ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཁུ་དྡ་ཀ་ནི་ཀཱ་ཡེ
ཛཱ་ཏ་ཀ་པཱ་ལི༹
(པ་ཋ་མོ བྷཱ་གོ)
༡. ཨེ་ཀ་ཀ་ནི་པཱ་ཏོ
༡. ཨ་པ་ཎྞ་ཀ་ཝ་གྒོ
༡. ཨ་པ་ཎྞ་ཀ་ཛཱ་ཏ་ཀཾ
༡. ཨ་པ་ཎྞ་ཀཾ ཋཱ་ན་མེ་ཀེ, དུ་ཏི་ཡཾ ཨཱ་ཧུ ཏ་ཀྐི་ཀཱ;
ཨེ་ཏ་ད་ཉྙཱ་ཡ མེ་དྷཱ་ཝཱི, ཏཾ ག་ཎྷེ ཡ་ད་པ་ཎྞ་ཀ་ནྟི [ཏཾ ག་ཎྷེ་ཡྻ ཨ་པ་ཎྞ་ཀཾ (ཀ.)].
ཨ་པ་ཎྞ་ཀ་ཛཱ་ཏ་ཀཾ པ་ཋ་མཾ.
༢. ཝ་ཎྞུ་པ་ཐ་ཛཱ་ཏ་ཀཾ
༢. ཨ་ཀི་ལཱ་སུ་ནོ ཝ་ཎྞུ་པ་ཐེ [ཝ་ཎྞ་པ་ཐེ (ཀ.)] ཁ་ཎ་ནྟཱ, ཨུ་ད་ངྒ་ཎེ ཏ་ཏྠ པ་པཾ ཨ་ཝི་ནྡུཾ;
ཨེ་ཝཾ མུ་ནཱི ཝཱི་རི་ཡ [མུ་ནི ཝི་རི་ཡ (པཱི.), མུ་ནི ཝཱི་རི་ཡ (སྱཱ. ཀ.)] བ་ལཱུ་པ་པ་ནྣོ, ཨ་ཀི་ལཱ་སུ ཝི་ནྡེ ཧ་ད་ཡ་སྶ ས་ནྟི་ནྟི.
ཝ་ཎྞུ་པ་ཐ་ཛཱ་ཏ་ཀཾ དུ་ཏི་ཡཾ.
༣. སེ་རི་ཝ་ཝཱ་ཎི་ཛ་ཛཱ་ཏ་ཀཾ
༣. ཨི་དྷ ཙེ ནཾ [ཨི་དྷ ཙེ ཧི ནཾ (སཱི. པཱི.)] ཝི་རཱ་དྷེ་སི, ས་དྡྷ་མྨ་སྶ ནི་ཡཱ་མ་ཏཾ [ནི་ཡཱ་མ་ཀཾ (སྱཱ. ཀ.)];
ཙི་རཾ ཏྭཾ ཨ་ནུ་ཏ་པྤེ་སི [ཨ་ནུ་ཏ་པེ་སྶ་སི (སཱི. པཱི.), ཨ་ནུ་ཏ་པྤི་སྶ་སི (?)], སེ་རི་ཝཱ་ཡཾ་ཝ ཝཱ་ཎི་ཛོ་ཏི.
སེ་རི་ཝ་ཝཱ་ཎི་ཛ་ཛཱ་ཏ་ཀཾ ཏ་ཏི་ཡཾ.
༤. ཙཱུ་ལ༹་སེ་ཊྛི་ཛཱ་ཏ་ཀཾ
༤. ཨ་པྤ་ཀེ་ན་པི མེ་དྷཱ་ཝཱི, པཱ་བྷ་ཏེ་ན ཝི་ཙ་ཀྑ་ཎོ;
ས་མུ་ཊྛཱ་པེ་ཏི ཨ་ཏྟཱ་ནཾ, ཨ་ཎུཾ ཨ་གྒིཾ་ཝ ས་ནྡྷ་མ་ནྟི.
