༧. ས་ཏྟ་ཀ་ནི་པཱ་ཏོ
༡. ཀུ་ཀྐུ་ཝ་གྒོ
༣༩༦. ཀུ་ཀྐུ་ཛཱ་ཏ་ཀཾ (༧-༡-༡)
༡. དི་ཡ་ཌྜྷ་ཀུ་ཀྐཱུ ཨུ་ད་ཡེ་ན ཀ་ཎྞི་ཀཱ, ཝི་ད་ཏྠི་ཡོ ཨ་ཊྛ པ་རི་ཀྑི་པ་ནྟི ནཾ;
སཱ སིཾ་ས་པཱ [ས་སིཾ་ས་པཱ (སཱི. པཱི.), སཱ སཱི་ས་པཱ (སྱཱ.), ཡཱ སིཾ་ས་པཱ (ཀ. སཱི. ནི་ཡྻ)] སཱ་ར་མ་ཡཱ ཨ་ཕེ་གྒུ་ཀཱ, ཀུ་ཧིཾ ཋི་ཏཱ ཨུ་པྤ་རི་ཏོ [ཨུ་པ་རི་ཏོ (སཱི. སྱཱ. པཱི.)] ན དྷཾ་ས་ཏི.
༢. ཡཱ ཏིཾ་ས་ཏི སཱ་ར་མ་ཡཱ ཨ་ནུ་ཛྫུ་ཀཱ, པ་རི་ཀི་རི་ཡ [པ་ཀི་རི་ཡཱ (ཀ.)] གོ་པཱ་ཎ་སི་ཡོ ས་མཾ ཋི་ཏཱ [ས་མ་ཊྛི་ཏཱ (སཱི. སྱཱ.)];
ཏཱ་ཧི སུ་ས་ངྒ་ཧི་ཏཱ བ་ལ་སཱ པཱི་ལི༹་ཏཱ [ཏཱ ས་ངྒ་ཧི་ཏཱ བ་ལ་སཱ ཙ པཱི་ལི༹་ཏཱ (སཱི.), ཏཱ་ཧི སུ་ས་ངྒ་ཧི་ཏཱ བ་ལ་སཱ ཙ པཱི་ལི༹་ཏཱ (སྱཱ.), ཏཱ་ཧི ས་ངྒ་ཧཱི་ཏཱ བ་ལ་སཱ ཙ པཱི་ལི༹་ཏཱ (པཱི.)], ས་མཾ ཋི་ཏཱ ཨུ་པྤ་རི་ཏོ ན དྷཾ་ས་ཏི.
༣. ཨེ་ཝ་མྤི མི་ཏྟེ་ཧི ད་ལ༹ྷེ་ཧི པ་ཎྜི་ཏོ, ཨ་བྷེ་ཛྫ་རཱུ་པེ་ཧི སུ་ཙཱི་ཧི མ་ནྟི་བྷི;
སུ་ས་ངྒ་ཧཱི་ཏོ སི་རི་ཡཱ ན དྷཾ་ས་ཏི, གོ་པཱ་ཎ་སཱི བྷཱ་ར་ཝ་ཧཱ་ཝ ཀ་ཎྞི་ཀཱ.
༤. ཁ་ར་ཏྟ་ཙཾ བེ་ལླཾ ཡ་ཐཱ་པི ས་ཏྠ་ཝཱ, ཨ་ནཱ་མ་ས་ནྟོ་པི ཀ་རོ་ཏི ཏི་ཏྟ་ཀཾ;
ས་མཱ་ཧ་རཾ སཱ་དུཾ ཀ་རོ་ཏི པ་ཏྠི་ཝ, ཨ་སཱ་དུཾ ཀ་ཡི་རཱ ཏ་ནུ་བ་ནྡྷ་མུ་དྡྷ་རཾ [ཏ་ནུ་ཝ་ཊྚ་མུ་དྡྷ་རཾ (སཱི. པཱི.)].
༥. ཨེ་ཝ་མྤི གཱ་མ་ནི་ག་མེ་སུ པ་ཎྜི་ཏོ, ཨ་སཱ་ཧ་སཾ རཱ་ཛ་དྷ་ནཱ་ནི ས་ངྒྷ་རཾ;
དྷ་མྨཱ་ནུ་ཝ་ཏྟཱི པ་ཊི་པ་ཛྫ་མཱ་ནོ, ས ཕཱ་ཏི ཀ་ཡི་རཱ ཨ་ཝི་ཧེ་ཋ་ཡཾ པ་རཾ.
༦. ཨོ་དཱ་ཏ་མཱུ་ལཾ སུ་ཙི་ཝཱ་རི་ས་མྦྷ་ཝཾ, ཛཱ་ཏཾ ཡ་ཐཱ པོ་ཀྑ་ར་ཎཱི་སུ ཨ་མྦུ་ཛཾ;
པ་དུ་མཾ ཡ་ཐཱ ཨ་གྒི་ནི་ཀཱ་སི་ཕཱ་ལི་མཾ, ན ཀ་དྡ་མོ ན ར་ཛོ ན ཝཱ་རི ལི་མྤ་ཏི.
