༤༡༦. པ་ར་ནྟ་པ་ཛཱ་ཏ་ཀཾ (༧-༢-༡༡)
༡༥༤. ཨཱ་ག་མི་སྶ་ཏི མེ པཱ་པཾ, ཨཱ་ག་མི་སྶ་ཏི མེ བྷ་ཡཾ;
ཏ་དཱ ཧི ཙ་ལི་ཏཱ སཱ་ཁཱ, མ་ནུ་སྶེ་ན མི་གེ་ན ཝཱ.
༡༥༥. བྷཱི་རུ་ཡཱ ནཱུ་ན མེ ཀཱ་མོ, ཨ་ཝི་དཱུ་རེ ཝ་ས་ནྟི་ཡཱ;
ཀ་རི་སྶ་ཏི ཀི་སཾ པ་ཎྜུཾ, སཱ་ཝ སཱ་ཁཱ པ་ར་ནྟ་པཾ.
༡༥༦. སོ་ཙ་ཡི་སྶ་ཏི མཾ ཀ་ནྟཱ, གཱ་མེ ཝ་ས་མ་ནི་ནྡི་ཏཱ;
ཀ་རི་སྶ་ཏི ཀི་སཾ པ་ཎྜུཾ, སཱ་ཝ སཱ་ཁཱ པ་ར་ནྟ་པཾ.
༡༥༧. ཏ་ཡཱ མཾ ཨ་སི་ཏཱ་པ་ངྒི [ཧ་སི་ཏཱ་པ་ངྒི (སཱི. སྱཱ. པཱི.)], སི་ཏཱ་ནི [མི་ཧི་ཏཱ་ནི (སཱི. སྱཱ. པཱི.)] བྷ་ཎི་ཏཱ་ནི ཙ;
ཀི་སཾ པ་ཎྜུཾ ཀ་རི་སྶ་ནྟི, སཱ་ཝ སཱ་ཁཱ པ་ར་ནྟ་པཾ.
༡༥༨. ཨ་ག་མཱ ནཱུ་ན སོ ས་དྡོ, ཨ་སཾ་སི ནཱུ་ན སོ ཏ་ཝ;
ཨ་ཀྑཱ་ཏཾ ནཱུ་ན ཏཾ ཏེ་ན, ཡོ ཏཾ སཱ་ཁ་མ་ཀ་མྤ་ཡི.
༡༥༩. ཨི་དཾ ཁོ ཏཾ ས་མཱ་ག་མྨ, མ་མ བཱ་ལ་སྶ ཙི་ནྟི་ཏཾ;
ཏ་དཱ ཧི ཙ་ལི་ཏཱ སཱ་ཁཱ, མ་ནུ་སྶེ་ན མི་གེ་ན ཝཱ.
༡༦༠. ཏ་ཐེ་ཝ ཏྭཾ ཨ་ཝེ་དེ་སི, ཨ་ཝ་ཉྩི [ཨ་ཝ་ཛ྄ཛྷི (ཀ.)] པི་ཏ་རཾ མ་མ;
ཧ་ནྟྭཱ སཱ་ཁཱ་ཧི ཚཱ་དེ་ནྟོ, ཨཱ་ག་མི་སྶ་ཏི མེ [ཏེ (སྱཱ. ཀ.)] བྷ་ཡ་ནྟི.
པ་ར་ནྟ་པ་ཛཱ་ཏ་ཀཾ ཨེ་ཀཱ་ད་ས་མཾ.
ག་ནྡྷཱ་ར་ཝ་གྒོ དུ་ཏི་ཡོ.
ཏ་སྶུ་དྡཱ་ནཾ –
ཝ་ར་གཱ་མ མ་ཧཱ་ཀ་པི བྷ་གྒ་ཝ ཙ, ད་ལ༹ྷ་དྷ་མྨ ས་ཀུ་ཉྫ་ར ཀེ་ས་ཝ་རོ;
ཨུ་ར་གོ ཝི་དྷུ་རོ པུ་ན ཛཱ་ག་ར་ཏཾ, ཨ་ཐ ཀོ་ས་ལཱ་དྷི་པ པ་ར་ནྟ་པ ཙཱ་ཏི.
ཨ་ཐ ཝ་གྒུ་དྡཱ་ནཾ –
ཨ་ཐ ས་ཏྟ་ནི་པཱ་ཏ་མྷི, ཝ་གྒཾ མེ བྷ་ཎ་ཏོ སུ་ཎ;
ཀུ་ཀྐུ ཙ པུ་ན ག་ནྡྷཱ་རོ, དྭེ་ཝ གུ་ཏྟཱ མ་ཧེ་སི་ནཱ་ཏི.
ས་ཏྟ་ཀ་ནི་པཱ་ཏཾ ནི་ཊྛི་ཏཾ.