༣༧༠. པ་ལཱ་ས་ཛཱ་ཏ་ཀཾ (༥-༢-༡༠)
༡༠༥. ཧཾ་སོ པ་ལཱ་ས་མ་ཝ་ཙ, ནི་གྲོ་དྷོ ས་མྨ ཛཱ་ཡ་ཏི;
ཨ་ངྐ་སྨིཾ [ཨ་ངྒ་སྨིཾ (ཀ.)] ཏེ ནི་སི་ནྣོ་ཝ, སོ ཏེ མ་མྨཱ་ནི ཚེ་ཙྪ་ཏི [ཚི་ཛྫ་ཏི (ཀ.)].
༡༠༦. ཝ་ཌྜྷ་ཏཱ་མེ་ཝ [ཝ་དྡྷི་ཏ་མེ་ཝ (ཀ.)] ནི་གྲོ་དྷོ, པ་ཏི་ཊྛ་སྶ བྷ་ཝཱ་མ་ཧཾ;
ཡ་ཐཱ པི་ཏཱ ཙ མཱ་ཏཱ ཙ [པི་ཏཱ ཝཱ མཱ་ཏཱ ཝཱ (པཱི.), མཱ་ཏཱ ཝཱ པི་ཏཱ ཝཱ (ཀ.)], ཨེ་ཝཾ མེ སོ བྷ་ཝི་སྶ་ཏི.
༡༠༧. ཡཾ ཏྭཾ ཨ་ངྐ་སྨིཾ ཝ་ཌྜྷེ་སི, ཁཱི་ར་རུ་ཀྑཾ བྷ་ཡཱ་ན་ཀཾ;
ཨཱ་མ་ནྟ ཁོ ཏཾ ག་ཙྪཱ་མ, ཝུ་ཌྜྷི མ་སྶ ན རུ་ཙྩ་ཏི.
༡༠༨. ཨི་དཱ་ནི ཁོ མཾ བྷཱ་ཡེ་ཏི, མ་ཧཱ་ནེ་རུ་ནི་ད་སྶ་ནཾ;
ཧཾ་ས་སྶ ཨ་ན་བྷི་ཉྙཱ་ཡ, མ་ཧཱ མེ བྷ་ཡ་མཱ་ག་ཏཾ.
༡༠༩. ན ཏ་སྶ ཝུ་ཌྜྷི ཀུ་ས་ལ་པྤ་ས་ཏྠཱ, ཡོ ཝ་ཌྜྷ་མཱ་ནོ གྷ་ས་ཏེ པ་ཏི་ཊྛཾ;
ཏ་སྶཱུ་པ་རོ་དྷཾ པ་རི་ས་ངྐ་མཱ་ནོ, པ་ཏཱ་ར་ཡཱི མཱུ་ལ་ཝ་དྷཱ་ཡ དྷཱི་རོ་ཏི.
པ་ལཱ་ས་ཛཱ་ཏ་ཀཾ ད་ས་མཾ.
ཝ་ཎྞཱ་རོ་ཧ་ཝ་གྒོ དུ་ཏི་ཡོ [ཨི་མ་སྶུ་དྡཱ་ནཾ ཏ་ཏི་ཡ་ཝ་གྒ་པ་རི་ཡོ་སཱ་ནེ བྷ་ཝི་སྶ་ཏི].