༤-༥. པ་ཋ་མ་སཱ་རི་པུ་ཏྟ་སུ་ཏྟཱ་དི་ཝ་ཎྞ་ནཱ

༡༠༠༠-༡༠༠༡. ཙ་ཏུ་ཏྠ ཨུ་ཏྟཱ་ན་མེ་ཝ. པ་ཉྩ་མེ སོ་ཏཱ་པ་ཏྟི་ཡ་ངྒནྟི སོ་ཏཱ་པ་ཏྟི་ཡཱ པུ་བྦ་བྷཱ་ག་པ་ཊི་ལཱ་བྷ་ངྒཾ. བུ་དྡྷེ ཨ་ཝེ་ཙྩ་པྤ་སཱ་དཱ་ད་ཡོ པ་ན པ་ཊི་ལ་དྡྷ་གུ་ཎཱ སོ་ཏཱ་པ་ནྣ་སྶ ཨ་ངྒཱ ནཱ་མ, ཏེ་པི པ་ན སོ་ཏཱ་པ་ཏྟི་ཡ་ངྒ་ནྟི ཨཱ་ག་ཏཱ. ཏ་ཏྲཱ་ཡཾ དྭི་ནྣ་མྤི ཝ་ཙ་ན་ཏྠོ – ས་པྤུ་རི་སེ སེ་ཝ་ནྟོ བྷ་ཛ་ནྟོ པ་ཡི་རུ་པཱ་ས་ནྟོ དྷ་མྨཾ སུ་ཎ་ནྟོ ཡོ་ནི་སོ མ་ན་སི་ཀ་རོ་ནྟོ དྷ་མྨཱ་ནུ་དྷ་མྨཾ པུ་བྦ་བྷཱ་ག་པ་ཊི་པ་དཾ པ་ཊི་པ་ཛྫ་ནྟོ སོ་ཏཱ་པ་ཏྟིཾ པ་ཊི་ལ་བྷ་ཏཱི་ཏི ས་པྤུ་རི་ས་སཾ་སེ་ཝཱ་ད་ཡོ སོ་ཏཱ་པ་ཏྟི་ཨ་ཏྠཱ་ཡ ཨ་ངྒ་ནྟི སོ་ཏཱ་པ་ཏྟི་ཡ་ངྒཾ ནཱ་མ, ཨི་ཏ་རེ པ་ཋ་མ་མ་གྒ་ས་ངྑཱ་ཏཱ་ཡ སོ་ཏཱ་པ་ཏྟི་ཡཱ ཨ་ངྒ་ནྟི་པི སོ་ཏཱ་པ་ཏྟི་ཡ་ངྒཾ, པ་ཊི་ཝི་དྡྷ་སོ་ཏཱ་པ་ཏྟི་མ་གྒ་སྶ སོ་ཏཱ་པ་ཏྟི་མ་གྒོ ཨ་ངྒ་ནྟི་པི སོ་ཏཱ་པ་ཏྟི་ཡ་ངྒཾ.