༡༠. ཨི་ནྡྲི་ཡ་ཡ་མ་ཀཾ
ཨི་དཱ་ནི ཏེ་ས་ཉྙེ་ཝ མཱུ་ལ་ཡ་མ་ཀེ དེ་སི་ཏཱ་ནཾ ཀུ་ས་ལཱ་དི་དྷ་མྨཱ་ནཾ ལ་བྦྷ་མཱ་ན་ཝ་སེ་ན ཨེ་ཀ་དེ་སཾ སཾ་ག་ཎྷི་ཏྭཱ དྷ་མྨ་ཡ་མ་ཀཱ་ན་ནྟ་རཾ དེ་སི་ཏ་སྶ ཨི་ནྡྲི་ཡ་ཡ་མ་ཀ་སྶ ཝ་ཎྞ་ནཱ ཧོ་ཏི. ཏ་ཏྠ ཁ་ནྡྷ་ཡ་མ་ཀཱ་དཱི་སུ ཝུ་ཏྟ་ན་ཡེ་ནེ་ཝ པཱ་ལི༹་ཝ་ཝ་ཏྠཱ་ནཾ ཝེ་དི་ཏ་བྦཾ. ཨི་དྷཱ་པི ཧི པ་ཎྞ་ཏྟི་ཝཱ་རཱ་ད་ཡོ ཏ་ཡོ མ་ཧཱ་ཝཱ་རཱ ཨ་ཝ་སེ་སཱ ཨ་ནྟ་ར་ཝཱ་རཱ ཙ ས་དྡྷིཾ ཀཱ་ལ་པྤ་བྷེ་དཱ་དཱི་ཧི ཁ་ནྡྷ་ཡ་མ་ཀཱ་དཱི་སུ ཨཱ་ག་ཏ་ས་དི་སཱ་ཝ. ཨི་ནྡྲི་ཡཱ་ནཾ པ་ན བ་ཧུ་ཏཱ་ཡ དྷཱ་ཏུ་ཡ་མ་ཀ་ཏོ་པི བ་ཧུ་ཏ་རཱ་ནི ཡ་མ་ཀཱ་ནི ཧོ་ནྟི. ཡ་ཐཱ པ་ན ཧེ་ཊྛཱ པུ་གྒ་ལ་ཝཱ་རཱ་དཱི་སུ ཙ་ཀྑཱ་ཡ་ཏ་ན་ཙ་ཀྑུ་དྷཱ་ཏུ་མཱུ་ལ་ཀེ ན་ཡེ ཙ་ཀྑཱ་ཡ་ཏ་ན་ཙ་ཀྑུ་དྷཱ་ཏཱུ་ཧི ས་དྡྷིཾ ཛི་ཝ྄ཧཱ་ཡ་ཏ་ན་ཀཱ་ཡཱ་ཡ་ཏ་ནཱ་ནི ན ཡོ་ཛི་ཏཱ་ནི. ཛི་ཝ྄ཧཱ་ཡ་ཏ་ན་ཀཱ་ཡཱ་ཡ་ཏ་ན་མཱུ་ལ་ཀཱ་ནི ཙ ཡ་མ་ཀཱ་ནེ་ཝ ན ག་ཧི་ཏཱ་ནི, ཏ་ཐཱ ཨི་དྷཱ་པི ཙ་ཀྑུ་ནྡྲི་ཡ་མཱུ་ལ་ཀེ ན་ཡེ ཛི་ཝ྄ཧི་ནྡྲི་ཡ་ཀཱ་ཡི་ནྡྲི་ཡཱ་ནི ན ཡོ་ཛི་ཏཱ་ནི, ཛི་ཝ྄ཧི་ནྡྲི་ཡ་ཀཱ་ཡི་ནྡྲི་ཡ་མཱུ་ལ་ཀཱ་ནི ཙ ཡ་མ་ཀཱ་ནེ་ཝ ན ག་ཧི་ཏཱ་ནི. ཏེ་སཾ ཨ་གྒ་ཧ་ཎེ ཀཱ་ར་ཎཾ ཏ་ཏྠ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. མ་ནི་ནྡྲི་ཡཾ པ་ན ཡ་ཐཱ ཙ་ཀྑུ་ནྡྲི་ཡཱ་དི་མཱུ་ལ་ཀེ་ཧི ཏ་ཐེ་ཝ ཨི་ཏྠི་ནྡྲི་ཡཱ་དི་མཱུ་ལ་ཀེ་ཧི་པི ས་དྡྷིཾ ཡ་སྨཱ ཡོ་ཛ་ནཾ ག་ཙྪ་ཏི, ཏ་སྨཱ ནི་ཀྑི་ཏྟ་པ་ཊི་པཱ་ཊི་ཡཱ ཨ་ཡོ་ཛེ་ཏྭཱ ས་བྦེ་ཧི་པི ཙ་ཀྑུ་ནྡྲི་ཡ་མཱུ་ལ་ཀཱ་དཱི་ཧི ས་དྡྷིཾ པ་རི་ཡོ་སཱ་ནེ ཡོ་ཛི་ཏ་ནྟི ཝེ་དི་ཏ་བྦཾ. ཙ་ཀྑུ་ནྡྲི་ཡེ་ན ས་དྡྷིཾ ཨི་ཏྠི་ནྡྲི་ཡ་པུ་རི་སི་ནྡྲི་ཡ་ཛཱི་ཝི་ཏི་ནྡྲི་ཡཱ་ནི ཡོ་ཛི་ཏཱ་ནི སུ་ཁི་ནྡྲི་ཡ་དུ་ཀྑི་ནྡྲི་ཡ་དོ་མ་ན་སྶི་ནྡྲི་ཡཱ་ནི པ་ཊི་ས་ནྡྷི་ཡཾ ན་ཏྠཱི་ཏི ན ག་ཧི་ཏཱ་ནི. སོ་མ་ན་སྶི་ནྡྲི་ཡ་ཨུ་པེ་ཀྑི་ནྡྲི་ཡཱ་ནི པ་ཊི་ས་ནྡྷི་ཡཾ ཨུ་པྤ་ཏྟི་ས་བྦྷཱ་ཝ་ཏོ ག་ཧི་ཏཱ་ནི. ཏ་ཐཱ ས་དྡྷི་ནྡྲི་ཡཱ་དཱི་ནི པ་ཉྩ. ལོ་ཀུ་ཏྟ་རཱ་ནི ཏཱི་ཎི པ་ཊི་ས་ནྡྷི་ཡཾ ཨ་བྷཱ་ཝེ་ནེ་ཝ ན ག་ཧི་ཏཱ་ནི. ཨི་ཏི ཡཱ་ནི ག་ཧི་ཏཱ་ནི, ཏེ་སཾ ཝ་སེ་ནེ་ཏྠ ཙ་ཀྑུ་ནྡྲི་ཡ་མཱུ་ལ་ཀེ ན་ཡེ ཡ་མ་ཀ་ག་ཎ་ནཱ ཝེ་དི་ཏ་བྦཱ. ཡ་ཐཱ ཙེ་ཏྠ, ཨེ་ཝཾ ས་བྦ་ཏྠ. ཡཱ་ནི པ་ན ན ག་ཧི་ཏཱ་ནི, ཏེ་སཾ ཝ་སེ་ན ཡ་མ་ཀཱ་ནི ན ག་ཎེ་ཏ་བྦཱ་ནི. ག་ཎེ་ནྟེ་ན ཝཱ མོ་གྷ་པུ་ཙྪཱ་ཝ་སེ་ན ག་ཎེ་ཏ་བྦཱ་ནཱི་ཏི ཨེ་ཝཾ ཏཱ་ཝ ས་བྦ་ཝཱ་རེ་སུ པཱ་ལི༹་ཝ་ཝ་ཏྠཱ་ན་མེ་ཝ ཝེ་དི་ཏ་བྦཾ.
པ་ཝ་ཏྟི་ཝཱ་ར་ཝ་ཎྞ་ནཱ
༡-༨༦. ཨ་ཏྠ་ཝི་ནི་ཙྪ་ཡེ པ་ནེ་ཏྠ ཨི་དཾ ན་ཡ་མུ་ཁཾ – ས་ཙ་ཀྑུ་ཀཱ་ནཾ ན ཨི་ཏྠཱི་ནནྟི བྲ་ཧྨ་པཱ་རི་ས་ཛྫཱ་དཱི་ན་ཉྩེ་ཝ རཱུ་པཱི་ནཾ པུ་རི་ས་ན་པུཾ་ས་ཀཱ་ན་ཉྩ ཝ་སེ་ན ཝུ་ཏྟཾ. ཏེ་ས་ཉྷི ཨི་ཏྠི་ནྡྲི་ཡཾ ནུ་པྤ་ཛྫ་ཏི. ས་ཙ་ཀྑུ་ཀཱ་ནཾ ན པུ་རི་སཱ་ནནྟི རཱུ་པཱི་བྲ་ཧྨཱ་ན་ཉྩེ་ཝ ཨི་ཏྠི་ན་པུཾ་ས་ཀཱ་ན་ཉྩ ཝ་སེ་ན ཝུ་ཏྟཾ. ཏེ་ས་ཉྷི པུ་རི་སི་ནྡྲི་ཡཾ ནུ་པྤ་ཛྫ་ཏི. ཨ་ཙ་ཀྑུ་ཀཱ་ནཾ ཨུ་པ་པ་ཛྫ་ནྟཱ་ནཾ ཏེ་སཾ ཛཱི་ཝི་ཏི་ནྡྲི་ཡཾ ཨུ་པྤ་ཛྫ་ཏཱིཏི ཨེ་ཀ་ཝོ་ཀཱ་ར་ཙ་ཏུ་ཝོ་ཀཱ་ར་ཀཱ་མ་དྷཱ་ཏུ་ས་ཏྟེ ས་ནྡྷཱ་ཡ ཝུ་ཏྟཾ. ས་ཙ་ཀྑུ་ཀཱ་ནཾ ཝི་ནཱ སོ་མ་ན་སྶེ་ནཱཏི ཨུ་པེ་ཀྑཱ་ས་ཧ་ག་ཏཱ་ནཾ ཙ་ཏུ་ནྣཾ མ་ཧཱ་ཝི་པཱ་ཀ་པ་ཊི་ས་ནྡྷཱི་ནཾ ཝ་སེ་ན ཝུ་ཏྟཾ. ས་ཙ་ཀྑུ་ཀཱ་ནཾ ཝི་ནཱ ཨུ་པེ་ཀྑཱ་ཡཱཏི སོ་མ་ན་སྶ་ས་ཧ་ག་ཏ་པ་ཊི་ས་ནྡྷི་ཀཱ་ནཾ ཝ་སེ་ན ཝུ་ཏྟཾ. ཨུ་པེ་ཀྑཱ་ཡ ཨ་ཙ་ཀྑུ་ཀཱ་ནནྟི ཨ་ཧེ་ཏུ་ཀ་པ་ཊི་ས་ནྡྷི་ཝ་སེ་ན ཝུ་ཏྟཾ. ཨ་ཧེ་ཏུ་ཀཱ་ནནྟི ཨ་ཧེ་ཏུ་ཀ་པ་ཊི་ས་ནྡྷི་ཙི་ཏྟེ་ན ས་དྡྷིཾ ས་དྡྷི་ནྡྲི་ཡཱ་དཱི་ནཾ ཨ་བྷཱ་ཝ་ཏོ ཝུ་ཏྟཾ. ཏ་ཏྠ ཧི ཨེ་ཀ་ནྟེ་ནེ་ཝ ས་དྡྷཱ་ས་ཏི་པ་ཉྙཱ་ཡོ ན་ཏྠི. ས་མཱ་དྷི་ཝཱི་རི་ཡཱ་ནི པ་ན ཨི་ནྡྲི་ཡ་པྤ་ཏྟཱ་ནི ན ཧོ་ནྟི. ས་ཧེ་ཏུ་ཀཱ་ནཾ ཨ་ཙ་ཀྑུ་ཀཱ་ནནྟི ག་བྦྷ་སེ་ཡྻ་ཀ་ཝ་སེ་ན ཙེ་ཝ ཨ་རཱུ་པཱི་ཝ་སེ་ན ཙ ཝུ་ཏྟཾ. ཨ་ཉྙོ ཧི ས་ཧེ་ཏུ་ཀོ ཨ་ཙ་ཀྑུ་ཀོ ནཱ་མ ན་ཏྠི. ས་ཙ་ཀྑུ་ཀཱ་ནཾ ཨ་ཧེ་ཏུ་ཀཱ་ནནྟི ཨ་པཱ་ཡེ ཨོ་པ་པཱ་ཏི་ཀ་ཝ་སེ་ན ཝུ་ཏྟཾ. ས་ཙ་ཀྑུ་ཀཱ་ནཾ ཉཱ་ཎ་ཝི་པྤ་ཡུ་ཏྟཱ་ནནྟི ཀཱ་མ་དྷཱ་ཏུ་ཡཾ དུ་ཧེ་ཏུ་ཀ་པ་ཊི་ས་ནྡྷི་ཀཱ་ནཾ ཝ་སེ་ན ཝུ་ཏྟཾ. ས་ཙ་ཀྑུ་ཀཱ་ནཾ ཉཱ་ཎ་ས་མྤ་ཡུ་ཏྟཱ་ནནྟི རཱུ་པཱི་བྲ་ཧྨཱ་ནོ ཙེ་ཝ ཀཱ་མཱ་ཝ་ཙ་ར་དེ་ཝ་མ་ནུ་སྶེ ཙ ས་ནྡྷཱ་ཡ ཝུ་ཏྟཾ. ཉཱ་ཎ་ས་མྤ་ཡུ་ཏྟཱ་ནཾ ཨ་ཙ་ཀྑུ་ཀཱ་ནནྟི ཨ་རཱུ་པི་ནོ ཙ ཏི་ཧེ་ཏུ་ཀ་ག་བྦྷ་སེ་ཡྻ་ཀེ ཙ ས་ནྡྷཱ་ཡ ཝུ་ཏྟཾ.