ཙཱུ་ལ༹ [ཙུ་ལླ (སཱི.), ཙུ་ལླ་ཀ (སྱཱ. པཱི.)] སེ་ཊྛི་ཛཱ་ཏ་ཀཾ ཙ་ཏུ་ཏྠཾ.
༥. ཏ་ཎྜུ་ལ་ནཱ་ལི༹་ཛཱ་ཏ་ཀཾ
༥. [ཀི་མ་གྒྷ་ཏཱི ཏ་ཎྜུ་ལ་ནཱ་ལི༹་ཀཱ ཙ, བཱ་རཱ་ཎ་སཱི ཨ་ནྟ་ར་བཱ་ཧི་རཱ་ནི; ཨ་སྶ་པ་ཉྩ་ས་ཏེ ཏཱ་ནི, ཨེ་ཀཱ ཏ་ཎྜུ་ལ་ནཱ་ལི༹་ཀཱ་ཏི; (སྱཱ.)] ཀི་མ་གྒྷ་ཏི ཏ་ཎྜུ་ལ་ནཱ་ལི༹་ཀཱ་ཡ, ཨ་སྶཱ་ན མཱུ་ལཱ་ཡ ཝ་དེ་ཧི རཱ་ཛ [ནཱ་ལི༹་ཀཱ ཙ (སཱི.), ནཱ་ལི༹་ཀཱ་ཡ (ཀ. སཱི. ཨ་ཊྛ.)];
བཱ་རཱ་ཎ་སིཾ ས་ནྟ་ར་བཱ་ཧི་ར་ཏོ [བཱ་ཧི་ར་ནྟཾ (སཱི.)], ཨ་ཡ་མ་གྒྷ་ཏི ཏ་ཎྜུ་ལ་ནཱ་ལི༹་ཀཱ་ཏི [ཀི་མ་གྒྷ་ཏཱི ཝ་ཎྜུ་ལ་ནཱ་ལི༹་ཀཱ ཙ, བཱ་རཱ་ཎ་སཱི ཨ་ནྟ་ར་བཱ་ཧི་རཱ་ནི; ཨ་སྶ་པ་ཉྩ་ས་ཏེ ཏཱ་ནི, ཨེ་ཀཱ ཏ་ཎྜུ་ལ་ནཱ་ལི༹་ཀཱ་ཏི; (སྱཱ.)].
ཏ་ཎྜུ་ལ་ནཱ་ལི༹་ཛཱ་ཏ་ཀཾ པ་ཉྩ་མཾ.
༦. དེ་ཝ་དྷ་མྨ་ཛཱ་ཏ་ཀཾ
༦. ཧི་རི་ཨོ་ཏྟ་པྤ་ས་མྤ་ནྣཱ, སུ་ཀྐ་དྷ་མྨ་ས་མཱ་ཧི་ཏཱ;
ས་ནྟོ ས་པྤུ་རི་སཱ ལོ་ཀེ, དེ་ཝ་དྷ་མྨཱ་ཏི ཝུ་ཙྩ་རེ་ཏི.
དེ་ཝ་དྷ་མྨ་ཛཱ་ཏ་ཀཾ ཚ་ཊྛཾ.
༧. ཀ་ཊྛ་ཧཱ་རི་ཛཱ་ཏ་ཀཾ
༧. པུ་ཏྟོ ཏྱཱ་ཧཾ མ་ཧཱ་རཱ་ཛ, ཏྭཾ མཾ པོ་ས ཛ་ནཱ་དྷི་པ;
ཨ་ཉྙེ་པི དེ་ཝོ པོ་སེ་ཏི, ཀི་ཉྩ [ཀི་ཉྩི (ཀ.)] དེ་ཝོ ས་ཀཾ པ་ཛ་ནྟི.
ཀ་ཊྛ་ཧཱ་རི [ཀ་ཊྛ་ཝཱ་ཧ་ན (ཀ.)] ཛཱ་ཏ་ཀཾ ས་ཏྟ་མཾ.
