༥. པ་ཉྩ་ཀ་ནི་པཱ་ཏོ
༡. མ་ཎི་ཀུ་ཎྜ་ལ་ཝ་གྒོ
༣༥༡. མ་ཎི་ཀུ་ཎྜ་ལ་ཛཱ་ཏ་ཀཾ (༥-༡-༡)
༡. ཛཱི་ནོ ར་ཐ་སྶཾ མ་ཎི་ཀུ་ཎྜ་ལེ ཙ, པུ་ཏྟེ ཙ དཱ་རེ ཙ ཏ་ཐེ་ཝ ཛཱི་ནོ;
ས་བྦེ་སུ བྷོ་གེ་སུ ཨ་སེ་ས་ཀེ་སུ [ཨ་སེ་སི་ཏེ་སུ (སཱི. པཱི.), ཨ་སེ་སི་ཀེ་སུ (ཀ.)], ཀ་སྨཱ ན ས་ནྟ་པྤ་སི སོ་ཀ་ཀཱ་ལེ.
༢. པུ་བྦེ་ཝ མ་ཙྩཾ ཝི་ཛ་ཧ་ནྟི བྷོ་གཱ, མ་ཙྩོ ཝཱ ཏེ [ཙ ནེ (པཱི.), དྷ་ནེ (ཀ.)] པུ་བྦ་ཏ་རཾ ཛ་ཧཱ་ཏི;
ཨ་ས་སྶ་ཏཱ བྷོ་གི་ནོ ཀཱ་མ་ཀཱ་མི, ཏ་སྨཱ ན སོ་ཙཱ་མ་ཧཾ སོ་ཀ་ཀཱ་ལེ.
༣. ཨུ་དེ་ཏི ཨཱ་པཱུ་ར་ཏི ཝེ་ཏི [པཱུ་རེ་ཏི ཁཱི་ཡ་ཏི (སྱཱ.)] ཙ་ནྡོ, ཨ་ཏྠཾ ཏ་པེ་ཏྭཱ་ན [ཨ་ནྡྷཾ ཏ་པེ་ཏྭཱ་ན (ཀ.), ཨ་ཏྠ་ངྒ་མེ་ཏྭཱ་ན (སྱཱ.), ཨེ་ཏྠ ‘‘ཏ་པེ་ཏྭཱ་ན ཨ་ཏྠཾ པ་ལེ་ཏཱི’’ཏི ས་མྦ་ནྡྷོ] པ་ལེ་ཏི སཱུ་རི་ཡོ;
ཝི་དི་ཏཱ [ཝི་ཛི་ཏཱ (སྱཱ.)] མ་ཡཱ ས་ཏྟུ་ཀ ལོ་ཀ་དྷ་མྨཱ, ཏ་སྨཱ ན སོ་ཙཱ་མ་ཧཾ སོ་ཀ་ཀཱ་ལེ.
༤. ཨ་ལ་སོ གི་ཧཱི ཀཱ་མ་བྷོ་གཱི ན སཱ་དྷུ, ཨ་ས་ཉྙ་ཏོ པ་བྦ་ཛི་ཏོ ན སཱ་དྷུ;
རཱ་ཛཱ ན སཱ་དྷུ ཨ་ནི་ས་མྨ་ཀཱ་རཱི, ཡོ པ་ཎྜི་ཏོ ཀོ་དྷ་ནོ ཏཾ ན སཱ་དྷུ.
༥. ནི་ས་མྨ ཁ་ཏྟི་ཡོ ཀ་ཡི་རཱ, ནཱ་ནི་ས་མྨ དི་ས་མྤ་ཏི;
ནི་ས་མྨ་ཀཱ་རི་ནོ རཱ་ཛ [ར་ཉྙོ (སཱི. སྱཱ.)], ཡ་སོ ཀི་ཏྟི ཙ ཝ་ཌྜྷ་ཏཱི་ཏི.
མ་ཎི་ཀུ་ཎྜ་ལ་ཛཱ་ཏ་ཀཾ པ་ཋ་མཾ.
༣༥༢. སུ་ཛཱ་ཏ་ཛཱ་ཏ་ཀཾ (༥-༡-༢)
༦. ཀིཾ ནུ ས་ནྟ་ར་མཱ་ནོ་ཝ, ལཱ་ཡི་ཏྭཱ ཧ་རི་ཏཾ ཏི་ཎཾ;
ཁཱ་ད ཁཱ་དཱ་ཏི ལ་པ་སི, ག་ཏ་ས་ཏྟཾ ཛ་ར་གྒ་ཝཾ.