༡༩༠. ཛཱི་ཝི་ཏི་ནྡྲི་ཡ་མཱུ་ལ་ཀེ ཝི་ནཱ སོ་མ་ན་སྶེ་ན ཨུ་པ་པ་ཛྫ་ནྟཱ་ནནྟི དྭེ་པི ཛཱི་ཝི་ཏི་ནྡྲི་ཡཱ་ནི ས་ནྡྷཱ་ཡ ཝུ་ཏྟཾ. པ་ཝ་ཏྟེ སོ་མ་ན་སྶ་ཝི་པྤ་ཡུ་ཏྟ་ཙི་ཏྟ་སྶ ཨུ་པྤཱ་ད་ཀྑ་ཎེཏི ཨ་རཱུ་པ་ཛཱི་ཝི་ཏི་ནྡྲི་ཡཾ ས་ནྡྷཱ་ཡ ཝུ་ཏྟཾ. ཨི་མི་ནཱ ན་ཡེ་ན ས་བྦ་ཏྠཱ་པི པ་ཊི་ས་ནྡྷི་པ་ཝ་ཏྟི་ཝ་སེ་ན ཛཱི་ཝི་ཏི་ནྡྲི་ཡ་ཡོ་ཛ་ནཱ ཝེ་དི་ཏ་བྦཱ. སོ་མ་ན་སྶི་ནྡྲི་ཡཱ་དི་མཱུ་ལ་ཀེ་སུ་པི པ་ཊི་ས་ནྡྷི་པ་ཝ་ཏྟི་ཝ་སེ་ནེ་ཝ་ཏྠོ ག་ཧེ་ཏ་བྦོ. པ་ཊི་ལོ་མ་ན་ཡེ པ་ན ནི་རོ་དྷ་ཝཱ་རེ ཙ ཨེ་ཏེ་ས་ཉྩེ་ཝ ཨ་ཉྙེ་ས་ཉྩ དྷ་མྨཱ་ནཾ ཡ་ཐཱ་ལཱ་བྷ་ཝ་སེ་ན ཙུ་ཏི་པ་ཊི་ས་ནྡྷི་པ་ཝ་ཏྟེ་སུ ཏཱི་སུ་པི ཨ་ནུ་པྤཱ་ད་ནི་རོ་དྷཱ ཝེ་དི་ཏ་བྦཱ.
༢༨༡. ཨ་ནཱ་ག་ཏ་ཝཱ་རེ ཨེ་ཏེ་ནེ་ཝ བྷཱ་ཝེ་ནཱཏི ཨེ་ཏེ་ན པུ་རི་ས་བྷཱ་ཝེ་ནེ་ཝ, ཨ་ནྟ་རཱ ཨི་ཏྠི་བྷཱ་ཝཾ ཨ་ནཱ་པ་ཛྫི་ཏྭཱ པུ་རི་ས་པ་ཊི་ས་ནྡྷི་གྒ་ཧ་ཎེ་ནེ་ཝཱ་ཏི ཨ་ཏྠོ. ཀ་ཏི་ཙི བྷ་ཝེ ད་སྶེ་ཏྭཱ པ་རི་ནི་བྦཱ་ཡི་སྶ་ནྟཱིཏི ཀ་ཏི་ཙི པ་ཊི་ས་ནྡྷི་ཡོ ག་ཧེ་ཏྭཱ ཨི་ཏྠི་བྷཱ་ཝཾ ཨ་པྤ་ཏྭཱ་ཝ པ་རི་ནི་བྦཱ་ཡི་སྶ་ནྟཱི་ཏི ཨ་ཏྠོ. དུ་ཏི་ཡ་པུ་ཙྪཱ་ཡ་པི ཨེ་སེ་ཝ ན་ཡོ.
༣༦༡. པ་ཙྩུ་པྤ་ནྣེ་ན ཨ་ཏཱི་ཏ་ཝཱ་རེ སུ་དྡྷཱ་ཝཱ་སཱ་ནཾ ཨུ་པ་པ་ཏྟི་ཙི་ཏྟ་སྶ བྷ་ངྒ་ཀྑ་ཎེ མ་ནི་ནྡྲི་ཡ་ཉྩ ནུ་པྤ་ཛྫི་ཏྠཱཏི ཙི་ཏྟ་ཡ་མ་ཀེ ཝི་ཡ ཨུ་པྤཱ་ད་ཀྑ་ཎཱ་ཏི་ཀྐ་མ་ཝ་སེ་ན ཨ་ཏྠཾ ཨ་གྒ་ཧེ་ཏྭཱ ཏ་སྨིཾ བྷ་ཝེ ཨ་ནུ་པྤ་ནྣ་པུ་བྦ་ཝ་སེ་ན ག་ཧེ་ཏ་བྦོ་ཏི. ཨི་མི་ནཱ ན་ཡ་མུ་ཁེ་ན ས་བྦ་སྨི་མྤི པ་ཝ་ཏྟི་ཝཱ་རེ ཨ་ཏྠ་ཝི་ནི་ཙྪ་ཡོ ཝེ་དི་ཏ་བྦོ.
པ་ཝ་ཏྟི་ཝཱ་ར་ཝ་ཎྞ་ནཱ.
པ་རི་ཉྙཱ་ཝཱ་ར་ཝ་ཎྞ་ནཱ
༤༣༥-༤༨༢. པ་རི་ཉྙཱ་ཝཱ་རེ པ་ན ཙ་ཀྑུ་མཱུ་ལ་ཀཱ་དཱི་སུ ཨེ་ཀ་མེ་ཝ ཙ་ཀྑུ་སོ་ཏ་ཡ་མ་ཀཾ ད་སྶི་ཏཾ. ཡ་སྨཱ པ་ན སེ་སཱ་ནི་པི ལོ་ཀི་ཡ་ཨ་བྱཱ་ཀ་ཏཱ་ནི ཙེ་ཝ ལོ་ཀི་ཡ་ཨ་བྱཱ་ཀ་ཏ་མི་སྶ་ཀཱ་ནི ཙ པ་རི་ཉྙེ་ཡྻཱ་ནེ་ཝ, ཏ་སྨཱ ཏཱ་ནི ཨ་ནུ་པ་དི་ཊྛཱ་ནི་པི ཨི་མི་ནཱ་ཝ ད་སྶི་ཏཱ་ནི ཧོ་ནྟི. ཡ་སྨཱ པ་ན ཨ་ཀུ་ས་ལཾ ཨེ་ཀ་ནྟ་ཏོ པ་ཧཱ་ཏ་བྦ་མེ་ཝ, ཨེ་ཀ་ནྟཾ ཀུ་ས་ལཾ བྷཱ་ཝེ་ཏ་བྦ་མེ་ཝ, ལོ་ཀུ་ཏྟ་རཱ་བྱཱ་ཀ་ཏཾ ས་ཙྪི་ཀཱ་ཏ་བྦཾ, ཏ་སྨཱ ‘‘དོ་མ་ན་སྶི་ནྡྲི་ཡཾ པ་ཛ་ཧ་ཏཱི’’ཏི ‘‘ཨ་ན་ཉྙཱ་ཏ་ཉྙ་སྶཱ་མཱི་ཏི་ནྡྲི་ཡཾ བྷཱ་ཝེ་ཏཱི’’ཏི ‘‘ཨ་ཉྙཱ་ཏཱ་ཝི་ནྡྲི་ཡཾ ས་ཙྪི་ཀ་རོ་ཏཱི’’ཏི ཝུ་ཏྟཾ. ཨ་ཉྙི་ནྡྲི་ཡཾ པ་ན བྷཱ་ཝེ་ཏ་བྦ་མྤི ཨ་ཏྠི ས་ཙྪི་ཀཱ་ཏ་བྦ་མྤི, ཏཾ བྷཱ་ཝ་ནཱ་ཝ་སེ་ནེ་ཝ ག་ཧི་ཏཾ. ཏ་ཏྠ དྭེ པུ་གྒ་ལཱཏི ས་ཀ་དཱ་གཱ་མི་མ་གྒ་ས་མ་ངྒཱི ཙ, ཨ་ར་ཧ་ཏྟ་མ་གྒ་ས་མ་ངྒཱི ཙ. ཏེ་སུ ཨེ་ཀོ ས་མུ་ཙྪི་ནྡི་ཏུཾ ཨ་ས་མ་ཏྠ་ཏྟཱ དོ་མ་ན་སྶི་ནྡྲི་ཡཾ ན པ་ཛ་ཧ་ཏི ནཱ་མ. ཨེ་ཀོ པ་ཧཱི་ན་དོ་ས་ཏྟཱ ཙ་ཀྑུ་ནྡྲི་ཡཾ ན པ་རི་ཛཱ་ནཱ་ཏཱིཏི ཨ་ནུ་པྤཱ་དཾ ཨཱ་པཱ་དེ་ཏུཾ ཨ་ས་མ་ཏྠ་ཏཱ་ཡ ན པ་རི་ཛཱ་ནཱ་ཏི. ཨི་མི་ནཱ ན་ཡེ་ན ས་བྦ་ཝི་སྶ་ཛྫ་ནེ་སུ ཨ་ཏྠོ ཝེ་དི་ཏ་བྦོ་ཏི.
པ་རི་ཉྙཱ་ཝཱ་ར་ཝ་ཎྞ་ནཱ.
ཨི་ནྡྲི་ཡ་ཡ་མ་ཀ་ཝ་ཎྞ་ནཱ ནི་ཊྛི་ཏཱ.
ནི་ག་མ་ན་ཀ་ཐཱ
ཨེ་ཏྟཱ་ཝ་ཏཱ ཙ –
ཡ་སྶོ་ཝཱ་དེ ཋ་ཏྭཱ, ནི་ཊྛི་ཏ་ཀི་ཙྩ་སྶ ཀི་ཙྩ་ས་མྤ་ནྣོ;
ཡུ་ཝ་ཏི་ཛ་ནོ་པི ཨ་ཏཱི་ཏོ, སུ་ཝི་ཧི་ཏ་ནི་ཡ་མོ ཡ་མ་སྶཱ་ཎཾ.
དེ་ཝ་པ་རི་སཱ་ཡ མ་ཛ྄ཛྷེ, དེ་ཝ་པུ་རེ ས་བྦ་དེ་ཝ་དེ་ཝེ་ན;
ཡ་མ་ཀཾ ནཱ་མ པ་ཀཱ་སི་ཏཾ, ཡ་མཱ་མ་ལ་ལོ་མེ་ན ཡཾ ཏེ་ན.
པཱ་ལི༹་ཝ་ཝ་ཏྠཱ་ན་ཝི་དྷིཾ, པུ་ཙྪཱ་ཝི་སྶ་ཛྫ་ནེ ཙ ཨ་ཏྠ་ན་ཡཾ;
ད་སྶེ་ཏུཾ ཨཱ་ར་དྡྷཱ, ཡ་མ་ཀ་ཨ་ཊྛ་ཀ་ཐཱ མ་ཡཱ ཏ་སྶ.
སཱ སུ་བ་ཧུ་ཨ་ནྟ་རཱ་ཡེ, ལོ་ཀ་མྷི ཡ་ཐཱ ཨ་ན་ནྟ་རཱ་ཡེ་ན;
ཨ་ཡ་མ་ཛྫ པ་ཉྩ་མ་ཏྟེ་ཧི, ཏ་ནྟི་ཡཱ བྷཱ་ཎ་ཝཱ་རེ་ཧི.
ནི་ཊྛཾ པ་ཏྟཱ ཨེ་ཝཾ, ནི་ཊྛཱ་ནཾ པཱ་པུ་ཎ་ནྟུ ས་བྦེ་པི;
ཧི་ཏ་སུ་ཁ་ནི་བྦ་ཏྟི་ཀ་རཱ, མ་ནོ་ར་ཐཱ ས་བྦ་ས་ཏྟཱ་ན་ནྟི.
ཡ་མ་ཀ་པྤ་ཀ་ར་ཎ-ཨ་ཊྛ་ཀ་ཐཱ ནི་ཊྛི་ཏཱ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཨ་བྷི་དྷ་མྨ་པི་ཊ་ཀེ
པ་ཊྛཱ་ན་པྤ་ཀ་ར་ཎ-ཨ་ཊྛ་ཀ་ཐཱ
དེ་ཝཱ་ཏི་དེ་ཝོ དེ་ཝཱ་ནཾ, དེ་ཝ་དཱ་ན་ཝ་པཱུ་ཛི་ཏོ,
དེ་ས་ཡི་ཏྭཱ པ་ཀ་ར་ཎཾ, ཡ་མ་ཀཾ སུ་དྡྷ་སཾ་ཡ་མོ.
ཨ་ཏྠ་ཏོ དྷ་མྨ་ཏོ ཙེ་ཝ, ག་མྦྷཱི་ར་སྶཱ་ཐ ཏ་སྶ ཡཾ,
ཨ་ན་ནྟ་རཾ མ་ཧཱ་ཝཱི་རོ, ས་ཏྟ་མཾ ཨི་སི་ས་ཏྟ་མོ.
པ་ཊྛཱ་ནཾ ནཱ་མ ནཱ་མེ་ན, ནཱ་མ་རཱུ་པ་ནི་རོ་དྷ་ནོ,
དེ་སེ་སི ཨ་ཏི་ག་མྦྷཱི་ར-ན་ཡ་མ་ཎྜི་ཏ་དེ་ས་ནཾ.
ཨི་དཱ་ནི ཏ་སྶ ས་མྤ་ཏྟོ, ཡ་སྨཱ སཾ་ཝ་ཎྞ་ནཱ་ཀྐ་མོ,
ཏ་སྨཱ ནཾ ཝ་ཎྞ་ཡི་སྶཱ་མི, ཏཾ སུ་ཎཱ་ཐ ས་མཱ་ཧི་ཏཱ་ཏི.
པ་ཙྩ་ཡུ་དྡེ་ས་ཝ་ཎྞ་ནཱ
ས་མྨཱ་ས་མྦུ་དྡྷེ་ན ཧི ཨ་ནུ་ལོ་མ་པ་ཊྛཱ་ནེ དྭཱ་ཝཱི་ས་ཏི ཏི་ཀེ ནི་སྶཱ་ཡ ཏི་ཀ་པ་ཊྛཱ་ནཾ ནཱ་མ ནི་དྡི་ཊྛཾ, ས་ཏཾ དུ་ཀེ ནི་སྶཱ་ཡ དུ་ཀ་པ་ཊྛཱ་ནཾ ནཱ་མ ནི་དྡི་ཊྛཾ. ཏ་ཏོ པ་རཾ དྭཱ་ཝཱི་ས་ཏི ཏི་ཀེ ག་ཧེ་ཏྭཱ དུ་ཀ་ས་ཏེ པ་ཀྑི་པི་ཏྭཱ དུ་ཀ་ཏི་ཀ་པ་ཊྛཱ་ནཾ ནཱ་མ ད་སྶི་ཏཾ. ཏ་ཏོ པ་རཾ དུ་ཀ་ས་ཏཾ ག་ཧེ་ཏྭཱ དྭཱ་ཝཱི་ས་ཏི་ཡཱ ཏི་ཀེ་སུ པ་ཀྑི་པི་ཏྭཱ ཏི་ཀ་དུ་ཀ་པ་ཊྛཱ་ནཾ ནཱ་མ ད་སྶི་ཏཾ. ཏི་ཀེ པ་ན ཏི་ཀེ་སུ་ཡེ་ཝ པ་ཀྑི་པི་ཏྭཱ ཏི་ཀ་ཏི་ཀ་པ་ཊྛཱ་ནཾ ནཱ་མ ད་སྶི་ཏཾ. དུ་ཀེ ཙ དུ་ཀེ་སུ་ཡེ་ཝ པ་ཀྑི་པི་ཏྭཱ དུ་ཀ་དུ་ཀ་པ་ཊྛཱ་ནཾ ནཱ་མ ད་སྶི་ཏཾ. ཨེ་ཝཾ –
ཏི་ཀ་ཉྩ པ་ཊྛཱ་ན་ཝ་རཾ དུ་ཀུ་ཏྟ་མཾ,
དུ་ཀཾ ཏི་ཀ་ཉྩེ་ཝ ཏི་ཀཾ དུ་ཀ་ཉྩ;
ཏི་ཀཾ ཏི་ཀ་ཉྩེ་ཝ དུ་ཀཾ དུ་ཀ་ཉྩ,
ཚ ཨ་ནུ་ལོ་མ་མྷི ན་ཡཱ སུ་ག་མྦྷཱི་རཱ་ཏི.
