༢. ག་ནྡྷཱ་ར་ཝ་གྒོ
༤༠༦. ག་ནྡྷཱ་ར་ཛཱ་ཏ་ཀཾ (༧-༢-༡)
༧༦. ཧི་ཏྭཱ གཱ་མ་ས་ཧ་སྶཱ་ནི, པ་རི་པུ་ཎྞཱ་ནི སོ་ལ༹་ས;
ཀོ་ཊྛཱ་གཱ་རཱ་ནི ཕཱི་ཏཱ་ནི, ས་ནྣི་དྷིཾ དཱ་ནི ཀུ་བྦ་སི.
༧༧. ཧི་ཏྭཱ ག་ནྡྷཱ་ར་ཝི་ས་ཡཾ, པ་ཧཱུ་ཏ་དྷ་ན་དྷཱ་རི་ཡཾ [དྷཱ་ནི་ཡཾ (སཱི. པཱི.), དྷ་ཉྙ་ནྟི ཨ་ཏྠོ];
པ་སཱ་ས་ན་ཏོ [པ་སཱ་ས་ནི་ཏོ (སཱི. སྱཱ.), པ་སཱ་ས་ནཱ་ཏོ (པཱི.)] ནི་ཀྑ་ནྟོ, ཨི་དྷ དཱ་ནི པ་སཱ་ས་སི.
༧༨. དྷ་མྨཾ བྷ་ཎཱ་མི ཝེ་དེ་ཧ, ཨ་དྷ་མྨོ མེ ན རུ་ཙྩ་ཏི;
དྷ་མྨཾ མེ བྷ་ཎ་མཱ་ན་སྶ, ན པཱ་པ་མུ་པ་ལི་མྤ་ཏི.
༧༩. ཡེ་ན ཀེ་ན་ཙི ཝ་ཎྞེ་ན, པ་རོ ལ་བྷ་ཏི རུ་པྤ་ནཾ;
མ་ཧ་ཏྠི་ཡ་མྤི ཙེ ཝཱ་ཙཾ, ན ཏཾ བྷཱ་སེ་ཡྻ པ་ཎྜི་ཏོ.
༨༠. ཀཱ་མཾ རུ་པྤ་ཏུ ཝཱ མཱ ཝཱ, བྷུ་སཾ་ཝ ཝི་ཀི་རཱི་ཡ་ཏུ;
དྷ་མྨཾ མེ བྷ་ཎ་མཱ་ན་སྶ, ན པཱ་པ་མུ་པ་ལི་མྤ་ཏི.
༨༡. ནོ ཙེ ཨ་སྶ ས་ཀཱ བུ་དྡྷི, ཝི་ན་ཡོ ཝཱ སུ་སི་ཀྑི་ཏོ;
ཝ་ནེ ཨ་ནྡྷ་མ་ཧིཾ་སོ་ཝ [ཨ་ནྡྷ་མ་ཧི་སོ་ཝ (སཱི. པཱི.)] ཙ་རེ་ཡྻ བ་ཧུ་ཀོ ཛ་ནོ.
༨༢. ཡ་སྨཱ ཙ པ་ནི་དྷེ་ཀ་ཙྩེ, ཨཱ་ཙེ་ར་མྷི [ཨཱ་ཙཱ་ར་མྷི (སཱི. པཱི.)] སུ་སི་ཀྑི་ཏཱ;
ཏ་སྨཱ ཝི་ནཱི་ཏ་ཝི་ན་ཡཱ, ཙ་ར་ནྟི སུ་ས་མཱ་ཧི་ཏཱ་ཏི.
ག་ནྡྷཱ་ར་ཛཱ་ཏ་ཀཾ པ་ཋ་མཾ.
༤༠༧. མ་ཧཱ་ཀ་པི་ཛཱ་ཏ་ཀཾ (༧-༢-༢)
༨༣. ཨ་ཏྟཱ་ནཾ ས་ངྐ་མཾ ཀ་ཏྭཱ, ཡོ སོ་ཏྠིཾ ས་མ་ཏཱ་ར་ཡི;
ཀིཾ ཏྭཾ ཏེ་སཾ ཀི་མེ [ཀི་མོ (སཱི. པཱི.), ཀིཾ མེ (སྱཱ.)] ཏུ་ཡ྄ཧཾ, ཧོ་ནྟི ཨེ་ཏེ [ཧེ་ཏེ (སྱཱ.), སོ ཏེ (ཀ.)] མ་ཧཱ་ཀ་པི.
