༦. ཝི་ཏ་ཀྐ་ཏྟི་ཀ་ཝ་ཎྞ་ནཱ

༢༢. ཝི་ཏ་ཀྐ་ཏྟི་ཀེ པ་ཊི་ཙྩ་ཝཱ་རཱ་ནུ་ལོ་མེ ཨ་དྷི་པ་ཏི་ཡཱ ཏེ་ཝཱི་སཱཏི ས་ཏྟ་སུ མཱུ་ལ་ཀེ་སུ ཡ་ཐཱ་ཀྐ་མཾ ས་ཏྟ པ་ཉྩ ཏཱི་ཎི ཨེ་ཀཾ ཏཱི་ཎི ཏཱི་ཎི ཨེ་ཀ་ནྟི ཨེ་ཝཾ ཏེ་ཝཱི་ས, ཨ་ཉྙ་མ་ཉྙེ ཨ་ཊྛ་ཝཱི་ས ས་ཏྟ པ་ཉྩ པ་ཉྩ ཏཱི་ཎི ཙ་ཏྟཱ་རི ཏཱི་ཎི ཨེ་ཀ་ནྟི ཨེ་ཝཾ, པུ་རེ་ཛཱ་ཏེ ཨེ་ཀཱ་ད་ས ཏཱི་ཎི ཙ་ཏྟཱ་རི དྭེ དུ་ཏི་ཡ་ཏ་ཏི་ཡ་དུ་མཱུ་ལ་ཀེ་སུ ཨེ་ཀཾ ཨེ་ཀ་ནྟི ཨེ་ཝཾ, ཏ་ཐཱ ཨཱ་སེ་ཝ་ནེ. ཨ་ཉྙཱ་ནི ག་ཎ་ནཱ་ནི ཧེ་ཏུ་ཨཱ་ར་མྨ་ཎ་ས་དི་སཱ་ནི.

༣༡. པ་ཙྩ་ནཱི་ཡེ ནཱ་དྷི་པ་ཏི་པ་ཙྩ་ཡེ པ་ཋ་མ་པ་ཉྷེ ‘‘ཨ་ཝི་ཏ་ཀྐ་ཝི་ཙཱ་ར་མ་ཏྟེ ཁ་ནྡྷེ པ་ཊི་ཙྩ ཨ་ཝི་ཏ་ཀྐ་ཝི་ཙཱ་ར་མ་ཏྟཱ ཨ་དྷི་པ་ཏཱི’’ཏི ཝ་ཏྭཱ པུ་ན ‘‘ཝི་པཱ་ཀཾ ཨ་ཝི་ཏ་ཀྐ་ཝི་ཙཱ་ར་མ་ཏྟཾ ཨེ་ཀཾ ཁ་ནྡྷཾ པ་ཊི་ཙྩཱ’’ཏི་ཨཱ་དི་ནཱ ཝི་སྶ་ཛྫ་ནཾ ཀ་ཏཾ, ན པ་ན ཨ་ཝི་སེ་སེ་ན. ཀ་སྨཱ? ཝི་པཱ་ཀ་ཝ་ཛྫཱ་ནཾ ཨ་ཝི་ཏ་ཀྐ་ཝི་ཙཱ་ར་མ་ཏྟ་ཀྑ་ནྡྷཱ་ནཾ ཨེ་ཀ་ནྟེ་ན སཱ་དྷི་པ་ཏི་བྷཱ་ཝ་ཏོ. ཝི་པཱ་ཀཱ་ནཾ པ་ན ལོ་ཀུ་ཏྟ་རཱ་ན་མེ་ཝ སཱ་དྷི་པ་ཏི་བྷཱ་ཝོ, ན ཨི་ཏ་རེ་ས་ནྟི ཏེ ཝི་སུཾ ནི་དྡྷཱ་རེ་ཏྭཱ ཝུ་ཏྟཱ. ལོ་ཀུ་ཏྟ་ར་ཝི་པཱ་ཀཱ་དྷི་པ་ཏི་སྶ ཙེ་ཏྠ པུ་རི་མ་ཀོ་ཊྛཱ་སེ་ཡེ་ཝ ས་ངྒ་ཧོ ཝེ་དི་ཏ་བྦོ.

༣༨. ནཱ་སེ་ཝ་ན་མཱུ་ལ་ཀེ ཨ་ཝི་ཏ་ཀྐ་ཝི་ཙཱ་ར་མ་ཏྟཾ ཝི་པཱ་ཀེ་ན ས་ཧ ག་ཙྪ་ནྟེ་ནཱཏི ཨེ་ཏཾ མཱུ་ལཾ ཨ་ཝི་ཏ་ཀྐ་ཝི་ཙཱ་ར་མ་ཏྟ་ཨ་ཝི་ཏ་ཀྐ་ཝི་ཙཱ་ར་པ་དེ་ཧི ཨ་ཝི་ཏ་ཀྐེ་ཧི ས་ཧ ཡོ་ཛེ་ནྟེ་ན ན་པུ་རེ་ཛཱ་ཏ་ས་དི་སཾ པཱ་ལི༹་ག་མ་ནཾ ཀཱ་ཏ་བྦ་ནྟི ཝུ་ཏྟཾ ཧོ་ཏི. ས་དི་ས་ཏཱ ཙེ་ཏྠ ཡེ་བྷུ་ཡྻེ་ན ཝི་ས་དི་ས་ཏཱ ཙ ད་ཊྛ་བྦཱ. ཏ་ཏྠ ཧི ཨཱ་རུ་པྤེ ཨ་ཝི་ཏ་ཀྐ་ཝི་ཙཱ་ར་མ་ཏྟཾ ཨི་དྷ ཝི་པཱ་ཀཾ ཨ་ཝི་ཏ་ཀྐ་ཝི་ཙཱ་ར་མ་ཏྟ་ནྟི་ཨཱ་དི ཡོ་ཛེ་ཏ་བྦ་ནྟི ཨ་ཡ་མེ་ཏྠ ཝི་སེ་སོ. ཨི་ད་ཉྩ ནཱ་སེ་ཝ་ན་ཝི་བྷ་ངྒཱ་ན་ནྟ་རཾ ལི་ཁི་ཏ་བྦཾ, ན ཛྷཱ་ནཱ་ན་ནྟ་རཾ, ཀེ་སུ་ཙི པོ་ཏྠ་ཀེ་སུ ལི་ཁི་ཏཾ.