༧. ན ཧི ཨ་ནྣེ་ན པཱ་ནེ་ན, མ་ཏོ གོ་ཎོ ས་མུ་ཊྛ་ཧེ;
ཏྭ་ཉྩ ཏུ་ཙྪཾ ཝི་ལ་པ་སི, ཡ་ཐཱ ཏཾ དུ་མྨ་ཏཱི ཏ་ཐཱ.
༨. ཏ་ཐེ་ཝ ཏི་ཊྛ་ཏི སཱི་སཾ, ཧ་ཏྠ་པཱ་དཱ ཙ ཝཱ་ལ་དྷི;
སོ་ཏཱ ཏ་ཐེ་ཝ ཏི་ཊྛ་ནྟི [སོ ཏཱ་ཏ ཏ་ཐེ་ཝ ཏི་ཊྛ་ཏི (ཀ.)], མ་ཉྙེ གོ་ཎོ ས་མུ་ཊྛ་ཧེ.
༩. ནེ་ཝ་ཡྻ་ཀ་སྶ སཱི་ས་ཉྩ [སཱི་སཾ ཝཱ (སཱི. སྱཱ. པཱི.)], ཧ་ཏྠ་པཱ་དཱ ཙ དི་སྶ་རེ;
རུ་དཾ མ་ཏྟི་ཀ་ཐཱུ་པ་སྨིཾ, ན་ནུ ཏྭ་ཉྙེ་ཝ དུ་མྨ་ཏི.
༡༠. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ [ཨོ་སི་ཉྩི (ཀ.)], ས་བྦཾ ནི་བྦཱ་པ་ཡེ ད་རཾ.
༡༡. ཨ་བྦ་ཧཱི [ཨ་བྦཱུ་ལ༹ྷཾ (སཱི. སྱཱ.), ཨ་བྦྷཱུ་ལ༹ྷཾ (ཀ.)] ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ [སོ་ཀཾ ཧ་ད་ཡ་ནི་སྶི་ཏཾ (སཱི. སྱཱ.)];
ཡོ མེ སོ་ཀ་པ་རེ་ཏ་སྶ, པི་ཏུ སོ་ཀཾ ཨ་པཱ་ནུ་དི.
༡༢. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན མཱ་ཎ་ཝ.
༡༣. ཨེ་ཝཾ ཀ་རོ་ནྟི ས་པྤ་ཉྙཱ, ཡེ ཧོ་ནྟི ཨ་ནུ་ཀ་མྤ་ཀཱ;
ཝི་ནི་ཝ་ཏྟེ་ནྟི སོ་ཀ་མྷཱ, སུ་ཛཱ་ཏོ པི་ཏ་རཾ ཡ་ཐཱ་ཏི.
སུ་ཛཱ་ཏ་ཛཱ་ཏ་ཀཾ དུ་ཏི་ཡཾ.
༣༥༣. ཝེ་ན་སཱ་ཁ་ཛཱ་ཏ་ཀཾ (༥-༡-༣)
༡༤. ན་ཡི་དཾ ནི་ཙྩཾ བྷ་ཝི་ཏ་བྦཾ བྲ་ཧྨ་ད་ཏྟ, ཁེ་མཾ སུ་བྷི་ཀྑཾ སུ་ཁ་ཏཱ ཙ ཀཱ་ཡེ;
ཨ་ཏྠ་ཙྩ་ཡེ མཱ ཨ་ཧུ ས་མྤ་མཱུ་ལ༹ྷོ, བྷི་ནྣ་པླ་ཝོ སཱ་ག་ར་སྶེ་ཝ མ་ཛ྄ཛྷེ.
༡༥. ཡཱ་ནི ཀ་རོ་ཏི པུ་རི་སོ, ཏཱ་ནི ཨ་ཏྟ་ནི པ་སྶ་ཏི;
ཀ་ལྱཱ་ཎ་ཀཱ་རཱི ཀ་ལྱཱ་ཎཾ, པཱ་པ་ཀཱ་རཱི ཙ པཱ་པ་ཀཾ;
ཡཱ་དི་སཾ ཝ་པ་ཏེ བཱི་ཛཾ, ཏཱ་དི་སཾ ཧ་ར་ཏེ ཕ་ལཾ.