༨༤. རཱ་ཛཱ་ཧཾ ཨི་སྶ་རོ ཏེ་སཾ, ཡཱུ་ཐ་སྶ པ་རི་ཧཱ་ར་ཀོ;
ཏེ་སཾ སོ་ཀ་པ་རེ་ཏཱ་ནཾ, བྷཱི་ཏཱ་ནཾ ཏེ ཨ་རི་ནྡ་མ.
༨༥. ཨུ་ལླ་ངྒྷ་ཡི་ཏྭཱ [ས ལ་ངྒྷ་ཡི་ཏྭཱ (པཱི.), སུ་ལ་ངྒྷ་ཡི་ཏྭཱ (ཀ.)] ཨ་ཏྟཱ་ནཾ, ཝི་སྶ་ཊྛ་དྷ་ནུ་ནོ ས་ཏཾ;
ཏ་ཏོ ཨ་པ་ར་པཱ་དེ་སུ, ད་ལ༹ྷཾ བ་ནྡྷཾ ལ་ཏཱ་གུ་ཎཾ.
༨༦. ཚི་ནྣ་བྦྷ་མི་ཝ ཝཱ་ཏེ་ན, ནུ་ཎྞོ [ནུ་ནྣོ (སཱི.)] རུ་ཀྑཾ ཨུ་པཱ་ག་མིཾ;
སོ་ཧཾ ཨ་པྤ་བྷ་ཝཾ ཏ་ཏྠ, སཱ་ཁཾ ཧ་ཏྠེ་ཧི ཨ་གྒ་ཧིཾ.
༨༧. ཏཾ མཾ ཝི་ཡཱ་ཡ་ཏཾ ས་ནྟཾ, སཱ་ཁཱ་ཡ ཙ ལ་ཏཱ་ཡ ཙ;
ས་མ་ནུ་ཀྐ་མ་ནྟཱ པཱ་དེ་ཧི, སོ་ཏྠིཾ སཱ་ཁཱ་མི་གཱ ག་ཏཱ.
༨༨. ཏཾ མཾ ན ཏ་པ་ཏེ བ་ནྡྷོ, མ་ཏོ [ཝ་དྷོ (སཱི. སྱཱ. པཱི.)] མེ ན ཏ་པེ་སྶ་ཏི;
སུ་ཁ་མཱ་ཧ་རི་ཏཾ ཏེ་སཾ, ཡེ་སཾ ར་ཛྫ་མ་ཀཱ་ར་ཡིཾ.
༨༩. ཨེ་སཱ ཏེ ཨུ་པ་མཱ རཱ་ཛ, ཏཾ སུ་ཎོ་ཧི ཨ་རི་ནྡ་མ [ཨ་ཏྠ་ས་ནྡ་སྶ་ནཱི ཀ་ཏཱ (པཱི.)];
ར་ཉྙཱ ར་ཊྛ་སྶ ཡོ་གྒ་སྶ, བ་ལ་སྶ ནི་ག་མ་སྶ ཙ;
ས་བྦེ་སཾ སུ་ཁ་མེ་ཊྛ་བྦཾ, ཁ་ཏྟི་ཡེ་ན པ་ཛཱ་ན་ཏཱ་ཏི.
མ་ཧཱ་ཀ་པི་ཛཱ་ཏ་ཀཾ དུ་ཏི་ཡཾ.
༤༠༨. ཀུ་མྦྷ་ཀཱ་ར་ཛཱ་ཏ་ཀཾ (༧-༢-༣)
༩༠. ཨ་མྦཱ་ཧ་མ་དྡཾ ཝ་ན་མ་ནྟ་ར་སྨིཾ, ནཱི་ལོ་བྷཱ་སཾ ཕ་ལི་ཏཾ [ཕ་ལི་ནཾ (པཱི.)] སཾ་ཝི་རཱུ་ལ༹ྷཾ;
ཏ་མ་དྡ་སཾ ཕ་ལ་ཧེ་ཏུ ཝི་བྷ་གྒཾ, ཏཾ དི་སྭཱ བྷི་ཀྑཱ་ཙ་རི་ཡཾ ཙ་རཱ་མི.
༩༡. སེ་ལཾ སུ་མ་ཊྛཾ ན་ར་ཝཱི་ར་ནི་ཊྛི་ཏཾ [ན་ར་ཝི་དྡུ་ནི་ཊྛི་ཏཾ (ཀ.)], ནཱ་རཱི ཡུ་གཾ དྷཱ་ར་ཡི ཨ་པྤ་ས་དྡཾ;
དུ་ཏི་ཡ་ཉྩ ཨཱ་ག་མྨ ཨ་ཧོ་སི ས་དྡོ, ཏཾ དི་སྭཱ བྷི་ཀྑཱ་ཙ་རི་ཡཾ ཙ་རཱ་མི.