༧. ཨེ་ཝ་མྤི ཝོ་ཧཱ་ར་སུ་ཙིཾ ཨ་སཱ་ཧ་སཾ, ཝི་སུ་དྡྷ་ཀ་མྨ་ནྟ་མ་པེ་ཏ་པཱ་པ་ཀཾ;
ན ལི་མྤ་ཏི ཀ་མྨ་ཀི་ལེ་ས ཏཱ་དི་སོ, ཛཱ་ཏཾ ཡ་ཐཱ པོ་ཀྑ་ར་ཎཱི་སུ ཨ་མྦུ་ཛ་ནྟི.
ཀུ་ཀྐུ་ཛཱ་ཏ་ཀཾ པ་ཋ་མཾ.
༣༩༧. མ་ནོ་ཛ་ཛཱ་ཏ་ཀཾ (༧-༡-༢)
༨. ཡ་ཐཱ ཙཱ་པོ ནི་ནྣ་མ་ཏི, ཛི་ཡཱ ཙཱ་པི ནི་ཀཱུ་ཛ་ཏི;
ཧ་ཉྙ་ཏེ ནཱུ་ན མ་ནོ་ཛོ, མི་ག་རཱ་ཛཱ ས་ཁཱ མ་མ.
༩. ཧ་ནྡ དཱ་ནི ཝ་ན་ནྟཱ་ནི, པ་ཀྐ་མཱ་མི ཡ་ཐཱ་སུ་ཁཾ;
ནེ་ཏཱ་དི་སཱ ས་ཁཱ ཧོ་ནྟི, ལ་བྦྷཱ མེ ཛཱི་ཝ་ཏོ ས་ཁཱ.
༡༠. ན པཱ་པ་ཛ་ན་སཾ་སེ་ཝཱི, ཨ་ཙྩ་ནྟཾ སུ་ཁ་མེ་དྷ་ཏི;
མ་ནོ་ཛཾ པ་སྶ སེ་མཱ་ནཾ, གི་རི་ཡ་སྶཱ་ནུ་སཱ་ས་ནཱི [ཨ་རི་ཡ་སྶཱ་ནུ་སཱ་ས་ནཱི (སཱི. སྱཱ. པཱི.)].
༡༡. ན པཱ་པ་ས་མྤ་ཝ་ངྐེ་ན, མཱ་ཏཱ པུ་ཏྟེ་ན ན་ནྡ་ཏི;
མ་ནོ་ཛཾ པ་སྶ སེ་མཱ་ནཾ, ཨ་ཙྪ་ནྣཾ [ས་ཙྪ་ནྣཾ (ཀ.)] ས་མྷི ལོ་ཧི་ཏེ.
༡༢. ཨེ་ཝ་མཱ་པ་ཛྫ་ཏེ པོ་སོ, པཱ་པི་ཡོ ཙ ནི་ག་ཙྪ་ཏི;
ཡོ ཝེ ཧི་ཏཱ་ནཾ ཝ་ཙ་ནཾ, ན ཀ་རོ་ཏི ཨ་ཏྠ་ད་སྶི་ནཾ.
༡༣. ཨེ་ཝ་ཉྩ སོ ཧོ་ཏི ཏ་ཏོ ཙ པཱ་པི་ཡོ, ཡོ ཨུ་ཏྟ་མོ ཨ་དྷ་མ་ཛ་ནཱུ་པ་སེ་ཝཱི;
པ་སྶུ་ཏྟ་མཾ ཨ་དྷ་མ་ཛ་ནཱུ་པ་སེ་ཝི་ཏཾ [སེ་ཝིཾ (སྱཱ.)], མི་གཱ་དྷི་པཾ ས་ར་ཝ་ར་ཝེ་ག་ནི་དྡྷུ་ཏཾ.
༡༤. ནི་ཧཱི་ཡ་ཏི པུ་རི་སོ ནི་ཧཱི་ན་སེ་ཝཱི, ན ཙ ཧཱ་ཡེ་ཐ ཀ་དཱ་ཙི ཏུ་ལྱ་སེ་ཝཱི;
སེ་ཊྛ་མུ་པ་ག་མཾ [མུ་པ་ན་མཾ (སཱི. པཱི. ཨ. ནི. ༣.༢༦)] ཨུ་དེ་ཏི ཁི་པྤཾ, ཏ་སྨཱ་ཏྟ་ནཱ ཨུ་ཏྟ་རི་ཏ་རཾ [ཏ་སྨཱ ཨ་ཏྟ་ནོ ཨུ་ཏྟ་རིཾ (སཱི. པཱི.), ཏ་སྨཱ ཨ་ཏྟ་ནོ ཨུ་ཏྟ་རཾ (སྱཱ.)] བྷ་ཛེ་ཐཱ་ཏི.