པ་ཙྩ་ནཱི་ཡ་པ་ཊྛཱ་ནེ་པི དྭཱ་ཝཱི་ས་ཏི ཏི་ཀེ ནི་སྶཱ་ཡ ཏི་ཀ་པ་ཊྛཱ་ནཾ ནཱ་མ. དུ་ཀ་ས་ཏཾ ནི་སྶཱ་ཡ དུ་ཀ་པ་ཊྛཱ་ནཾ ནཱ་མ. དྭཱ་ཝཱི་ས་ཏི ཏི་ཀེ དུ་ཀ་ས་ཏེ པ་ཀྑི་པི་ཏྭཱ དུ་ཀ་ཏི་ཀ་པ་ཊྛཱ་ནཾ ནཱ་མ. དུ་ཀ་ས་ཏཾ དྭཱ་ཝཱི་ས་ཏི་ཡཱ ཏི་ཀེ་སུ པ་ཀྑི་པི་ཏྭཱ ཏི་ཀ་དུ་ཀ་པ་ཊྛཱ་ནཾ ནཱ་མ. ཏི་ཀེ ཏི་ཀེ་སུ་ཡེ་ཝ པ་ཀྑི་པི་ཏྭཱ ཏི་ཀ་ཏི་ཀ་པ་ཊྛཱ་ནཾ ནཱ་མ. དུ་ཀེ དུ་ཀེ་སུ་ཡེ་ཝ པ་ཀྑི་པི་ཏྭཱ དུ་ཀ་དུ་ཀ་པ་ཊྛཱ་ནཾ ནཱ་མཱ་ཏི ཨེ་ཝཾ པ་ཙྩ་ནཱི་ཡེ་པི ཚ་ཧི ན་ཡེ་ཧི པ་ཊྛཱ་ནཾ ནི་དྡི་ཊྛཾ. ཏེ་ན ཝུ་ཏྟཾ –
‘‘ཏི་ཀ་ཉྩ པ་ཊྛཱ་ན་ཝ་རཾ དུ་ཀུ་ཏྟ་མཾ,
དུ་ཀཾ ཏི་ཀ་ཉྩེ་ཝ ཏི་ཀཾ དུ་ཀ་ཉྩ;
ཏི་ཀཾ ཏི་ཀ་ཉྩེ་ཝ དུ་ཀཾ དུ་ཀ་ཉྩ,
ཚ པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ’’ཏི.
ཏ་ཏོ པ་རཾ ཨ་ནུ་ལོ་མ་པ་ཙྩ་ནཱི་ཡེ་པི ཨེ་ཏེ་ནེ་ཝུ་པཱ་ཡེ་ན ཚ ན་ཡཱ ད་སྶི་ཏཱ. ཏེ་ནཱ་ཧ –
‘‘ཏི་ཀ་ཉྩ པ་ཊྛཱ་ན་ཝ་རཾ དུ་ཀུ་ཏྟ་མཾ,
དུ་ཀཾ ཏི་ཀ་ཉྩེ་ཝ ཏི་ཀཾ དུ་ཀ་ཉྩ;
ཏི་ཀཾ ཏི་ཀ་ཉྩེ་ཝ དུ་ཀཾ དུ་ཀ་ཉྩ,
ཚ ཨ་ནུ་ལོ་མ་པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ’’ཏི.
ཏ་ད་ན་ནྟ་རཾ པ་ཙྩ་ནཱི་ཡཱ་ནུ་ལོ་མ་མྷི ཨེ་ཏེ་ཧེ་ཝ ཚ་ཧི ན་ཡེ་ཧི ནི་དྡི་ཊྛཾ. ཏེ་ནཱ་ཧ –
‘‘ཏི་ཀ་ཉྩ པ་ཊྛཱ་ན་ཝ་རཾ དུ་ཀུ་ཏྟ་མཾ,
དུ་ཀཾ ཏི་ཀ་ཉྩེ་ཝ ཏི་ཀཾ དུ་ཀ་ཉྩ;
ཏི་ཀཾ ཏི་ཀ་ཉྩེ་ཝ དུ་ཀཾ དུ་ཀ་ཉྩ,
ཚ པ་ཙྩ་ནཱི་ཡཱ་ནུ་ལོ་མ་མྷི ན་ཡཱ སུ་ག་མྦྷཱི་རཱ’’ཏི.
ཨེ་ཝཾ ཨ་ནུ་ལོ་མེ ཚ པ་ཊྛཱ་ནཱ་ནི, པ་ཙྩ་ནཱི་ཡེ ཚ, ཨ་ནུ་ལོ་མ་པ་ཙྩ་ནཱི་ཡེ ཚ, པ་ཙྩ་ནཱི་ཡཱ་ནུ་ལོ་མེ ཚ པ་ཊྛཱ་ནཱ་ནཱི་ཏི ཨི་དཾ ‘‘ཙ་ཏུ་ཝཱི་ས་ཏི་ས་མ་ནྟ་པ་ཊྛཱ་ན་ས་མོ་དྷཱ་ན་པ་ཊྛཱ་ན་མ་ཧཱ་པ་ཀ་ར་ཎཾ ནཱ་མཱ’’ཏི ཧི ཝུ་ཏྟཾ.
ཏ་ཏྠ ཡེ་སཾ ཙ་ཏུ་ཝཱི་ས་ཏི་ཡཱ ས་མ་ནྟ་པ་ཊྛཱ་ནཱ་ནཾ ས་མོ་དྷཱ་ན་ཝ་སེ་ནེ་ཏཾ ཙ་ཏུ་ཝཱི་ས་ཏི་ས་མ་ནྟ་པ་ཊྛཱ་ན་ས་མོ་དྷཱ་ནཾ པ་ཊྛཱ་ན་མ་ཧཱ་པ་ཀ་ར་ཎཾ ནཱ་མཱ་ཏི ཝུ་ཏྟཾ, ཏེ་ས་ཉྩེ་ཝ ཨི་མ་སྶ ཙ པ་ཀ་ར་ཎ་སྶ ནཱ་མ་ཏྠོ ཏཱ་ཝ ཨེ་ཝཾ ཝེ་དི་ཏ་བྦོ. ཀེ་ན་ཊྛེ་ན པ་ཊྛཱ་ནནྟི? ནཱ་ན་པྤ་ཀཱ་ར་པ་ཙྩ་ཡ་ཊྛེ་ན. ‘པ-ཀཱ་རོ’ ཧི ནཱ་ན་པྤ་ཀཱ་ར་ཏྠཾ དཱི་པེ་ཏི, ཋཱ་ན་ས་དྡོ པ་ཙྩ་ཡ་ཏྠཾ. ཋཱ་ནཱ་ཊྛཱ་ན་ཀུ་ས་ལ་ཏཱ་ཏི་ཨཱ་དཱི་སུ ཧི པ་ཙྩ་ཡོ ཋཱ་ན་ནྟི ཝུ་ཏྟོ. ཨི་ཏི ནཱ་ན་པྤ་ཀཱ་རཱ་ནཾ པ་ཙྩ་ཡཱ་ནཾ ཝ་སེ་ན དེ་སི་ཏ་ཏྟཱ ཨི་མེ་སུ ཙ་ཏུ་ཝཱི་ས་ཏི་ཡཱ པ་ཊྛཱ་ནེ་སུ ཨེ་ཀེ་ཀཾ པ་ཊྛཱ་ནཾ ནཱ་མ. ཨི་མེ་སཾ པ་ན པ་ཊྛཱ་ནཱ་ནཾ ས་མཱུ་ཧ་ཏོ ས་བྦ་མྤེ་ཏཾ པ་ཀ་ར་ཎཾ པ་ཊྛཱ་ན་ནྟི ཝེ་དི་ཏ་བྦཾ.
ཨ་པ་རོ ན་ཡོ – ཀེ་ན་ཊྛེ་ན པ་ཊྛཱ་ན་ནྟི? ཝི་བྷ་ཛ་ན་ཊྛེ་ན. ‘‘པ་ཉྙཱ་པ་ནཱ པ་ཊྛ་པ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀ་མྨ’’ནྟི (མ. ནི. ༡.༣༧༡) ཨཱ་ག་ཏ་ཊྛཱ་ན་སྨི་ཉྷི ཝི་བྷ་ཛ་ན་ཊྛེ་ན པ་ཊྛཱ་ནཾ པ་ཉྙཱ་ཡ་ཏི. ཨི་ཏི ཀུ་ས་ལཱ་དཱི་ནཾ དྷ་མྨཱ་ནཾ ཧེ་ཏུ་པ་ཙྩ་ཡཱ་དི་ཝ་སེ་ན ཝི་བྷ་ཏྟ་ཏྟཱ ཨི་མེ་སུ ཙ་ཏུ་ཝཱི་ས་ཏི་ཡཱ པ་ཊྛཱ་ནེ་སུ ཨེ་ཀེ་ཀཾ པ་ཊྛཱ་ནཾ ནཱ་མ. ཨི་མེ་སཾ པ་ན པ་ཊྛཱ་ནཱ་ནཾ ས་མཱུ་ཧ་ཏོ ས་བྦ་མྤེ་ཏཾ པ་ཀ་ར་ཎཾ པ་ཊྛཱ་ནཾ ནཱ་མཱ་ཏི ཝེ་དི་ཏ་བྦཾ.
ཨ་པ་རོ ན་ཡོ – ཀེ་ན་ཊྛེ་ན པ་ཊྛཱ་ན་ནྟི? པ་ཊྛི་ཏ་ཏྠེ་ན. ག་མ་ན་ཊྛེ་ནཱ་ཏི ཨ་ཏྠོ. ‘‘གོ་ཊྛཱ པ་ཊྛི་ཏ་གཱ་ཝོ’’ཏི (མ. ནི. ༡.༡༥༦) ཨཱ་ག་ཏ་ཊྛཱ་ན་སྨི་ཉྷི ཡེ་ན པ་ཊྛཱ་ནེ་ན པ་ཊྛི་ཏ་གཱ་ཝོ་ཏི ཝུ་ཏྟོ, ཏཾ ཨ་ཏྠ་ཏོ ག་མ་ནཾ ཧོ་ཏི. ཨི་ཏི ནཱ་ཏི་ཝི་ཏྠཱ་རི་ཏ་ན་ཡེ་སུ དྷ་མྨ་ས་ངྒ་ཎཱི་ཨཱ་དཱི་སུ ཨ་ནི་སྶ་ངྒ་ག་མ་ན་སྶ ས་བྦ་ཉྙུ་ཏ་ཉྙཱ་ཎ་སྶ ཧེ་ཏུ་པ་ཙྩ་ཡཱ་དི་བྷེ་ད་བྷི་ནྣེ་སུ ཀུ་ས་ལཱ་དཱི་སུ ཝི་ཏྠཱ་རི་ཏ་ན་ཡ་ལཱ་བྷ་ཏོ ནི་སྶ་ངྒ་ཝ་སེ་ན པ་ཝ་ཏྟ་ག་མ་ན་ཏྟཱ ཨི་མེ་སུ ཙ་ཏུ་ཝཱི་ས་ཏི་ཡཱ པ་ཊྛཱ་ནེ་སུ ཨེ་ཀེ་ཀཾ པ་ཊྛཱ་ནཾ ནཱ་མ. ཨི་མེ་སཾ པ་ན པ་ཊྛཱ་ནཱ་ནཾ ས་མཱུ་ཧ་ཏོ ས་བྦ་མྤེ་ཏཾ པ་ཀ་ར་ཎཾ པ་ཊྛཱ་ནཾ ནཱ་མཱ་ཏི ཝེ་དི་ཏ་བྦཾ.
ཏ་ཏྠ ཨ་ནུ་ལོ་མ་མྷི ཏཱ་ཝ པ་ཋ་མཾ ཏི་ཀ་ཝ་སེ་ན དེ་སི་ཏ་ཏྟཱ ཏི་ཀ་པ་ཊྛཱ་ནཾ ནཱ་མ. ཏ་སྶ པ་ད་ཙྪེ་དོ – ཏི་ཀཱ་ནཾ པ་ཊྛཱ་ནཾ ཨེ་ཏྠ ཨ་ཏྠཱི་ཏི ཏི་ཀ་པ་ཊྛཱ་ནཾ. ཏི་ཀཱ་ནཾ ནཱ་ན་པྤ་ཀཱ་ར་ཀཱ པ་ཙྩ་ཡཱ ཨེ་ཏི་སྶཱ དེ་ས་ནཱ་ཡ ཨ་ཏྠཱི་ཏི ཨ་ཏྠོ. དུ་ཏི་ཡ་ཝི་ཀ་པྤེ་པི ཏི་ཀཱ་ནཾ པ་ཊྛཱ་ན་ནྟྭེ་ཝ ཏི་ཀ་པ་ཊྛཱ་ནཾ. ཧེ་ཏུ་པ་ཙྩ་ཡཱ་དི་ཝ་སེ་ན ཏི་ཀཱ་ནཾ ཝི་བྷ་ཛ་ནཱ་ཏི ཨ་ཏྠོ. ཏ་ཏི་ཡ་ཝི་ཀ་པྤེ ཧེ་ཏུ་པ་ཙྩ་ཡཱ་དི་བྷེ་ད་བྷི་ནྣ་ཏཱ་ཡ ལ་དྡྷ་ཝི་ཏྠཱ་རཱ ཏི་ཀཱ ཨེ་ཝ པ་ཊྛཱ་ནཾ ཏི་ཀ་པ་ཊྛཱ་ནཾ. ས་བྦ་ཉྙུ་ཏ་ཉྙཱ་ཎ་སྶ ནི་སྶ་ངྒ་ག་མ་ན་བྷཱུ་མཱི་ཏི ཨ་ཏྠོ. དུ་ཀ་པ་ཊྛཱ་ནཱ་དཱི་སུ་པི ཨེ་སེ་ཝ ན་ཡོ. ཨེ་ཝཾ ཨ་ནུ་ལོ་མེ ཚ་པ་ཊྛཱ་ནཱ་ནི ཝི་དི་ཏྭཱ པ་ཙྩ་ནཱི་ཡཱ་དཱི་སུ་པི ཨི་མི་ནཱ་ཝུ་པཱ་ཡེ་ན ཝེ་དི་ཏ་བྦཱ་ནི.
