༨. ཨ་ཊྛ་ཀ་ནི་པཱ་ཏོ
༤༡༧. ཀ་ཙྩཱ་ནི་ཛཱ་ཏ་ཀཾ (༡)
༡. ཨོ་དཱ་ཏ་ཝ་ཏྠཱ སུ་ཙི ཨ་ལླ་ཀེ་སཱ, ཀ་ཙྩཱ་ནི ཀིཾ ཀུ་མྦྷི་མ་དྷི་སྶ་ཡི་ཏྭཱ [ཀུ་མྦྷི་མ་པ་སྶ་ཡི་ཏྭཱ (པཱི.)];
པི་ཊྛཱ ཏི་ལཱ དྷོ་ཝ་སི ཏ་ཎྜུ་ལཱ་ནི, ཏི་ལོ་ད་ནོ ཧེ་ཧི་ཏི ཀི་སྶ ཧེ་ཏུ.
༢. ན ཁོ ཨ་ཡཾ བྲཱ་ཧྨ་ཎ བྷོ་ཛ་ན་ཏྠཱ [བྷོ་ཛ་ན་ཏྠཾ (སྱཱ.)], ཏི་ལོ་ད་ནོ ཧེ་ཧི་ཏི སཱ་དྷུ་པ་ཀྐོ;
དྷ་མྨོ མ་ཏོ ཏ་སྶ པ་ཧུ་ཏྟ་མ་ཛྫ [པ་ཧཱུ་ན་མ་ཛྫ (སྱཱ.), པ་ཧཱུ་ཏ་མ་ཛྫ (སཱི.), བ་ཧཱུ་ཏ་མ་ཛྫཱ (པཱི.)], ཨ་ཧཾ ཀ་རི་སྶཱ་མི སུ་སཱ་ན་མ་ཛ྄ཛྷེ.
༣. ཨ་ནུ་ཝི་ཙྩ ཀ་ཙྩཱ་ནི ཀ་རོ་ཧི ཀི་ཙྩཾ, དྷ་མྨོ མ་ཏོ ཀོ ནུ ཏ་ཝེ་ཝ [ཏ་ཝེ་ཏ (སཱི. སྱཱ. པཱི.)] སཾ་སི;
ས་ཧ་སྶ་ནེ་ཏྟོ ཨ་ཏུ་ལཱ་ནུ་བྷཱ་ཝོ, ན མི་ཡྻ་ཏཱི དྷ་མྨ་ཝ་རོ ཀ་དཱ་ཙི.
༤. ད་ལ༹ྷ་པྤ་མཱ་ཎཾ མ་མ ཨེ་ཏྠ བྲ་ཧྨེ, དྷ་མྨོ མ་ཏོ ན་ཏྠི མ་མེ་ཏྠ ཀ་ངྑཱ;
ཡེ ཡེ་ཝ དཱ་ནི པཱ་པཱ བྷ་ཝ་ནྟི, ཏེ ཏེ་ཝ དཱ་ནི སུ་ཁི་ཏཱ བྷ་ཝ་ནྟི.
༥. སུ་ཎི་སཱ ཧི མ་ཡ྄ཧཾ ཝ་ཉྫྷཱ ཨ་ཧོ་སི, སཱ མཾ ཝ་དྷི་ཏྭཱ་ན ཝི་ཛཱ་ཡི པུ་ཏྟཾ;
སཱ དཱ་ནི ས་བྦ་སྶ ཀུ་ལ་སྶ ཨི་སྶ་རཱ, ཨ་ཧཾ པ་ན་མྷི [ཝ་སཱ་མི (སྱཱ.)] ཨ་པ་ཝི་དྡྷཱ ཨེ་ཀི་ཀཱ.
༦. ཛཱི་ཝཱ་མི ཝོ་ཧཾ ན མ་ཏོ་ཧ་མ་སྨི [ནཱ་ཧཾ མ་ཏོ་སྨི (སཱི. པཱི.)], ཏ་ཝེ་ཝ ཨ་ཏྠཱ་ཡ ཨི་དྷཱ་ག་ཏོ་སྨི;
ཡཱ ཏཾ ཝ་དྷི་ཏྭཱ་ན ཝི་ཛཱ་ཡི པུ་ཏྟཾ, ས་ཧཱ་ཝ པུ་ཏྟེ་ན ཀ་རོ་མི བྷ་སྨཾ.