མ་ནོ་ཛ་ཛཱ་ཏ་ཀཾ དུ་ཏི་ཡཾ.
༣༩༨. སུ་ཏ་ནུ་ཛཱ་ཏ་ཀཾ (༧-༡-༣)
༡༥. རཱ་ཛཱ ཏེ བྷ་ཏྟཾ པཱ་ཧེ་སི, སུ་ཙིཾ མཾ་སཱུ་པ་སེ་ཙ་ནཾ;
མ་གྷ་དེ་ཝ་སྨིཾ [མ་ཁཱ་དེ་ཝ་སྨིཾ (སཱི. པཱི.), མཱ་གྷ་དེ་ཝ་སྨིཾ (ཀ.)] ཨ་དྷི་ཝ་ཏྠེ, ཨེ་ཧི ནི་ཀྑ་མྨ བྷུ་ཉྫ་སྶུ.
༡༦. ཨེ་ཧི མཱ་ཎ་ཝ ཨོ་རེ་ན, བྷི་ཀྑ་མཱ་དཱ་ཡ སཱུ་པི་ཏཾ;
ཏྭ་ཉྩ མཱ་ཎ་ཝ བྷི་ཀྑཱ ཙ [བྷ་ཀྑོ་སི (སྱཱ.), བྷ་ཀྑཱ་ཝ (ཀ.)], ཨུ་བྷོ བྷ་ཀྑཱ བྷ་ཝི་སྶ་ཐ.
༡༧. ཨ་པྤ་ཀེ་ན ཏུ་ཝཾ ཡ་ཀྑ, ཐུ་ལླ་མ་ཏྠཾ ཛ་ཧི་སྶ་སི;
བྷི་ཀྑཾ ཏེ ནཱ་ཧ་རི་སྶ་ནྟི, ཛ་ནཱ མ་ར་ཎ་ས་ཉྙི་ནོ.
༡༨. ལ་དྡྷཱ་ཡ ཡ་ཀྑཱ [ལ་དྡྷཱ་ཡཾ ཡ་ཀྑ (སཱི. སྱཱ. པཱི.)] ཏ་ཝ ནི་ཙྩ་བྷི་ཀྑཾ, སུ་ཙིཾ པ་ཎཱི་ཏཾ ར་ས་སཱ ཨུ་པེ་ཏཾ;
བྷི་ཀྑ་ཉྩ ཏེ ཨཱ་ཧ་རི་ཡོ ན་རོ ཨི་དྷ, སུ་དུ་ལླ་བྷོ ཧེ་ཧི་ཏི བྷ་ཀྑི་ཏེ [ཁཱ་དི་ཏེ (སཱི. སྱཱ. པཱི.)] མ་ཡི.
༡༩. མ་མེ་ཝ [མ་མེ་ས (སཱི. པཱི.)] སུ་ཏ་ནོ ཨ་ཏྠོ, ཡ་ཐཱ བྷཱ་ས་སི མཱ་ཎ་ཝ;
མ་ཡཱ ཏྭཾ ས་མ་ནུ་ཉྙཱ་ཏོ, སོ་ཏྠིཾ པ་སྶཱ་ཧི མཱ་ཏ་རཾ.
༢༠. ཁ་གྒཾ ཚ་ཏྟ་ཉྩ པཱ་ཏི་ཉྩ, ག་ཙྪ་མཱ་དཱ་ཡ [ག་ཙྪེ་ཝཱ་དཱ་ཡ (སཱི. སྱཱ. པཱི.)] མཱ་ཎ་ཝ;
སོ་ཏྠིཾ པ་སྶ་ཏུ ཏེ མཱ་ཏཱ, ཏྭ་ཉྩ པ་སྶཱ་ཧི མཱ་ཏ་རཾ.
༢༡. ཨེ་ཝཾ ཡ་ཀྑ སུ་ཁཱི ཧོ་ཧི, ས་ཧ ས་བྦེ་ཧི ཉཱ་ཏི་བྷི;
དྷ་ན་ཉྩ མེ ཨ་དྷི་ག་ཏཾ, ར་ཉྙོ ཙ ཝ་ཙ་ནཾ ཀ་ཏ་ནྟི.
སུ་ཏ་ནུ་ཛཱ་ཏ་ཀཾ ཏ་ཏི་ཡཾ.
༣༩༩. མཱ་ཏུ་པོ་ས་ཀ་གི་ཛ྄ཛྷ་ཛཱ་ཏ་ཀཾ (༧-༡-༤)
༢༢. ཏེ ཀ་ཐཾ ནུ ཀ་རི་སྶ་ནྟི, ཝུ་དྡྷཱ གི་རི་ད་རཱི་ས་ཡཱ;
ཨ་ཧཾ བ་དྡྷོ་སྨི པཱ་སེ་ན, ནི་ལཱི་ཡ་སྶ ཝ་སཾ ག་ཏོ.