༨. གཱ་མ་ཎི་ཛཱ་ཏ་ཀཾ
༨. ཨ་པི ཨ་ཏ་ར་མཱ་ནཱ་ནཾ, ཕ་ལཱ་སཱ་ཝ ས་མི་ཛ྄ཛྷ་ཏི;
ཝི་པ་ཀྐ་བྲ་ཧྨ་ཙ་རི་ཡོ་སྨི, ཨེ་ཝཾ ཛཱ་ནཱ་ཧི གཱ་མ་ཎཱི་ཏི.
གཱ་མ་ཎི་ཛཱ་ཏ་ཀཾ ཨ་ཊྛ་མཾ.
༩. མ་གྷ་དེ་ཝ་ཛཱ་ཏ་ཀཾ
༩. ཨུ་ཏྟ་མ་ངྒ་རུ་ཧཱ མ་ཡ྄ཧཾ, ཨི་མེ ཛཱ་ཏཱ ཝ་ཡོ་ཧ་རཱ;
པཱ་ཏུ་བྷཱུ་ཏཱ དེ་ཝ་དཱུ་ཏཱ, པ་བྦ་ཛྫཱ་ས་མ་ཡོ མ་མཱ་ཏི.
མ་གྷ་དེ་ཝ [མ་ཁཱ་དེ་ཝ (སཱི. པཱི.), དེ་ཝ་དཱུ་ཏ (ཀ.)] ཛཱ་ཏ་ཀཾ ན་ཝ་མཾ.
༡༠. སུ་ཁ་ཝི་ཧཱ་རི་ཛཱ་ཏ་ཀཾ
༡༠. ཡ་ཉྩ ཨ་ཉྙེ ན ར་ཀྑ་ནྟི, ཡོ ཙ ཨ་ཉྙེ ན ར་ཀྑ་ཏི;
ས ཝེ རཱ་ཛ སུ་ཁཾ སེ་ཏི, ཀཱ་མེ་སུ ཨ་ན་པེ་ཀྑ་ཝཱ་ཏི.
སུ་ཁ་ཝི་ཧཱ་རི་ཛཱ་ཏ་ཀཾ ད་ས་མཾ.
ཨ་པ་ཎྞ་ཀ་ཝ་གྒོ པ་ཋ་མོ.
ཏ་སྶུ་དྡཱ་ནཾ –
ཝ་རཱ་པ་ཎྞ་ཀ ཝ་ཎྞུ་པ་ཐ སེ་རི་ཝ་རོ, སུ་ཝི་ཙ་ཀྑ་ཎ ཏ་ཎྜུ་ལ་ནཱ་ལི༹་ཀ་སྶཱ;
ཧི་རི པུ་ཏྟ་ཝ་རུ་ཏྟ་གཱ་མ་ཎི་ནཱ, ཡོ ཙ ན ར་ཀྑ་ཏི ཏེ་ན ད་སཱ་ཏི.
༢. སཱི་ལ་ཝ་གྒོ
༡༡. ལ་ཀྑ་ཎ་མི་ག་ཛཱ་ཏ་ཀཾ
༡༡. ཧོ་ཏི སཱི་ལ་ཝ་ཏཾ ཨ་ཏྠོ, པ་ཊི་ས་ནྠཱ་ར [པ་ཊི་ས་ནྡྷཱ་ར (ཀ.)] ཝུ་ཏྟི་ནཾ;
ལ་ཀྑ་ཎཾ པ་སྶ ཨཱ་ཡ་ནྟཾ, ཉཱ་ཏི་ས་ངྒྷ་པུ་ར་ཀྑ་ཏཾ [པུ་ར་ཀྑི་ཏཾ (སྱཱ.), པུ་རེ་ཀྑི་ཏཾ (ཀ.)];
ཨ་ཐ པ་སྶ་སི་མཾ ཀཱ་ལ༹ཾ, སུ་ཝི་ཧཱི་ནཾ་ཝ ཉཱ་ཏི་བྷཱི་ཏི.