༧. ཨེ་ཝ་ཉྩ [ཨེ་ཏ་ཉྩ (སཱི. པཱི.)] ཏེ རུ་ཙྩ་ཏི དེ་ཝ་རཱ་ཛ, མ་མེ་ཝ ཨ་ཏྠཱ་ཡ ཨི་དྷཱ་ག་ཏོ་སི;
ཨ་ཧ་ཉྩ པུ་ཏྟོ སུ་ཎི་སཱ ཙ ན་ཏྟཱ, ས་མྨོ་ད་མཱ་ནཱ གྷ་ར་མཱ་ཝ་སེ་མ.
༨. ཨེ་ཝ་ཉྩ ཏེ རུ་ཙྩ་ཏི ཀཱ་ཏི་ཡཱ་ནི, ཧ་ཏཱ་པི ས་ནྟཱ ན ཛ་ཧཱ་སི དྷ་མྨཾ;
ཏུ་ཝ་ཉྩ [ཏྭ་ཉྩ (པཱི. ཀ.)] པུ་ཏྟོ སུ་ཎི་སཱ ཙ ན་ཏྟཱ, ས་མྨོ་ད་མཱ་ནཱ གྷ་ར་མཱ་ཝ་སེ་ཐ.
༩. སཱ ཀཱ་ཏི་ཡཱ་ནཱི སུ་ཎི་སཱ་ཡ ས་དྡྷིཾ, ས་མྨོ་ད་མཱ་ནཱ གྷ་ར་མཱ་ཝ་སི་ཏྠ;
པུ་ཏྟོ ཙ ན་ཏྟཱ ཙ ཨུ་པ་ཊྛ་ཧིཾ་སུ, དེ་ཝཱ་ན་མི་ནྡེ་ན ཨ་དྷི་གྒ་ཧཱི་ཏཱ་ཏི.
ཀ་ཙྩཱ་ནི་ཛཱ་ཏ་ཀཾ པ་ཋ་མཾ.
༤༡༨. ཨ་ཊྛ་ས་དྡ་ཛཱ་ཏ་ཀཾ (༢)
༡༠. ཨི་དཾ པུ་རེ ནི་ནྣ་མཱ་ཧུ, བ་ཧུ་མ་ཙྪཾ མ་ཧོ་ད་ཀཾ;
ཨཱ་ཝཱ་སོ བ་ཀ་རཱ་ཛ་སྶ, པེ་ཏྟི་ཀཾ བྷ་ཝ་ནཾ མ་མ;
ཏྱ་ཛྫ བྷེ་ཀེ་ན [བྷི་ངྒེ་ན (ཀ.)] ཡཱ་པེ་མ, ཨོ་ཀཾ ན ཝ་ཛ་ཧཱ་མ་སེ [ཨོ་ཀ་ནྟཾ ན ཛ་ཧཱ་མ་སེ (ཀ.)].
༡༡. ཀོ དུ་ཏི་ཡཾ ཨ་སཱི་ལི་སྶ, བ་ནྡྷ་ར་སྶ་ཀྑི བྷེ་ཙྪ་ཏི [བྷེ་ཛྫ་ཏི (སཱི. སྱཱ. པཱི.), བྷི་ནྡ་ཏི (ཀ.)];
ཀོ མེ པུ་ཏྟེ ཀུ་ལཱ་ཝ་ཀཾ, མ་ཉྩ སོ་ཏྠིཾ ཀ་རི་སྶ་ཏི.
༡༢. ས་བྦཱ པ་རི་ཀྑ་ཡཱ ཕེ་གྒུ, ཡཱ་ཝ ཏ་སྶཱ ག་ཏཱི ཨ་ཧུ;
ཁཱི་ཎ་བྷ་ཀྑོ མ་ཧཱ་རཱ་ཛ, སཱ་རེ ན ར་མ་ཏཱི གྷུ་ཎོ.
༡༣. སཱ ནཱུ་ནཱ་ཧཾ ཨི་ཏོ ག་ནྟྭཱ, ར་ཉྙོ མུ་ཏྟཱ ནི་ཝེ་ས་ནཱ;
ཨ་ཏྟཱ་ནཾ ར་མ་ཡི་སྶཱ་མི, དུ་མ་སཱ་ཁ་ནི་ཀེ་ཏི་ནཱི.
༡༤. སོ ནཱུ་ནཱ་ཧཾ ཨི་ཏོ ག་ནྟྭཱ, ར་ཉྙོ མུ་ཏྟོ ནི་ཝེ་ས་ནཱ;
ཨ་གྒོ་ད་ཀཱ་ནི པི་སྶཱ་མི, ཡཱུ་ཐ་སྶ པུ་ར་ཏོ ཝ་ཛཾ.