༡༦. ཨི་དཾ ཏ་དཱ་ཙ་རི་ཡ་ཝ་ཙོ, པཱ་རཱ་ས་རི་ཡོ ཡ་ད་བྲ་ཝི;
མཱ སུ [མཱ སྶུ (སཱི. སྱཱ. པཱི.)] ཏྭཾ ཨ་ཀ་རི པཱ་པཾ, ཡཾ ཏྭཾ པ་ཙྪཱ ཀ་ཏཾ ཏ་པེ.
༡༧. ཨ་ཡ་མེ་ཝ སོ པི་ངྒི་ཡ [སོ པི་ངྒི་ཡོ (སྱཱ.), སོ་པི བྷི་ཡྻོ (ཀ.)] ཝེ་ན་སཱ་ཁོ, [དྷོ་ན་སཱ་ཁོ (ཀ. སཱི. པཱི.)] ཡ་མྷི གྷཱ་ཏ་ཡིཾ ཁ་ཏྟི་ཡཱ་ནཾ ས་ཧ་སྶཾ;
ཨ་ལ་ངྐ་ཏེ ཙ་ནྡ་ན་སཱ་རཱ་ནུ་ལི་ཏྟེ, ཏ་མེ་ཝ དུ་ཀྑཾ པ་ཙྩཱ་ག་ཏཾ མ་མཾ.
༡༨. སཱ་མཱ ཙ [སཱ་མཱ་པི (སཱི. སྱཱ.)] ཁོ ཙ་ནྡ་ན་ལི་ཏྟ་ག་ཏྟཱ [ག་ཏྟཱི (ཀ. སཱི. སྱཱ. པཱི.)], ལ་ཊྛཱི་ཝ སོ་བྷ་ཉྫ་ན་ཀ་སྶ ཨུ་གྒ་ཏཱ;
ཨ་དི་སྭཱ [ཨ་དི་སྭཱ་ཝ (སཱི.)] ཀཱ་ལཾ ཀ་རི་སྶཱ་མི ཨུ་བྦ་རིཾ, ཏཾ མེ ཨི་ཏོ དུ་ཀྑ་ཏ་རཾ བྷ་ཝི་སྶ་ཏཱི་ཏི.
ཝེ་ན་སཱ་ཁ་ཛཱ་ཏ་ཀཾ [དྷོ་ན་སཱ་ཁ་ཛཱ་ཏ་ཀཾ (ཀ. སཱི. པཱི.)] ཏ་ཏི་ཡཾ.
༣༥༤. ཨུ་ར་ག་ཛཱ་ཏ་ཀཾ (༥-༡-༤)
༡༩. ཨུ་ར་གོ་ཝ ཏ་ཙཾ ཛི་ཎྞཾ, ཧི་ཏྭཱ ག་ཙྪ་ཏི སཾ ཏ་ནུཾ;
ཨེ་ཝཾ ས་རཱི་རེ ནི་བྦྷོ་གེ, པེ་ཏེ ཀཱ་ལ་ངྐ་ཏེ ས་ཏི.
༢༠. ཌ་ཡ྄ཧ་མཱ་ནོ ན ཛཱ་ནཱ་ཏི, ཉཱ་ཏཱི་ནཾ པ་རི་དེ་ཝི་ཏཾ;
ཏ་སྨཱ ཨེ་ཏཾ ན སོ་ཙཱ་མི, ག་ཏོ སོ ཏ་སྶ ཡཱ ག་ཏི.
༢༡. ཨ་ན་ཝ྄ཧི་ཏོ ཏ་ཏོ ཨཱ་གཱ, ཨ་ན་ནུ་ཉྙཱ་ཏོ [ནཱ་ནུ་ཉྙཱ་ཏོ (ཀ.)] ཨི་ཏོ ག་ཏོ;
ཡ་ཐཱ་ག་ཏོ ཏ་ཐཱ ག་ཏོ, ཏ་ཏྠ ཀཱ པ་རི་དེ་ཝ་ནཱ.
༢༢. ཌ་ཡ྄ཧ་མཱ་ནོ ན ཛཱ་ནཱ་ཏི, ཉཱ་ཏཱི་ནཾ པ་རི་དེ་ཝི་ཏཾ;
ཏ་སྨཱ ཨེ་ཏཾ ན སོ་ཙཱ་མི, ག་ཏོ སོ ཏ་སྶ ཡཱ ག་ཏི.
༢༣. ས་ཙེ རོ་དེ ཀི་སཱ [ཀི་སཱི (པཱི.)] ཨ་སྶཾ, ཏ་སྶཱ མེ ཀིཾ ཕ་ལཾ སི་ཡཱ;
ཉཱ་ཏི་མི་ཏྟ་སུ་ཧ་ཛྫཱ་ནཾ, བྷི་ཡྻོ ནོ ཨ་ར་ཏཱི སི་ཡཱ.