༢༣. ཀིཾ གི་ཛ྄ཛྷ པ་རི་དེ་ཝ་སི, ཀཱ ནུ ཏེ པ་རི་དེ་ཝ་ནཱ;
ན མེ སུ་ཏོ ཝཱ དི་ཊྛོ ཝཱ, བྷཱ་ས་ནྟོ མཱ་ནུ་སིཾ དི་ཛོ.
༢༤. བྷ་རཱ་མི མཱ་ཏཱ་པི་ཏ་རོ, ཝུ་དྡྷེ གི་རི་ད་རཱི་ས་ཡེ;
ཏེ ཀ་ཐཾ ནུ ཀ་རི་སྶ་ནྟི, ཨ་ཧཾ ཝ་སཾ ག་ཏོ ཏ་ཝ.
༢༥. ཡཾ ནུ གི་ཛ྄ཛྷོ ཡོ་ཛ་ན་ས་ཏཾ, ཀུ་ཎ་པཱ་ནི ཨ་ཝེ་ཀྑ་ཏི;
ཀ་སྨཱ ཛཱ་ལ་ཉྩ པཱ་ས་ཉྩ, ཨཱ་ས་ཛྫཱ་པི ན བུ་ཛ྄ཛྷ་སི.
༢༦. ཡ་དཱ པ་རཱ་བྷ་ཝོ ཧོ་ཏི, པོ་སོ ཛཱི་ཝི་ཏ་ས་ངྑ་ཡེ;
ཨ་ཐ ཛཱ་ལ་ཉྩ པཱ་ས་ཉྩ, ཨཱ་ས་ཛྫཱ་པི ན བུ་ཛ྄ཛྷ་ཏི.
༢༧. བྷ་ར་སྶུ མཱ་ཏཱ་པི་ཏ་རོ, ཝུ་དྡྷེ གི་རི་ད་རཱི་ས་ཡེ;
མ་ཡཱ ཏྭཾ ས་མ་ནུ་ཉྙཱ་ཏོ, སོ་ཏྠིཾ པ་སྶཱ་ཧི ཉཱ་ཏ་ཀེ.
༢༨. ཨེ་ཝཾ ལུ་དྡ་ཀ ན་ནྡ་སྶུ, ས་ཧ ས་བྦེ་ཧི ཉཱ་ཏི་བྷི;
བྷ་རི་སྶཾ མཱ་ཏཱ་པི་ཏ་རོ, ཝུ་དྡྷེ གི་རི་ད་རཱི་ས་ཡེ་ཏི.
མཱ་ཏུ་པོ་ས་ཀ་གི་ཛ྄ཛྷ་ཛཱ་ཏ་ཀཾ ཙ་ཏུ་ཏྠཾ.
༤༠༠. ད་བྦྷ་པུ་པྥ་ཛཱ་ཏ་ཀཾ (༧-༡-༥)
༢༩. ཨ་ནུ་ཏཱི་ར་ཙཱ་རཱི བྷ་དྡ་ནྟེ, ས་ཧཱ་ཡ་མ་ནུ་དྷཱ་ཝ མཾ;
མ་ཧཱ མེ ག་ཧི་ཏོ [རོ་ཧི་ཏོ (ཀ.)] མ་ཙྪོ, སོ མཾ ཧ་ར་ཏི ཝེ་ག་སཱ.
༣༠. ག་མྦྷཱི་ར་ཙཱ་རཱི བྷ་དྡ་ནྟེ, ད་ལ༹ྷཾ ག་ཎྷཱ་ཧི ཐཱ་མ་སཱ;
ཨ་ཧཾ ཏཾ ཨུ་དྡྷ་རི་སྶཱ་མི, སུ་པ་ཎྞོ ཨུ་ར་གཱ་མི་ཝ [ཨུ་ར་ག་མྨི་ཝ (སཱི. སྱཱ. པཱི.)].
༣༡. ཝི་ཝཱ་དོ ནོ ས་མུ་པྤ་ནྣོ, ད་བྦྷ་པུ་པྥ སུ་ཎོ་ཧི མེ;
ས་མེ་ཧི མེ་དྷ་གཾ [མེ་དྷ་ཀཾ (པཱི.)] ས་མྨ, ཝི་ཝཱ་དོ ཝཱུ་པ་ས་མྨ་ཏཾ.
༣༢. དྷ་མྨ་ཊྛོ་ཧཾ པུ་རེ ཨཱ་སིཾ, བ་ཧཱུ ཨ་ཌྜཱ མེ ཏཱི་རི་ཏཱ [བ་ཧུ་ཨ་ཊྚཾ མེ ཏཱི་རི་ཏཾ (སཱི.), བ་ཧུ་ཨ་ཊྚཾ་ཝ ཏཱི་རི་ཏཾ (སྱཱ.), བ་ཧུ ཨ་ཏྠཾ མེ ཏཱི་རི་ཏཾ (པཱི.)];
ས་མེ་མི མེ་དྷ་གཾ ས་མྨ, ཝི་ཝཱ་དོ ཝཱུ་པ་ས་མྨ་ཏཾ.