ལ་ཀྑ་ཎ་མི་ག་ཛཱ་ཏ་ཀཾ པ་ཋ་མཾ.
༡༢. ནི་གྲོ་དྷ་མི་ག་ཛཱ་ཏ་ཀཾ
༡༢. ནི་གྲོ་དྷ་མེ་ཝ སེ་ཝེ་ཡྻ, ན སཱ་ཁ་མུ་པ་སཾ་ཝ་སེ;
ནི་གྲོ་དྷ་སྨིཾ མ་ཏཾ སེ་ཡྻོ, ཡ་ཉྩེ སཱ་ཁ་སྨི [སཱ་ཁ་སྨིཾ (སཱི. པཱི.)] ཛཱི་ཝི་ཏ་ནྟི.
ནི་གྲོ་དྷ་མི་ག་ཛཱ་ཏ་ཀཾ དུ་ཏི་ཡཾ.
༡༣. ཀ་ཎྜི་ཛཱ་ཏ་ཀཾ
༡༣. དྷི་ར་ཏྠུ ཀ་ཎྜི་ནཾ ས་ལླཾ, པུ་རི་སཾ གཱ་ལ༹ྷ་ཝེ་དྷི་ནཾ;
དྷི་ར་ཏྠུ ཏཾ ཛ་ན་པ་དཾ, ཡ་ཏྠི་ཏྠཱི པ་རི་ཎཱ་ཡི་ཀཱ;
ཏེ ཙཱ་པི དྷི་ཀྐི་ཏཱ [དྷི་ཀྐ་ཏཱ (?)] ས་ཏྟཱ, ཡེ ཨི་ཏྠཱི་ནཾ ཝ་སཾ་ག་ཏཱ་ཏི.
ཀ་ཎྜི་ཛཱ་ཏ་ཀཾ ཏ་ཏི་ཡཾ.
༡༤. ཝཱ་ཏ་མི་ག་ཛཱ་ཏ་ཀཾ
༡༤. ན ཀི་ར་ཏྠི ར་སེ་ཧི པཱ་པི་ཡོ, ཨཱ་ཝཱ་སེ་ཧི ཝ [ཝཱ (ས་བྦ་ཏྠ)] ས་ནྠ་ཝེ་ཧི ཝཱ;
ཝཱ་ཏ་མི་གཾ ག་ཧ་ན་ནི་སྶི་ཏཾ [གེ་ཧ་ནི་སྶི་ཏཾ (སཱི. པཱི.)], ཝ་ས་མཱ་ནེ་སི ར་སེ་ཧི ས་ཉྫ་ཡོ་ཏི.
ཝཱ་ཏ་མི་ག་ཛཱ་ཏ་ཀཾ ཙ་ཏུ་ཏྠཾ.
༡༥. ཁ་རཱ་དི་ཡ་ཛཱ་ཏ་ཀཾ
༡༥. ཨ་ཊྛ་ཀྑུ་རཾ ཁ་རཱ་དི་ཡེ, མི་གཾ ཝ་ངྐཱ་ཏི་ཝ་ངྐི་ནཾ;
ས་ཏྟ་ཧི ཀཱ་ལཱ་ཏི་ཀྐ་ནྟཾ [ས་ཏྟ་ཧི ཀ་ལཱ་ཧ’ཏི་ཀྐ་ནྟཾ (སཱི.), ས་ཏྟ་ཀཱ་ལེ་ཧ’ཏི་ཀྐ་ནྟཾ (སྱཱ.), ས་ཏྟ་ཧི ཀཱ་ལཱ་ཧ’ཏི་ཀྐ་ནྟཾ (པཱི.)], ན ནཾ ཨོ་ཝ་དི་ཏུ་སྶ་ཧེ་ཏི.