༢༤. ཌ་ཡ྄ཧ་མཱ་ནོ ན ཛཱ་ནཱ་ཏི, ཉཱ་ཏཱི་ནཾ པ་རི་དེ་ཝི་ཏཾ;
ཏ་སྨཱ ཨེ་ཏཾ ན སོ་ཙཱ་མི, ག་ཏོ སོ ཏ་སྶ ཡཱ ག་ཏི.
༢༥. ཡ་ཐཱ་པི དཱ་ར་ཀོ ཙ་ནྡཾ, ག་ཙྪ་ནྟ་མ་ནུ་རོ་ད་ཏི;
ཨེ་ཝཾ ས་མྤ་ད་མེ་ཝེ་ཏཾ, ཡོ པེ་ཏ་མ་ནུ་སོ་ཙ་ཏི.
༢༦. ཌ་ཡ྄ཧ་མཱ་ནོ ན ཛཱ་ནཱ་ཏི, ཉཱ་ཏཱི་ནཾ པ་རི་དེ་ཝི་ཏཾ;
ཏ་སྨཱ ཨེ་ཏཾ ན སོ་ཙཱ་མི, ག་ཏོ སོ ཏ་སྶ ཡཱ ག་ཏི.
༢༧. ཡ་ཐཱ་པི ཨུ་ད་ཀ་ཀུ་མྦྷོ, བྷི་ནྣོ ཨ་པྤ་ཊི་ས་ནྡྷི་ཡོ;
ཨེ་ཝཾ ས་མྤ་ད་མེ་ཝེ་ཏཾ, ཡོ པེ་ཏ་མ་ནུ་སོ་ཙ་ཏི.
༢༨. ཌ་ཡ྄ཧ་མཱ་ནོ ན ཛཱ་ནཱ་ཏི, ཉཱ་ཏཱི་ནཾ པ་རི་དེ་ཝི་ཏཾ;
ཏ་སྨཱ ཨེ་ཏཾ ན སོ་ཙཱ་མི, ག་ཏོ སོ ཏ་སྶ ཡཱ ག་ཏཱི་ཏི.
ཨུ་ར་ག་ཛཱ་ཏ་ཀཾ ཙ་ཏུ་ཏྠཾ.
༣༥༥. གྷ་ཊ་ཛཱ་ཏ་ཀཾ (༥-༡-༥)
༢༩. ཨ་ཉྙེ སོ་ཙ་ནྟི རོ་ད་ནྟི, ཨ་ཉྙེ ཨ་སྶུ་མུ་ཁཱ ཛ་ནཱ;
པ་ས་ནྣ་མུ་ཁ་ཝ་ཎྞོ་སི, ཀ་སྨཱ གྷ་ཊ [གྷ་ཏ (སཱི. པཱི.)] ན སོ་ཙ་སི.
༣༠. ནཱ་བྦྷ་ཏཱི་ཏ་ཧ་རོ སོ་ཀོ, ནཱ་ནཱ་ག་ཏ་སུ་ཁཱ་ཝ་ཧོ;
ཏ་སྨཱ དྷ་ངྐ [ཝཾ་ཀ (པཱི.)] ན སོ་ཙཱ་མི, ན་ཏྠི སོ་ཀེ དུ་ཏཱི་ཡ་ཏཱ [སོ་ཀོ དུ་ཏཱི་ཡ་ཀཱ (ཀ.)].
༣༡. སོ་ཙཾ པ་ཎྜུ ཀི་སོ ཧོ་ཏི, བྷ་ཏྟ་ཉྩ་སྶ ན རུ་ཙྩ་ཏི;
ཨ་མི་ཏྟཱ སུ་མ་ནཱ ཧོ་ནྟི, ས་ལླ་ཝི་དྡྷ་སྶ རུ་པྤ་ཏོ.
༣༢. གཱ་མེ ཝཱ ཡ་དི ཝཱ་ར་ཉྙེ, ནི་ནྣེ ཝཱ ཡ་དི ཝཱ ཐ་ལེ;
ཋི་ཏཾ མཾ ནཱ་ག་མི་སྶ་ཏི, ཨེ་ཝཾ དི་ཊྛ་པ་དོ ཨ་ཧཾ.