༣༣. ཨ་ནུ་ཏཱི་ར་ཙཱ་རི ན་ངྒུ་ཊྛཾ, སཱི་སཾ ག་མྦྷཱི་ར་ཙཱ་རི་ནོ;
ཨ་ཙྩཱ་ཡཾ [ཨ་ཐཱ་ཡཾ (སཱི. པཱི.)] མ་ཛ྄ཛྷི་མོ ཁ་ཎྜོ, དྷ་མྨ་ཊྛ་སྶ བྷ་ཝི་སྶ་ཏི.
༣༤. ཙི་ར་མྤི བྷ་ཀྑོ ཨ་བྷ་ཝི་སྶ, ས་ཙེ ན ཝི་ཝ་དེ་མ་སེ;
ཨ་སཱི་ས་ཀཾ ཨ་ན་ངྒུ་ཊྛཾ, སི་ངྒཱ་ལོ ཧ་ར་ཏི རོ་ཧི་ཏཾ.
༣༥. ཡ་ཐཱ་པི རཱ་ཛཱ ན་ནྡེ་ཡྻ, ར་ཛྫཾ ལ་དྡྷཱ་ན ཁ་ཏྟི་ཡོ;
ཨེ་ཝཱ་ཧ་མ་ཛྫ ན་ནྡཱ་མི, དི་སྭཱ པུ་ཎྞ་མུ་ཁཾ པ་ཏིཾ.
༣༦. ཀ་ཐཾ ནུ ཐ་ལ་ཛོ ས་ནྟོ, ཨུ་ད་ཀེ མ་ཙྪཾ པ་རཱ་མ་སི;
པུ་ཊྛོ མེ ས་མྨ ཨ་ཀྑཱ་ཧི, ཀ་ཐཾ ཨ་དྷི་ག་ཏཾ ཏ་ཡཱ.
༣༧. ཝི་ཝཱ་དེ་ན ཀི་སཱ ཧོ་ནྟི, ཝི་ཝཱ་དེ་ན དྷ་ན་ཀྑ་ཡཱ;
ཛཱི་ནཱ ཨུ་དྡཱ ཝི་ཝཱ་དེ་ན, བྷུ་ཉྫ མཱ་ཡཱ་ཝི རོ་ཧི་ཏཾ.
༣༨. ཨེ་ཝ་མེ་ཝ མ་ནུ་སྶེ་སུ, ཝི་ཝཱ་དོ ཡ་ཏྠ ཛཱ་ཡ་ཏི;
དྷ་མྨ་ཊྛཾ པ་ཊི་དྷཱ་ཝ་ནྟི, སོ ཧི ནེ་སཾ ཝི་ནཱ་ཡ་ཀོ;
དྷ་ནཱ་པི ཏ་ཏྠ ཛཱི་ཡ་ནྟི, རཱ་ཛ་ཀོ་སོ པ་ཝ་ཌྜྷ་ཏཱི་ཏི [ཙ ཝ་ཌྜྷ་ཏི (པཱི.)].
ད་བྦྷ་པུ་པྥ་ཛཱ་ཏ་ཀཾ པ་ཉྩ་མཾ.
༤༠༡. པ་ཎྞ་ཀ་ཛཱ་ཏ་ཀཾ (༧-༡-༦)
༣༩. པ་ཎྞ་ཀཾ [ད་ས་ཎྞ་ཀཾ (སཱི. སྱཱ. པཱི.)] ཏི་ཁི་ཎ་དྷཱ་རཾ, ཨ་སིཾ ས་མྤ་ནྣ་པཱ་ཡི་ནཾ;
པ་རི་སཱ་ཡཾ པུ་རི་སོ གི་ལ་ཏི, ཀིཾ དུ་ཀྐ་ར་ཏ་རཾ ཏ་ཏོ;
ཡ་ད་ཉྙཾ དུ་ཀྐ་རཾ ཋཱ་ནཾ, ཏཾ མེ ཨ་ཀྑཱ་ཧི པུ་ཙྪི་ཏོ.
༤༠. གི་ལེ་ཡྻ པུ་རི་སོ ལོ་བྷཱ, ཨ་སིཾ ས་མྤ་ནྣ་པཱ་ཡི་ནཾ;
ཡོ ཙ ཝ་ཛྫཱ ད་དཱ་མཱི་ཏི, ཏཾ དུ་ཀྐ་ར་ཏ་རཾ ཏ་ཏོ;
ས་བྦ་ཉྙཾ སུ་ཀ་རཾ ཋཱ་ནཾ, ཨེ་ཝཾ ཛཱ་ནཱ་ཧི མ་དྡ་ཝ [མཱ་ག་དྷ (སཱི. སྱཱ. པཱི.)].