ཁ་རཱ་དི་ཡ་ཛཱ་ཏ་ཀཾ པ་ཉྩ་མཾ.
༡༦. ཏི་པ་ལླ་ཏྠ་མི་ག་ཛཱ་ཏ་ཀཾ
༡༦. མི་གཾ ཏི་པ་ལླ་ཏྠ [ཏི་པ་ལླ་ཏྟ (ཀ.)] མ་ནེ་ཀ་མཱ་ཡཾ, ཨ་ཊྛ་ཀྑུ་རཾ ཨ་ཌྜྷ་ར་ཏྟཱ་པ་པཱ་ཡིཾ [ཨ་ཌྜྷ་ར་ཏྟཱ་ཝ་པཱ་ཡིཾ (སཱི. པཱི.)];
ཨེ་ཀེ་ན སོ་ཏེ་ན ཚ་མཱ་སྶ་ས་ནྟོ, ཚ་ཧི ཀ་ལཱ་ཧི་ཏི་བྷོ་ཏི [ཀ་ལཱ་ཧ་ཏི་བྷོ་ཏི (སཱི. སྱཱ. པཱི.)] བྷཱ་གི་ནེ་ཡྻོ་ཏི.
ཏི་པ་ལླ་ཏྠ་མི་ག་ཛཱ་ཏ་ཀཾ ཚ་ཊྛཾ.
༡༧. མཱ་ལུ་ཏ་ཛཱ་ཏ་ཀཾ
༡༧. ཀཱ་ལེ༹ ཝཱ ཡ་དི ཝཱ ཛུ་ཎྷེ, ཡ་དཱ ཝཱ་ཡ་ཏི མཱ་ལུ་ཏོ;
ཝཱ་ཏ་ཛཱ་ནི ཧི སཱི་ཏཱ་ནི, ཨུ་བྷོ་ཏྠ་མ་པ་རཱ་ཛི་ཏཱ་ཏི.
མཱ་ལུ་ཏ་ཛཱ་ཏ་ཀཾ ས་ཏྟ་མཾ.
༡༨. མ་ཏ་ཀ་བྷ་ཏྟ་ཛཱ་ཏ་ཀཾ
༡༨. ཨེ་ཝཾ ཙེ ས་ཏྟཱ ཛཱ་ནེ་ཡྻུཾ, དུ་ཀྑཱ་ཡཾ ཛཱ་ཏི་ས་མྦྷ་ཝོ;
ན པཱ་ཎོ པཱ་ཎི་ནཾ ཧ་ཉྙེ, པཱ་ཎ་གྷཱ་ཏཱི ཧི སོ་ཙ་ཏཱི་ཏི.
མ་ཏ་ཀ་བྷ་ཏྟ་ཛཱ་ཏ་ཀཾ ཨ་ཊྛ་མཾ.
༡༩. ཨཱ་ཡཱ་ཙི་ཏ་བྷ་ཏྟ་ཛཱ་ཏ་ཀཾ
༡༩. ས་ཙེ མུ་ཙྩེ [མུ་ཉྩེ (སཱི. སྱཱ. པཱི.)] པེ་ཙྩ མུ་ཙྩེ [མུ་ཉྩེ (སཱི. སྱཱ. པཱི.)], མུ་ཙྩ་མཱ་ནོ ཧི བ་ཛ྄ཛྷ་ཏི;
ན ཧེ་ཝཾ དྷཱི་རཱ མུ་ཙྩ་ནྟི, མུ་ཏྟི བཱ་ལ་སྶ བ་ནྡྷ་ན་ནྟི.
ཨཱ་ཡཱ་ཙི་ཏ་བྷ་ཏྟ་ཛཱ་ཏ་ཀཾ ན་ཝ་མཾ.