༣༣. ཡ་སྶ་ཏྟཱ ནཱ་ལ་མེ་ཀོ་ཝ, ས་བྦ་ཀཱ་མ་ར་སཱ་ཧ་རོ;
ས་བྦཱ་པི པ་ཐ་ཝཱི ཏ་སྶ, ན སུ་ཁཾ ཨཱ་ཝ་ཧི་སྶ་ཏཱི་ཏི.
གྷ་ཊ་ཛཱ་ཏ་ཀཾ པ་ཉྩ་མཾ.
༣༥༦. ཀོ་ར་ཎྜི་ཡ་ཛཱ་ཏ་ཀཾ (༥-༡-༦)
༣༤. ཨེ་ཀོ ཨ་ར་ཉྙེ གི་རི་ཀ་ནྡ་རཱ་ཡཾ, པ་གྒ་ཡ྄ཧ པ་གྒ་ཡ྄ཧ སི་ལཾ པ་ཝེ་ཙྪ་སི [པ་ཝེ་ཛ྄ཛྷ་སི (སྱཱ. སཱི. ཨ་ཊྛ.)];
པུ་ན་པྤུ་ནཾ ས་ནྟ་ར་མཱ་ན་རཱུ་པོ, ཀོ་ར་ཎྜི་ཡ [ཀཱ་ར་ཎྜི་ཡ (སཱི. སྱཱ. པཱི.)] ཀོ ནུ ཏ་ཝ ཡི་དྷ་ཏྠོ.
༣༥. ཨ་ཧ་ཉྷི་མཾ སཱ་ག་ར སེ་ཝི་ཏ་ནྟཾ, ས་མཾ ཀ་རི་སྶཱ་མི ཡ་ཐཱ་པི པཱ་ཎི;
ཝི་ཀི་རི་ཡ སཱ་ནཱུ་ནི ཙ པ་བྦ་ཏཱ་ནི ཙ, ཏ་སྨཱ སི་ལཾ ད་རི་ཡཱ པ་ཀྑི་པཱ་མི.
༣༦. ན་ཡི་མཾ མ་ཧིཾ ཨ་ར་ཧ་ཏི པཱ་ཎི་ཀ་པྤཾ, ས་མཾ མ་ནུ་སྶོ ཀ་ར་ཎཱ་ཡ མེ་ཀོ;
མ་ཉྙཱ་མི་མ་ཉྙེ་ཝ ད་རིཾ ཛི་གཱི་སཾ [ཛི་གིཾ་སཾ (སཱི. སྱཱ. པཱི.)], ཀོ་ར་ཎྜི་ཡ ཧཱ་ཧ་སི [ཧཱ་ཡ་སི (སྱཱ. ཀ.)] ཛཱི་ཝ་ལོ་ཀཾ.
༣༧. ས་ཙེ ཨ་ཧཾ [ཨ་ཡཾ (སཱི. སྱཱ. པཱི.)] བྷཱུ་ཏ་དྷ་རཾ ན ས་ཀྐཱ [ས་ཀྐོ (སྱཱ. ཀ.)], ས་མཾ མ་ནུ་སྶོ ཀ་ར་ཎཱ་ཡ མེ་ཀོ;
ཨེ་ཝ་མེ་ཝ ཏྭཾ བྲ་ཧྨེ ཨི་མེ མ་ནུ་སྶེ, ནཱ་ནཱ་དི་ཊྛི་ཀེ ནཱ་ན་ཡི་སྶ་སི ཏེ [ནེ (ཀ.)].
༣༨. ས་ངྑི་ཏྟ་རཱུ་པེ་ན བྷ་ཝཾ མ་མ་ཏྠཾ, ཨ་ཀྑཱ་སི ཀོ་ར་ཎྜི་ཡ ཨེ་ཝ་མེ་ཏཾ;
ཡ་ཐཱ ན ས་ཀྐཱ པ་ཐ་ཝཱི ས་མཱ་ཡཾ, ཀ་ཏྟུཾ མ་ནུ་སྶེ་ན ཏ་ཐཱ མ་ནུ་སྶཱ་ཏི.
ཀོ་ར་ཎྜི་ཡ་ཛཱ་ཏ་ཀཾ ཚ་ཊྛཾ.
༣༥༧. ལ་ཊུ་ཀི་ཀ་ཛཱ་ཏ་ཀཾ (༥-༡-༧)
༣༩. ཝ་ནྡཱ་མི ཏཾ ཀུ་ཉྫ་ར ས་ཊྛི་ཧཱ་ཡ་ནཾ, ཨཱ་ར་ཉྙ་ཀཾ ཡཱུ་ཐ་པ་ཏིཾ ཡ་ས་སྶིཾ;
པ་ཀྑེ་ཧི ཏཾ པ་ཉྫ་ལི་ཀཾ ཀ་རོ་མི, མཱ མེ ཝ་དྷཱི པུ་ཏྟ་ཀེ དུ་བྦ་ལཱ་ཡ.