༩༢. དི་ཛཱ དི་ཛཾ ཀུ་ཎ་པ་མཱ་ཧ་ར་ནྟཾ, ཨེ་ཀཾ ས་མཱ་ནཾ བ་ཧུ་ཀཱ ས་མེ་ཙྩ;
ཨཱ་ཧཱ་ར་ཧེ་ཏཱུ པ་རི་པཱ་ཏ་ཡིཾ་སུ, ཏཾ དི་སྭཱ བྷི་ཀྑཱ་ཙ་རི་ཡཾ ཙ་རཱ་མི.
༩༣. ཨུ་ས་བྷཱ་ཧ་མ་དྡཾ ཡཱུ་ཐ་སྶ མ་ཛ྄ཛྷེ, ཙ་ལ་ཀྐ་ཀུཾ ཝ་ཎྞ་བ་ལཱུ་པ་པ་ནྣཾ;
ཏ་མ་དྡ་སཾ ཀཱ་མ་ཧེ་ཏུ ཝི་ཏུ་ནྣཾ, ཏཾ དི་སྭཱ བྷི་ཀྑཱ་ཙ་རི་ཡཾ ཙ་རཱ་མི.
༩༤. ཀ་ར་ཎྜ་ཀོ [ཀ་ར་ཎྜུ་ནཱ་མ (སཱི. པཱི.)] ཀ་ལི་ངྒཱ་ནཾ, ག་ནྡྷཱ་རཱ་ན་ཉྩ ན་གྒ་ཛི;
ནི་མི་རཱ་ཛཱ ཝི་དེ་ཧཱ་ནཾ, པ་ཉྩཱ་ལཱ་ན་ཉྩ དུ་མྨུ་ཁོ;
ཨེ་ཏེ ར་ཊྛཱ་ནི ཧི་ཏྭཱ་ན, པ་བྦ་ཛིཾ་སུ ཨ་ཀི་ཉྩ་ནཱ.
༩༥. ས་བྦེ་པི་མེ དེ་ཝ་ས་མཱ ས་མཱ་ག་ཏཱ, ཨ་གྒཱི ཡ་ཐཱ པ་ཛྫ་ལི་ཏོ ཏ་ཐེ་ཝི་མེ;
ཨ་ཧ་མྤི ཨེ་ཀོ ཙ་རི་སྶཱ་མི བྷ་གྒ་ཝི, ཧི་ཏྭཱ་ན ཀཱ་མཱ་ནི ཡ་ཐོ་དྷི་ཀཱ་ནི.
༩༦. ཨ་ཡ་མེ་ཝ ཀཱ་ལོ ན ཧི ཨ་ཉྙོ ཨ་ཏྠི, ཨ་ནུ་སཱ་སི་ཏཱ མེ ན བྷ་ཝེ་ཡྻ པ་ཙྪཱ;
ཨ་ཧ་མྤི ཨེ་ཀཱ ཙ་རི་སྶཱ་མི བྷ་གྒ་ཝ, ས་ཀུ་ཎཱི་ཝ མུ་ཏྟཱ པུ་རི་ས་སྶ ཧ་ཏྠཱ.
༩༧. ཨཱ་མཾ པ་ཀྐ་ཉྩ ཛཱ་ན་ནྟི, ཨ་ཐོ ལོ་ཎཾ ཨ་ལོ་ཎ་ཀཾ;
ཏ་མ་ཧཾ དི་སྭཱ་ན པ་བྦ་ཛིཾ, ཙ་རེ་ཝ ཏྭཾ ཙ་རཱ་མ་ཧ་ནྟི.
ཀུ་མྦྷ་ཀཱ་ར་ཛཱ་ཏ་ཀཾ ཏ་ཏི་ཡཾ.
༤༠༩. ད་ལ༹ྷ་དྷ་མྨ་ཛཱ་ཏ་ཀཾ (༧-༢-༤)
༩༨. ཨ་ཧཾ ཙེ ད་ལ༹ྷ་དྷ་མྨ་སྶ [ད་ལ༹ྷ་དྷ་མྨཱ་ཡ (པཱི.)], ཝ་ཧ་ནྟི ནཱ་བྷི་རཱ་དྷ་ཡིཾ;
དྷ་ར་ནྟཱི ཨུ་ར་སི ས་ལླཾ, ཡུ་དྡྷེ ཝི་ཀྐ་ནྟ་ཙཱ་རི་ནཱི.