ཡ་སྨཱ པ་ནེ་ཏཱ་ནི ཨ་ནུ་ལོ་མེ, པ་ཙྩ་ནཱི་ཡེ, ཨ་ནུ་ལོ་མ་པ་ཙྩ་ནཱི་ཡེ, པ་ཙྩ་ནཱི་ཡཱ་ནུ་ལོ་མེ་ཏི ས་མ་ནྟཱ ཚ ཚ ཧུ་ཏྭཱ ཙ་ཏུ་ཝཱི་ས་ཏི ཧོ་ནྟི; ཏ་སྨཱ ‘‘ཙ་ཏུ་ཝཱི་ས་ཏི ས་མ་ནྟ་པ་ཊྛཱ་ནཱ་ནཱི’’ཏི ཝུ་ཙྩ་ནྟི. ཨི་ཏི ཨི་མེ་སཾ ཙ་ཏུ་ཝཱི་ས་ཏི་ཡཱ ཁུ་དྡ་ཀ་པ་ཊྛཱ་ན་ས་ངྑཱ་ཏཱ་ནཾ ས་མ་ནྟ་པ་ཊྛཱ་ནཱ་ནཾ ས་མོ་དྷཱ་ན་ཝ་སེ་ནེ་ཏཾ ཙ་ཏུ་ཝཱི་ས་ཏི་ས་མ་ནྟ་པ་ཊྛཱ་ན་ས་མོ་དྷཱ་ནཾ པ་ཊྛཱ་ན་མ་ཧཱ་པ་ཀ་ར་ཎཾ ནཱ་མ.
ཏཾ པ་ནེ་ཏཾ ཡེ ཏི་ཀཱ་ད་ཡོ ནི་སྶཱ་ཡ ནི་དྡི་ཊྛ་ཏྟཱ ‘‘ཏི་ཀ་པ་ཊྛཱ་ནཾ དུ་ཀ་པ་ཊྛཱ་ནཾ…པེ… དུ་ཀ་དུ་ཀ་པ་ཊྛཱ་ན’’ནྟི ཝུ་ཏྟཾ, ཏེ ཨ་ནཱ་མ་སི་ཏྭཱ ཡེ་སཾ པ་ཙྩ་ཡཱ་ནཾ ཝ་སེ་ན ཏེ ཏི་ཀཱ་ད་ཡོ ཝི་བྷ་ཏྟཱ ཏེ པ་ཙྩ་ཡེ ད་སྶེ་ཏུཾ ཨཱ་དི་ཏོ ཏཱ་ཝ་སྶ མཱ་ཏི་ཀཱ་ནི་ཀྑེ་པ་ཝཱ་རོ ནཱ་མ ཝུ་ཏྟོ; པ་ཙྩ་ཡ་ཝི་བྷ་ངྒ་ཝཱ་རོ་ཏི་པི ཏ་སྶེ་ཝ ནཱ་མཾ. སོ ཨུ་དྡེ་ས་ནི་དྡེ་ས་ཏོ དུ་ཝི་དྷོ. ཏ་སྶ ཧེ་ཏུ་པ་ཙྩ་ཡོ…པེ… ཨ་ཝི་ག་ཏ་པ་ཙྩ་ཡོཏི ཨ་ཡཾ ཨུ་དྡེ་སོ.
ཏ་ཏྠ ཧེ་ཏུ ཙ སོ པ་ཙྩ་ཡོ ཙཱ་ཏི ཧེ་ཏུ་པ་ཙྩ་ཡོ. ཧེ་ཏུ ཧུ་ཏྭཱ པ་ཙྩ་ཡོ, ཧེ་ཏུ་བྷཱ་ཝེ་ན པ་ཙྩ་ཡོ་ཏི ཝུ་ཏྟཾ ཧོ་ཏི. ཨཱ་ར་མྨ་ཎ་པ་ཙྩ་ཡཱ་དཱི་སུ་པི ཨེ་སེ་ཝ ན་ཡོ. ཏ་ཏྠ ཧེ་ཏཱུཏི ཝ་ཙ་ནཱ་ཝ་ཡ་ཝ་ཀཱ་ར་ཎ་མཱུ་ལཱ་ན་མེ་ཏཾ ཨ་དྷི་ཝ་ཙ་ནཾ. ‘‘པ་ཊི་ཉྙཱ ཧེ་ཏཱུ’’ཏི་ཨཱ་དཱི་སུ ཧི ལོ་ཀེ ཝ་ཙ་ནཱ་ཝ་ཡ་ཝོ ཧེ་ཏཱུ་ཏི, ཝུ་ཙྩ་ཏི. སཱ་ས་ནེ པ་ན ‘‘ཡེ དྷ་མྨཱ ཧེ་ཏུ་པྤ་བྷ་ཝཱ’’ཏི་ཨཱ་དཱི་སུ (མ་ཧཱ་ཝ. ༦༠) ཀཱ་ར་ཎཾ. ‘‘ཏ་ཡོ ཀུ་ས་ལཱ ཧེ་ཏཱུ, ཏ་ཡོ ཨ་ཀུ་ས་ལཱ ཧེ་ཏཱུ’’ཏི་ཨཱ་དཱི་སུ (དྷ. ས. ༡༠༥༩) མཱུ་ལཾ ཧེ་ཏཱུ་ཏི ཝུ་ཙྩ་ཏི. ཏཾ ཨི་དྷ ཨ་དྷི་པྤེ་ཏཾ. པ་ཙྩ་ཡོཏི ཨེ་ཏྠ པ་ན ཨ་ཡཾ ཝ་ཙ་ན་ཏྠོ – པ་ཊི་ཙྩ ཨེ་ཏ་སྨཱ ཨེ་ཏཱི་ཏི པ་ཙྩ་ཡོ, ཨ་པྤ་ཙྩ་ཀྑཱ་ཡ ནཾ ཝ་ཏྟ་ཏཱི་ཏི ཨ་ཏྠོ. ཡོ ཧི དྷ་མྨོ ཡཾ དྷ་མྨཾ ཨ་པྤ་ཙྩ་ཀྑཱ་ཡ ཏི་ཊྛ་ཏི ཝཱ ཨུ་པྤ་ཛྫ་ཏི ཝཱ, སོ ཏ་སྶ པ་ཙྩ་ཡོ་ཏི ཝུ་ཏྟཾ ཧོ་ཏི.
ལ་ཀྑ་ཎ་ཏོ པ་ན ཨུ་པ་ཀཱ་ར་ཀ་ལ་ཀྑ་ཎོ པ་ཙྩ་ཡོ, ཡོ ཧི དྷ་མྨོ ཡ་སྶ དྷ་མྨ་སྶ ཋི་ཏི་ཡཱ ཝཱ ཨུ་པྤ་ཏྟི་ཡཱ ཝཱ ཨུ་པ་ཀཱ་ར་ཀོ ཧོ་ཏི, སོ ཏ་སྶ པ་ཙྩ་ཡོ་ཏི ཝུ་ཙྩ་ཏི. པ་ཙྩ་ཡོ, ཧེ་ཏུ; ཀཱ་ར་ཎཾ ནི་དཱ་ནཾ ས་མྦྷ་ཝོ, པ་བྷ་ཝོ་ཏི ཨ་ཏྠ་ཏོ ཨེ་ཀཾ, བྱ་ཉྫ་ན་ཏོ ནཱ་ནཾ. ཨི་ཏི མཱུ་ལ་ཊྛེ་ན ཧེ་ཏུ, ཨུ་པ་ཀཱ་ར་ཀ་ཊྛེ་ན པ་ཙྩ་ཡོ་ཏི ས་ངྑེ་པ་ཏོ མཱུ་ལ་ཊྛེ་ན ཨུ་པ་ཀཱ་ར་ཀོ དྷ་མྨོ ཧེ་ཏུ་པ་ཙྩ་ཡོ. སོ ཧི སཱ་ལི་ཨཱ་དཱི་ནཾ སཱ་ལི་བཱི་ཛཱ་དཱི་ནི ཝི་ཡ, མ་ཎི་པྤ་བྷཱ་དཱི་ནཾ ཝི་ཡ ཙ མ་ཎི་ཝ་ཎྞཱ་ད་ཡོ ཀུ་ས་ལཱ་དཱི་ནཾ ཀུ་ས་ལཱ་དི་བྷཱ་ཝ་སཱ་དྷ་ཀོ་ཏི ཨཱ་ཙ་རི་ཡཱ་ནཾ ཨ་དྷི་པྤཱ་ཡོ. ཨེ་ཝཾ ས་ནྟེ པ་ན ཏཾ་ས་མུ་ཊྛཱ་ན་རཱུ་པེ་སུ ཧེ་ཏུ་པ་ཙྩ་ཡ་ཏཱ ན ས་མྤ་ཛྫ་ཏི. ན ཧི སོ ཏེ་སཾ ཀུ་ས་ལཱ་དི་བྷཱ་ཝཾ སཱ་དྷེ་ཏི, ན ཙ པ་ཙྩ་ཡོ ན ཧོ་ཏཱི་ཏི. ཝུ་ཏྟ་ཉྷེ་ཏཾ ‘‘ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ’’ཏི. ཨ་ཧེ་ཏུ་ཀ་ཙི་ཏྟཱ་ན་ཉྩ ཝི་ནཱ ཨེ་ཏེ་ན ཨ་བྱཱ་ཀ་ཏ་བྷཱ་ཝོ སི་དྡྷོ.
ས་ཧེ་ཏུ་ཀཱ་ན་མྤི ཙ ཡོ་ནི་སོ་མ་ན་སི་ཀཱ་རཱ་དི་པ་ཊི་བ་དྡྷོ ཀུ་ས་ལཱ་དི་བྷཱ་ཝོ ན ས་མྤ་ཡུ་ཏྟ་ཧེ་ཏུ་པ་ཊི་བ་དྡྷོ. ཡ་དི ཙ ས་མྤ་ཡུ་ཏྟ་ཧེ་ཏཱུ་སུ ས་བྷཱ་ཝ་ཏོ་ཝ ཀུ་ས་ལཱ་དི་བྷཱ་ཝོ སི་ཡཱ, ཏཾ་ས་མྤ་ཡུ་ཏྟེ་སུ ཧེ་ཏུ་པ་ཊི་བ་དྡྷོ ཨ་ལོ་བྷོ ཀུ་ས་ལོ ཝཱ སི་ཡཱ ཨ་བྱཱ་ཀ་ཏོ ཝཱ. ཡ་སྨཱ པ་ན ཨུ་བྷ་ཡ་ཐཱ་པི ཧོ་ཏི, ཏ་སྨཱ ཡ་ཐཱ ས་མྤ་ཡུ་ཏྟེ་སུ, ཨེ་ཝཾ ཧེ་ཏཱུ་སུ་པི ཀུ་ས་ལཱ་དི་ཏཱ པ་རི་ཡེ་སི་ཏ་བྦཱ. ཀུ་ས་ལཱ་དི་བྷཱ་ཝ་སཱ་དྷ་ན་ཝ་སེ་ན པ་ན ཧེ་ཏཱུ་ནཾ མཱུ་ལ་ཊྛཾ ཨ་གྒ་ཧེ་ཏྭཱ སུ་པྤ་ཏི་ཊྛི་ཏ་བྷཱ་ཝ་སཱ་དྷ་ན་ཝ་སེ་ན ག་ཡ྄ཧ་མཱ་ནེ ན ཀི་ཉྩི ཝི་རུ་ཛ྄ཛྷ་ཏི. ལ་དྡྷ་ཧེ་ཏུ་པ་ཙྩ་ཡཱ ཧི དྷ་མྨཱ ཝི་རུ་ལ༹ྷ་མཱུ་ལཱ ཝི་ཡ པཱ་ད་པཱ ཐི་རཱ ཧོ་ནྟི སུ་པྤ་ཏི་ཊྛི་ཏཱ, ཨ་ཧེ་ཏུ་ཀཱ པ་ན ཏི་ལ་བཱི་ཛ་ཀཱ་དི་སེ་ཝཱ་ལཱ ཝི་ཡ ན སུ་པྤ་ཏི་ཊྛི་ཏཱ. ཨི་ཏི མཱུ་ལ་ཊྛེ་ན ཨུ་པ་ཀཱ་ར་ཀོ་ཏི སུ་པྤ་ཏི་ཊྛི་ཏ་བྷཱ་ཝ་སཱ་དྷ་ནེ་ན ཨུ་པ་ཀཱ་ར་ཀོ དྷ་མྨོ ཧེ་ཏུ་པ་ཙྩ་ཡོ་ཏི ཝེ་དི་ཏ་བྦོ.
ཏ་ཏོ པ་རེ་སུ ཨཱ་ར་མྨ་ཎ་ཝ་སེ་ན ཨུ་པ་ཀཱ་ར་ཀོ དྷ་མྨོ ཨཱ་ར་མྨ་ཎ་པ་ཙྩ་ཡོ. སོ ‘‘རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ’’ཏི ཨཱ་ར་བྷི་ཏྭཱ་པི ‘‘ཡཾ ཡཾ དྷ་མྨཾ ཨཱ་ར་བྦྷ ཡེ ཡེ དྷ་མྨཱ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ, ཏེ ཏེ དྷ་མྨཱ ཏེ་སཾ ཏེ་སཾ དྷ་མྨཱ་ནཾ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ’’ཏི ཨོ་སཱ་པི་ཏ་ཏྟཱ ན ཀོ་ཙི དྷ་མྨོ ན ཧོ་ཏི. ཡ་ཐཱ ཧི དུ་བྦ་ལོ པུ་རི་སོ ད་ཎྜཾ ཝཱ ར་ཛྫུཾ ཝཱ ཨཱ་ལ་མྦི་ཏྭཱ་ཝ ཨུ་ཊྛ་ཧ་ཏི ཙེ་ཝ ཏི་ཊྛ་ཏི ཙ, ཨེ་ཝཾ ཙི་ཏྟ་ཙེ་ཏ་སི་ཀཱ དྷ་མྨཱ རཱུ་པཱ་དི་ཨཱ་ར་མྨ་ཎཾ ཨཱ་ར་བྦྷེ་ཝ ཨུ་པྤ་ཛྫ་ནྟི ཙེ་ཝ ཏི་ཊྛ་ནྟི ཙ. ཏ་སྨཱ ས་བྦེ་པི ཙི་ཏྟ་ཙེ་ཏ་སི་ཀཱ་ནཾ དྷ་མྨཱ་ནཾ ཨཱ་ར་མྨ་ཎ་བྷཱུ་ཏཱ དྷ་མྨཱ ཨཱ་ར་མྨ་ཎ་པ་ཙྩ་ཡོ་ཏི ཝེ་དི་ཏ་བྦཱ.