༤༠. ཝ་ནྡཱ་མི ཏཾ ཀུ་ཉྫ་ར ཨེ་ཀ་ཙཱ་རིཾ, ཨཱ་ར་ཉྙ་ཀཾ པ་བྦ་ཏ་སཱ་ནུ་གོ་ཙ་རཾ;
པ་ཀྑེ་ཧི ཏཾ པ་ཉྫ་ལི་ཀཾ ཀ་རོ་མི, མཱ མེ ཝ་དྷཱི པུ་ཏྟ་ཀེ དུ་བྦ་ལཱ་ཡ;
༤༡. ཝ་མི་སྶཱ་མི ཏེ ལ་ཊུ་ཀི་ཀེ པུ་ཏྟ་ཀཱ་ནི, ཀིཾ མེ ཏུ་ཝཾ ཀཱ་ཧ་སི དུ་བྦ་ལཱ་སི;
ས་ཏཾ ས་ཧ་སྶཱ་ནི་པི ཏཱ་དི་སཱི་ནཾ, ཝཱ་མེ་ན པཱ་དེ་ན པ་པོ་ཐ་ཡེ་ཡྻཾ.
༤༢. ན ཧེ་ཝ ས་བྦ་ཏྠ བ་ལེ་ན ཀི་ཙྩཾ, བ་ལ་ཉྷི བཱ་ལ་སྶ ཝ་དྷཱ་ཡ ཧོ་ཏི;
ཀ་རི་སྶཱ་མི ཏེ ནཱ་ག་རཱ་ཛཱ ཨ་ན་ཏྠཾ, ཡོ མེ ཝ་དྷཱི པུ་ཏྟ་ཀེ དུ་བྦ་ལཱ་ཡ.
༤༣. ཀཱ་ཀ་ཉྩ པ་སྶ ལ་ཊུ་ཀི་ཀཾ, མ་ཎྜཱུ་ཀཾ ནཱི་ལ་མ་ཀྑི་ཀཾ;
ཨེ་ཏེ ནཱ་གཾ ཨ་གྷཱ་ཏེ་སུཾ, པ་སྶ ཝེ་ར་སྶ ཝེ་རི་ནཾ;
ཏ་སྨཱ ཧི ཝེ་རཾ ན ཀ་ཡི་རཱ་ཐ, ཨ་པྤི་ཡེ་ན་པི ཀེ་ན་ཙཱི་ཏི.
ལ་ཊུ་ཀི་ཀ་ཛཱ་ཏ་ཀཾ ས་ཏྟ་མཾ.
༣༥༨. ཙཱུ་ལ༹་དྷ་མྨ་པཱ་ལ་ཛཱ་ཏ་ཀཾ (༥-༡-༨)
༤༤. ཨ་ཧ་མེ་ཝ དཱུ་སི་ཡཱ བྷཱུ་ན་ཧ་ཏཱ, ར་ཉྙོ མ་ཧཱ་པ་ཏཱ་པ་སྶ;
ཨེ་ཏཾ མུ་ཉྩ་ཏུ དྷ་མྨ་པཱ་ལཾ, ཧ་ཏྠེ མེ དེ་ཝ ཚེ་དེ་ཧི.
༤༥. ཨ་ཧ་མེ་ཝ དཱུ་སི་ཡཱ བྷཱུ་ན་ཧ་ཏཱ, ར་ཉྙོ མ་ཧཱ་པ་ཏཱ་པ་སྶ;
ཨེ་ཏཾ མུ་ཉྩ་ཏུ དྷ་མྨ་པཱ་ལཾ, པཱ་དེ མེ དེ་ཝ ཚེ་དེ་ཧི.
༤༦. ཨ་ཧ་མེ་ཝ དཱུ་སི་ཡཱ བྷཱུ་ན་ཧ་ཏཱ, ར་ཉྙོ མ་ཧཱ་པ་ཏཱ་པ་སྶ;
ཨེ་ཏཾ མུ་ཉྩ་ཏུ དྷ་མྨ་པཱ་ལཾ, སཱི་སཾ མེ དེ་ཝ ཚེ་དེ་ཧི.
