༣. ཨ་ནུ་ལོ་མ་པ་ཙྩ་ནཱི་ཡ་ཝ་ཎྞ་ནཱ

༤༥-༤༨. ཨི་དཱ་ནི ཨ་ནུ་ལོ་མ་པ་ཙྩ་ནཱི་ཡཾ ཧོ་ཏི. ཏཾ ད་སྶེ་ཏུཾ སི་ཡཱ ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ ན་ཨཱ་ར་མྨ་ཎ་པ་ཙྩ་ཡཱཏི་ཨཱ་དི ཨཱ་ར་དྡྷཾ. ཏ་ཏྠ ‘‘ཧེ་ཏུ་པ་ཙྩ་ཡཱ ན་ཨཱ་ར་མྨ་ཎ་པ་ཙྩ་ཡཱ…པེ… ཧེ་ཏུ་པ་ཙྩ་ཡཱ ན་ཨ་ཝི་ག་ཏ་པ་ཙྩ་ཡཱ’’ཏི ཧེ་ཏུ་པ་ད་སྶ སེ་སེ་སུ ཏེ་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀེ་ཀེ་ན ས་དྡྷིཾ ཡོ་ཛ་ནཱ་ཝ་སེ་ན ཧེ་ཏུ་པ་དཱ་དི་ཀེ ཨེ་ཀ་མཱུ་ལ་ཀེ ཏེ་ཝཱི་ས་ཏི ཨ་ནུ་ལོ་མ་པ་ཙྩ་ནཱི་ཡཱ་ནི. ཏེ་སུ ཨེ་ཀེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ ས་ཏྟ་ཝཱི་སཱ་དྷི་ཀཱ་ནི ཨེ་ཀཱ་ད་ས པུ་ཙྪཱ་ས་ཏཱ་ནི ཧོ་ནྟི. དུ་མཱུ་ལ་ཀེ པ་ན ཧེ་ཏཱ་ར་མྨ་ཎ་པ་དཱ་ནཾ སེ་སེ་སུ དྭཱ་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀེ་ཀེ་ན ས་དྡྷིཾ ཡོ་ཛ་ནཱ་ཝ་སེ་ན དྭཱ་ཝཱི་ས་ཏི ཨ་ནུ་ལོ་མ་པ་ཙྩ་ནཱི་ཡཱ་ནཱི་ཏི ཨེ་ཝཾ ཨ་ནུ་ལོ་མེ ཝུ་ཏྟེ་སུ ས་བྦེ་སུ ཨེ་ཀ་མཱུ་ལ་ཀཱ་དཱི་སུ ཨེ་ཀེ་ཀཾ པ་དཾ པ་རི་ཧཱ་པེ་ཏྭཱ ཨ་ཝ་སེ་སཱ་ནཾ ཝ་སེ་ན པུ་ཙྪཱ་ག་ཎ་ནཱ ཝེ་དི་ཏ་བྦཱ. ཨེ་ཀ་མཱུ་ལ་ཀཱ་དཱི་སུ ཙེ་ཏྠ ཡཱ པུ་ཙྪཱ པཱ་ལི༹་ཡཾ ཨཱ་ག་ཏཱ, ཡཱ ཙ ན ཨཱ་ག་ཏཱ, ཏཱ ས་བྦཱ ཧེ་ཊྛཱ ཝུ་ཏྟ་ན་ཡཱ་ནུ་སཱ་རེ་ནེ་ཝ ཝེ་དི་ཏ་བྦཱ.

