༤༡༥. ཀུ་མྨཱ་ས་པི་ཎྜི་ཛཱ་ཏ་ཀཾ (༧-༢-༡༠)
༡༤༢. ན ཀི་ར་ཏྠི ཨ་ནོ་མ་ད་སྶི་སུ, པཱ་རི་ཙ་རི་ཡཱ བུ་དྡྷེ་སུ ཨ་པྤི་ཀཱ [ཨ་པྤ་ཀཱ (ཀ.)];
སུ་ཀྑཱ་ཡ ཨ་ལོ་ཎི་ཀཱ་ཡ ཙ, པ་སྶ་ཕ་ལཾ ཀུ་མྨཱ་ས་པི་ཎྜི་ཡཱ.
༡༤༣. ཧ་ཏྠི་ག་ཝ་སྶཱ ཙི་མེ བ་ཧཱུ [ཧ་ཏྠི་ག་ཝཱ་སྶཱ ཙ མེ བ་ཧཱུ (སཱི.), ཧ་ཏྠཱི ག་ཝཱ་སྶཱ ཙི་མེ བ་ཧཱུ (སྱཱ.), ཧ་ཏྠཱི ག་ཝཱ་སྶཱ ཙ མེ བ་ཧཱུ (པཱི.)], དྷ་ན་དྷ་ཉྙཾ པ་ཐ་ཝཱི ཙ ཀེ་ཝ་ལཱ;
ནཱ་རི་ཡོ ཙི་མཱ ཨ་ཙྪ་རཱུ་པ་མཱ, པ་སྶ་ཕ་ལཾ ཀུ་མྨཱ་ས་པི་ཎྜི་ཡཱ.
༡༤༤. ཨ་བྷི་ཀྑ་ཎཾ རཱ་ཛ་ཀུ་ཉྫ་ར, གཱ་ཐཱ བྷཱ་ས་སི ཀོ་ས་ལཱ་དྷི་པ;
པུ་ཙྪཱ་མི ཏཾ ར་ཊྛ་ཝ་ཌྜྷ་ན, བཱ་ལ༹ྷཾ པཱི་ཏི་མ་ནོ པ་བྷཱ་ས་སི.
༡༤༥. ཨི་མ་སྨི་ཉྙེ་ཝ ན་ག་རེ, ཀུ་ལེ ཨ་ཉྙ་ཏ་རེ ཨ་ཧུཾ;
པ་ར་ཀ་མྨ་ཀ་རོ ཨཱ་སིཾ, བྷ་ཏ་ཀོ སཱི་ལ་སཾ་ཝུ་ཏོ.
༡༤༦. ཀ་མྨཱ་ཡ ནི་ཀྑ་མ་ནྟོ་ཧཾ, ཙ་ཏུ་རོ ས་མ་ཎེ་དྡ་སཾ;
ཨཱ་ཙཱ་ར་སཱི་ལ་ས་མྤ་ནྣེ, སཱི་ཏི་བྷཱུ་ཏེ ཨ་ནཱ་ས་ཝེ.
༡༤༧. ཏེ་སུ ཙི་ཏྟཾ པ་སཱ་དེ་ཏྭཱ, ནི་སཱི་དེ་ཏྭཱ [ནི་སཱ་དེ་ཏྭཱ (?)] པ་ཎྞ་ས་ནྠ་ཏེ;
ཨ་དཾ བུ་དྡྷཱ་ན ཀུ་མྨཱ་སཾ, པ་ས་ནྣོ སེ་ཧི པཱ་ཎི་བྷི.
༡༤༨. ཏ་སྶ ཀ་མྨ་སྶ ཀུ་ས་ལ་སྶ, ཨི་དཾ མེ ཨེ་དི་སཾ ཕ་ལཾ;
ཨ་ནུ་བྷོ་མི ཨི་དཾ ར་ཛྫཾ, ཕཱི་ཏཾ དྷ་ར་ཎི་མུ་ཏྟ་མཾ.
༡༤༩. ད་དཾ བྷུ་ཉྫ མཱ ཙ པ་མཱ་དོ [ད་ད བྷུ་ཉྫ ཙ མཱ ཙ པ་མཱ་དོ (སཱི. པཱི.)], ཙ་ཀྐཾ ཝ་ཏྟ་ཡ ཀོ་ས་ལཱ་དྷི་པ;
མཱ རཱ་ཛ ཨ་དྷ་མྨི་ཀོ ཨ་ཧུ, དྷ་མྨཾ པཱ་ལ་ཡ ཀོ་ས་ལཱ་དྷི་པ.
༡༥༠. སོ་ཧཾ ཏ་དེ་ཝ པུ་ན་པྤུ་ནཾ, ཝ་ཊུ་མཾ ཨཱ་ཙ་རི་སྶཱ་མི སོ་བྷ་ནེ;
ཨ་རི་ཡཱ་ཙ་རི་ཏཾ སུ་ཀོ་ས་ལེ, ཨ་ར་ཧ་ནྟོ མེ མ་ནཱ་པཱ་ཝ པ་སྶི་ཏུཾ.
༡༥༡. དེ་ཝཱི ཝི་ཡ ཨ་ཙྪ་རཱུ་པ་མཱ, མ་ཛ྄ཛྷེ ནཱ་རི་ག་ཎ་སྶ སོ་བྷ་སི;
ཀིཾ ཀ་མྨ་མ་ཀཱ་སི བྷ་དྡ་ཀཾ, ཀེ་ནཱ་སི ཝ་ཎྞ་ཝ་ཏཱི སུ་ཀོ་ས་ལེ.
༡༥༢. ཨ་མྦ་ཊྛ་ཀུ་ལ་སྶ ཁ་ཏྟི་ཡ, དཱ་སྱཱ་ཧཾ པ་ར་པེ་སི་ཡཱ ཨ་ཧུཾ;
ས་ཉྙ་ཏཱ ཙ [ས་ཉྙ་ཏཱ (སཱི. པཱི.)] དྷ་མྨ་ཛཱི་ཝི་ནཱི, སཱི་ལ་ཝ་ཏཱི ཙ ཨ་པཱ་པ་ད་སྶ་ནཱ.
༡༥༣. ཨུ་དྡྷ་ཊ་བྷ་ཏྟཾ ཨ་ཧཾ ཏ་དཱ, ཙ་ར་མཱ་ན་སྶ ཨ་དཱ་སི བྷི་ཀྑུ་ནོ;
ཝི་ཏྟཱ སུ་མ་ནཱ ས་ཡཾ ཨ་ཧཾ, ཏ་སྶ ཀ་མྨ་སྶ ཕ་ལཾ མ་མེ་དི་ས་ནྟི.
ཀུ་མྨཱ་ས་པི་ཎྜི་ཛཱ་ཏ་ཀཾ ད་ས་མཾ.