༤༧. ན ཧི [ན་ཧ (སཱི. སྱཱ. པཱི.) ཨེ་ཏྠ ཧ-ཀཱ་རོ ཁེ་དེ] ནཱུ་ནི་མ་སྶ ར་ཉྙོ, མི་ཏྟཱ་མ་ཙྩཱ ཙ ཝི་ཛྫ་རེ སུ་ཧ་དཱ;
ཡེ ན ཝ་ད་ནྟི རཱ་ཛཱ་ནཾ, མཱ གྷཱ་ཏ་ཡི ཨོ་ར་སཾ པུ་ཏྟཾ.
༤༨. ན ཧི [ན་ཧ (སཱི. སྱཱ. པཱི.) ཨེ་ཏྠ ཧ-ཀཱ་རོ ཁེ་དེ] ནཱུ་ནི་མ་སྶ ར་ཉྙོ, ཉཱ་ཏཱི མི་ཏྟཱ ཙ ཝི་ཛྫ་རེ སུ་ཧ་དཱ;
ཡེ ན ཝ་ད་ནྟི རཱ་ཛཱ་ནཾ, མཱ གྷཱ་ཏ་ཡི ཨ་ཏྲ་ཛཾ པུ་ཏྟཾ.
༤༩. ཙ་ནྡ་ན་སཱ་རཱ་ནུ་ལི་ཏྟཱ, བཱ་ཧཱ ཚི་ཛྫ་ནྟི དྷ་མྨ་པཱ་ལ་སྶ;
དཱ་ཡཱ་ད་སྶ པ་ཐ་བྱཱ, པཱ་ཎཱ མེ དེ་ཝ རུ་ཛ྄ཛྷ་ནྟཱི་ཏི.
ཙཱུ་ལ༹་དྷ་མྨ་པཱ་ལ་ཛཱ་ཏ་ཀཾ ཨ་ཊྛ་མཾ.
༣༥༩. སུ་ཝ་ཎྞ་མི་ག་ཛཱ་ཏ་ཀཾ (༥-༡-༩)
༥༠. ཝི་ཀྐ་མ རེ ཧ་རི་པཱ་ད [མ་ཧཱ་མི་ག (སཱི. སྱཱ. པཱི.)], ཝི་ཀྐ་མ རེ མ་ཧཱ་མི་ག [ཧ་རཱི་པ་ད (སཱི. སྱཱ. པཱི.)];
ཚི་ནྡ ཝཱ་ར་ཏྟི་ཀཾ པཱ་སཾ, ནཱ་ཧཾ ཨེ་ཀཱ ཝ་ནེ ར་མེ.
༥༡. ཝི་ཀྐ་མཱ་མི ན པཱ་རེ་མི, བྷཱུ་མིཾ སུ་མྦྷཱ་མི ཝེ་ག་སཱ;
ད་ལ༹ྷོ ཝཱ་ར་ཏྟི་ཀོ པཱ་སོ, པཱ་དཾ མེ པ་རི་ཀ་ནྟ་ཏི.
༥༢. ཨ་ཏྠ་ར་སྶུ པ་ལཱ་སཱ་ནི, ཨ་སིཾ ནི་བྦཱ་ཧ ལུ་དྡ་ཀ;
པ་ཋ་མཾ མཾ ཝ་དྷི་ཏྭཱ་ན, ཧ་ན པ་ཙྪཱ མ་ཧཱ་མི་གཾ.
༥༣. ན མེ སུ་ཏཾ ཝཱ དི་ཊྛཾ ཝཱ, བྷཱ་ས་ནྟིཾ མཱ་ནུ་སིཾ མི་གིཾ [ན མེ སུ་ཏཱ ཝཱ དི་ཊྛཱ ཝཱ, བྷཱ་ས་ནྟཱི མཱ་ནུ་སིཾ མི་གཱི (ཊཱི་ཀཱ)];
ཏྭ་ཉྩ བྷ་དྡེ སུ་ཁཱི ཧོ་ཧི, ཨེ་སོ ཙཱ་པི མ་ཧཱ་མི་གོ.
༥༤. ཨེ་ཝཾ ལུ་དྡ་ཀ ན་ནྡ་སྶུ, ས་ཧ ས་བྦེ་ཧི ཉཱ་ཏི་བྷི;
ཡ་ཐཱ་ཧ་མ་ཛྫ ན་ནྡཱ་མི, མུ་ཏྟཾ དི་སྭཱ མ་ཧཱ་མི་ག་ནྟི.
སུ་ཝ་ཎྞ་མི་ག་ཛཱ་ཏ་ཀཾ ན་ཝ་མཾ.