༩༩. ནཱུ་ན རཱ་ཛཱ ན ཛཱ་ནཱ་ཏི [ན ཧ ནཱུ་ན རཱ་ཛཱ ཛཱ་ནཱ་ཏི (སཱི. པཱི.)], མ་མ ཝི་ཀྐ་མ་པོ་རི་སཾ;
ས་ངྒཱ་མེ སུ་ཀ་ཏ་ནྟཱ་ནི, དཱུ་ཏ་ཝི་པྤ་ཧི་ཏཱ་ནི ཙ.
༡༠༠. སཱ ནཱུ་ནཱ་ཧཾ མ་རི་སྶཱ་མི, ཨ་བ་ནྡྷུ ཨ་པ་རཱ་ཡི་ནཱི [ཨ་པ་རཱ་ཡི་ཎཱི (སཱི.), ཨ་པ་རཱ་ཡ་ཎཱི (?)];
ཏ་དཱ ཧི [ཏ་ཐཱ ཧི (པཱི.)] ཀུ་མྦྷ་ཀཱ་ར་སྶ, དི་ནྣཱ ཚ་ཀ་ཎ་ཧཱ་རི་ཀཱ.
༡༠༡. ཡཱ་ཝ་ཏཱ་སཱི་ས་ཏཱི པོ་སོ, ཏཱ་ཝ་དེ་ཝ པ་ཝཱི་ཎ་ཏི;
ཨ་ཏྠཱ་པཱ་ཡེ ཛ་ཧ་ནྟི ནཾ, ཨོ་ཊྛི་བྱཱ་དྷིཾ་ཝ ཁ་ཏྟི་ཡོ.
༡༠༢. ཡོ པུ་བྦེ ཀ་ཏ་ཀ་ལྱཱ་ཎོ, ཀ་ཏ་ཏྠོ ནཱ་ཝ་བུ་ཛ྄ཛྷ་ཏི;
ཨ་ཏྠཱ ཏ་སྶ པ་ལུ་ཛྫ་ནྟི, ཡེ ཧོ་ནྟི ཨ་བྷི་པ་ཏྠི་ཏཱ.
༡༠༣. ཡོ པུ་བྦེ ཀ་ཏ་ཀ་ལྱཱ་ཎོ, ཀ་ཏ་ཏྠོ མ་ནུ་བུ་ཛ྄ཛྷ་ཏི;
ཨ་ཏྠཱ ཏ་སྶ པ་ཝ་ཌྜྷ་ནྟི, ཡེ ཧོ་ནྟི ཨ་བྷི་པ་ཏྠི་ཏཱ.
༡༠༤. ཏཾ ཝོ ཝ་དཱ་མི བྷ་དྡ་ནྟེ [བྷ་དྡཾ ཝོ (སཱི. སྱཱ. པཱི.)], ཡཱ་ཝ་ནྟེ་ཏྠ ས་མཱ་ག་ཏཱ;
ས་བྦེ ཀ་ཏ་ཉྙུ་ནོ ཧོ་ཐ, ཙི་རཾ ས་གྒ་མྷི ཋ་སྶ་ཐཱ་ཏི.
ད་ལ༹ྷ་དྷ་མྨ་ཛཱ་ཏ་ཀཾ ཙ་ཏུ་ཏྠཾ.
༤༡༠. སོ་མ་ད་ཏྟ་ཛཱ་ཏ་ཀཾ (༧-༢-༥)
༡༠༥. ཡོ མཾ པུ་རེ པ་ཙྩུ་ཌྜེ་ཏི [པ་ཙྩུ་དེ་ཏི (སཱི. སྱཱ. པཱི.), པ་ཙྩུ་ཊྛེ་ཏི (ཀ.)], ཨ་ར་ཉྙེ དཱུ་ར་མཱ་ཡ་ཏོ;
སོ ན དི་སྶ་ཏི མཱ་ཏ་ངྒོ, སོ་མ་ད་ཏྟོ ཀུ་ཧིཾ ག་ཏོ.
༡༠༦. ཨ་ཡཾ ཝཱ སོ མ་ཏོ སེ་ཏི, ཨ་ལླ་སི་ངྒཾ་ཝ ཝ་ཙྪི་ཏོ [ཨ་ལླ་པི་ངྐ་ཝ ཚི་ཛྫི་ཏོ (སཱི. པཱི.), ཨ་ལླ་པཱི་ཏཾ་ཝ ཝི་ཙྪི་ཏོ (སྱཱ.)];
བྷུ་མྱཱ ནི་པ་ཏི་ཏོ སེ་ཏི, ཨ་མ་རཱ ཝ་ཏ ཀུ་ཉྫ་རོ.
