཏ་ཊྛ་ས་ཏ་ཊྛ-ཏིཾ་ས་ས་ཧ་སྶ་དྭི་ལ་ཀྑ་ཀཱ་ནི.
ཏཱ པ་ན ས་ཏྟ་གུ་ཎཱ དྭེ, ས་ཏྟ་ཏི་ས་ཏ་དྭ་ཡཾ ས་ཧ་སྶཱ་ནི;
དྭཱ་ས་ཏྟ་ཏི ཧོ་ནྟི ཏ་ཏོ, སོ་ལ༹་ས ལ་ཀྑཱ་ནི ཧེ་ཏུ་དུ་ཀེ.
ཏཱ ས་ཏ་གུ་ཎཱ དུ་ཀ་ས་ཏེ, ས་ཏ་དྭ་ཡཾ ས་ཏྟ་ཝཱི་ས་ཏི ས་ཧ་སྶཱ;
དྭཱ་ས་ཏྟ་ཏི་ལ་ཀྑཱ་ནི ཙ, སོ་ལ༹་ས་ཀོ་ཊི ཏ་ཏོ པུ་ཙྪཱ.
དུ་ཀ་པ་ཊྛཱ་ནཾ.
དུ་ཀ་ཏི་ཀ་པ་ཊྛཱ་ནེ ཏི་ཀ-པ་ཀྑེ་པོ ཧོ་ཏི ཨེ་ཀ་མེ་ཀ་དུ་ཀེ;
ཏ་སྶ ཚ་ས་ཊྛི་གུ་ཎེ་ན ཏེ, ཚ་ས་ཊྛི་ས་ཏཾ དུ་ཀཱ ཧོ་ནྟི.
ཧེ་ཏུ་དུ་ཀ་ལ་དྡྷ་པུ་ཙྪཱ, གུ་ཎི་ཏཱ ཏེ་ཧི ཙ ཧོ་ནྟི ཏི་ཀ་པ་ད་མེ་ཝ;
དུ་ཀ་པ་ཊྛཱ་ནེ པུ་ཙྪཱ, ཏཱ་སཾ ག་ཎ་ནཱ ཨ་ཡཾ ཉེ་ཡྻཱ.
དྭཱ་པ་ཉྙཱ་ས ས་ཏཱ་ནི ཙ, ན་ཝེ་ཝ ན་ཧུ་ཏཱ་ནི ན་ཝ ཙ ས་ཊྛི་ཉྩ;
ལ་ཀྑཱ་ནི ཏཱི་ཧི ས་ཧི་ཏཾ, ས་ཏཾ ས་ཧ་སྶ་ཉྩ ཀོ་ཊི་ནཾ.
དུ་ཀ་ཏི་ཀ་པ་ཊྛཱ་ནཾ.
ཏི་ཀ་དུ་ཀ་པ་ཊྛཱ་ནེ ཏི་ཀ-མེ་ཀེ་ཀཾ དྭི་ས་ཏ་བྷེ་ད་ནཾ ཀ་ཏྭཱ;
དྭཱ་ཝཱི་ས་དྭི་ས་ཏ་གུ་ཎཱ, ཉེ་ཡྻཱ ཀུ་ས་ལ་ཏྟི་ཀེ ལ་དྡྷཱ.
པུ་ཙྪཱ ཨ་ཊྛ་ས་ཏཱ་དྷི་ཀ-ཙ་ཏུ་ས་ཧ་སྶ་དྭི་ལ་ཀྑ་ཡུ་ཏྟཱ་ནཾ;
ཀོ་ཊཱི་ནཾ ཚ་ཀྐ་མ་ཐོ, ཀོ་ཊི་ས་ཧ་སྶཱ་ནི ཙ་ཏྟཱ་རི.
ཏི་ཀ་དུ་ཀ་པ་ཊྛཱ་ནཾ.
ཏི་ཀ་ཏི་ཀ་པ་ཊྛཱ་ནེ, ཏེ་ས་ཊྛི་ཝི་དྷེ་ཀེ་ཀ་བྷེ་ད་ནཱ ཏུ ཏི་ཀཱ;
ཏེ་ཧི ཙ གུ་ཎི་ཏཱ ཀུ་ས་ལ-ཏྟི་ཀ་པུ་ཙྪཱ་པི ཧོ་ནྟི པུ་ཙྪཱ ཏཱ.
