༣. ཨ་ཌྜྷ་ཝ་གྒོ
༣༧༡. དཱི་གྷཱི་ཏི་ཀོ་ས་ལ་ཛཱ་ཏ་ཀཾ (༥-༣-༡)
༡༡༠. ཨེ་ཝཾ་བྷཱུ་ཏ་སྶ ཏེ རཱ་ཛ, ཨཱ་ག་ཏ་སྶ ཝ་སེ [ཝ་སོ (པཱི. ཀ.)] མ་མ;
ཨ་ཏྠི ནུ ཀོ་ཙི པ་རི་ཡཱ་ཡོ, ཡོ ཏཾ དུ་ཀྑཱ པ་མོ་ཙ་ཡེ.
༡༡༡. ཨེ་ཝཾ་བྷཱུ་ཏ་སྶ མེ ཏཱ་ཏ, ཨཱ་ག་ཏ་སྶ ཝ་སེ ཏ་ཝ;
ན་ཏྠི ནོ ཀོ་ཙི པ་རི་ཡཱ་ཡོ, ཡོ མཾ དུ་ཀྑཱ པ་མོ་ཙ་ཡེ.
༡༡༢. ནཱ་ཉྙཾ སུ་ཙ་རི་ཏཾ རཱ་ཛ, ནཱ་ཉྙཾ རཱ་ཛ སུ་བྷཱ་སི་ཏཾ;
ཏཱ་ཡ་ཏེ མ་ར་ཎ་ཀཱ་ལེ, ཨེ་ཝ་མེ་ཝི་ཏ་རཾ དྷ་ནཾ.
༡༡༣. ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ;
ཡེ ཙ ཏཾ ཨུ་པ་ན་ཡ྄ཧ་ནྟི, ཝེ་རཾ ཏེ་སཾ ན ས་མྨ་ཏི.
༡༡༤. ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ;
ཡེ ཙ ཏཾ ནུ་པ་ན་ཡ྄ཧ་ནྟི, ཝེ་རཾ ཏེ་སཱུ་པ་ས་མྨ་ཏི.
༡༡༥. ན ཧི ཝེ་རེ་ན ཝེ་རཱ་ནི, ས་མྨ་ནྟཱི་དྷ ཀུ་དཱ་ཙ་ནཾ;
ཨ་ཝེ་རེ་ན ཙ ས་མྨ་ནྟི, ཨེ་ས དྷ་མྨོ ས་ན་ནྟ་ནོ་ཏི.
དཱི་གྷཱི་ཏི་ཀོ་ས་ལ་ཛཱ་ཏ་ཀཾ པ་ཋ་མཾ.
༣༧༢. མི་ག་པོ་ཏ་ཀ་ཛཱ་ཏ་ཀཾ (༥-༣-༢)
༡༡༦. ཨ་གཱ་རཱ པ་ཙྩུ་པེ་ཏ་སྶ, ཨ་ན་གཱ་ར་སྶ ཏེ ས་ཏོ;
ས་མ་ཎ་སྶ ན ཏཾ སཱ་དྷུ, ཡཾ པེ་ཏ་མ་ནུ་སོ་ཙ་སི.
༡༡༧. སཾ་ཝཱ་སེ་ན ཧ་ཝེ ས་ཀྐ, མ་ནུ་སྶ་སྶ མི་ག་སྶ ཝཱ;
ཧ་ད་ཡེ ཛཱ་ཡ་ཏེ པེ་མཾ, ན ཏཾ ས་ཀྐཱ ཨ་སོ་ཙི་ཏུཾ.
༡༡༨. མ་ཏཾ མ་རི་སྶཾ རོ་ད་ནྟི, ཡེ རུ་ད་ནྟི ལ་པ་ནྟི ཙ;
ཏ་སྨཱ ཏྭཾ ཨི་སི མཱ རོ་དི, རོ་དི་ཏཾ མོ་གྷ་མཱ་ཧུ ས་ནྟོ.
༡༡༩. རོ་དི་ཏེ་ན ཧ་ཝེ བྲ་ཧྨེ, མ་ཏོ པེ་ཏོ ས་མུ་ཊྛ་ཧེ;
ས་བྦེ ས་ངྒ་མྨ རོ་དཱ་མ, ཨ་ཉྙ་མ་ཉྙ་སྶ ཉཱ་ཏ་ཀེ.