༤༡. བྱཱ་ཀཱ་སི ཨཱ་ཡུ་རོ པ་ཉྷཾ, ཨ་ཏྠཾ [ཨ་ཏྠ (པཱི. སཱི. ནི་ཡྻ)] དྷ་མྨ་སྶ ཀོ་ཝི་དོ;
པུ་ཀྐུ་སཾ དཱ་ནི པུ་ཙྪཱ་མི, ཀིཾ དུ་ཀྐ་ར་ཏ་རཾ ཏ་ཏོ;
ཡ་ད་ཉྙཾ དུ་ཀྐ་རཾ ཋཱ་ནཾ, ཏཾ མེ ཨ་ཀྑཱ་ཧི པུ་ཙྪི་ཏོ.
༤༢. ན ཝཱ་ཙ་མུ་པ་ཛཱི་ཝ་ནྟི, ཨ་ཕ་ལཾ གི་ར་མུ་དཱི་རི་ཏཾ;
ཡོ ཙ ད་ཏྭཱ ཨ་ཝཱ་ཀ་ཡི་རཱ, ཏཾ དུ་ཀྐ་ར་ཏ་རཾ ཏ་ཏོ;
ས་བྦ་ཉྙཾ སུ་ཀ་རཾ ཋཱ་ནཾ, ཨེ་ཝཾ ཛཱ་ནཱ་ཧི མ་དྡ་ཝ.
༤༣. བྱཱ་ཀཱ་སི པུ་ཀྐུ་སོ པ་ཉྷཾ, ཨ་ཏྠཾ དྷ་མྨ་སྶ ཀོ་ཝི་དོ;
སེ་ན་ཀཾ དཱ་ནི པུ་ཙྪཱ་མི, ཀིཾ དུ་ཀྐ་ར་ཏ་རཾ ཏ་ཏོ;
ཡ་ད་ཉྙཾ དུ་ཀྐ་རཾ ཋཱ་ནཾ, ཏཾ མེ ཨ་ཀྑཱ་ཧི པུ་ཙྪི་ཏོ.
༤༤. ད་དེ་ཡྻ པུ་རི་སོ དཱ་ནཾ, ཨ་པྤཾ ཝཱ ཡ་དི ཝཱ བ་ཧུཾ;
ཡོ ཙ ད་ཏྭཱ ནཱ་ནུ་ཏ་པྤེ [ཏ་པེ (སཱི. པཱི.)], ཏཾ དུ་ཀྐ་ར་ཏ་རཾ ཏ་ཏོ;
ས་བྦ་ཉྙཾ སུ་ཀ་རཾ ཋཱ་ནཾ, ཨེ་ཝཾ ཛཱ་ནཱ་ཧི མ་དྡ་ཝ.
༤༥. བྱཱ་ཀཱ་སི ཨཱ་ཡུ་རོ པ་ཉྷཾ, ཨ་ཐོ པུ་ཀྐུ་ས་པོ་རི་སོ;
ས་བྦེ པ་ཉྷེ ཨ་ཏི་བྷོ་ཏི, ཡ་ཐཱ བྷཱ་ས་ཏི སེ་ན་ཀོ་ཏི.
པ་ཎྞ་ཀ [ད་ས་ཎྞ་ཀ (སཱི. སྱཱ. པཱི.)] ཛཱ་ཏ་ཀཾ ཚ་ཊྛཾ.
༤༠༢. ས་ཏྟུ་བྷ་སྟ་ཛཱ་ཏ་ཀཾ (༧-༡-༧)
༤༦. ཝི་བྦྷ་ནྟ་ཙི་ཏྟོ ཀུ་པི་ཏི་ནྡྲི་ཡོ་སི, ནེ་ཏྟེ་ཧི ཏེ ཝཱ་རི་ག་ཎཱ ས་ཝ་ནྟི;
ཀིཾ ཏེ ན་ཊྛཾ ཀིཾ པ་ན པ་ཏྠ་ཡཱ་ནོ, ཨི་དྷཱ་ག་མཱ བྲ་ཧྨེ ཏ་དི་ངྒྷ [བྲཱ་ཧྨ་ཎ ཨི་ངྒྷ (སཱི. སྱཱ.)] བྲཱུ་ཧི.
༤༧. མི་ཡྻེ་ཐ བྷ་རི་ཡཱ ཝ་ཛ་ཏོ མ་མ་ཛྫ, ཨ་ག་ཙྪ་ཏོ མ་ར་ཎ་མཱ་ཧ ཡ་ཀྑོ;
ཨེ་ཏེ་ན དུ་ཀྑེ་ན པ་ཝེ་དྷི་ཏོ་སྨི, ཨ་ཀྑཱ་ཧི མེ སེ་ན་ཀ ཨེ་ཏ་མ་ཏྠཾ.