༡༥. ཏཾ མཾ ཀཱ་མེ་ཧི ས་མྨ་ཏྟཾ, ར་ཏྟཾ ཀཱ་མེ་སུ མུ་ཙྪི་ཏཾ;
ཨཱ་ན་ཡཱི བྷ་ར་ཏོ [ཝ་ན་ཏོ (ཀ.)] ལུ་དྡོ, བཱ་ཧི་ཀོ བྷ་དྡ་མ་ཏྠུ ཏེ.
༡༦. ཨ་ནྡྷ་ཀཱ་ར་ཏི་མི་སཱ་ཡཾ, ཏུ་ངྒེ ཨུ་པ་རི་པ་བྦ་ཏེ;
སཱ མཾ ས་ཎྷེ་ན མུ་དུ་ནཱ, མཱ པཱ་དཾ ཁ་ལི [ཁ་ཎི (སཱི. སྱཱ. པཱི.)] ཡ་སྨ་ནི.
༡༧. ཨ་སཾ་ས་ཡཾ ཛཱ་ཏི་ཁ་ཡ་ནྟ་ད་སྶཱི, ན ག་བྦྷ་སེ་ཡྻཾ པུ་ན་རཱ་ཝ་ཛི་སྶཾ;
ཨ་ཡ་མ་ནྟི་མཱ པ་ཙྪི་མཱ ག་བྦྷ་སེ་ཡྻཱ [ཨ་ཡཾ ཧི མེ ཨ་ནྟི་མཱ ག་བྦྷ་སེ་ཡྻཱ (སཱི. པཱི.)], ཁཱི་ཎོ མེ སཾ་སཱ་རོ པུ་ན་བྦྷ་ཝཱ་ཡཱ་ཏི.
ཨ་ཊྛ་ས་དྡ་ཛཱ་ཏ་ཀཾ དུ་ཏི་ཡཾ.
༤༡༩. སུ་ལ་སཱ་ཛཱ་ཏ་ཀཾ (༣)
༡༨. ཨི་དཾ སུ་ཝ་ཎྞ་ཀཱ་ཡཱུ་རཾ, མུ་ཏྟཱ ཝེ་ལུ༹་རི་ཡཱ བ་ཧཱུ;
ས་བྦཾ ཧ་ར་སྶུ བྷ་དྡ་ནྟེ, མ་ཉྩ དཱ་སཱི་ཏི སཱ་ཝ་ཡ.
༡༩. ཨོ་རོ་པ་ཡ་སྶུ ཀ་ལྱཱ་ཎི, མཱ བཱ་ལ༹ྷཾ [བ་ཧུཾ (སཱི. སྱཱ. པཱི.)] པ་རི་དེ་ཝ་སི;
ན ཙཱ་ཧཾ ཨ་བྷི་ཛཱ་ནཱ་མི, ཨ་ཧ་ནྟྭཱ དྷ་ན་མཱ་བྷ་ཏཾ.
༢༠. ཡ་ཏོ ས་རཱ་མི ཨ་ཏྟཱ་ནཾ, ཡ་ཏོ པ་ཏྟཱ་སྨི ཝི་ཉྙུ་ཏཾ;
ན ཙཱ་ཧཾ ཨ་བྷི་ཛཱ་ནཱ་མི, ཨ་ཉྙཾ པི་ཡ་ཏ་རཾ ཏ་ཡཱ.
༢༡. ཨེ་ཧི ཏཾ ཨུ་པ་གཱུ་ཧི་སྶཾ [ཨུ་པ་གུ་ཡ྄ཧི་སྶཾ (ཀ.)], ཀ་རི་སྶ་ཉྩ པ་ད་ཀྑི་ཎཾ;
ན ཧི དཱ་ནི པུ་ན ཨ་ཏྠི, མ་མ ཏུ་ཡ྄ཧ་ཉྩ ས་ངྒ་མོ.
༢༢. ན ཧི ས་བྦེ་སུ ཋཱ་ནེ་སུ, པུ་རི་སོ ཧོ་ཏི པ་ཎྜི་ཏོ;
ཨི་ཏྠཱི་པི པ་ཎྜི་ཏཱ ཧོ་ཏི, ཏ་ཏྠ ཏ་ཏྠ ཝི་ཙ་ཀྑ་ཎཱ.