༢༠. ན་ལ༹་པཱ་ན་ཛཱ་ཏ་ཀཾ
༢༠. དི་སྭཱ པ་ད་མ་ནུ་ཏྟི་ཎྞཾ, དི་སྭཱ་ནོ་ཏ་རི་ཏཾ པ་དཾ;
ན་ལེ༹་ན ཝཱ་རིཾ པི་སྶཱ་མ [པི་ཝི་སྶཱ་མ (སཱི. སྱཱ. པཱི.)], ནེ་ཝ [ན ཙ (ཀ.)] མཾ ཏྭཾ ཝ་དྷི་སྶ་སཱི་ཏི.
ན་ལ༹་པཱ་ན་ཛཱ་ཏ་ཀཾ ད་ས་མཾ.
སཱི་ལ་ཝ་གྒོ དུ་ཏི་ཡོ.
ཏ་སྶུ་དྡཱ་ནཾ –
ཨ་ཐ ལ་ཀྑ་ཎ སཱ་ཁ དྷི་ར་ཏྠུ པུ་ན, ན ཀི་ར་ཏྠི ར་སེ་ཧི ཁ་རཱ་དི་ཡཱ;
ཨ་ཏི་བྷོ་ཏི ཝ་ར [ར་ས (ས་བྦ་ཏྠ)] མཱ་ལུ་ཏ པཱ་ཎ, མུ་ཙྩེ་ན ན་ལ༹་ཨ་ཝ྄ཧ་ཡ་ནེ་ན བྷ་ཝ་ནྟི ད་སཱ་ཏི.
༣. ཀུ་རུ་ངྒ་ཝ་གྒོ
༢༡. ཀུ་རུ་ངྒ་མི་ག་ཛཱ་ཏ་ཀཾ
༢༡. ཉཱ་ཏ་མེ་ཏཾ ཀུ་རུ་ངྒ་སྶ, ཡཾ ཏྭཾ སེ་པ་ཎྞི སི་ཡྻ་སི [སེ་ཡྻ་སི (སཱི. སྱཱ. པཱི.)];
ཨ་ཉྙཾ སེ་པ་ཎྞི ག་ཙྪཱ་མི, ན མེ ཏེ རུ་ཙྩ་ཏེ ཕ་ལ་ནྟི.
ཀུ་རུ་ངྒ་མི་ག་ཛཱ་ཏ་ཀཾ པ་ཋ་མཾ.
༢༢. ཀུ་ཀྐུ་ར་ཛཱ་ཏ་ཀཾ
༢༢. ཡེ ཀུ་ཀྐུ་རཱ རཱ་ཛ་ཀུ་ལ་མྷི ཝ་དྡྷཱ, ཀོ་ལེ་ཡྻ་ཀཱ ཝ་ཎྞ་བ་ལཱུ་པ་པ་ནྣཱ;
ཏེ་མེ ན ཝ་ཛ྄ཛྷཱ མ་ཡ་མ་སྨ ཝ་ཛ྄ཛྷཱ, ནཱ་ཡཾ ས་གྷ་ཙྩཱ དུ་བྦ་ལ་གྷཱ་ཏི་ཀཱ་ཡ་ནྟི.
ཀུ་ཀྐུ་ར་ཛཱ་ཏ་ཀཾ དུ་ཏི་ཡཾ.
༢༣. གོ་ཛཱ་ནཱི་ཡ་ཛཱ་ཏ་ཀཾ
༢༣. ཨ་པི པ་སྶེ་ན སེ་མཱ་ནོ, ས་ལླེ་བྷི ས་ལླ་ལཱི་ཀ་ཏོ;
སེ་ཡྻོ་ཝ ཝ་ལ༹་ཝཱ གོ་ཛོ [བྷོ་ཛྫོ (སཱི.), བྷོ་ཛ྄ཛྷོ (སྱཱ. པཱི.)], ཡུ་ཉྫ མ་ཉྙེ་ཝ སཱ་ར་ཐཱི་ཏི.
གོ་ཛཱ་ནཱི་ཡ [བྷོ་ཛཱ་ཛཱ་ནཱི་ཡ (སཱི. སྱཱ. པཱི.)] ཛཱ་ཏ་ཀཾ ཏ་ཏི་ཡཾ.