ཏི་ཀ་ཉྩ པ་ཊྛཱ་ན་ཝ་རཾ…པེ… ཚ ཨ་ནུ་ལོ་མ་པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱཏི ཨེ་ཏྠ པ་ན ཧེ་ཊྛཱ ཝུ་ཏྟ་ན་ཡེ་ནེ་ཝ དྭེ ཨ་ནུ་ལོ་མ་པ་ཙྩ་ནཱི་ཡཱ་ནི – དྷ་མྨཱ་ནུ་ལོ་མ་པ་ཙྩ་ནཱི་ཡཾ པ་ཙྩ་ཡཱ་ནུ་ལོ་མ་པ་ཙྩ་ནཱི་ཡ་ཉྩ. ཏ་ཏྠ ‘‘ཀུ་ས་ལཱ དྷ་མྨཱ’’ཏི ཨེ་ཝཾ ཨ་བྷི་དྷ་མྨ་མཱ་ཏི་ཀཱ་པ་དེ་ཧི ས་ངྒ་ཧི་ཏཱ་ནཾ དྷ་མྨཱ་ནཾ ‘‘ཀུ་ས་ལཾ དྷ་མྨཾ པ་ཊི་ཙྩ ན ཀུ་ས་ལོ དྷ་མྨོ’’ཏི ཨ་ནུ་ལོ་མ་པ་ཙྩ་ནཱི་ཡ་དེ་ས་ནཱ་ཝ་སེ་ན པ་ཝ་ཏྟཾ དྷ་མྨཱ་ནུ་ལོ་མ་པ་ཙྩ་ནཱི་ཡཾ ནཱ་མ. ‘‘ཧེ་ཏུ་པ་ཙྩ་ཡཱ ན་ཨཱ་ར་མྨ་ཎ་པ་ཙྩ་ཡཱ’’ཏི ཨེ་ཝཾ ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ ལ་བྦྷ་མཱ་ན་པ་དཱ་ནཾ ཨ་ནུ་ལོ་མ་པ་ཙྩ་ནཱི་ཡ་དེ་ས་ནཱ་ཝ་སེ་ན པ་ཝ་ཏྟཾ པ་ཙྩ་ཡཱ་ནུ་ལོ་མ་པ་ཙྩ་ནཱི་ཡཾ ནཱ་མ. ཏ་ཏྠ ཧེ་ཊྛཱ ཨ་ཊྛ་ཀ་ཐཱ་ཡཾ ‘‘ཏི་ཀ་ཉྩ པ་ཊྛཱ་ན་ཝ་རཾ…པེ… ཚ ཨ་ནུ་ལོ་མ་པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ’’ཏི ཨ་ཡཾ གཱ་ཐཱ དྷ་མྨཱ་ནུ་ལོ་མ་པ་ཙྩ་ནཱི་ཡཾ ས་ནྡྷཱ་ཡ ཝུ་ཏྟཱ. ཨི་དྷ པ་ན ཨ་ཡཾ གཱ་ཐཱ དྷ་མྨཱ་ནུ་ལོ་མེ་ཡེ་ཝ པ་ཙྩ་ཡཱ་ནུ་ལོ་མ་པ་ཙྩ་ནཱི་ཡཾ ས་ནྡྷཱ་ཡ ཝུ་ཏྟཱ. ཏ་སྨཱ ‘‘ཚ ཨ་ནུ་ལོ་མ་པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ’’ཏི ཨ་ཊྛ་ཀ་ཐཱ་གཱ་ཐཱ་ཡ དྷ་མྨཱ་ནུ་ལོ་མ་པ་ཙྩ་ནཱི་ཡེ ཏི་ཀ་པ་ཊྛཱ་ནཱ་ད་ཡོ ཚ ན་ཡཱ སུ་ག་མྦྷཱི་རཱ་ཏི ཨེ་ཝ་མ་ཏྠོ ཝེ་དི་ཏ་བྦོ. ཨི་མ་སྨིཾ པ་ནོ་ཀཱ་སེ ཧེ་ཏུ་པ་ཙྩ་ཡཱ ནཱ་ར་མྨ་ཎ་པ་ཙྩ་ཡཱ་ཏི ཨེ་ཝཾ པ་ཝ་ཏྟེ པ་ཙྩ་ཡཱ་ནུ་ལོ་མ་པ་ཙྩ་ནཱི་ཡེ ཨེ་ཏེ དྷ་མྨཱ་ནུ་ལོ་མེ་ཡེ་ཝ ཏི་ཀ་པ་ཊྛཱ་ནཱ་ད་ཡོ ཚ ན་ཡཱ སུ་ག་མྦྷཱི་རཱ་ཏི ཨེ་ཝ་མ་ཏྠོ ཝེ་དི་ཏ་བྦོ.

ཏེ་སུ ཨ་ནུ་ལོ་མེ ཏི་ཀ་པ་ཊྛཱ་ནེ་ཡེ་ཝ ཀུ་ས་ལ་ཏྟི་ཀ་མ་ཏྟ་སྶ ཝ་སེ་ན ཨ་ཡཾ ཨི་མ་སྨིཾ པ་ཊི་ཙྩ་ཝཱ་ར་སྶ པ་ཎྞ་ཏྟི་ཝཱ་རེ ས་ངྑི་པི་ཏྭཱ པུ་ཙྪཱ་པ་བྷེ་དོ ད་སྶི་ཏོ. སེ་སེ་སུ པ་ན ཏི་ཀེ་སུ སེ་ས་པ་ཊྛཱ་ནེ་སུ ཙ ཨེ་ཀཱ་པི པུ་ཙྪཱ ན ད་སྶི་ཏཱ. ཏ་ཏོ པ་རེ་སུ པ་ན ས་ཧ་ཛཱ་ཏ་ཝཱ་རཱ་དཱི་སུ ཀུ་ས་ལ་ཏྟི་ཀ་སྶཱ་པི ཝ་སེ་ན པུ་ཙྪཾ ཨ་ནུ་དྡྷ་རི་ཏྭཱ ལ་བྦྷ་མཱ་ན་ཀ་ཝ་སེ་ན ཝི་སྶ་ཛྫ་ན་མེ་ཝ ད་སྶི་ཏཾ. ‘‘ཚ ཨ་ནུ་ལོ་མ་པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ’’ཏི ཝ་ཙ་ན་ཏོ པ་ན ཨི་མ་སྨིཾ པ་ཙྩ་ཡཱ་ནུ་ལོ་མ་པ་ཙྩ་ནཱི་ཡེ ཚ་པི ཨེ་ཏེ པ་ཊྛཱ་ན་ན་ཡཱ པུ་ཙྪཱ་ཝ་སེ་ན ཨུ་དྡྷ་རི་ཏྭཱ ད་སྶེ་ཏ་བྦཱ. པ་ཊྛཱ་ནཾ ཝ་ཎྞ་ཡ་ནྟཱ་ན་ཉྷི ཨཱ་ཙ་རི་ཡཱ་ནཾ བྷཱ་རོ ཨེ་སོ་ཏི.