༢༣. ན ཧི ས་བྦེ་སུ ཋཱ་ནེ་སུ, པུ་རི་སོ ཧོ་ཏི པ་ཎྜི་ཏོ;
ཨི་ཏྠཱི་པི པ་ཎྜི་ཏཱ ཧོ་ཏི, ལ་ཧུཾ ཨ་ཏྠཾ ཝི་ཙི་ནྟི་ཀཱ [ལ་ཧུ་མ་ཏྠ་ཝི་ཙི་ནྟི་ཀཱ (སཱི. པཱི.)].
༢༤. ལ་ཧུ་ཉྩ ཝ་ཏ ཁི་པྤ་ཉྩ, ནི་ཀ་ཊྛེ ས་མ་ཙེ་ཏ་ཡི;
མི་གཾ པུ་ཎྞཱ་ཡ་ཏེ་ནེ་ཝ [པུ་ཎྞཱ་ཡ་ཏ་ནེ་ཝ (སྱཱ.)], སུ་ལ་སཱ ས་ཏྟུ་ཀཾ ཝ་དྷི.
༢༥. ཡོ་དྷ ཨུ་པྤ་ཏི་ཏཾ ཨ་ཏྠཾ, ན ཁི་པྤ་མ་ནུ་བུ་ཛ྄ཛྷ་ཏི;
སོ ཧ་ཉྙ་ཏི མ་ནྡ་མ་ཏི, ཙོ་རོ་ཝ གི་རི་ག་བྦྷ་རེ.
༢༦. ཡོ ཙ ཨུ་པྤ་ཏི་ཏཾ ཨ་ཏྠཾ, ཁི་པྤ་མེ་ཝ ནི་བོ་དྷ་ཏི;
མུ་ཙྩ་ཏེ ས་ཏྟུ་ས་མྦཱ་དྷཱ, སུ་ལ་སཱ ས་ཏྟུ་ཀཱ་མི་ཝཱ་ཏི.
སུ་ལ་སཱ་ཛཱ་ཏ་ཀཾ ཏ་ཏི་ཡཾ.
༤༢༠. སུ་མ་ངྒ་ལ་ཛཱ་ཏ་ཀཾ (༤)
༢༧. བྷུ་ས་མྷི [བྷུ་ས་མྤི (ཀ.), བྷུ་སཾ ཧི (སཱི. ནི་ཡྻ)] ཀུ་དྡྷོ་ཏི ཨ་ཝེ་ཀྑི་ཡཱ་ན, ན ཏཱ་ཝ ད་ཎྜཾ པ་ཎ་ཡེ་ཡྻ ཨི་སྶ་རོ;
ཨ་ཊྛཱ་ན་སོ ཨ་པྤ་ཏི་རཱུ་པ་མ་ཏྟ་ནོ, པ་ར་སྶ དུ་ཀྑཱ་ནི བྷུ་སཾ ཨུ་དཱི་ར་ཡེ.
༢༨. ཡ་ཏོ ཙ ཛཱ་ནེ་ཡྻ པ་སཱ་ད་མ་ཏྟ་ནོ, ཨ་ཏྠཾ ནི་ཡུ་ཉྫེ་ཡྻ པ་ར་སྶ དུ་ཀྐ་ཊཾ;
ཏ་དཱ་ཡ་མ་ཏྠོ་ཏི ས་ཡཾ ཨ་ཝེ་ཀྑི་ཡ, ཨ་ཐ་སྶ ད་ཎྜཾ ས་དི་སཾ ནི་ཝེ་ས་ཡེ.
༢༩. ན ཙཱ་པི ཛྷཱ་པེ་ཏི པ་རཾ ན ཨ་ཏྟ་ནཾ, ཨ་མུ་ཙྪི་ཏོ ཡོ ན་ཡ་ཏེ ན་ཡཱ་ན་ཡཾ;
ཡོ ད་ཎྜ་དྷཱ་རོ བྷ་ཝ་ཏཱི་དྷ ཨི་སྶ་རོ, ས ཝ་ཎྞ་གུ་ཏྟོ སི་རི་ཡཱ ན དྷཾ་ས་ཏི.
༣༠. ཡེ ཁ་ཏྟི་ཡཱ སེ ཨ་ནི་ས་མྨ་ཀཱ་རི་ནོ, པ་ཎེ་ནྟི ད་ཎྜཾ ས་ཧ་སཱ པ་མུ་ཙྪི་ཏཱ;
ཨ་ཝ་ཎྞ་སཾ་ཡུ་ཏཱ [ཡུ་ཏྟཱ་ཝ (ཀ.)] ཛ་ཧ་ནྟི ཛཱི་ཝི་ཏཾ, ཨི་ཏོ ཝི་མུ་ཏྟཱ་པི ཙ ཡ་ནྟི དུ་གྒ་ཏིཾ.