༡༠༧. ཨ་ན་གཱ་རི་ཡུ་པེ་ཏ་སྶ, ཝི་པྤ་མུ་ཏྟ་སྶ ཏེ ས་ཏོ;
ས་མ་ཎ་སྶ ན ཏཾ སཱ་དྷུ, ཡཾ པེ་ཏ་མ་ནུ་སོ་ཙ་སི.
༡༠༨. སཾ་ཝཱ་སེ་ན ཧ་ཝེ ས་ཀྐ, མ་ནུ་སྶ་སྶ མི་ག་སྶ ཝཱ;
ཧ་ད་ཡེ ཛཱ་ཡ་ཏེ པེ་མཾ, ཏཾ ན ས་ཀྐཱ ཨ་སོ་ཙི་ཏུཾ.
༡༠༩. མ་ཏཾ མ་རི་སྶཾ རོ་ད་ནྟི, ཡེ རུ་ད་ནྟི ལ་པ་ནྟི ཙ;
ཏ་སྨཱ ཏྭཾ ཨི་སི མཱ རོ་དི, རོ་དི་ཏཾ མོ་གྷ་མཱ་ཧུ ས་ནྟོ.
༡༡༠. ཀ་ནྡི་ཏེ་ན ཧ་ཝེ བྲ་ཧྨེ, མ་ཏོ པེ་ཏོ ས་མུ་ཊྛ་ཧེ;
ས་བྦེ ས་ངྒ་མྨ རོ་དཱ་མ, ཨ་ཉྙ་མ་ཉྙ་སྶ ཉཱ་ཏ་ཀེ.
༡༡༡. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ, ས་བྦཾ ནི་བྦཱ་པ་ཡེ ད་རཾ.
༡༡༢. ཨ་བྦ་ཧཱི ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ;
ཡོ མེ སོ་ཀ་པ་རེ་ཏ་སྶ, པུ་ཏྟ་སོ་ཀཾ ཨ་པཱ་ནུ་དི.
༡༡༣. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན ཝཱ་ས་ཝཱ་ཏི.
སོ་མ་ད་ཏྟ་ཛཱ་ཏ་ཀཾ པ་ཉྩ་མཾ.
༤༡༡. སུ་སཱི་མ་ཛཱ་ཏ་ཀཾ (༧-༢-༦)
༡༡༤. ཀཱ་ལཱ༹་ནི ཀེ་སཱ་ནི པུ་རེ ཨ་ཧེ་སུཾ, ཛཱ་ཏཱ་ནི སཱི་ས་མྷི ཡ་ཐཱ་པ་དེ་སེ;
ཏཱ་ན་ཛྫ སེ་ཏཱ་ནི སུ་སཱི་མ [སུ་སི་མ (ཀ.)] དི་སྭཱ, དྷ་མྨཾ ཙ་ར བྲ་ཧྨ་ཙ་རི་ཡ་སྶ ཀཱ་ལོ.
༡༡༥. མ་མེ་ཝ དེ་ཝ པ་ལི་ཏཾ ན ཏུ་ཡ྄ཧཾ, མ་མེ་ཝ སཱི་སཾ མ་མ ཨུ་ཏྟ་མ་ངྒཾ;
‘‘ཨ་ཏྠཾ ཀ་རི་སྶ’’ནྟི མུ་སཱ ཨ་བྷཱ་ཎིཾ [ཨ་བྷཱ་སིཾ (ཀ.)], ཨེ་ཀཱ་པ་རཱ་དྷཾ ཁ་མ རཱ་ཛ་སེ་ཊྛ.
༡༡༦. ད་ཧ་རོ ཏུ་ཝཾ ད་སྶ་ནི་ཡོ་སི རཱ་ཛ, པ་ཋ་མུ་གྒ་ཏོ ཧོ་སི [ཧོ་ཧི (སཱི.), ཧོ་ཏི (ཀ.)] ཡ་ཐཱ ཀ་ལཱི༹་རོ;
ར་ཛྫ་ཉྩ ཀཱ་རེ་ཧི མ་མ་ཉྩ པ་སྶ, མཱ ཀཱ་ལི་ཀཾ ཨ་ནུ་དྷཱ་ཝཱི ཛ་ནི་ནྡ.