པ་ཙྩ་ཡ་ཝཱ་རེ པ་ཋ་མ་གྷ་ཊ་ནེ པ་ཝ་ཏྟི་པ་ཊི་ས་ནྡྷི་ཡོཏི དུ་མཱུ་ལ་ཀེ་སུ པ་ཋ་མེ ས་ཏྟ་སུ་པི པ་ཉྷེ་སུ པ་ཝ་ཏྟི་ཉྩ པ་ཊི་ས་ནྡྷི་ཉྩ ཡོ་ཛེ་ཏྭཱ་ཏི ཝུ་ཏྟཾ ཧོ་ཏི.

༤༩. པ་ཙྩ་ནཱི་ཡེ ས་ཏྟ་སུ ཋཱ་ནེ་སུ ས་ཏྟ མོ་ཧཱ ཨུ་དྡྷ་རི་ཏ་བྦཱ མཱུ་ལ་པ་དེ་སུ ཨེ་ཝཱཏི ས་ཝི་ཏ་ཀྐ་ས་ཝི་ཙཱ་རཱ་དི་པ་དེ་སུ མཱུ་ལ་པ་ད་མེ་ཝ ཨ་ཝ་སཱ་ན་བྷཱ་ཝེ་ན ཡེ་སུ པ་ཉྷེ་སུ ཡོ་ཛི་ཏཾ, ཏེ་སུ ས་ཏྟ་སུ པ་ཉྷེ་སུ ས་ཏྟ མོ་ཧཱ ཨུ་དྡྷ་རི་ཏ་བྦཱ་ཏི ཨ་ཏྠོ.

པ་ཉྷཱ་ཝཱ་ར་པ་ཙྩ་ནཱི་ཡེ ‘‘ཨ་ཝི་ཏ་ཀྐ་ཝི་ཙཱ་ར་མ་ཏྟོ དྷ་མྨོ ཨ་ཝི་ཏ་ཀྐ་ཝི་ཙཱ་ར་མ་ཏྟ་སྶ དྷ་མྨ་སྶ ཨཱ་ར་མྨ་ཎ་ས་ཧ་ཛཱ་ཏ་ཨུ་པ་ནི་སྶ་ཡ་ཀ་མྨ་པ་ཙྩ་ཡེ་ན པ་ཙྩ་ཡོ’’ཏི ཀེ་སུ་ཙི པོ་ཏྠ་ཀེ་སུ པཱ་ཋོ དི་སྶ་ཏི, ཨུ་པ་ནི་སྶ་ཡེ་ན པ་ན ས་ངྒ་ཧི་ཏ་ཏྟཱ ‘‘ཀ་མྨ་པ་ཙྩ་ཡེ་ན པ་ཙྩ་ཡོ’’ཏི ན ས་ཀྐཱ ཝ་ཏྟུཾ. ཨུ་པཱ་དི་ནྣ་ཏྟི་ཀ་པ་ཉྷཱ་ཝཱ་ར་པ་ཙྩ་ནཱི་ཡེ ཧི ‘‘ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡོ དྷ་མྨོ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡ་སྶ དྷ་མྨ་སྶ ས་ཧ་ཛཱ་ཏ་ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི (པ་ཊྛཱ. ༡.༤.༥༨, ༦༢) ཨེ་ཏྟ་ཀ་མེ་ཝ ཝུ་ཏྟཾ. པ་རི་ཏྟ་ཏྟི་ཀ་པ་ཉྷཱ་ཝཱ་ར་པ་ཙྩ་ནཱི་ཡེ ཙ ‘‘མ་ཧ་གྒ་ཏོ དྷ་མྨོ མ་ཧ་གྒ་ཏ་སྶ དྷ་མྨ་སྶ ཨཱ་ར་མྨ་ཎ་ས་ཧ་ཛཱ་ཏ་ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི (པ་ཊྛཱ. ༢.༡༢.༥༧, ༦༥, ༧༣) ཨེ་ཏྟ་ཀ་མེ་ཝ ཝུ་ཏྟ་ནྟི. ཨེ་ཏྟ་ཀ་མེ་ཝ ཙ ཨ་ཝི་ཏ་ཀྐ་ཝི་ཙཱ་ར་མ་ཏྟཾ ཀ་མྨཾ ཨ་པྤ་མཱ་ཎཾ མ་ཧ་གྒ་ཏ་ཉྩ, ཏ་ཉྩ དུ་བྦ་ལཾ ན ཧོ་ཏཱི་ཏི ཨེ་ཏེ་ཧི་ཡེ་ཝ ཝ་ཙ་ནེ་ཧི ཝི་ཉྙཱ་ཡ་ཏཱི་ཏི.

ཝི་ཏ་ཀྐ་ཏྟི་ཀ་ཝ་ཎྞ་ནཱ ནི་ཊྛི་ཏཱ.