༣༡. དྷ་མྨེ ཙ ཡེ ཨ་རི་ཡ་པྤ་ཝེ་དི་ཏེ ར་ཏཱ, ཨ་ནུ་ཏྟ་རཱ ཏེ ཝ་ཙ་སཱ མ་ན་སཱ ཀ་མྨུ་ནཱ ཙ;
ཏེ ས་ནྟི་སོ་ར་ཙྩ་ས་མཱ་དྷི་ས་ཎྛི་ཏཱ, ཝ་ཛ་ནྟི ལོ་ཀཾ དུ་བྷ་ཡཾ ཏ་ཐཱ་ཝི་དྷཱ.
༣༢. རཱ་ཛཱ་ཧ་མ་སྨི ན་ར་པ་མ་དཱ་ན་མི་སྶ་རོ, ས་ཙེ་པི ཀུ་ཛ྄ཛྷཱ་མི ཋ་པེ་མི ཨ་ཏྟ་ནཾ;
ནི་སེ་དྷ་ཡ་ནྟོ ཛ་ན་ཏཾ ཏ་ཐཱ་ཝི་དྷཾ, པ་ཎེ་མི ད་ཎྜཾ ཨ་ནུ་ཀ་མྤ ཡོ་ནི་སོ.
༣༣. སི་རཱི ཙ ལ་ཀྑཱི ཙ ཏ་ཝེ་ཝ ཁ་ཏྟི་ཡ, ཛ་ནཱ་དྷི་པ མཱ ཝི་ཛ་ཧི ཀུ་དཱ་ཙ་ནཾ;
ཨ་ཀྐོ་དྷ་ནོ ནི་ཙྩ་པ་ས་ནྣ་ཙི་ཏྟོ, ཨ་ནཱི་གྷོ ཏུ་ཝཾ ཝ་སྶ་ས་ཏཱ་ནི པཱ་ལ་ཡ.
༣༤. གུ་ཎེ་ཧི ཨེ་ཏེ་ཧི ཨུ་པེ་ཏ ཁ་ཏྟི་ཡ, ཋི་ཏ་མ་རི་ཡ་ཝ་ཏྟཱི [ཝ་ཏྟི (སཱི.), ཝུ་ཏྟི (ཀ.)] སུ་ཝ་ཙོ ཨ་ཀོ་དྷ་ནོ;
སུ་ཁཱི ཨ་ནུ་པྤཱི་ལ༹ པ་སཱ་ས་མེ་དི་ནིཾ [ཨ་ནུ་པྤཱི་ལ༹ཾ ས་ཧ་ས་མེ་ད་ནིཾ (ཀ.)], ཨི་ཏོ ཝི་མུ་ཏྟོ་པི ཙ ཡཱ་ཧི སུ་གྒ་ཏིཾ.
༣༥. ཨེ་ཝཾ སུ་ནཱི་ཏེ་ན [སུ་ཝི་ནཱི་ཏེ་ན (པཱི.)] སུ་བྷཱ་སི་ཏེ་ན, དྷ་མྨེ་ན ཉཱ་ཡེ་ན ཨུ་པཱ་ཡ་སོ ན་ཡཾ;
ནི་བྦཱ་པ་ཡེ ས་ངྑུ་བྷི་ཏཾ མ་ཧཱ་ཛ་ནཾ, མ་ཧཱ་ཝ མེ་གྷོ ས་ལི་ལེ་ན མེ་དི་ནི་ནྟི [མེ་ད་ནི་ནྟི (སྱཱ. ཀ.)].
སུ་མ་ངྒ་ལ་ཛཱ་ཏ་ཀཾ ཙ་ཏུ་ཏྠཾ.
༤༢༡. ག་ངྒ་མཱ་ལ་ཛཱ་ཏ་ཀཾ (༥)
༣༦. ཨ་ངྒཱ་ར་ཛཱ་ཏཱ པ་ཐ་ཝཱི, ཀུ་ཀྐུ་ལཱ༹་ནུ་ག་ཏཱ མ་ཧཱི;
ཨ་ཐ གཱ་ཡ་སི ཝ་ཏྟཱ་ནི [ཝ་ཏྠཱ་ནི (ཀ.)], ན ཏཾ ཏ་པ་ཏི ཨཱ་ཏ་པོ.