༢༤. ཨཱ་ཛ་ཉྙ་ཛཱ་ཏ་ཀཾ
༢༤. ཡ་དཱ ཡ་དཱ ཡ་ཏྠ ཡ་དཱ, ཡ་ཏྠ ཡ་ཏྠ ཡ་དཱ ཡ་དཱ;
ཨཱ་ཛ་ཉྙོ ཀུ་རུ་ཏེ ཝེ་གཾ, ཧཱ་ཡ་ནྟི ཏ་ཏྠ ཝཱ་ལ༹་ཝཱ་ཏི.
ཨཱ་ཛ་ཉྙ་ཛཱ་ཏ་ཀཾ ཙ་ཏུ་ཏྠཾ.
༢༥. ཏི་ཏྠ་ཛཱ་ཏ་ཀཾ
༢༥. ཨ་ཉྙ་མ་ཉྙེ་ཧི ཏི་ཏྠེ་ཧི, ཨ་སྶཾ པཱ་ཡེ་ཧི སཱ་ར་ཐི;
ཨ་ཙྩཱ་ས་ན་སྶ པུ་རི་སོ, པཱ་ཡཱ་ས་སྶ་པི ཏ་པྤ་ཏཱི་ཏི.
ཏི་ཏྠ་ཛཱ་ཏ་ཀཾ པ་ཉྩ་མཾ.
༢༦. མ་ཧི་ལཱ༹་མུ་ཁ་ཛཱ་ཏ་ཀཾ
༢༦. པུ་རཱ་ཎ་ཙོ་རཱ་ན ཝ་ཙོ ནི་ས་མྨ, མ་ཧི་ལཱ༹་མུ་ཁོ པོ་ཐ་ཡ་མ་ནྭ་ཙཱ་རཱི;
སུ་ས་ཉྙ་ཏཱ་ན་ཉྷི ཝ་ཙོ ནི་ས་མྨ, ག་ཛུ་ཏྟ་མོ ས་བྦ་གུ་ཎེ་སུ ཨ་ཊྛཱ་ཏི.
མ་ཧི་ལཱ༹་མུ་ཁ་ཛཱ་ཏ་ཀཾ ཚ་ཊྛཾ.
༢༧. ཨ་བྷི་ཎྷ་ཛཱ་ཏ་ཀཾ
༢༧. ནཱ་ལཾ ཀ་བ་ལ༹ཾ པ་དཱ་ཏ་ཝེ, ན ཙ པི་ཎྜཾ ན ཀུ་སེ ན གྷཾ་སི་ཏུཾ;
མ་ཉྙཱ་མི ཨ་བྷི་ཎྷ་ད་སྶ་ནཱ, ནཱ་གོ སྣེ་ཧ་མ་ཀཱ་སི [སི་ནེ་ཧ་མ་ཀཱ་སི (སཱི. སྱཱ. པཱི.)] ཀུ་ཀྐུ་རེ་ཏི.
ཨ་བྷི་ཎྷ་ཛཱ་ཏ་ཀཾ ས་ཏྟ་མཾ.
༢༨. ན་ནྡི་ཝི་སཱ་ལ་ཛཱ་ཏ་ཀཾ
༢༨. མ་ནུ་ཉྙ་མེ་ཝ བྷཱ་སེ་ཡྻ, ནཱ་མ་ནུ་ཉྙཾ ཀུ་དཱ་ཙ་ནཾ;
མ་ནུ་ཉྙཾ བྷཱ་ས་མཱ་ན་སྶ, ག་རུཾ བྷཱ་རཾ ཨུ་ད་དྡྷ་རི;
དྷ་ན་ཉྩ ནཾ ཨ་ལཱ་བྷེ་སི, ཏེ་ན ཙ་ཏྟ་མ་ནོ ཨ་ཧཱུ་ཏི.