ཛེ་ཊྛ་ཀ་ཊྛེ་ན ཨུ་པ་ཀཱ་ར་ཀོ དྷ་མྨོ ཨ་དྷི་པ་ཏི་པ་ཙྩ་ཡོ. སོ ས་ཧ་ཛཱ་ཏཱ་ར་མྨ་ཎ་ཝ་སེ་ན དུ་ཝི་དྷོ. ཏ་ཏྠ ‘‘ཚ་ནྡཱ་དྷི་པ་ཏི ཚ་ནྡ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ཝ་ཙ་ན་ཏོ ཚ་ནྡ་ཝཱི་རི་ཡ་ཙི་ཏྟ་ཝཱི་མཾ་ས་ས་ངྑཱ་ཏཱ ཙ་ཏྟཱ་རོ དྷ་མྨཱ ས་ཧ་ཛཱ་ཏཱ་དྷི་པ་ཏི་པ་ཙྩ་ཡོ་ཏི ཝེ་དི་ཏ་བྦཱ, ནོ ཙ ཁོ ཨེ་ཀ་ཏོ. ཡ་དཱ ཧི ཚ་ནྡཾ དྷུ་རཾ ཛེ་ཊྛ་ཀཾ ཀ་ཏྭཱ ཙི་ཏྟཾ པ་ཝ་ཏྟ་ཏི, ཏ་དཱ ཚ་ནྡོ་ཝ ཨ་དྷི་པ་ཏི, ན ཨི་ཏ་རེ. ཨེ་ས ན་ཡོ སེ་སེ་སུ་པི. ཡཾ པ་ན དྷ་མྨཾ ག་རུཾ ཀ་ཏྭཱ ཨ་རཱུ་པ་དྷ་མྨཱ པ་ཝ་ཏྟ་ནྟི, སོ ནེ་སཾ ཨཱ་ར་མྨ་ཎཱ་དྷི་པ་ཏི. ཏེ་ན ཝུ་ཏྟཾ – ‘‘ཡཾ ཡཾ དྷ་མྨཾ ག་རུཾ ཀ་ཏྭཱ ཡེ ཡེ དྷ་མྨཱ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ, ཏེ ཏེ དྷ་མྨཱ ཏེ་སཾ ཏེ་སཾ དྷ་མྨཱ་ནཾ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ’’ཏི.
ཨ་ན་ནྟ་ར་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ཨ་ན་ནྟ་ར་པ་ཙྩ་ཡོ. ས་མ་ན་ནྟ་ར་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ས་མ་ན་ནྟ་ར་པ་ཙྩ་ཡོ. ཨི་ད་ཉྩ པ་ཙྩ་ཡ་དྭ་ཡཾ བ་ཧུ་དྷཱ པ་པ་ཉྩ་ཡ་ནྟི. ཨ་ཡཾ པ་ནེ་ཏྠ སཱ་རོ – ཡོ ཧི ཨེ་ས ཙ་ཀྑུ་ཝི་ཉྙཱ་ཎཱ་ན་ནྟ་རཱ མ་ནོ་དྷཱ་ཏུ, མ་ནོ་དྷཱ་ཏུ་ཨ་ན་ནྟ་རཱ མ་ནོ་ཝི་ཉྙཱ་ཎ་དྷཱ་ཏཱུ་ཏི་ཨཱ་དི ཙི་ཏྟ་ནི་ཡ་མོ, སོ ཡ་སྨཱ པུ་རི་མ་ཙི་ཏྟ་ཝ་སེ་ནེ་ཝ ཨི་ཛ྄ཛྷ་ཏི, ན ཨ་ཉྙ་ཐཱ. ཏ་སྨཱ ཨ་ཏྟ་ནོ ཨ་ཏྟ་ནོ ཨ་ན་ནྟ་རཾ ཨ་ནུ་རཱུ་པ་སྶ ཙི་ཏྟུ་པྤཱ་ད་སྶ ཨུ་པྤཱ་ད་ན་ས་མ་ཏྠོ་ཝ དྷ་མྨོ ཨ་ན་ནྟ་ར་པ་ཙྩ་ཡོ. ཏེ་ནེ་ཝཱ་ཧ – ‘‘ཨ་ན་ནྟ་ར་པ་ཙྩ་ཡོ་ཏི ཙ་ཀྑུ་ཝི་ཉྙཱ་ཎ་དྷཱ་ཏུ ཏཾ་ས་མྤ་ཡུ་ཏྟ་ཀཱ ཙ དྷ་མྨཱ མ་ནོ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི.
ཡོ ཨ་ན་ནྟ་ར་པ་ཙྩ་ཡོ, སྭེ་ཝ ས་མ་ན་ནྟ་ར་པ་ཙྩ་ཡོ. བྱ་ཉྫ་ན་མ་ཏྟ་མེ་ཝ ཧེ་ཏྠ ནཱ་ནཾ, ཨུ་པ་ཙ་ཡ་ས་ནྟ་ཏི་ཨཱ་དཱི་སུ ཝི་ཡ, ཨ་དྷི་ཝ་ཙ་ན་ནི་རུ་ཏྟི་དུ་ཀཱ་དཱི་སུ ཝི་ཡ ཙ, ཨ་ཏྠ་ཏོ པ་ན ནཱ་ནཾ ན་ཏྠི. ཡ་མྤི ‘‘ཨ་དྡྷཱ་ན་ནྟ་ར་ཏཱ་ཡ ཨ་ན་ནྟ་ར་པ་ཙྩ་ཡོ, ཀཱ་ལཱ་ན་ནྟ་ར་ཏཱ་ཡ ས་མ་ན་ནྟ་ར་པ་ཙྩ་ཡོ’’ཏི ཨཱ་ཙ་རི་ཡཱ་ནཾ མ་ཏཾ, ཏཾ ‘‘ནི་རོ་དྷཱ ཝུ་ཊྛ་ཧ་ནྟ་སྶ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ཀུ་ས་ལཾ ཕ་ལ་ས་མཱ་པ་ཏྟི་ཡཱ ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ’’ཏི་ཨཱ་དཱི་ཧི ཝི་རུ་ཛ྄ཛྷ་ཏི. ཡ་མྤི ཏ་ཏྠ ཝ་ད་ནྟི – ‘‘དྷ་མྨཱ་ནཾ ས་མུ་ཊྛཱ་པ་ན་ས་མ་ཏྠ་ཏཱ ན པ་རི་ཧཱ་ཡ་ཏི, བྷཱ་ཝ་ནཱ་བ་ལེ་ན པ་ན ཝཱ་རི་ཏ་ཏྟཱ དྷ་མྨཱ ས་མ་ན་ནྟ་རཾ ནུ་པྤ་ཛྫ་ནྟཱི’’ཏི, ཏ་མྤི ཀཱ་ལཱ་ན་ནྟ་ར་ཏཱ་ཡ ཨ་བྷཱ་ཝ་མེ་ཝ སཱ་དྷེ་ཏི. བྷཱ་ཝ་ནཱ་བ་ལེ་ན ཧི ཏ་ཏྠ ཀཱ་ལཱ་ན་ནྟ་ར་ཏཱ ན་ཏྠཱི་ཏི, མ་ཡ་མྤི ཨེ་ཏ་དེ་ཝ ཝ་དཱ་མ. ཡ་སྨཱ ཙ ཀཱ་ལཱ་ན་ནྟ་ར་ཏཱ ན་ཏྠི, ཏ་སྨཱ ས་མ་ན་ནྟ་ར་པ་ཙྩ་ཡ་ཏཱ ན ཡུ་ཛྫ་ཏི. ཀཱ་ལཱ་ན་ནྟ་ར་ཏཱ་ཡ ཧི ཏེ་སཾ ས་མ་ན་ནྟ་ར་པ་ཙྩ་ཡོ ཧོ་ཏཱི་ཏི ལ་དྡྷི. ཏ་སྨཱ ཨ་བྷི་ནི་ཝེ་སཾ ཨ་ཀ་ཏྭཱ བྱ་ཉྫ་ན་མ་ཏྟ་ཏོ་ཝེ་ཏྠ ནཱ་ནཱ་ཀ་ར་ཎཾ པ་ཙྩེ་ཏ་བྦཾ, ན ཨ་ཏྠ་ཏོ. ཀ་ཐཾ? ན་ཏྠི ཨེ་ཏེ་སཾ ཨ་ནྟ་ར་ནྟི ཧི ཨ་ན་ནྟ་རཱ. ས་ཎྛཱ་ནཱ་བྷཱ་ཝ་ཏོ སུ་ཊྛུ ཨ་ན་ནྟ་རཱ་ཏི ས་མ་ན་ནྟ་རཱ.
ཨུ་པྤ་ཛྫ་མཱ་ནོ ས་ཧ ཨུ་པྤ་ཛྫ་མཱ་ན་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ས་ཧ་ཛཱ་ཏ་པ་ཙྩ་ཡོ, པ་ཀཱ་ས་སྶ པ་དཱི་པོ ཝི་ཡ. སོ ཨ་རཱུ་པ་ཀྑ་ནྡྷཱ་དི་ཝ་སེ་ན ཚ་བྦི་དྷོ ཧོ་ཏི. ཡ་ཐཱ་ཧ – ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙཾ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཙ་ཏྟཱ་རོ མ་ཧཱ་བྷཱུ་ཏཱ ཨ་ཉྙ་མ་ཉྙཾ…པེ… ཨོ་ཀྐ་ནྟི་ཀྑ་ཎེ ནཱ་མ་རཱུ་པཾ ཨ་ཉྙ་མ་ཉྙཾ…པེ… ཙི་ཏྟ་ཙེ་ཏ་སི་ཀཱ དྷ་མྨཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ…པེ… མ་ཧཱ་བྷཱུ་ཏཱ ཨུ་པཱ་དཱ་རཱུ་པཱ་ནཾ…པེ… རཱུ་པི་ནོ དྷ་མྨཱ ཨ་རཱུ་པཱི་ནཾ དྷ་མྨཱ་ནཾ ཀི་ཉྩི་ཀཱ་ལེ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ; ཀི་ཉྩི ཀཱ་ལེ ན ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི. ཨི་དཾ ཧ་ད་ཡ་ཝ་ཏྠུ་མེ་ཝ ས་ནྡྷཱ་ཡ ཝུ་ཏྟཾ.
ཨ་ཉྙ་མ་ཉྙཾ ཨུ་པྤཱ་ད་ནུ་པ་ཏྠ་མྦྷ་ན་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ཨ་ཉྙ་མ་ཉྙ་པ་ཙྩ་ཡོ. ཨ་ཉྙ་མ་ཉྙུ་པ་ཏྠ་མྦྷ་ཀཾ ཏི་ད་ཎྜཾ ཝི་ཡ. སོ ཨ་རཱུ་པ་ཀྑ་ནྡྷཱ་དི་ཝ་སེ་ན ཏི་ཝི་དྷོ ཧོ་ཏི. ཡ་ཐཱ་ཧ – ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙ་པ་ཙྩ་ཡེ་ན པ་ཙྩ་ཡོ. ཙ་ཏྟཱ་རོ མ་ཧཱ་བྷཱུ་ཏཱ…པེ… ཨོ་ཀྐ་ནྟི་ཀྑ་ཎེ ནཱ་མ་རཱུ་པཾ ཨ་ཉྙ་མ་ཉྙ་པ་ཙྩ་ཡེ་ན པ་ཙྩ་ཡོ་ཏི.
ཨ་དྷི་ཊྛཱ་ནཱ་ཀཱ་རེ་ན ནི་སྶ་ཡཱ་ཀཱ་རེ་ན ཙ ཨུ་པ་ཀཱ་ར་ཀོ དྷ་མྨོ ནི་སྶ་ཡ་པ་ཙྩ་ཡོ, ཏ་རུ་ཙི་ཏྟ་ཀ་མྨཱ་དཱི་ནཾ པ་ཐ་ཝཱི་པ་ཊཱ་ད་ཡོ ཝི་ཡ. སོ ‘‘ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙཾ ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ ས་ཧ་ཛཱ་ཏེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. ཚ་ཊྛོ པ་ནེ་ཏྠ ཀོ་ཊྛཱ་སོ ‘‘ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ, སོ་ཏ་གྷཱ་ན་ཛི་ཝ྄ཧཱ་ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ནི་སྶ་ཡ་པ་ཙྩ་ཡེ་ན པ་ཙྩ་ཡོ. ཡཾ རཱུ་པཾ ནི་སྶཱ་ཡ མ་ནོ་དྷཱ་ཏུ ཙ མ་ནོ་ཝི་ཉྙཱ་ཎ་དྷཱ་ཏུ ཙ ཝ་ཏྟ་ནྟི, ཏཾ རཱུ་པཾ མ་ནོ་དྷཱ་ཏུ་ཡཱ ཙ མ་ནོ་ཝི་ཉྙཱ་ཎ་དྷཱ་ཏུ་ཡཱ ཙ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ ཝི་བྷ་ཏྟོ.