༣༧. ཨུ་དྡྷཾ ཏ་པ་ཏི ཨཱ་དི་ཙྩོ, ཨ་དྷོ ཏ་པ་ཏི ཝཱ་ལུ་ཀཱ;
ཨ་ཐ གཱ་ཡ་སི ཝ་ཏྟཱ་ནི [ཝ་ཏྠཱ་ནི (ཀ.)], ན ཏཾ ཏ་པ་ཏི ཨཱ་ཏ་པོ.
༣༨. ན མཾ ཏ་པ་ཏི ཨཱ་ཏ་པོ, ཨཱ་ཏ་པཱ [ཨཱ་ཏ་པྤཱ (སཱི. སྱཱ. པཱི.)] ཏ་པ་ཡ་ནྟི མཾ;
ཨ་ཏྠཱ ཧི ཝི་ཝི་དྷཱ རཱ་ཛ, ཏེ ཏ་པ་ནྟི ན ཨཱ་ཏ་པོ.
༣༩. ཨ་དྡ་སཾ ཀཱ་མ ཏེ མཱུ་ལཾ, ས་ངྐ་པྤཱ ཀཱ་མ ཛཱ་ཡ་སི;
ན ཏཾ ས་ངྐ་པྤ་ཡི་སྶཱ་མི, ཨེ་ཝཾ ཀཱ་མ ན ཧེ་ཧི་སི.
༤༠. ཨ་པྤཱ་པི ཀཱ་མཱ ན ཨ་ལཾ, བ་ཧཱུ་ཧི་པི ན ཏ་པྤ་ཏི;
ཨ་ཧ་ཧཱ བཱ་ལ་ལ་པ་ནཱ, པ་རི་ཝ་ཛྫེ་ཐ [པ་ཊི་ཝི་ཛ྄ཛྷེ་ཐ (པཱི. སཱི. ཨ་ཊྛ.)] ཛ་གྒ་ཏོ.
༤༡. ཨ་པྤ་སྶ ཀ་མྨ་སྶ ཕ་ལཾ མ་མེ་དཾ, ཨུ་ད་ཡོ ཨ་ཛ྄ཛྷཱ་ག་མཱ མ་ཧ་ཏྟ་པ་ཏྟཾ;
སུ་ལ་དྡྷ་ལཱ་བྷོ ཝ་ཏ མཱ་ཎ་ཝ་སྶ, ཡོ པ་བྦ་ཛཱི ཀཱ་མ་རཱ་གཾ པ་ཧཱ་ཡ.
༤༢. ཏ་པ་སཱ པ་ཛ་ཧ་ནྟི པཱ་པ་ཀ་མྨཾ, ཏ་པ་སཱ ནྷཱ་པི་ཏ་ཀུ་མྦྷ་ཀཱ་ར་བྷཱ་ཝཾ;
ཏ་པ་སཱ ཨ་བྷི་བྷུ་ཡྻ ག་ངྒ་མཱ་ལ, ནཱ་མེ་ནཱ་ལ་པ་ས་ཛྫ བྲ་ཧྨ་ད་ཏྟཾ.
༤༣. ས་ནྡི་ཊྛི་ཀ་མེ་ཝ ‘‘ཨ་མྨ’’ པ་སྶ་ཐ, ཁ་ནྟཱི་སོ་ར་ཙྩ་སྶ ཨ་ཡཾ [ཡོ (སྱཱ. པཱི. ཀ.)] ཝི་པཱ་ཀོ;
ཡོ [སོ (སྱཱ. ཀ.)] ས་བྦ་ཛ་ན་སྶ ཝ་ནྡི་ཏོ་ཧུ, ཏཾ ཝ་ནྡཱ་མ ས་རཱ་ཛི་ཀཱ ས་མ་ཙྩཱ.
༤༤. མཱ ཀི་ཉྩི ཨ་ཝ་ཙུ་ཏྠ ག་ངྒ་མཱ་ལཾ, མུ་ནི་ནཾ མོ་ན་པ་ཐེ་སུ སི་ཀྑ་མཱ་ནཾ;
ཨེ་སོ ཧི ཨ་ཏ་རི ཨ་ཎྞ་ཝཾ, ཡཾ ཏ་རི་ཏྭཱ ཙ་ར་ནྟི ཝཱི་ཏ་སོ་ཀཱ་ཏི.
ག་ངྒ་མཱ་ལ་ཛཱ་ཏ་ཀཾ པ་ཉྩ་མཾ.
