༡༤. ལོ་ཀ་ཝཱ་ད་པ་ཊི་སཾ་ཡུ་ཏྟ་དི་ཊྛི་ནི་དྡེ་ས་ཝ་ཎྞ་ནཱ

༡༤༧. ཨ་ཏྟཱ ཙ ལོ་ཀོ ཙཱཏི སོ ཨེ་ཝ ཨ་ཏྟཱ ཙ ཨཱ་ལོ་ཀ་ན་ཊྛེ་ན ལོ་ཀོ ཙཱ་ཏི ཨ་ཏྠོ. ས་སྶ་ཏོཏི ས་སྶ་ཏ་ཝཱ་དཱ་ནཾ དི་ཊྛི. ཨ་ས་སྶ་ཏོཏི ཨུ་ཙྪེ་ད་ཝཱ་དཱ་ནཾ. ས་སྶ་ཏོ ཙ ཨ་ས་སྶ་ཏོ ཙཱཏི ཨེ་ཀ་ཙྩ་ས་སྶ་ཏི་ཀཱ་ནཾ. ནེ་ཝ ས་སྶ་ཏོ ནཱ་ས་སྶ་ཏོཏི ཨ་མ་རཱ་ཝི་ཀྑེ་པི་ཀཱ་ནཾ. ཨ་ནྟ་ཝཱཏི པ་རི་ཏྟ་ཀ་སི་ཎ་ལཱ་བྷཱི་ནཾ ཏ་ཀྐི་ཀཱ་ན་ཉྩ ནི་ག་ཎྛཱ་ཛཱི་ཝི་ཀཱ་ན་ཉྩ. ཨ་ཐ ཝཱ ཨུ་ཙྪེ་ད་ཝཱ་དི་ནོ ‘‘ས་ཏྟོ ཛཱ་ཏི་ཡཱ པུ་བྦ་ནྟ་ཝཱ, མ་ར་ཎེ་ན ཨ་པ་ར་ནྟ་ཝཱ’’ཏི ཝ་ད་ནྟི. ཨ་དྷི་ཙྩ་ས་མུ་པྤ་ནྣི་ཀཱ ‘‘ས་ཏྟོ ཛཱ་ཏི་ཡཱ པུ་བྦ་ནྟ་ཝཱ’’ཏི ཝ་ད་ནྟི. ཨ་ན་ནྟ་ཝཱཏི ཨ་པྤ་མཱ་ཎ་ཀ་སི་ཎ་ལཱ་བྷཱི་ནཾ. ས་སྶ་ཏ་ཝཱ་དི་ནོ པ་ན ‘‘པུ་བྦ་ནྟཱ་པ་ར་ནྟཱ ན་ཏྠི, ཏེ་ན ཨ་ན་ནྟ་ཝཱ’’ཏི ཝ་ད་ནྟི. ཨ་དྷི་ཙྩ་ས་མུ་པྤ་ནྣི་ཀཱ ‘‘ཨ་པ་ར་ནྟེ་ན ཨ་ན་ནྟ་ཝཱ’’ཏི ཝ་ད་ནྟི.

ཨ་ནྟ་ཝཱ ཙ ཨ་ན་ནྟ་ཝཱ ཙཱཏི ཨུ་དྡྷ་མ་དྷོ ཨ་ཝ་ཌྜྷི་ཏྭཱ ཏི་རི་ཡཾ ཝ་ཌྜྷི་ཏ་ཀ་སི་ཎཱ་ནཾ. ནེ་ཝ ཨ་ནྟ་ཝཱ ན ཨ་ན་ནྟ་ཝཱཏི ཨ་མ་རཱ་ཝི་ཀྑེ་པི་ཀཱ་ནཾ.

ལོ་ཀ་ཝཱ་ད་པ་ཊི་སཾ་ཡུ་ཏྟ་དི་ཊྛི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.