ཨུ་པ་ནི་སྶ་ཡ་པ་ཙྩ་ཡོཏི ཨི་དྷ པ་ན ཨ་ཡཾ ཏཱ་ཝ ཝ་ཙ་ན་ཏྠོ – ཏ་ད་དྷཱི་ན་ཝུ་ཏྟི་ཏཱ་ཡ ཨ་ཏྟ་ནོ ཕ་ལེ་ན ནི་སྶི་ཏོ, ན པ་ཊི་ཀྑི་ཏྟོ་ཏི ནི་སྶ་ཡོ. ཡ་ཐཱ པ་ན བྷུ་སོ ཨཱ་ཡཱ་སོ ཨུ་པཱ་ཡཱ་སོ, ཨེ་ཝཾ བྷུ་སོ ནི་སྶ་ཡོ ཨུ་པ་ནི་སྶ་ཡོ. བ་ལ་ཝ་ཀཱ་ར་ཎ་སྶེ་ཏཾ ཨ་དྷི་ཝ་ཙ་ནཾ. ཏ་སྨཱ བ་ལ་ཝ་ཀཱ་ར་ཎ་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ཨུ་པ་ནི་སྶ་ཡ་པ་ཙྩ་ཡོ་ཏི ཝེ་དི་ཏ་བྦོ. སོ ཨཱ་ར་མྨ་ཎཱུ་པ་ནི་སྶ་ཡོ, ཨ་ན་ནྟ་རཱུ་པ་ནི་སྶ་ཡོ པ་ཀ་ཏཱུ་པ་ནི་སྶ་ཡོ་ཏི ཏི་ཝི་དྷོ ཧོ་ཏི. ཏ་ཏྠ ‘‘དཱ་ནཾ ད་ཏྭཱ སཱི་ལཾ ས་མཱ་དི་ཡི་ཏྭཱ ཨུ་པོ་ས་ཐ་ཀ་མྨཾ ཀ་ཏྭཱ ཏཾ ག་རུཾ ཀ་ཏྭཱ པ་ཙྩ་ཝེ་ཀྑ་ཏི, པུ་བྦེ སུ་ཙི་ཎྞཱ་ནི ག་རུཾ ཀ་ཏྭཱ པ་ཙྩ་ཝེ་ཀྑ་ཏི, ཛྷཱ་ནཱ ཝུ་ཊྛ་ཧི་ཏྭཱ ཛྷཱ་ནཾ ག་རུཾ ཀ་ཏྭཱ པ་ཙྩ་ཝེ་ཀྑ་ཏི, སེ་ཀྑཱ གོ་ཏྲ་བྷུཾ ག་རུཾ ཀ་ཏྭཱ པ་ཙྩ་ཝེ་ཀྑ་ནྟི, ཝོ་དཱ་ནཾ ག་རུཾ ཀ་ཏྭཱ པ་ཙྩ་ཝེ་ཀྑ་ནྟི, སེ་ཀྑཱ མ་གྒཱ ཝུ་ཊྛ་ཧི་ཏྭཱ མ་གྒཾ ག་རུཾ ཀ་ཏྭཱ པ་ཙྩ་ཝེ་ཀྑ་ནྟཱི’’ཏི ཨེ་ཝ་མཱ་དི་ནཱ ན་ཡེ་ན ཨཱ་ར་མྨ་ཎཱུ་པ་ནི་སྶ་ཡོ ཏཱ་ཝ ཨཱ་ར་མྨ་ཎཱ་དྷི་པ་ཏི་ནཱ ས་དྡྷིཾ ནཱ་ན་ཏྟཾ ཨ་ཀ་ཏྭཱ ཝི་བྷ་ཏྟོ. ཏ་ཏྠ ཡཾ ཨཱ་ར་མྨ་ཎཾ ག་རུཾ ཀ་ཏྭཱ ཙི་ཏྟ་ཙེ་ཏ་སི་ཀཱ ཨུ་པྤ་ཛྫ་ནྟི, ཏཾ ནི་ཡ་མ་ཏོ ཏེ་སཾ ཨཱ་ར་མྨ་ཎེ་སུ བ་ལ་ཝཱ་ར་མྨ་ཎཾ ཧོ་ཏི. ཨི་ཏི ག་རུ་ཀཱ་ཏ་བྦ་མ་ཏྟ་ཊྛེ་ན ཨཱ་ར་མྨ་ཎཱ་དྷི་པ་ཏི, བ་ལ་ཝ་ཀཱ་ར་ཎ་ཊྛེ་ན ཨཱ་ར་མྨ་ཎཱུ་པ་ནི་སྶ་ཡོ་ཏི ཨེ་ཝ་མེ་ཏེ་སཾ ནཱ་ན་ཏྟཾ ཝེ་དི་ཏ་བྦཾ.
ཨ་ན་ནྟ་རཱུ་པ་ནི་སྶ་ཡོཔི ‘‘པུ་རི་མཱ པུ་རི་མཱ ཀུ་ས་ལཱ ཁ་ནྡྷཱ པ་ཙྪི་མཱ་ནཾ པ་ཙྪི་མཱ་ནཾ ཀུ་ས་ལཱ་ནཾ ཁ་ནྡྷཱ་ནཾ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ཨ་ན་ནྟ་ར་པ་ཙྩ་ཡེ་ན ས་དྡྷིཾ ནཱ་ན་ཏྟཾ ཨ་ཀ་ཏྭཱ་ཝ ཝི་བྷ་ཏྟོ. མཱ་ཏི་ཀཱ་ནི་ཀྑེ་པེ པ་ན ནེ་སཾ ‘‘ཙ་ཀྑུ་ཝི་ཉྙཱ་ཎ་དྷཱ་ཏུ ཏཾ་ས་མྤ་ཡུ་ཏྟ་ཀཱ ཙ དྷ་མྨཱ མ་ནོ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ཨ་ན་ནྟ་ར་སྶ ཙ ‘‘པུ་རི་མཱ པུ་རི་མཱ ཀུ་ས་ལཱ དྷ་མྨཱ པ་ཙྪི་མཱ་ནཾ པ་ཙྪི་མཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ཨུ་པ་ནི་སྶ་ཡ་སྶ ཙ ཨཱ་ག་ཏ་ཏྟཱ ནི་ཀྑེ་པ་ཝི་སེ་སོ ཨ་ཏྠི, སོ་པི ཨ་ཏྠ་ཏོ ཨེ་ཀཱི་བྷཱ་ཝ་མེ་ཝ ག་ཙྪ་ཏི. ཨེ་ཝཾ ས་ནྟེ་པི ཨ་ཏྟ་ནོ ཨ་ཏྟ་ནོ ཨ་ན་ནྟ་རཾ ཨ་ནུ་རཱུ་པ་སྶ ཙི་ཏྟུ་པྤཱ་ད་སྶ པ་ཝ་ཏྟ་ན་ས་མ་ཏྠ་ཏཱ་ཡ ཨ་ན་ནྟ་ར་ཏཱ པུ་རི་མ་ཙི་ཏྟ་སྶ ཙ པ་ཙྪི་མ་ཙི་ཏྟུ་པྤཱ་ད་ནེ བ་ལ་ཝ་ཏཱ་ཡ ཨ་ན་ནྟ་རཱུ་པ་ནི་སྶ་ཡ་ཏཱ ཝེ་དི་ཏ་བྦཱ. ཡ་ཐཱ ཧི ཧེ་ཏུ་པ་ཙྩ་ཡཱ་དཱི་སུ ཀ་ཉྩི དྷ་མྨཾ ཝི་ནཱ་པི ཙི་ཏྟཾ ཨུ་པྤ་ཛྫ་ཏི, ན ཨེ་ཝཾ ཨ་ན་ནྟ་ར་ཙི་ཏྟཾ, ཝི་ནཱ ཙི་ཏྟ་སྶ ཨུ་པྤ་ཏྟི ནཱ་མ ཨ་ཏྠི, ཏ་སྨཱ བ་ལ་ཝ་པ་ཙྩ་ཡོ ཧོ་ཏི. ཨི་ཏི ཨ་ཏྟ་ནོ ཨ་ཏྟ་ནོ ཨ་ན་ནྟ་རཾ ཨ་ནུ་རཱུ་པ་ཙི་ཏྟུ་པྤཱ་ད་ཝ་སེ་ན ཨ་ན་ནྟ་ར་པ་ཙྩ་ཡོ, བ་ལ་ཝ་ཀཱ་ར་ཎ་ཝ་སེ་ན ཨ་ན་ནྟ་རཱུ་པ་ནི་སྶ་ཡོ་ཏི ཨེ་ཝ་མེ་ཏེ་སཾ ནཱ་ན་ཏྟཾ ཝེ་དི་ཏ་བྦཾ.
པ་ཀ་ཏཱུ་པ་ནི་སྶ་ཡོ པ་ན པ་ཀ་ཏོ ཨུ་པ་ནི་སྶ་ཡོ པ་ཀ་ཏཱུ་པ་ནི་སྶ་ཡོ. པ་ཀ་ཏོ ནཱ་མ ཨ་ཏྟ་ནོ ས་ནྟཱ་ནེ ནི་པྥཱ་དི་ཏོ ཝཱ ས་དྡྷཱ་སཱི་ལཱ་དི; ཨུ་པ་སེ་ཝི་ཏོ ཝཱ ཨུ་ཏུ་བྷོ་ཛ་ནཱ་དི. པ་ཀ་ཏི་ཡཱ་ཡེ་ཝ ཝཱ ཨུ་པ་ནི་སྶ་ཡོ པ་ཀ་ཏཱུ་པ་ནི་སྶ་ཡོ, ཨཱ་ར་མྨ་ཎཱ་ན་ནྟ་རེ་ཧི ཨ་ས་མྨི་སྶོ་ཏི ཨ་ཏྠོ. ཏ་སྶ ‘‘པ་ཀ་ཏཱུ་པ་ནི་སྶ་ཡོ – ས་དྡྷཾ ཨུ་པ་ནི་སྶཱ་ཡ དཱ་ནཾ དེ་ཏི, སཱི་ལཾ ས་མཱ་དི་ཡ་ཏི, ཨུ་པོ་ས་ཐ་ཀ་མྨཾ ཀ་རོ་ཏི, ཛྷཱ་ནཾ ཨུ་པྤཱ་དེ་ཏི, ཝི་པ་སྶ་ནཾ ཨུ་པྤཱ་དེ་ཏི, མ་གྒཾ ཨུ་པྤཱ་དེ་ཏི, ཨ་བྷི་ཉྙཾ ཨུ་པྤཱ་དེ་ཏི, ས་མཱ་པ་ཏྟིཾ ཨུ་པྤཱ་དེ་ཏི, སཱི་ལཾ… སུ་ཏཾ… ཙཱ་གཾ… པ་ཉྙཾ ཨུ་པ་ནི་སྶཱ་ཡ དཱ་ནཾ དེ་ཏི…པེ… ས་མཱ་པ་ཏྟིཾ ཨུ་པྤཱ་དེ་ཏི. ས་དྡྷཱ… སཱི་ལཾ… སུ་ཏཾ… ཙཱ་གོ… པ་ཉྙཱ ས་དྡྷཱ་ཡ… སཱི་ལ་སྶ… སུ་ཏ་སྶ… ཙཱ་ག་སྶ… པ་ཉྙཱ་ཡ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ཨ་ནེ་ཀ་པྤ་ཀཱ་ར་ཀོ པ་བྷེ་དོ ཝེ་དི་ཏ་བྦོ. ཨི་ཏི ཨི་མེ ས་དྡྷཱ་ད་ཡོ པ་ཀ་ཏཱ ཙེ་ཝ བ་ལ་ཝ་ཀཱ་ར་ཎ་ཊྛེ་ན ཨུ་པ་ནི་སྶ་ཡཱ ཙཱ་ཏི པ་ཀ་ཏཱུ་པ་ནི་སྶ་ཡོ་ཏི.
པ་ཋ་མ་ཏ་རཾ ཨུ་པྤ་ཛྫི་ཏྭཱ ཝ་ཏྟ་མཱ་ན་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ པུ་རེ་ཛཱ་ཏ་པ་ཙྩ་ཡོ. སོ པ་ཉྩ་དྭཱ་རེ ཝ་ཏྠཱ་ར་མྨ་ཎ་ཧ་ད་ཡ་ཝ་ཏྠུ་ཝ་སེ་ན ཨེ་ཀཱ་ད་ས་ཝི་དྷོ ཧོ་ཏི. ཡ་ཐཱ་ཧ – ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. སོ་ཏ… གྷཱ་ན… ཛི་ཝ྄ཧཱ… ཀཱ་ཡཱ་ཡ་ཏ་ནཾ, རཱུ་པཱ་ཡ་ཏ་ནཾ, ས་དྡ… ག་ནྡྷ… ར་ས… ཕོ་ཊྛ་བྦཱ་ཡ་ཏ་ནཾ, ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. རཱུ་པ་ས་དྡ་ག་ནྡྷ་ར་ས་ཕོ་ཊྛ་བྦཱ་ཡ་ཏ་ནཾ མ་ནོ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཡཾ རཱུ་པཾ ནི་སྶཱ་ཡ མ་ནོ་དྷཱ་ཏུ ཙ མ་ནོ་ཝི་ཉྙཱ་ཎ་དྷཱ་ཏུ ཙ ཝ་ཏྟ་ནྟི, ཏཾ རཱུ་པཾ མ་ནོ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ, མ་ནོ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཀི་ཉྩི ཀཱ་ལེ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ, ཀི་ཉྩི ཀཱ་ལེ ན པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི.
པུ་རེ་ཛཱ་ཏཱ་ནཾ རཱུ་པ་དྷ་མྨཱ་ནཾ ཨུ་པ་ཏྠ་མྦྷ་ཀ་ཊྛེ་ན ཨུ་པ་ཀཱ་ར་ཀོ ཨ་རཱུ་པ་དྷ་མྨོ པ་ཙྪཱ་ཛཱ་ཏ་པ་ཙྩ་ཡོ, གི་ཛ྄ཛྷ་པོ་ཏ་ཀ་ས་རཱི་རཱ་ནཾ ཨཱ་ཧཱ་རཱ་སཱ་ཙེ་ཏ་ནཱ ཝི་ཡ. ཏེ་ན ཝུ་ཏྟཾ – ‘‘པ་ཙྪཱ་ཛཱ་ཏཱ ཙི་ཏྟ་ཙེ་ཏ་སི་ཀཱ དྷ་མྨཱ པུ་རེ་ཛཱ་ཏ་སྶ ཨི་མ་སྶ ཀཱ་ཡ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ’’ཏི.
ཨཱ་སེ་ཝ་ན་ཊྛེ་ན ཨ་ན་ནྟ་རཱ་ནཾ པ་གུ་ཎ་བ་ལ་ཝ་བྷཱ་ཝཱ་ཡ ཨུ་པ་ཀཱ་ར་ཀོ དྷ་མྨོ ཨཱ་སེ་ཝ་ན་པ་ཙྩ་ཡོ, ག་ནྠཱ་དཱི་སུ པུ་རི་མཱ་པུ་རི་མཱ་བྷི་ཡོ་གོ ཝི་ཡ. སོ ཀུ་ས་ལཱ་ཀུ་ས་ལ་ཀི་རི་ཡ་ཛ་ཝ་ན་ཝ་སེ་ན ཏི་ཝི་དྷོ ཧོ་ཏི. ཡ་ཐཱ་ཧ – པུ་རི་མཱ པུ་རི་མཱ ཀུ་ས་ལཱ དྷ་མྨཱ པ་ཙྪི་མཱ་ནཾ པ་ཙྪི་མཱ་ནཾ ཀུ་ས་ལཱ་ནཾ དྷ་མྨཱ་ནཾ ཨཱ་སེ་ཝ་ན་པ་ཙྩ་ཡེ་ན པ་ཙྩ་ཡོ. པུ་རི་མཱ པུ་རི་མཱ ཨ་ཀུ་ས་ལཱ…པེ… ཀི་རི་ཡཱ་བྱཱ་ཀ་ཏཱ དྷ་མྨཱ པ་ཙྪི་མཱ་ནཾ པ་ཙྪི་མཱ་ནཾ ཀི་རི་ཡཱ་བྱཱ་ཀ་ཏཱ་ནཾ དྷ་མྨཱ་ནཾ ཨཱ་སེ་ཝ་ན་པ་ཙྩ་ཡེ་ན པ་ཙྩ་ཡོ་ཏི.