༡༢༠. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ, ས་བྦཾ ནི་བྦཱ་པ་ཡེ ད་རཾ.
༡༢༡. ཨ་བྦ་ཧི ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ;
ཡོ མེ སོ་ཀ་པ་རེ་ཏ་སྶ, པུ་ཏྟ་སོ་ཀཾ ཨ་པཱ་ནུ་དི.
༡༢༢. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན ཝཱ་ས་ཝཱ་ཏི.
མི་ག་པོ་ཏ་ཀ་ཛཱ་ཏ་ཀཾ དུ་ཏི་ཡཾ.
༣༧༣. མཱུ་སི་ཀ་ཛཱ་ཏ་ཀཾ (༥-༣-༣)
༡༢༣. ཀུ་ཧིཾ ག་ཏཱ ཀ་ཏྠ ག་ཏཱ, ཨི་ཏི ལཱ་ལ་པྤ་ཏཱི ཛ་ནོ;
ཨ་ཧ་མེ་ཝེ་ཀོ ཛཱ་ནཱ་མི, ཨུ་ད་པཱ་ནེ མཱུ་སི་ཀཱ ཧ་ཏཱ.
༡༢༤. ཡ་ཉྩེ་ཏཾ [ཡ་ཐེ་ཏཾ (པཱི.), ཡ་ཝེ་ཏཾ (ཀ.), ཡ་མེ་ཏཾ (ཀ་ཏྠ་ཙི)] ཨི་ཏི ཙཱི་ཏི ཙ, ག་དྲ་བྷོ་ཝ ནི་ཝ་ཏྟ་སི;
ཨུ་ད་པཱ་ནེ མཱུ་སི་ཀཾ ཧ་ནྟྭཱ, ཡ་ཝཾ བྷ་ཀྑེ་ཏུ་མི་ཙྪ་སི.
༡༢༥. ད་ཧ་རོ ཙཱ་སི དུ་མྨེ་དྷ, པ་ཋ་མུ་པྤ་ཏྟི་ཀོ [པ་ཋ་མུ་པྤ་ཏྟི་ཏོ (སཱི. པཱི.)] སུ་སུ;
དཱི་གྷ་ཉྩེ་ཏཾ [དཱི་གྷ་མེ་ཏཾ (པཱི.)] ས་མཱ་ས་ཛྫ [ས་མཱ་པ་ཛྫ (སྱཱ. ཀ.)], ན ཏེ ད་སྶཱ་མི ཛཱི་ཝི་ཏཾ.
༡༢༦. ནཱ་ནྟ་ལི་ཀྑ་བྷ་ཝ་ནེ་ན, ནཱ་ངྒ་པུ་ཏྟ་པི་ནེ་ན [ནཱ་ངྒ་པུ་ཏྟ་སི་རེ་ན (སཱི. སྱཱ. པཱི.)] ཝཱ;
པུ་ཏྟེ་ན ཧི པ་ཏྠ་ཡི་ཏོ, སི་ལོ་ཀེ་ཧི པ་མོ་ཙི་ཏོ.
༡༢༧. ས་བྦཾ སུ་ཏ་མ་དྷཱི་ཡེ་ཐ, ཧཱི་ན་མུ་ཀྐ་ཊྛ་མ་ཛ྄ཛྷི་མཾ;
ས་བྦ་སྶ ཨ་ཏྠཾ ཛཱ་ནེ་ཡྻ, ན ཙ ས་བྦཾ པ་ཡོ་ཛ་ཡེ;
ཧོ་ཏི ཏཱ་དི་ས་ཀོ ཀཱ་ལོ, ཡ་ཏྠ ཨ་ཏྠཱ་ཝ་ཧཾ སུ་ཏ་ནྟི.
མཱུ་སི་ཀ་ཛཱ་ཏ་ཀཾ ཏ་ཏི་ཡཾ.
༣༧༤. ཙཱུ་ལ༹་དྷ་ནུ་གྒ་ཧ་ཛཱ་ཏ་ཀཾ (༥-༣-༤)
༡༢༨. ས་བྦཾ བྷ་ཎྜཾ ས་མཱ་དཱ་ཡ, པཱ་རཾ ཏི་ཎྞོ་སི བྲཱ་ཧྨ་ཎ;
པ་ཙྩཱ་ག་ཙྪ ལ་ཧུཾ ཁི་པྤཾ, མ་མྤི ཏཱ་རེ་ཧི དཱ་ནི་ཏོ [དཱ་ནི་བྷོ (སྱཱ.)].