༡༡༧. པ་སྶཱ་མི ཝོ་ཧཾ ད་ཧ་རིཾ ཀུ་མཱ་རིཾ, སཱ་མ་ཊྛ་པ་སྶཾ སུ་ཏ་ནུཾ སུ་མ་ཛ྄ཛྷཾ;
ཀཱ་ལ༹་པྤ་ཝཱ་ལཱ༹་ཝ པ་ཝེ་ལླ་མཱ་ནཱ, པ་ལོ་བྷ་ཡ་ནྟཱི་ཝ [སཱ ལོ་བྷ་ཡ་ནྟཱི་ཝ (པཱི.)] ན་རེ་སུ ག་ཙྪ་ཏི.
༡༡༨. ཏ་མེ་ན པ་སྶཱ་མི་པ་རེ་ན ནཱ་རིཾ, ཨཱ་སཱི་ཏི་ཀཾ ནཱ་ཝུ་ཏི་ཀཾ ཝ ཛ་ཙྩཱ;
ད་ཎྜཾ ག་ཧེ་ཏྭཱ་ན པ་ཝེ་དྷ་མཱ་ནཾ, གོ་པཱ་ན་སཱི་བྷོ་གྒ་ས་མཾ ཙ་ར་ནྟིཾ.
༡༡༩. སོ་ཧཾ ཏ་མེ་ཝཱ་ནུ་ཝི་ཙི་ནྟ་ཡ་ནྟོ, ཨེ་ཀོ ས་ཡཱ་མི [པ་སྶཱ་མི (ཀ.)] ས་ཡ་ན་སྶ མ་ཛ྄ཛྷེ;
‘‘ཨ་ཧ་མྤི ཨེ་ཝཾ’’ ཨི་ཏི པེ་ཀྑ་མཱ་ནོ, ན ག་ཧེ ར་མེ [ན གེ་ཧེ ར་མེ (སཱི.), གེ་ཧེ ན ར་མེ (སྱཱ. ཀ.)] བྲ་ཧྨ་ཙ་རི་ཡ་སྶ ཀཱ་ལོ.
༡༢༠. ར་ཛྫུ་ཝཱ་ལ་མྦ་ནཱི ཙེ་སཱ, ཡཱ གེ་ཧེ ཝ་ས་ཏོ ར་ཏི;
ཨེ་ཝ་མྤི ཚེ་ཏྭཱ་ན ཝ་ཛ་ནྟི དྷཱི་རཱ, ཨ་ན་པེ་ཀྑི་ནོ ཀཱ་མ་སུ་ཁཾ པ་ཧཱ་ཡཱ་ཏི.
སུ་སཱི་མ་ཛཱ་ཏ་ཀཾ ཚ་ཊྛཾ.
༤༡༢. ཀོ་ཊ་སི་མྦ་ལི་ཛཱ་ཏ་ཀཾ (༧-༢-༧)
༡༢༡. ཨ་ཧཾ ད་ས་ས་ཏཾ་བྱཱ་མཾ, ཨུ་ར་ག་མཱ་དཱ་ཡ ཨཱ་ག་ཏོ;
ཏ་ཉྩ མ་ཉྩ མ་ཧཱ་ཀཱ་ཡཾ, དྷཱ་ར་ཡཾ ན་པྤ་ཝེ་དྷ་སི [ན པ་ཝེ་དྷ་ཡི (ཀ.)].
༡༢༢. ཨ་ཐི་མཾ ཁུ་དྡ་ཀཾ པ་ཀྑིཾ, ཨ་པྤ་མཾ་ས་ཏ་རཾ མ་ཡཱ;
དྷཱ་ར་ཡཾ བྱ་ཐ་སི [བྱཱ་དྷ་སེ (སཱི.), བྱ་དྷ་སེ (པཱི.), བྱཱ་དྷ་སི (ཀ.)] བྷཱི་ཏཱ [བྷཱི་ཏོ (སཱི. སྱཱ. པཱི.)], ཀ་མ་ཏྠཾ ཀོ་ཊ་སི་མྦ་ལི [ཀོ་ཊི་སི་མྦ་ལི (སཱི. པཱི.)].
༡༢༣. མཾ་ས་བྷ་ཀྑོ ཏུ་ཝཾ རཱ་ཛ, ཕ་ལ་བྷ་ཀྑོ ཨ་ཡཾ དི་ཛོ;
ཨ་ཡཾ ནི་གྲོ་དྷ་བཱི་ཛཱ་ནི, པི་ལ་ཀྑུ་དུ་མྦ་རཱ་ནི ཙ;
ཨ་སྶ་ཏྠཱ་ནི ཙ བྷ་ཀྑི་ཏྭཱ, ཁ་ནྡྷེ མེ ཨོ་ཧ་དི་སྶ་ཏི.