ཙི་ཏྟ་པ་ཡོ་ག་ས་ངྑཱ་ཏེ་ན ཀི་རི་ཡཱ་བྷཱ་ཝེ་ན ཨུ་པ་ཀཱ་ར་ཀོ དྷ་མྨོ ཀ་མྨ་པ་ཙྩ་ཡོ. སོ ནཱ་ནཱ་ཀྑ་ཎི་ཀཱ་ཡ ཙེ་ཝ ཀུ་ས་ལཱ་ཀུ་ས་ལ་ཙེ་ཏ་ནཱ་ཡ ས་ཧ་ཛཱ་ཏཱ་ཡ ཙ ས་བྦཱ་ཡ་པི ཙེ་ཏ་ནཱ་ཡ ཝ་སེ་ན དུ་ཝི་དྷོ ཧོ་ཏི. ཡ་ཐཱ་ཧ – ཀུ་ས་ལཱ་ཀུ་ས་ལཾ ཀ་མྨཾ ཝི་པཱ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. ཙེ་ཏ་ནཱ ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ ས་མུ་ཊྛཱ་ནཱ་ན་ཉྩ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ་ཏི.
ནི་རུ་སྶཱ་ཧ་ས་ནྟ་བྷཱ་ཝེ་ན ནི་རུ་སྶཱ་ཧ་ས་ནྟ་བྷཱ་ཝཱ་ཡ ཨུ་པ་ཀཱ་ར་ཀོ ཝི་པཱ་ཀ་དྷ་མྨོ ཝི་པཱ་ཀ་པ་ཙྩ་ཡོ. སོ པ་ཝ་ཏྟེ ཙི་ཏྟ་ས་མུ་ཊྛཱ་ནཱ་ནཾ, པ་ཊི་ས་ནྡྷི་ཡཾ ཀ་ཊ་ཏྟཱ ཙ རཱུ་པཱ་ནཾ, ས་བྦ་ཏྠ ཙ ས་མྤ་ཡུ་ཏྟ་དྷ་མྨཱ་ནཾ ཝི་པཱ་ཀ་པ་ཙྩ་ཡོ ཧོ་ཏི. ཡ་ཐཱ་ཧ – ཝི་པཱ་ཀཱ་བྱཱ་ཀ་ཏོ ཨེ་ཀོ ཁ་ནྡྷོ ཏི་ཎྞཾ ཁ་ནྡྷཱ་ནཾ, ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ, ཝི་པཱ་ཀ་པ་ཙྩ་ཡེ་ན པ་ཙྩ་ཡོ…པེ… པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏོ ཨེ་ཀོ ཁ་ནྡྷོ…པེ… དྭེ ཁ་ནྡྷཱ དྭི་ནྣཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཝི་པཱ་ཀ་པ་ཙྩ་ཡེ་ན པ་ཙྩ་ཡོ. ཁ་ནྡྷཱ ཝ་ཏྠུ་སྶ ཝི་པཱ་ཀ་པ་ཙྩ་ཡེ་ན པ་ཙྩ་ཡོ་ཏི.
རཱུ་པཱ་རཱུ་པཱ་ནཾ ཨུ་པ་ཏྠ་མྦྷ་ཀ་ཊྛེ་ན ཨུ་པ་ཀཱ་ར་ཀཱ ཙ་ཏྟཱ་རོ ཨཱ་ཧཱ་རཱ ཨཱ་ཧཱ་ར་པ་ཙྩ་ཡོ. ཡ་ཐཱ་ཧ – ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. ཨ་རཱུ་པི་ནོ ཨཱ་ཧཱ་རཱ ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ་ཏི. པ་ཉྷཱ་ཝཱ་རེ པ་ན ‘‘པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ ཨཱ་ཧཱ་རཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ’’ཏི་པི ཝུ་ཏྟཾ.
ཨ་དྷི་པ་ཏི་ཡ་ཊྛེ་ན ཨུ་པ་ཀཱ་ར་ཀཱ ཨི་ཏྠི་ནྡྲི་ཡ་པུ་རི་སི་ནྡྲི་ཡ་ཝ་ཛྫཱ ཝཱི་ས་ཏི་ནྡྲི་ཡཱ ཨི་ནྡྲི་ཡ་པ་ཙྩ་ཡོ. ཏ་ཏྠ ཙ་ཀྑུ་ནྡྲི་ཡཱ་ད་ཡོ པ་ཉྩ ཨ་རཱུ་པ་དྷ་མྨཱ་ནཾ་ཡེ་ཝ, སེ་སཱ རཱུ་པཱ་རཱུ་པཱ་ནཾ པ་ཙྩ་ཡཱ ཧོ་ནྟི. ཡ་ཐཱ་ཧ – ཙ་ཀྑུ་ནྡྲི་ཡཾ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ, སོ་ཏ… གྷཱ་ན… ཛི་ཝ྄ཧཱ… ཀཱ་ཡི་ནྡྲི་ཡཾ ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ. རཱུ་པ་ཛཱི་ཝི་ཏི་ནྡྲི་ཡཾ ཀ་ཊ་ཏྟཱ་རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ. ཨ་རཱུ་པི་ནོ ཨི་ནྡྲི་ཡཱ ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ་ཏི. པ་ཉྷཱ་ཝཱ་རེ པ་ན ‘‘པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ ཨི་ནྡྲི་ཡཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ’’ཏི་པི ཝུ་ཏྟཾ.
ཨུ་པ་ནི་ཛ྄ཛྷཱ་ཡ་ན་ཊྛེ་ན ཨུ་པ་ཀཱ་ར་ཀཱ་ནི ཋ་པེ་ཏྭཱ དྭི་པ་ཉྩ་ཝི་ཉྙཱ་ཎེ་སུ ཀཱ་ཡི་ཀ་སུ་ཁ་དུ་ཀྑ་ཝེ་ད་ནཱ་དྭ་ཡཾ ས་བྦཱ་ནི་པི ཀུ་ས་ལཱ་དི་བྷེ་དཱ་ནི ས་ཏྟ ཛྷཱ་ན་ངྒཱ་ནི ཛྷཱ་ན་པ་ཙྩ་ཡོ. ཡ་ཐཱ་ཧ – ཛྷཱ་ན་ངྒཱ་ནི ཛྷཱ་ན་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཛྷཱ་ན་པ་ཙྩ་ཡེ་ན པ་ཙྩ་ཡོ་ཏི. པ་ཉྷཱ་ཝཱ་རེ པ་ན པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ་ནི ཛྷཱ་ན་ངྒཱ་ནི ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཛྷཱ་ན་པ་ཙྩ་ཡེ་ན པ་ཙྩ་ཡོ’’ཏི་པི ཝུ་ཏྟཾ.
ཡ་ཏོ ཏ་ཏོ ཝཱ ནི་ཡྻཱ་ན་ཊྛེ་ན ཨུ་པ་ཀཱ་ར་ཀཱ་ནི ཀུ་ས་ལཱ་དི་བྷེ་དཱ་ནི དྭཱ་ད་ས མ་གྒ་ངྒཱ་ནི མ་གྒ་པ་ཙྩ་ཡོ. ཡ་ཐཱ་ཧ – ‘‘མ་གྒ་ངྒཱ་ནི མ་གྒ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ མ་གྒ་པ་ཙྩ་ཡེ་ན པ་ཙྩ་ཡོ’’ཏི. པ་ཉྷཱ་ཝཱ་རེ པ་ན ‘‘པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ་ནི མ་གྒ་ངྒཱ་ནི ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ མ་གྒ་པ་ཙྩ་ཡེ་ན པ་ཙྩ་ཡོ’’ཏི ཝུ་ཏྟཾ. ན ཨེ་ཏེ པ་ན དྭེ་པི ཛྷཱ་ན་མ་གྒ་པ་ཙྩ་ཡཱ ཡ་ཐཱ་ས་ངྑྱཾ དྭི་པ་ཉྩ་ཝི་ཉྙཱ་ཎཱ་ཧེ་ཏུ་ཀ་ཙི་ཏྟེ་སུ ལ་བྦྷ་ནྟཱི་ཏི ཝེ་དི་ཏ་བྦཱ.
ཨེ་ཀ་ཝ་ཏྠུ་ཀ་ཨེ་ཀཱ་ར་མྨ་ཎ་ཨེ་ཀུ་པྤཱ་དེ་ཀ་ནི་རོ་དྷ་ས་ངྑཱ་ཏེ་ན ས་མྤ་ཡུ་ཏྟ་བྷཱ་ཝེ་ན ཨུ་པ་ཀཱ་ར་ཀཱ ཨ་རཱུ་པ་དྷ་མྨཱ ས་མྤ་ཡུ་ཏྟ་པ་ཙྩ་ཡོ. ཡ་ཐཱ་ཧ – ‘‘ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙཾ ས་མྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ’’ཏི.
ཨེ་ཀ་ཝ་ཏྠུ་ཀཱ་དི་བྷཱ་ཝཱ་ནུ་པ་ག་མེ་ན ཨུ་པ་ཀཱ་ར་ཀཱ རཱུ་པི་ནོ དྷ་མྨཱ ཨ་རཱུ་པཱི་ནཾ, ཨ་རཱུ་པི་ནོ དྷ་མྨཱ རཱུ་པཱི་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. སོ ས་ཧ་ཛཱ་ཏ་པ་ཙྪཱ་ཛཱ་ཏ་པུ་རེ་ཛཱ་ཏ་ཝ་སེ་ན ཏི་ཝི་དྷོ ཧོ་ཏི. ཝུ་ཏྟ་ཉྷེ་ཏཾ – ས་ཧ་ཛཱ་ཏཱ ཀུ་ས་ལཱ ཁ་ནྡྷཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ ཀུ་ས་ལཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ་ཏི. ཨ་བྱཱ་ཀ་ཏ་པ་ད་སྶ པ་ན ས་ཧ་ཛཱ་ཏ་ཝི་བྷ་ངྒེ ‘‘པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ ཁ་ནྡྷཱ ཀ་ཊ་ཏྟཱ་རཱུ་པཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. ཁ་ནྡྷཱ ཝ་ཏྠུ་སྶ, ཝ་ཏྠུ ཁ་ནྡྷཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ’’ཏི ཝུ་ཏྟཾ. པུ་རེ་ཛཱ་ཏཾ པ་ན ཙ་ཀྑུ་ནྡྲི་ཡཱ་དི་ཝ་ཏྠུ་ཝ་སེ་ནེ་ཝ ཝེ་དི་ཏ་བྦཾ. ཡ་ཐཱ་ཧ – པུ་རེ་ཛཱ་ཏཾ ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. ཝ་ཏྠུ ཝི་པཱ་ཀཱ་བྱཱ་ཀ་ཏཱ་ནཾ ཀི་རི་ཡཱ་བྱཱ་ཀ་ཏཱ་ནཾ ཁ་ནྡྷཱ་ནཾ ཝ་ཏྠུ ཀུ་ས་ལཱ་ནཾ ཁ་ནྡྷཱ་ནཾ, ཝ་ཏྠུ ཨ་ཀུ་ས་ལཱ་ནཾ ཁ་ནྡྷཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ་ཏི.
པ་ཙྩུ་པྤ་ནྣ་ལ་ཀྑ་ཎེ་ན ཨ་ཏྠི་བྷཱ་ཝེ་ན ཏཱ་དི་ས་སྶེ་ཝ དྷ་མྨ་སྶ ཨུ་པ་ཏྠ་མྦྷ་ཀ་ཊྛེ་ན ཨུ་པ་ཀཱ་ར་ཀོ དྷ་མྨོ ཨ་ཏྠི་པ་ཙྩ་ཡོ. ཏ་སྶ ཨ་རཱུ་པ་ཀྑ་ནྡྷ་མ་ཧཱ་བྷཱུ་ཏ་ནཱ་མ་རཱུ་པ་ཙི་ཏྟ་ཙེ་ཏ་སི་ཀ་མ་ཧཱ་བྷཱུ་ཏཱ་ཡ་ཏ་ན་ཝ་ཏྠུ་ཝ་སེ་ན ས་ཏྟ་དྷཱ མཱ་ཏི་ཀཱ ནི་ཀྑི་ཏྟཱ. ཡ་ཐཱ་ཧ – ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙཾ ཨ་ཏྠི་པ་ཙྩ་ཡེ་ན པ་ཙྩ་ཡོ; ཙ་ཏྟཱ་རོ མ་ཧཱ་བྷཱུ་ཏཱ ཨ་ཉྙ་མ་ཉྙཾ, ཨོ་ཀྐ་ནྟི་ཀྑ་ཎེ ནཱ་མ་རཱུ་པཾ ཨ་ཉྙ་མ་ཉྙཾ, ཙི་ཏྟ་ཙེ་ཏ་སི་ཀཱ དྷ་མྨཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ མ་ཧཱ་བྷཱུ་ཏཱ ཨུ་པཱ་དཱ་རཱུ་པཱ་ནཾ, ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ…པེ… ཀཱ་ཡཱ་ཡ་ཏ་ནཾ…པེ… རཱུ་པཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. རཱུ་པཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ མ་ནོ་དྷཱ་ཏུ་ཡཱ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. ཡཾ རཱུ་པཾ ནི་སྶཱ་ཡ མ་ནོ་དྷཱ་ཏུ ཙ མ་ནོ་ཝི་ཉྙཱ་ཎ་དྷཱ་ཏུ ཙ ཝ་ཏྟ་ནྟི, ཏཾ རཱུ་པཾ མ་ནོ་དྷཱ་ཏུ་ཡཱ ཙ མ་ནོ་ཝི་ཉྙཱ་ཎ་དྷཱ་ཏུ་ཡཱ ཙ ཏཾ་ས་མྤ་ཡུ་ཏྟ་ཀཱ་ན་ཉྩ དྷ་མྨཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ་ཏི. པ་ཉྷཱ་ཝཱ་རེ པ་ན ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ, ཨི་ནྡྲི་ཡ་ནྟི་པི ནི་ཀྑི་པི་ཏྭཱ ས་ཧ་ཛཱ་ཏེ ཏཱ་ཝ ‘‘ཨེ་ཀོ ཁ་ནྡྷོ ཏི་ཎྞཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ནི་དྡེ་སོ ཀ་ཏོ. པུ་རེ་ཛཱ་ཏེ པུ་རེ་ཛཱ་ཏཱ་ནཾ ཙ་ཀྑཱ་དཱི་ནཾ ཝ་སེ་ན ནི་དྡེ་སོ ཀ་ཏོ. པ་ཙྪཱ་ཛཱ་ཏེ པུ་རེ་ཛཱ་ཏ་སྶ ཨི་མ་སྶ ཀཱ་ཡ་སྶ པ་ཙྪཱ་ཛཱ་ཏཱ་ནཾ ཙི་ཏྟ་ཙེ་ཏ་སི་ཀཱ་ནཾ པ་ཙྩ་ཡ་ཝ་སེ་ན ནི་དྡེ་སོ ཀ་ཏོ. ཨཱ་ཧཱ་རི་ནྡྲི་ཡེ་སུ པ་ན ‘‘ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. རཱུ་པ་ཛཱི་ཝི་ཏི་ནྡྲི་ཡཾ ཀ་ཊ་ཏྟཱ་རཱུ་པཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ ནི་དྡེ་སོ ཀ་ཏོ་ཏི.