༣༦༠. སུ་ཡོ་ན་ནྡཱི་ཛཱ་ཏ་ཀཾ (༥-༡-༡༠)
༥༥. ཝཱ་ཏི ག་ནྡྷོ ཏི་མི་རཱ་ནཾ, ཀུ་ས་མུ་དྡོ ཙ [ཝ (སྱཱ. པཱི.)] གྷོ་ས་ཝཱ;
དཱུ་རེ ཨི་ཏོ སུ་ཡོ་ན་ནྡཱི [ཨི་ཏོ ཧི སུ་ས་ནྡཱི (སཱི. སྱཱ.), ཨི་ཏོ་པི སུ་སྶོ་ནྡཱི (པཱི.)], ཏ་མྦ་ཀཱ་མཱ ཏུ་ད་ནྟི མཾ.
༥༦. ཀ་ཐཾ ས་མུ་དྡ་མ་ཏ་རི, ཀ་ཐཾ ཨ་དྡ་ཀྑི སེ་དུ་མཾ [སེ་རུ་མཾ (སཱི. སྱཱ. པཱི.)];
ཀ་ཐཾ ཏ་སྶཱ ཙ ཏུ་ཡ྄ཧ་ཉྩ, ཨ་ཧུ ས་གྒ [ཨ་གྒ (སཱི. སྱཱ.)] ས་མཱ་ག་མོ.
༥༧. ཀུ་རུ་ཀ་ཙྪཱ [བྷ་རུ་ཀ་ཙྪཱ (སཱི. སྱཱ. པཱི.)] པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
མ་ཀ་རེ་ཧི ཨ་བྷི་དཱ [མ་ཀ་རེ་ཧི་བྦྷི་དཱ (སཱི.), མ་ཀ་རེ་ཧི’བྷི་དཱ (སྱཱ.), མ་ཀ་རེ་ཧི བྷི་ནྣཱ (པཱི.)] ནཱ་ཝཱ, ཕ་ལ་ཀེ་ནཱ་ཧ་མ་པླ་ཝིཾ.
༥༨. སཱ མཾ ས་ཎྷེ་ན མུ་དུ་ནཱ, ནི་ཙྩཾ ཙ་ནྡ་ན་ག་ནྡྷི་ནཱི;
ཨ་ངྒེ་ན [ཨ་ངྐེ་ན (པཱི. ཀ.)] ཨུ་དྡྷ་རཱི བྷ་དྡཱ, མཱ་ཏཱ པུ་ཏྟཾ་ཝ ཨོ་ར་སཾ.
༥༩. སཱ མཾ ཨ་ནྣེ་ན པཱ་ནེ་ན, ཝ་ཏྠེ་ན ས་ཡ་ནེ་ན ཙ;
ཨ་ཏྟ་ནཱ་པི ཙ མ་ནྡ་ཀྑཱི, ཨེ་ཝཾ ཏ་མྦ ཝི་ཛཱ་ནཱ་ཧཱི་ཏི.
སུ་ཡོ་ན་ནྡཱི་ཛཱ་ཏ་ཀཾ ད་ས་མཾ.
མ་ཎི་ཀུ་ཎྜ་ལ་ཝ་གྒོ པ་ཋ་མོ.
ཏ་སྶུ་དྡཱ་ནཾ –
ཨ་ཐ ཛི་ན་ཝ་རོ ཧ་རི་ཏཾ ཏི་ཎ་ཀོ, ཨ་ཐ བྷི་ནྣ་པླ་ཝོ ཨུ་ར་གོ་ཝ གྷ་ཊོ;
ད་རི་ཡཱ པུ་ན ཀུ་ཉྫ་ར བྷཱུ་ན་ཧ་ཏཱ, མི་ག་མུ་ཏྟ་མ་ས་གྒ་ཝ་རེ་ན ད་སཱ་ཏི.
༢. ཝ་ཎྞཱ་རོ་ཧ་ཝ་གྒོ
༣༦༡. ཝ་ཎྞཱ་རོ་ཧ་ཛཱ་ཏ་ཀཾ (༥-༢-༡)
༦༠. ཝ་ཎྞཱ་རོ་ཧེ་ན ཛཱ་ཏི་ཡཱ, བ་ལ་ནི་ཀྐ་མ་ནེ་ན ཙ;
སུ་བཱ་ཧུ ན མ་ཡཱ སེ་ཡྻོ, སུ་དཱ་ཋ ཨི་ཏི བྷཱ་ས་སི.