༡༢༤. ཏེ རུ་ཀྑཱ སཾ་ཝི་རཱུ་ཧ་ནྟི, མ་མ པ་སྶེ ནི་ཝཱ་ཏ་ཛཱ;
ཏེ མཾ པ་རི་ཡོ་ན་ནྡྷི་སྶ་ནྟི, ཨ་རུ་ཀྑཾ མཾ ཀ་རི་སྶ་རེ.
༡༢༥. ས་ནྟི ཨ་ཉྙེ་པི རུ་ཀྑཱ སེ, མཱུ་ལི་ནོ ཁ་ནྡྷི་ནོ དུ་མཱ;
ཨི་མི་ནཱ ས་ཀུ་ཎ་ཛཱ་ཏེ་ན, བཱི་ཛ་མཱ་ཧ་རི་ཏཱ ཧ་ཏཱ.
༡༢༦. ཨ་ཛ྄ཛྷཱ་རཱུ་ཧཱ་བྷི་ཝ་ཌྜྷ་ནྟི [ཨ་ཛ྄ཛྷཱ་རཱུ་ལ༹ྷཱ་བྷི་ཝ་ཌྜྷ་ནྟི (སཱི. པཱི.)], བྲ་ཧ་ནྟ་མྤི ཝ་ན་པྤ་ཏིཾ;
ཏ་སྨཱ རཱ་ཛ པ་ཝེ་དྷཱ་མི, ས་མྤ་སྶཾ་ནཱ་ག་ཏཾ བྷ་ཡཾ.
༡༢༧. ས་ངྐེ་ཡྻ ས་ངྐི་ཏ་བྦཱ་ནི, ར་ཀྑེ་ཡྻཱ་ནཱ་ག་ཏཾ བྷ་ཡཾ;
ཨ་ནཱ་ག་ཏ་བྷ་ཡཱ དྷཱི་རོ, ཨུ་བྷོ ལོ་ཀེ ཨ་ཝེ་ཀྑ་ཏཱི་ཏི.
ཀོ་ཊ་སི་མྦ་ལི་ཛཱ་ཏ་ཀཾ ས་ཏྟ་མཾ.
༤༡༣. དྷཱུ་མ་ཀཱ་རི་ཛཱ་ཏ་ཀཾ (༧-༢-༨)
༡༢༨. རཱ་ཛཱ ཨ་པུ་ཙྪི ཝི་དྷུ་རཾ, དྷ་མྨ་ཀཱ་མོ ཡུ་དྷི་ཊྛི་ལོ;
ཨ་པི བྲཱ་ཧྨ་ཎ ཛཱ་ནཱ་སི, ཀོ ཨེ་ཀོ བ་ཧུ སོ་ཙ་ཏི.
༡༢༩. བྲཱ་ཧྨ་ཎོ ཨ་ཛ་ཡཱུ་ཐེ་ན, པ་ཧཱུ་ཏེ་དྷོ [བ་ཧཱུ་ཏེ་ཛོ (པཱི. ཀ.), བ་ཧུ་ཏེ་ནྡོ (སྱཱ.)] ཝ་ནེ ཝ་སཾ;
དྷཱུ་མཾ ཨ་ཀཱ་སི ཝཱ་སེ་ཊྛོ, ར་ཏྟི་ནྡི་ཝ་མ་ཏ་ནྡི་ཏོ.
༡༣༠. ཏ་སྶ ཏཾ དྷཱུ་མ་ག་ནྡྷེ་ན, ས་ར་བྷཱ མ་ཀ་ས་ཌྜི་ཏཱ [མ་ཀ་ས་དྡི་ཏཱ (སཱི. སྱཱ.), མ་ཀ་ས་ཊྚི་ཏཱ (པཱི. ཀ.)];
ཝ་སྶཱ་ཝཱ་སཾ ཨུ་པཱ་ག་ཙྪུཾ, དྷཱུ་མ་ཀཱ་རི་སྶ ས་ནྟི་ཀེ.