༤༢༢. ཙེ་ཏི་ཡ་ཛཱ་ཏ་ཀཾ (༦)
༤༥. དྷ་མྨོ ཧ་ཝེ ཧ་ཏོ ཧ་ནྟི, ནཱ་ཧ་ཏོ ཧ་ནྟི ཀི་ཉྩ་ནཾ [ཀ་ཉྩི་ནཾ (པཱི.)];
ཏ་སྨཱ ཧི དྷ་མྨཾ ན ཧ་ནེ, མཱ ཏྭཾ [ཏཾ (སྱཱ. པཱི.)] དྷ་མྨོ ཧ་ཏོ ཧ་ནི.
༤༦. ཨ་ལི་ཀཾ བྷཱ་ས་མཱ་ན་སྶ, ཨ་པ་ཀྐ་མ་ནྟི དེ་ཝ་ཏཱ;
པཱུ་ཏི་ཀ་ཉྩ མུ་ཁཾ ཝཱ་ཏི, ས་ཀ་ཊྛཱ་ནཱ ཙ དྷཾ་ས་ཏི;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༤༧. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷཱུ་མི་ཡཾ ཏི་ཊྛ ཙེ་ཏི་ཡ.
༤༨. ཨ་ཀཱ་ལེ ཝ་སྶ་ཏཱི ཏ་སྶ, ཀཱ་ལེ ཏ་སྶ ན ཝ་སྶ་ཏི;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༤༩. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷཱུ་མིཾ པ་ཝི་ས ཙེ་ཏི་ཡ.
༥༠. ཛི་ཝ྄ཧཱ ཏ་སྶ དྭི་དྷཱ ཧོ་ཏི, ཨུ་ར་ག་སྶེ་ཝ དི་ས་མྤ་ཏི;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༥༡. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷི་ཡྻོ པ་ཝི་ས ཙེ་ཏི་ཡ.
༥༢. ཛི་ཝ྄ཧཱ ཏ་སྶ ན བྷ་ཝ་ཏི, མ་ཙྪ་སྶེ་ཝ དི་ས་མྤ་ཏི;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༥༣. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷི་ཡྻོ པ་ཝི་ས ཙེ་ཏི་ཡ.
༥༤. ཐི་ཡོ་ཝ ཏ་སྶ ཛཱ་ཡ་ནྟི [ཐི་ཡོ ཏ་སྶ པ་ཛཱ་ཡ་ནྟི (ཀ.)], ན པུ་མཱ ཛཱ་ཡ་རེ ཀུ་ལེ;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༥༥. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷི་ཡྻོ པ་ཝི་ས ཙེ་ཏི་ཡ.
༥༦. པུ་ཏྟཱ ཏ་སྶ ན བྷ་ཝ་ནྟི, པ་ཀྐ་མ་ནྟི དི་སོ་དི་སཾ;
ཡོ ཛཱ་ནཾ པུ་ཙྪི་ཏོ པ་ཉྷཾ, ཨ་ཉྙ་ཐཱ ནཾ ཝི་ཡཱ་ཀ་རེ.
༥༧. ས་ཙེ ཧི ས་ཙྩཾ བྷ་ཎ་སི, ཧོ་ཧི རཱ་ཛ ཡ་ཐཱ པུ་རེ;
མུ་སཱ ཙེ བྷཱ་ས་སེ རཱ་ཛ, བྷི་ཡྻོ པ་ཝི་ས ཙེ་ཏི་ཡ.
༥༨. ས རཱ་ཛཱ ཨི་སི་ནཱ ས་ཏྟོ, ཨ་ནྟ་ལི་ཀྑ་ཙ་རོ པུ་རེ;
པཱ་ཝེ་ཀྑི པ་ཐ་ཝིཾ ཙེ་ཙྩོ, ཧཱི་ན་ཏྟོ པ་ཏྭ པ་རི་ཡཱ་ཡཾ [ཨ་ཏྟ་པ་རི་ཡཱ་ཡཾ (སཱི. སྱཱ.), པ་ཏྟ་པ་རི་ཡཱ་ཡཾ (ཀ. སཱི. ནི་ཡྻ)].
༥༩. ཏ་སྨཱ ཧི ཚ་ནྡཱ་ག་མ་ནཾ, ན་པྤ་སཾ་ས་ནྟི པ་ཎྜི་ཏཱ;
ཨ་དུ་ཊྛ་ཙི་ཏྟོ བྷཱ་སེ་ཡྻ, གི་རཾ ས་ཙྩཱུ་པ་སཾ་ཧི་ཏ་ནྟི.