དྭཱ་ད་ས པ་ཉྩ་ས་ཏཱ ཙ་ཏུ-ས་ཊྛི་ས་ཧ་སྶཱ་ནི ན་ཝུ་ཏི ཙེ་ཀཱུ་ནཱ;
ལ་ཀྑཱ་ན་མེ་ཀ་ས་ཊྛི, དྭཱ་ད་ས་ས་ཏ་ཀོ་ཊི་ཡོ ཙེ་ཝ.
ཏི་ཀ་ཏི་ཀ་པ་ཊྛཱ་ནཾ.
དྭ་ཡ་ཧཱི་ན་དྭ་ཡ་ས་ཏ་གུ་ཎོ, ཨེ་ཀེ་ཀོ དུ་ཀ་དུ་ཀེ ཏེ་ཧི;
ཧེ་ཏུ་དུ་ཀེ ལ་དྡྷཱ ས་ངྑྱ-བྷེ་དེ་ཧི ཙ ཝ་ཌྜྷི་ཏཱ པུ་ཙྪཱ.
ཚ་ས་ཏ་ཡུ་ཏཱ་ནི པ་ཉྩཱ-སཱི་ཏི་ས་ཧ་སྶཱ་ནི ལ་ཀྑ་ན་ཝ་ཀ་ཉྩ;
ཨེ་ཀཱ་ད་སཱ་པི ཀོ་ཊི, པུ་ན ཀོ་ཊི་ས་ཏཱ་ནི ཏེ་ཏྟིཾ་ས.
དུ་ཀ་དུ་ཀ་པ་ཊྛཱ་ནཾ.
ས་མྤི་ཎྜི་ཏཱ ཏུ པུ་ཙྪཱ, ཨ་ནུ་ལོ་མེ ཚ་བྦི་དྷེ་པི པ་ཊྛཱ་ནེ;
ཚ་ཏྟིཾ་ས་ཏི་ས་ཏ་ས་ཧ་སྶ-ཊྛ་ཀ་ཡུ་ཏ་ས་ཏྟ་ན་ཧུ་ཏཱ་ནི.
ལ་ཀྑཱ་ནི ཚ་ཙྩ ཙ་ཏྟཱ-ལཱི་སེ་ཝ ན་ཝཱ་ཐ ཀོ་ཊི་ཡོ ད་ས ཙ;
ས་ཏྟ་ཀོ་ཊི་ས་ཏེ་ཧི ཙ, ཀོ་ཊི་ས་ཧ་སྶཱ་ནི ན་ཝ ཧོ་ནྟི.
ཏཱ ཙ་ཏུ་གུ་ཎི་ཏཱ པུ་ཙྪཱ, ཙ་ཏུ་པྤ་བྷེ་དེ ས་མ་ནྟ་པ་ཊྛཱ་ནེ;
ཙ་ཏུ་ཙ་ཏྟཱ་ལཱི་ས་ས་ཏ་ཏྟ་ཡཾ, ས་ཧ་སྶཱ་ནི ཏེ་ར་ས ཙ.
ས་ཏྟཱ་སཱི་ཏི ཙ ལ་ཀྑཱ་ནཾ, ཀོ་ཊཱི་ན་ཉྩ ས་ཏྟ་ས་ཏྟ་ཏི་ཡོ;
ཧོ་ནྟི་ཊྛ་ས་ཏཱ་ནི་ཊྛ-ཏིཾ་ས་ས་ཏ་ས་ཧ་སྶཱ་ནི ཨི་ཏི ག་ཎ་ནཱ.
པ་ཊྛཱ་ན་སྶ པུ་ཙྪཱ་ག་ཎ་ན་གཱ་ཐཱ.
པ་ཊྛཱ་ན་པ་ཀ་ར་ཎ-མཱུ་ལ་ཊཱི་ཀཱ ས་མ་ཏྟཱ.
ཨི་ཏི བྷ་ད་ནྟ་ཨཱ་ན་ནྡཱ་ཙ་རི་ཡ་ཀེ་ན ཀ་ཏཱ ལཱི་ན་ཏྠ་པ་ད་ཝ་ཎྞ་ནཱ
ཨ་བྷི་དྷ་མྨ་སྶ མཱུ་ལ་ཊཱི་ཀཱ ས་མ་ཏྟཱ.