༤༡༤. ཛཱ་ག་ར་ཛཱ་ཏ་ཀཾ (༧-༢-༩)
༡༣༥. ཀོ་དྷ ཛཱ་ག་ར་ཏཾ སུ་ཏྟོ, ཀོ་དྷ སུ་ཏྟེ་སུ ཛཱ་ག་རོ;
ཀོ མ་མེ་ཏཾ ཝི་ཛཱ་ནཱ་ཏི, ཀོ ཏཾ པ་ཊི་བྷ་ཎཱ་ཏི མེ.
༡༣༦. ཨ་ཧཾ ཛཱ་ག་ར་ཏཾ སུ་ཏྟོ, ཨ་ཧཾ སུ་ཏྟེ་སུ ཛཱ་ག་རོ;
ཨ་ཧ་མེ་ཏཾ ཝི་ཛཱ་ནཱ་མི, ཨ་ཧཾ པ་ཊི་བྷ་ཎཱ་མི ཏེ.
༡༣༧. ཀ་ཐཾ ཛཱ་ག་ར་ཏཾ སུ་ཏྟོ, ཀ་ཐཾ སུ་ཏྟེ་སུ ཛཱ་ག་རོ;
ཀ་ཐཾ ཨེ་ཏཾ ཝི་ཛཱ་ནཱ་སི, ཀ་ཐཾ པ་ཊི་བྷ་ཎཱ་སི མེ.
༡༣༨. ཡེ དྷ་མྨཾ ན་པྤ་ཛཱ་ན་ནྟི, སཾ་ཡ་མོ་ཏི ད་མོ་ཏི ཙ;
ཏེ་སུ སུ་པྤ་མཱ་ནེ་སུ, ཨ་ཧཾ ཛ་གྒཱ་མི དེ་ཝ་ཏེ.
༡༣༩. ཡེ་སཾ རཱ་གོ ཙ དོ་སོ ཙ, ཨ་ཝི་ཛྫཱ ཙ ཝི་རཱ་ཛི་ཏཱ;
ཏེ་སུ ཛཱ་ག་ར་མཱ་ནེ་སུ, ཨ་ཧཾ སུ་ཏྟོ་སྨི དེ་ཝ་ཏེ.
༡༤༠. ཨེ་ཝཾ ཛཱ་ག་ར་ཏཾ སུ་ཏྟོ, ཨེ་ཝཾ སུ་ཏྟེ་སུ ཛཱ་ག་རོ;
ཨེ་ཝ་མེ་ཏཾ ཝི་ཛཱ་ནཱ་མི, ཨེ་ཝཾ པ་ཊི་བྷ་ཎཱ་མི ཏེ.
༡༤༡. སཱ་དྷུ ཛཱ་ག་ར་ཏཾ སུ་ཏྟོ, སཱ་དྷུ སུ་ཏྟེ་སུ ཛཱ་ག་རོ;
སཱ་དྷུ་མེ་ཏཾ ཝི་ཛཱ་ནཱ་སི, སཱ་དྷུ པ་ཊི་བྷ་ཎཱ་སི མེ་ཏི.
ཛཱ་ག་ར་ཛཱ་ཏ་ཀཾ ན་ཝ་མཾ.