ཙེ་ཏི་ཡ་ཛཱ་ཏ་ཀཾ ཚ་ཊྛཾ.
༤༢༣. ཨི་ནྡྲི་ཡ་ཛཱ་ཏ་ཀཾ (༧)
༦༠. ཡོ ཨི་ནྡྲི་ཡཱ་ནཾ ཀཱ་མེ་ན, ཝ་སཾ ནཱ་ར་ད ག་ཙྪ་ཏི;
སོ པ་རི་ཙྩ་ཛྫུ་བྷོ ལོ་ཀེ, ཛཱི་ཝ་ནྟོ་ཝ ཝི་སུ་སྶ་ཏི [ཛཱི་ཝ་ནྟོ་པི་ཝི་སུ་སྶ་ཏི (སྱཱ.), ཛཱི་ཝ་ནྟོ ཝཱ་པི སུ་སྶ་ཏི (ཀ.)].
༦༡. སུ་ཁ་སྶཱ་ན་ནྟ་རཾ དུ་ཀྑཾ, དུ་ཀྑ་སྶཱ་ན་ནྟ་རཾ སུ་ཁཾ;
སོ་སི [སོ་པི (སྱཱ. པཱི. ཀ.)] པ་ཏྟོ སུ་ཁཱ [སུ་ཁ (སྱཱ.), སུ་ཁཾ (ཀ.)] དུ་ཀྑཾ, པཱ་ཊི་ཀ་ངྑ ཝ་རཾ སུ་ཁཾ.
༦༢. ཀི་ཙྪ་ཀཱ་ལེ ཀི་ཙྪ་ས་ཧོ, ཡོ ཀི་ཙྪཾ ནཱ་ཏི་ཝ་ཏྟ་ཏི;
ས ཀི་ཙྪ་ནྟཾ སུ་ཁཾ དྷཱི་རོ, ཡོ་གཾ ས་མ་དྷི་ག་ཙྪ་ཏི.
༦༣. ན ཧེ་ཝ ཀཱ་མཱ་ན ཀཱ་མཱ, ནཱ་ན་ཏྠཱ ནཱ་ཏྠ་ཀཱ་ར་ཎཱ;
ན ཀ་ཏ་ཉྩ ནི་ར་ངྐ་ཏྭཱ, དྷ་མྨཱ ཙ་ཝི་ཏུ་མ་ར་ཧ་སི.
༦༤. ད་ཀྑཾ ག་ཧ་པ་ཏཱི [ག་ཧ་པ་ཏཾ (སཱི. སྱཱ. པཱི.), ག་ཧ་ཝ་ཏཾ (?)] སཱ་དྷུ, སཾ་ཝི་བྷ་ཛྫ་ཉྩ བྷོ་ཛ་ནཾ;
ཨ་ཧཱ་སོ ཨ་ཏྠ་ལཱ་བྷེ་སུ, ཨ་ཏྠ་བྱཱ་པ་ཏྟི ཨ་བྱ་ཐོ.
༦༥. ཨེ་ཏྟཱ་ཝ་ཏེ་ཏཾ པ་ཎྜི་ཙྩཾ, ཨ་པི སོ [ཨ་སི་ཏོ (སཱི. སྱཱ. པཱི.)] ད་ཝི་ལོ [དེ་ཝ་ལོ (སཱི. པཱི.)] བྲ་ཝི;
ན ཡི་ཏོ ཀི་ཉྩི པཱ་པི་ཡོ, ཡོ ཨི་ནྡྲི་ཡཱ་ནཾ ཝ་སཾ ཝ་ཛེ.
༦༦. ཨ་མི་ཏྟཱ་ནཾ་ཝ ཧ་ཏྠ་ཏྠཾ, སི་ཝི པ་པྤོ་ཏི མཱ་མི་ཝ;
ཀ་མྨཾ ཝི་ཛྫ་ཉྩ ད་ཀྑེ་ཡྻཾ, ཝི་ཝཱ་ཧཾ སཱི་ལ་མ་དྡ་ཝཾ;
ཨེ་ཏེ ཙ ཡ་སེ ཧཱ་པེ་ཏྭཱ, ནི་བྦ་ཏྟོ སེ་ཧི ཀ་མྨེ་ཧི.
༦༧. སོ་ཧཾ ས་ཧ་སྶ་ཛཱི་ནོ་ཝ ཨ་བ་ནྡྷུ ཨ་པ་རཱ་ཡ་ཎོ;