༡༢༩. ཨ་ས་ནྠུ་ཏཾ མཾ ཙི་ར་ས་ནྠུ་ཏེ་ན, ནི་མཱི་ནི བྷོ་ཏཱི ཨ་དྡྷུ་ཝཾ དྷུ་ཝེ་ན;
མ་ཡཱ་པི བྷོ་ཏཱི ནི་མི་ནེ་ཡྻ ཨ་ཉྙཾ, ཨི་ཏོ ཨ་ཧཾ དཱུ་ར་ཏ་རཾ ག་མི་སྶཾ.
༡༣༠. ཀཱ་ཡཾ ཨེ་ལ༹་ག་ལཱ་གུ་མྦེ [ཨེ་ལ༹་ག་ཎ་གུ་མྦེ (ཀ.)], ཀ་རོ་ཏི ཨ་ཧུ་ཧཱ་སི་ཡཾ;
ན་ཡཱི་དྷ ན་ཙྩ་གཱི་ཏཾ ཝཱ [ན་ཡི་དྷ ན་ཙྩཾ ཝཱ གཱི་ཏཾ ཝཱ (སཱི. སྱཱ. པཱི.)], ཏཱ་ལ༹ཾ ཝཱ སུ་ས་མཱ་ཧི་ཏཾ;
ཨ་ན་མྷི་ཀཱ་ལེ [ཨ་ན་མྷ་ཀཱ་ལེ (པཱི.)] སུ་སོ་ཎི [སུ་སྶོ་ཎི (སཱི. སྱཱ. པཱི.)], ཀིཾ ནུ ཛ་གྒྷ་སི སོ་བྷ་ནེ [སོ་བྷ་ཎེ (པཱི. ཀ.)].
༡༣༡. སི་ངྒཱ་ལ བཱ་ལ དུ་མྨེ་དྷ, ཨ་པྤ་པ་ཉྙོ་སི ཛ་མྦུ་ཀ;
ཛཱི་ནོ མ་ཙྪ་ཉྩ པེ་སི་ཉྩ, ཀ་པ་ཎོ ཝི་ཡ ཛྷཱ་ཡ་སི.
༡༣༢. སུ་ད་སྶཾ ཝ་ཛྫ་མ་ཉྙེ་སཾ, ཨ་ཏྟ་ནོ པ་ན དུ་དྡ་སཾ;
ཛཱི་ནཱ པ་ཏི་ཉྩ ཛཱ་ར་ཉྩ, མ་ཉྙེ ཏྭ་ཉྙེ་ཝ [མ་མྤི ཏྭ་ཉྙེ་ཝ (སཱི. སྱཱ.), ཏྭ་མྤི མ་ཉྙེ་ཝ (པཱི.)] ཛྷཱ་ཡ་སི.
༡༣༣. ཨེ་ཝ་མེ་ཏཾ མི་ག་རཱ་ཛ, ཡ་ཐཱ བྷཱ་ས་སི ཛ་མྦུ་ཀ;
སཱ ནཱུ་ནཱ་ཧཾ ཨི་ཏོ ག་ནྟྭཱ, བྷ་ཏྟུ ཧེ་སྶཾ ཝ་སཱ་ནུ་གཱ.
༡༣༤. ཡོ ཧ་རེ མ་ཏྟི་ཀཾ ཐཱ་ལཾ, ཀཾ་ས་ཐཱ་ལ་མྤི སོ ཧ་རེ;
ཀ་ཏ་ཉྩེ་ཝ [ཀ་ཏཾ་ཡེ་ཝ (སཱི. སྱཱ. པཱི.)] ཏ་ཡཱ པཱ་པཾ, པུ་ན་པེ་ཝཾ ཀ་རི་སྶ་སཱི་ཏི.
ཙཱུ་ལ༹་དྷ་ནུ་གྒ་ཧ་ཛཱ་ཏ་ཀཾ ཙ་ཏུ་ཏྠཾ.
༣༧༥. ཀ་པོ་ཏ་ཛཱ་ཏ་ཀཾ (༥-༣-༥)
༡༣༥. ཨི་དཱ་ནི ཁོ་མྷི སུ་ཁི་ཏོ ཨ་རོ་གོ, ནི་ཀྐ་ཎྚ་ཀོ ནི་པྤ་ཏི་ཏོ ཀ་པོ་ཏོ;
ཀཱ་ཧཱ་མི དཱ་ནཱི ཧ་ད་ཡ་སྶ ཏུ་ཊྛིཾ, ཏ་ཐཱ་ཧི་མཾ མཾ་ས་སཱ་ཀཾ བ་ལེ་ཏི.