༤༨. བ་ཧཱུ་ནི ཋཱ་ནཱ་ནི ཝི་ཙི་ནྟ་ཡི་ཏྭཱ, ཡ་མེ་ཏྠ ཝ་ཀྑཱ་མི ཏ་དེ་ཝ ས་ཙྩཾ;
མ་ཉྙཱ་མི ཏེ བྲཱ་ཧྨ་ཎ ས་ཏྟུ་བྷ་སྟཾ, ཨ་ཛཱ་ན་ཏོ ཀ་ཎྷ་ས་པྤོ པ་ཝི་ཊྛོ.
༤༩. ཨཱ་དཱ་ཡ ད་ཎྜཾ པ་རི་སུ་མྦྷ བྷ་སྟཾ, པ་སྶེ་ལ༹་མཱུ་གཾ ཨུ་ར་གཾ དུ་ཛི་ཝ྄ཧཾ [དི་ཛི་ཝ྄ཧཾ (སཱི. པཱི.)];
ཚི་ནྡ་ཛྫ ཀ་ངྑཾ ཝི་ཙི་ཀི་ཙྪི་ཏཱ་ནི, བྷུ་ཛ་ངྒ་མཾ པ་སྶ པ་མུ་ཉྩ བྷ་སྟཾ.
༥༠. སཾ་ཝི་གྒ་རཱུ་པོ པ་རི་སཱ་ཡ མ་ཛ྄ཛྷེ, སོ བྲཱ་ཧྨ་ཎོ ས་ཏྟུ་བྷ་སྟཾ པ་མུ་ཉྩི;
ཨ་ཐ ནི་ཀྑ་མི ཨུ་ར་གོ ཨུ་གྒ་ཏེ་ཛོ, ཨཱ་སཱི་ཝི་སོ ས་པྤོ ཕ་ཎཾ ཀ་རི་ཏྭཱ.
༥༡. སུ་ལ་དྡྷ་ལཱ་བྷཱ ཛ་ན་ཀ་སྶ ར་ཉྙོ, ཡོ པ་སྶ་ཏཱི སེ་ན་ཀཾ སཱ་དྷུ་པ་ཉྙཾ;
ཝི་ཝ་ཊྚ་ཚ་དྡོ [ཝི་ཝ་ཏྟ་ཙྪ་དྡོ (སཱི.), ཝི་ཝ་ཊྚ་ཙྪ་དོ (སྱཱ.), ཝི་ཝ་ཊྚ་ཙྪ་དྡཱ (པཱི.)] ནུ་སི ས་བྦ་ད་སྶཱི, ཉཱ་ཎཾ ནུ ཏེ བྲཱ་ཧྨ་ཎ བྷིཾ་ས་རཱུ་པཾ.
༥༢. ཨི་མཱ་ནི མེ ས་ཏྟ་ས་ཏཱ་ནི ཨ་ཏྠི, ག་ཎྷཱ་ཧི ས་བྦཱ་ནི ད་དཱ་མི ཏུ་ཡ྄ཧཾ;
ཏ་ཡཱ ཧི མེ ཛཱི་ཝི་ཏ་མ་ཛྫ ལ་དྡྷཾ, ཨ་ཐོ་པི བྷ་རི་ཡཱ་ཡ མ་ཀཱ་སི སོ་ཏྠིཾ.
༥༣. ན པ་ཎྜི་ཏཱ ཝེ་ཏ་ན་མཱ་དི་ཡ་ནྟི, ཙི་ཏྲཱ་ཧི གཱ་ཐཱ་ཧི སུ་བྷཱ་སི་ཏཱ་ཧི;
ཨི་ཏོ་པི ཏེ བྲ་ཧྨེ ད་ད་ནྟུ ཝི་ཏྟཾ, ཨཱ་དཱ་ཡ ཏྭཾ ག་ཙྪ ས་ཀཾ ནི་ཀེ་ཏ་ནྟི.
ས་ཏྟུ་བྷ་སྟ་ཛཱ་ཏ་ཀཾ [སེ་ན་ཀ་ཛཱ་ཏ་ཀཾ (སྱཱ.)] ས་ཏྟ་མཾ.
༤༠༣. ཨ་ཊྛི་སེ་ན་ཀ་ཛཱ་ཏ་ཀཾ (༧-༡-༨)
༥༤. ཡེ་མེ ཨ་ཧཾ ན ཛཱ་ནཱ་མི, ཨ་ཊྛི་སེ་ན ཝ་ནི་བྦ་ཀེ;
ཏེ མཾ ས་ངྒ་མྨ ཡཱ་ཙ་ནྟི, ཀ་སྨཱ མཾ ཏྭཾ ན ཡཱ་ཙ་སི.