ན་ནྡི་ཝི་སཱ་ལ་ཛཱ་ཏ་ཀཾ ཨ་ཊྛ་མཾ.
༢༩. ཀ་ཎྷ་ཛཱ་ཏ་ཀཾ
༢༩. ཡ་ཏོ ཡ་ཏོ ག་རུ དྷུ་རཾ, ཡ་ཏོ ག་མྦྷཱི་ར་ཝ་ཏྟ་ནཱི;
ཏ་དཱ་སྶུ ཀ་ཎྷཾ ཡུ་ཉྫ་ནྟི, སྭཱ་སྶུ ཏཾ ཝ་ཧ་ཏེ དྷུ་ར་ནྟི.
ཀ་ཎྷ་ཛཱ་ཏ་ཀཾ ན་ཝ་མཾ.
༣༠. མུ་ནི་ཀ་ཛཱ་ཏ་ཀཾ
༣༠. མཱ མུ་ནི་ཀ་སྶ པི་ཧ་ཡི, ཨཱ་ཏུ་ར་ནྣཱ་ནི བྷུ་ཉྫ་ཏི;
ཨ་པྤོ་སྶུ་ཀྐོ བྷུ་སཾ ཁཱ་ད, ཨེ་ཏཾ དཱི་གྷཱ་ཡུ་ལ་ཀྑ་ཎ་ནྟི.
མུ་ནི་ཀ་ཛཱ་ཏ་ཀཾ ད་ས་མཾ.
ཀུ་རུ་ངྒ་ཝ་གྒོ ཏ་ཏི་ཡོ.
ཏ་སྶུ་དྡཱ་ནཾ –
ཀུ་རུ་ངྒ་སྶ ཀུ་ཀྐུ་ར་གོ་ཛ་ཝ་རོ, པུ་ན ཝཱ་ལ༹་ཝ་སྶ་སི་རི་ཝ྄ཧ་ཡ་ནོ [སི་རི་ཝ་ཡ་ནོ (ས་བྦ་ཏྠ)];
མ་ཧི་ལཱ༹་མུ་ཁ་ནཱ་མ་ནུ་ཉྙ་ཝ་རོ, ཝ་ཧ་ཏེ དྷུ་ར མུ་ནི་ཀེ་ན ད་སཱ་ཏི.
༤. ཀུ་ལཱ་ཝ་ཀ་ཝ་གྒོ
༣༡. ཀུ་ལཱ་ཝ་ཀ་ཛཱ་ཏ་ཀཾ
༣༡. ཀུ་ལཱ་ཝ་ཀཱ མཱ་ཏ་ལི སི་མྦ་ལི་སྨིཾ, ཨཱི་སཱ་མུ་ཁེ་ན པ་རི་ཝ་ཛྫ་ཡ་སྶུ;
ཀཱ་མཾ ཙ་ཛཱ་མ ཨ་སུ་རེ་སུ པཱ་ཎཾ, མཱ མེ དི་ཛཱ ཝི་ཀྐུ་ལ་ཝཱ [མཱ་ཡི་མེ དི་ཛཱ ཝི་ཀུ་ལཱ་ཝཱ (སཱི. སྱཱ. པཱི.)] ཨ་ཧེ་སུ་ནྟི.
ཀུ་ལཱ་ཝ་ཀ་ཛཱ་ཏ་ཀཾ པ་ཋ་མཾ.
༣༢. ན་ཙྩ་ཛཱ་ཏ་ཀཾ
༣༢. རུ་དཾ མ་ནུ་ཉྙཾ རུ་ཙི་རཱ ཙ པི་ཊྛི, ཝེ་ལུ༹་རི་ཡ་ཝ་ཎྞཱུ་པ་ནི་བྷཱ [ཝ་ཎྞཱུ་པ་ཊི་བྷཱ (སྱཱ.), ཝ་ཎྞ་ས་ནྣི་བྷཱ (ཀ.)] ཙ གཱི་ཝཱ;