༡༣༦. ཀཱ་ཡཾ བ་ལཱ་ཀཱ སི་ཁི་ནོ, ཙོ་རཱི ལ་ངྒྷི་པི་ཏཱ་མ་ཧཱ;
ཨོ་རཾ བ་ལཱ་ཀེ ཨཱ་ག་ཙྪ, ཙ་ཎྜོ མེ ཝཱ་ཡ་སོ ས་ཁཱ.
༡༣༧. ཨ་ལ་ཉྷི ཏེ ཛ་གྒྷི་ཏཱ་ཡེ, མ་མཾ དི་སྭཱ་ན ཨེ་དི་སཾ;
ཝི་ལཱུ་ནཾ སཱུ་ད་པུ་ཏྟེ་ན, པི་ཊྛ་མ་ཎྜེ་ན [པི་ཊྛ་མ་དྡེ་ན (སཱི. སྱཱ. པཱི.)] མ་ཀྑི་ཏཾ.
༡༣༨. སུ་ནྷཱ་ཏོ སུ་ཝི་ལི་ཏྟོ་སི, ཨ་ནྣ་པཱ་ནེ་ན ཏ་པྤི་ཏོ;
ཀ་ཎྛེ ཙ ཏེ ཝེ་ལུ༹་རི་ཡོ, ཨ་ག་མཱ ནུ ཀ་ཛ་ངྒ་ལཾ.
༡༣༩. མཱ ཏེ མི་ཏྟོ ཨ་མི་ཏྟོ ཝཱ, ཨ་ག་མཱ་སི ཀ་ཛ་ངྒ་ལཾ;
པི་ཉྪཱ་ནི ཏ་ཏྠ ལཱ་ཡི་ཏྭཱ, ཀ་ཎྛེ བ་ནྡྷ་ནྟི ཝ་ཊྚ་ནཾ.
༡༤༠. པུ་ན་པཱ་པ་ཛྫ་སཱི ས་མྨ, སཱི་ལ་ཉྷི ཏ་ཝ ཏཱ་དི་སཾ;
ན ཧི མཱ་ནུ་ས་ཀཱ བྷོ་གཱ, སུ་བྷུ་ཉྫཱ ཧོ་ནྟི པ་ཀྑི་ནཱ་ཏི.
ཀ་པོ་ཏ་ཛཱ་ཏ་ཀཾ པ་ཉྩ་མཾ.
ཨ་ཌྜྷ་ཝ་གྒོ ཏ་ཏི་ཡོ.
ཏ་སྶུ་དྡཱ་ནཾ –
ཨ་ཐ ཝ་ཎྞ ས་སཱི་ལ ཧི་རི ལ་བྷ་ཏེ, སུ་མུ་ཁཱ ཝི་ས སཱ་ལི༹་ཡ་མི་ཏྟ་ཝ་རོ;
ཨ་ཐ ཙ་ཀྐ པ་ལཱ་ས ས་རཱ་ཛ ས་ཏོ, ཡ་ཝ བཱ་ལ ཀ་པོ་ཏ་ཀ པ་ནྣ་ར་སཱ་ཏི.
ཨ་ཐ ཝ་གྒུ་དྡཱ་ནཾ –
ཛཱི་ན་ཉྩ ཝ་ཎྞཾ ཨ་ས་མཾ་ཝ་གུ་པྤ་རི, སུ་དེ་སི་ཏཱ ཛཱ་ཏ་ཀ་ནྟི ས་ནྟི ཝཱི་ས་ཏི [ཛཱ་ཏ་ཀ པ་ཉྩ་ཝཱི་ས་ཏི (?)];
མ་ཧེ་སི་ནོ བྲ་ཧྨ་ཙ་རི་ཏྟ་མུ་ཏྟ-མ་ཝོ་ཙ གཱ་ཐཱ ཨ་ཏྠ་ཝ་ཏཱི སུ་བྱ་ཉྫ་ནཱ་ཏི.
པ་ཉྩ་ཀ་ནི་པཱ་ཏཾ ནི་ཊྛི་ཏཾ.