༡༣༡. ས་ར་བྷེ་སུ མ་ནཾ ཀ་ཏྭཱ, ཨ་ཛཱ སོ ནཱ་ཝ་བུ་ཛ྄ཛྷ་ཐ;
ཨཱ་ག་ཙྪ་ནྟཱི ཝ་ཛ་ནྟཱི ཝཱ [ཨཱ་ག་ཙྪ་ནྟི ཝ་ཛ་ནྟི ཝཱ (སྱཱ. པཱི.), ཨཱ་ག་ཙྪ་ནྟིཾ ཝ་ཛ་ནྟིཾ ཝཱ (ཀ.)], ཏ་སྶ ཏཱ ཝི་ན་སུཾ [ཝི་ན་སྶུཾ (སཱི.)] ཨ་ཛཱ.
༡༣༢. ས་ར་བྷཱ ས་ར་དེ ཀཱ་ལེ, པ་ཧཱི་ན་མ་ཀ་སེ ཝ་ནེ;
པཱ་ཝི་སུཾ གི་རི་དུ་གྒཱ་ནི, ན་དཱི་ནཾ པ་བྷ་ཝཱ་ནི ཙ.
༡༣༣. ས་ར་བྷེ ཙ ག་ཏེ དི་སྭཱ, ཨ་ཛཱ ཙ ཝི་བྷ་ཝཾ ག་ཏཱ [ཨ་ཛེ ཙ ཝི་བྷ་ཝཾ ག་ཏེ (ཀ.)];
ཀི་སོ ཙ ཝི་ཝ་ཎྞོ ཙཱ་སི, པ་ཎྜུ་རོ་གཱི ཙ བྲཱ་ཧྨ་ཎོ.
༡༣༤. ཨེ་ཝཾ ཡོ སཾ ནི་རཾ་ཀ་ཏྭཱ, ཨཱ་ག་ནྟུཾ ཀུ་རུ་ཏེ པི་ཡཾ;
སོ ཨེ་ཀོ བ་ཧུ སོ་ཙ་ཏི, དྷཱུ་མ་ཀཱ་རཱི་ཝ བྲཱ་ཧྨ་ཎོ་ཏི.
དྷཱུ་མ་ཀཱ་རི་ཛཱ་ཏ་ཀཾ ཨ་ཊྛ་མཾ.
༤༡༤. ཛཱ་ག་ར་ཛཱ་ཏ་ཀཾ (༧-༢-༩)
༡༣༥. ཀོ་དྷ ཛཱ་ག་ར་ཏཾ སུ་ཏྟོ, ཀོ་དྷ སུ་ཏྟེ་སུ ཛཱ་ག་རོ;
ཀོ མ་མེ་ཏཾ ཝི་ཛཱ་ནཱ་ཏི, ཀོ ཏཾ པ་ཊི་བྷ་ཎཱ་ཏི མེ.
༡༣༦. ཨ་ཧཾ ཛཱ་ག་ར་ཏཾ སུ་ཏྟོ, ཨ་ཧཾ སུ་ཏྟེ་སུ ཛཱ་ག་རོ;
ཨ་ཧ་མེ་ཏཾ ཝི་ཛཱ་ནཱ་མི, ཨ་ཧཾ པ་ཊི་བྷ་ཎཱ་མི ཏེ.
༡༣༧. ཀ་ཐཾ ཛཱ་ག་ར་ཏཾ སུ་ཏྟོ, ཀ་ཐཾ སུ་ཏྟེ་སུ ཛཱ་ག་རོ;
ཀ་ཐཾ ཨེ་ཏཾ ཝི་ཛཱ་ནཱ་སི, ཀ་ཐཾ པ་ཊི་བྷ་ཎཱ་སི མེ.
༡༣༨. ཡེ དྷ་མྨཾ ན་པྤ་ཛཱ་ན་ནྟི, སཾ་ཡ་མོ་ཏི ད་མོ་ཏི ཙ;
ཏེ་སུ སུ་པྤ་མཱ་ནེ་སུ, ཨ་ཧཾ ཛ་གྒཱ་མི དེ་ཝ་ཏེ.
༡༣༩. ཡེ་སཾ རཱ་གོ ཙ དོ་སོ ཙ, ཨ་ཝི་ཛྫཱ ཙ ཝི་རཱ་ཛི་ཏཱ;
ཏེ་སུ ཛཱ་ག་ར་མཱ་ནེ་སུ, ཨ་ཧཾ སུ་ཏྟོ་སྨི དེ་ཝ་ཏེ.
༡༤༠. ཨེ་ཝཾ ཛཱ་ག་ར་ཏཾ སུ་ཏྟོ, ཨེ་ཝཾ སུ་ཏྟེ་སུ ཛཱ་ག་རོ;