༥༥. ཡཱ་ཙ་ཀོ ཨ་པྤི་ཡོ ཧོ་ཏི, ཡཱ་ཙཾ ཨ་ད་ད་མ་པྤི་ཡོ;
ཏ་སྨཱ་ཧཾ ཏཾ ན ཡཱ་ཙཱ་མི, མཱ མེ ཝི་དེ་སྶ་ནཱ [ཝི་དྡེ་ས་ནཱ (སཱི. པཱི.)] ཨ་ཧུ.
༥༦. ཡོ ཝེ ཡཱ་ཙ་ན་ཛཱི་ཝཱ་ནོ, ཀཱ་ལེ ཡཱ་ཙཾ ན ཡཱ་ཙ་ཏི;
པ་ར་ཉྩ པུ་ཉྙཱ [པུ་ཉྙཾ (སྱཱ. ཀ.)] དྷཾ་སེ་ཏི, ཨ་ཏྟ་ནཱ་པི ན ཛཱི་ཝ་ཏི.
༥༧. ཡོ ཙ [ཡོ ཝེ (ཀ.)] ཡཱ་ཙ་ན་ཛཱི་ཝཱ་ནོ, ཀཱ་ལེ ཡཱ་ཙ་ཉྷི ཡཱ་ཙ་ཏི [ཡཱ་ཙཾ་པི ཡཱ་ཙ་ཏི (སྱཱ.), ཡཱ་ཙཱ་ནི ཡཱ་ཙ་ཏི (པཱི.), ཡཱ་ཙ་ཏི ཡཱ་ཙ་ནཾ (སཱི. ནི་ཡྻ), ཡཱ་ཙ་ནཾ ཡཱ་ཙ་ཏི (ཀ.)];
པ་ར་ཉྩ པུ་ཉྙཾ ལ་བྦྷེ་ཏི, ཨ་ཏྟ་ནཱ་པི ཙ ཛཱི་ཝ་ཏི.
༥༨. ན ཝེ དེ་སྶ་ནྟི [ན ཝེ དུ་སྶ་ནྟི (སྱཱ.), ན ཝེ དི་སྶ་ནྟི (པཱི.), ན ཝི་དེ་སྶ་ནྟི (ཀ. ཨ་ཊྛ.)] ས་པྤ་ཉྙཱ, དི་སྭཱ ཡཱ་ཙ་ཀ་མཱ་ག་ཏེ;
བྲ་ཧྨ་ཙཱ་རི པི་ཡོ མེ་སི, ཝ་ད ཏྭཾ [ཝ་ར ཏཾ (སཱི.), ཝ་ར ཏྭཾ (པཱི.)] བྷ་ཉྙ་མི་ཙྪ་སི [ཡ་ཉྙ་མི་ཙྪ་སི (?)].
༥༩. ན ཝེ ཡཱ་ཙ་ནྟི ས་པྤ་ཉྙཱ, དྷཱི་རོ ཙ ཝེ་དི་ཏུ་མ་ར་ཧ་ཏི;
ཨུ་དྡི་སྶ ཨ་རི་ཡཱ ཏི་ཊྛ་ནྟི, ཨེ་སཱ ཨ་རི་ཡཱ་ན ཡཱ་ཙ་ནཱ.
༦༠. ད་དཱ་མི ཏེ བྲཱ་ཧྨ་ཎ རོ་ཧི་ཎཱི་ནཾ, ག་ཝཾ ས་ཧ་སྶཾ ས་ཧ པུ་ངྒ་ཝེ་ན;
ཨ་རི་ཡོ ཧི ཨ་རི་ཡ་སྶ ཀ་ཐཾ ན ད་ཛྫཱ, སུ་ཏྭཱ་ན གཱ་ཐཱ ཏ་ཝ དྷ་མྨ་ཡུ་ཏྟཱ་ཏི.
ཨ་ཊྛི་སེ་ན་ཀ་ཛཱ་ཏ་ཀཾ ཨ་ཊྛ་མཾ.
༤༠༤. ཀ་པི་ཛཱ་ཏ་ཀཾ (༧-༡-༩)
༦༡. ཡ་ཏྠ ཝེ་རཱི ནི་ཝ་ས་ཏི, ན ཝ་སེ ཏ་ཏྠ པ་ཎྜི་ཏོ;
ཨེ་ཀ་ར་ཏྟཾ དི་ར་ཏྟཾ ཝཱ, དུ་ཀྑཾ ཝ་ས་ཏི ཝེ་རི་སུ.
༦༢. དི་སོ ཝེ ལ་ཧུ་ཙི་ཏྟ་སྶ, པོ་ས་སྶཱ་ནུ་ཝི་དྷཱི་ཡ་ཏོ;
ཨེ་ཀ་སྶ ཀ་པི་ནོ ཧེ་ཏུ, ཡཱུ་ཐ་སྶ ཨ་ན་ཡོ ཀ་ཏོ.