ཨ་ཏྟ་ནོ ཨ་ན་ནྟ་རཾ ཨུ་པྤ་ཛྫ་མཱ་ནཱ་ནཾ ཨ་རཱུ་པ་དྷ་མྨཱ་ནཾ པ་ཝ་ཏྟི་ཨོ་ཀཱ་ས་སྶ དཱ་ནེ་ན ཨུ་པ་ཀཱ་ར་ཀཱ ས་མ་ན་ནྟ་ར་ནི་རུ་དྡྷཱ ཨ་རཱུ་པ་དྷ་མྨཱ ན་ཏྠི་པ་ཙྩ་ཡོ. ཡ་ཐཱ་ཧ – ས་མ་ན་ནྟ་ར་ནི་རུ་དྡྷཱ ཙི་ཏྟ་ཙེ་ཏ་སི་ཀཱ དྷ་མྨཱ པ་ཊུ་པྤ་ནྣཱ་ནཾ ཙི་ཏྟ་ཙེ་ཏ་སི་ཀཱ་ནཾ དྷ་མྨཱ་ནཾ ན་ཏྠི་པ་ཙྩ་ཡེ་ན པ་ཙྩ་ཡོ་ཏི.
ཏེ ཨེ་ཝ ཝི་ག་ཏ་བྷཱ་ཝེ་ན ཨུ་པ་ཀཱ་ར་ཀ་ཏྟཱ ཝི་ག་ཏ་པ་ཙྩ་ཡོ. ཡ་ཐཱ་ཧ – ས་མ་ན་ནྟ་ར་ཝི་ག་ཏཱ ཙི་ཏྟ་ཙེ་ཏ་སི་ཀཱ དྷ་མྨཱ པ་ཊུ་པྤ་ནྣཱ་ནཾ ཙི་ཏྟ་ཙེ་ཏ་སི་ཀཱ་ནཾ དྷ་མྨཱ་ནཾ ཝི་ག་ཏ་པ་ཙྩ་ཡེ་ན པ་ཙྩ་ཡོ་ཏི.
ཨ་ཏྠི་པ་ཙྩ་ཡ་དྷ་མྨཱ ཨེ་ཝ ཨ་ཝི་ག་ཏ་བྷཱ་ཝེ་ན ཨུ་པ་ཀཱ་ར་ཀ་ཏྟཱ ཨ་ཝི་ག་ཏ་པ་ཙྩ་ཡོཏི ཝེ་དི་ཏ་བྦཱ. དེ་ས་ནཱ་ཝི་ལཱ་སེ་ན པ་ན ཏ་ཐཱ ཝི་ནེ་ཏ་བྦ་ཝེ་ནེ་ཡྻ་ཝ་སེ་ན ཝཱ ཨ་ཡཾ དུ་ཀོ ཝུ་ཏྟོ; ས་ཧེ་ཏུ་ཀ་དུ་ཀཾ ཝ་ཏྭཱ་པི ཧེ་ཏུ་ས་མྤ་ཡུ་ཏྟ་དུ་ཀོ ཝི་ཡཱ་ཏི.
ཨི་མེ་སུ པ་ན ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ ཨ་ས་མྨོ་ཧ་ཏྠཾ –
དྷ་མྨ་ཏོ ཀཱ་ལ་ཏོ ཙེ་ཝ, ནཱ་ན་པྤ་ཀཱ་ར་བྷེ་ད་ཏོ;
པ་ཙྩ་ཡུ་པྤ་ནྣ་ཏོ ཙེ་ཝ, ཝི་ཉྙཱ་ཏ་བྦོ ཝི་ནི་ཙྪ་ཡོ.
ཏ་ཏྠ དྷ་མྨ་ཏོཏི – ཨི་མེ་སུ ཧི པ་ཙྩ་ཡེ་སུ ཧེ་ཏུ་པ་ཙྩ་ཡོ ཏཱ་ཝ ནཱ་མ་རཱུ་པ་དྷ་མྨེ་སུ ནཱ་མ་དྷ་མྨེ་ཀ་དེ་སོ. ཨཱ་ར་མྨ་ཎ་པ་ཙྩ་ཡོ ས་དྡྷིཾ པ་ཉྙ་ཏྟི་ཡཱ ཙ ཨ་བྷཱ་ཝེ་ན ས་བྦེ་པི ནཱ་མ་རཱུ་པ་དྷ་མྨཱ. ཨ་དྷི་པ་ཏི་པ་ཙྩ་ཡེ ས་ཧ་ཛཱ་ཏཱ་དྷི་པ་ཏི ནཱ་མ་དྷ་མྨེ་ཀ་དེ་སོ, ཏ་ཐཱ ཀ་མྨ་ཛྷཱ་ན་མ་གྒ་པ་ཙྩ་ཡཱ. ཨཱ་ར་མྨ་ཎཱ་དྷི་པ་ཏི ས་བྦེ་པི ག་རུ་ཀཱ་ཏ་བྦཱ ཨཱ་ར་མྨ་ཎ་དྷ་མྨཱ. ཨ་ན་ནྟ་ར་ས་མ་ན་ནྟ་ར་པ་ཙྪཱ་ཛཱ་ཏ་ཨཱ་སེ་ཝ་ན་ཝི་པཱ་ཀ་ས་མྤ་ཡུ་ཏྟ་ན་ཏྠི་ཝི་ག་ཏ་པ་ཙྩ་ཡཱ ནཱ་མ་དྷ་མྨཱ་ཝ. ནི་བྦཱ་ན་སྶ ཨ་ས་ངྒ་ཧི་ཏ་ཏྟཱ ནཱ་མ་དྷ་མྨེ་ཀ་དེ་སོ་ཏི་པི ཝ་ཏྟུཾ ཝ་ཊྚ་ཏི. པུ་རེ་ཛཱ་ཏ་པ་ཙྩ་ཡོ རཱུ་པེ་ཀ་དེ་སོ. སེ་སཱ ཡ་ཐཱ་ལཱ་བྷ་ཝ་སེ་ན ནཱ་མ་རཱུ་པ་དྷ་མྨཱ་ཏི ཨེ་ཝཾ ཏཱ་ཝེ་ཏྠ དྷ་མྨ་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
ཀཱ་ལ་ཏོཏི –
པ་ཙྩུ་པྤ་ནྣཱ་ཝ ཧོ་ནྟེ་ཏྠ, པ་ཙྩ་ཡཱ ད་ས པ་ཉྩ ཙ;
ཨ་ཏཱི་ཏཱ ཨེ་ཝ པ་ཉྩེ་ཀོ, ཏེ ཀཱ་ལེ དྭེ་པི ནི་སྶི་ཏོ;
ཏ་ཡོ ཏི་ཀཱ་ལི་ཀཱ ཙེ་ཝ, ཝི་མུ་ཏྟཱ ཙཱ་པི ཀཱ་ལ་ཏོ་ཏི.
ཨེ་ཏེ་སུ ཧི ཧེ་ཏུ་པ་ཙྩ་ཡོ ས་ཧ་ཛཱ་ཏ་ཨ་ཉྙ་མ་ཉྙ་ནི་སྶ་ཡ་པུ་རེ་ཛཱ་ཏ་པ་ཙྪཱ་ཛཱ་ཏ་ཝི་པཱ་ཀ་ཨཱ་ཧཱ་ར་ཨི་ནྡྲི་ཡ་ཛྷཱ་ན་མ་གྒ་ས་མྤ་ཡུ་ཏྟ་ཝི་པྤ་ཡུ་ཏྟ་ཨ་ཏྠི་ཨ་ཝི་ག་ཏ་པ་ཙྩ་ཡོ་ཏི ཨི་མེ པ་ནྣ་ར་ས པ་ཙྩ་ཡཱ པ་ཙྩུ་པྤ་ནྣ་དྷ་མྨཱ་ཝ ཧོ་ནྟི. ཨ་ན་ནྟ་ར་པ་ཙྩ་ཡོ ས་མ་ན་ནྟ་ར་ཨཱ་སེ་ཝ་ན་ན་ཏྠི་ཝི་ག་ཏ་པ་ཙྩ་ཡོ་ཏི ཨི་མེ པ་ཉྩ ཨ་ཏཱི་ཏཱ་ཡེ་ཝ ཧོ་ནྟི. ཨེ་ཀོ པ་ན ཀ་མྨ་པ་ཙྩ་ཡོ, སོ པ་ཙྩུ་པྤ་ནྣཱ་ཏཱི་ཏེ དྭེ་པི ཀཱ་ལེ ནི་སྶི་ཏོ ཧོ་ཏི. སེ་སཱ ཨཱ་ར་མྨ་ཎ་པ་ཙྩ་ཡོ ཨ་དྷི་པ་ཏི་པ་ཙྩ་ཡོ ཨུ་པ་ནི་སྶ་ཡ་པ་ཙྩ་ཡོ་ཏི ཨི་མེ ཏ་ཡོ པ་ཙྩ་ཡཱ ཏེ་ཀཱ་ལི་ཀཱ་པི ཧོ་ནྟི, པ་ཉྙ་ཏྟི་ཡཱ ས་དྡྷིཾ ནི་བྦཱ་ན་སྶ ས་ངྒ་ཧི་ཏ་ཏྟཱ ཀཱ་ལ་ཝི་མུ་ཏྟཱ་པཱི་ཏི. ཨེ་ཝ་མེ་ཏྠ ཀཱ་ལ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ.
ནཱ་ན་པྤ་ཀཱ་ར་བྷེ་ད་ཏོ པ་ཙྩ་ཡུ་པྤ་ནྣ་ཏོཏི ཨི་མེ་སཾ པ་ན དྭི་ནྣཾ པ་དཱ་ནཾ ཨ་ཏྠོ ནི་དྡེ་ས་ཝཱ་རེ ཨཱ་ཝི་བྷ་ཝི་སྶ་ཏཱི་ཏི.
པ་ཙྩ་ཡུ་དྡེ་ས་ཝ་ཎྞ་ནཱ.
པ་ཙྩ་ཡ་ནི་དྡེ་སོ
༡. ཧེ་ཏུ་པ་ཙྩ་ཡ་ནི་དྡེ་ས་ཝ་ཎྞ་ནཱ
༡. ཨི་དཱ་ནི ས་བྦེ་པི ཏེ པ་ཙྩ་ཡེ ཨུ་དྡི་ཊྛ་པ་ཊི་པཱ་ཊི་ཡཱ ནི་དྡི་སི་ཏྭཱ ད་སྶེ་ཏུཾ ཧེ་ཏུ་པ་ཙྩ་ཡོ་ཏི ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོཏི་ཨཱ་དི་མཱ་ཧ. ཏ་ཏྠ ཧེ་ཏུ་པ་ཙྩ་ཡོཏི ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ ནི་ཀྑི་ཏྟ་པ་ཊི་པཱ་ཊི་ཡཱ ས་བྦ་པ་ཋ་མཾ བྷཱ་ཛེ་ཏ་བྦ་སྶ པ་དུ་དྡྷཱ་རོ. སེ་ས་པ་ཙྩ་ཡེ་སུ་པི ཨི་མི་ནཱ་ཝ ན་ཡེ་ན པ་ཋ་མཾ བྷཱ་ཛེ་ཏ་བྦ་པ་དཾ ཨུ་དྡྷ་རི་ཏྭཱ ཝི་སྶ་ཛྫ་ནཾ ཀ་ཏ་ནྟི ཝེ་དི་ཏ་བྦཾ. ཨ་ཡཾ པ་ནེ་ཏྠ ས་མྦ་ནྡྷོ – ཡོ པ་ཙྩ་ཡུ་དྡེ་སེ ཧེ་ཏུ་པ་ཙྩ་ཡོ་ཏི ཨུ་དྡི་ཊྛོ, སོ ནི་དྡེ་ས་ཏོ ‘‘ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ ཝེ་དི་ཏ་བྦོ. ཨི་མི་ནཱ ཨུ་པཱ་ཡེ་ན ས་བྦ་པ་ཙྩ་ཡེ་སུ བྷཱ་ཛེ་ཏ་བྦ་སྶ པ་ད་སྶ ཝི་སྶ་ཛྫ་ནེ་ན ས་དྡྷིཾ ས་མྦ་ནྡྷོ ཝེ་དི་ཏ་བྦོ.
ཨི་དཱ་ནི ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ནནྟི ཨེ་ཏྠ ‘‘ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཨ་ཝ་ཏྭཱ ‘‘ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཀ་སྨཱ ཝུ་ཏྟ་ནྟི? པ་ཙྩ་ཡ་སྶ ཙེ་ཝ པ་ཙྩ་ཡུ་པྤ་ནྣཱ་ན་ཉྩ ཝ་ཝ་ཏྠཱ་པ་ན་ཏོ. ཧེ་ཏུ་ས་མྤ་ཡུ་ཏྟ་ཀཱ་ན་ནྟི ཧི ཝུ་ཏྟེ ཧེ་ཏུ་ནཱ ས་མྤ་ཡུ་ཏྟ་ཀཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི ཨ་ཏྠོ བྷ་ཝེ་ཡྻ. ཨེ་ཝཾ ས་ནྟེ ཨ་སུ་ཀོ ནཱ་མ དྷ་མྨོ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི པ་ཙྩ་ཡ་ཝ་ཝ་ཏྠཱ་ནཾ ན པ་ཉྙཱ་ཡེ་ཡྻ. ཨ་ཐཱ་པི ཧེ་ཏུ་ནཱ ས་མྤ་ཡུ་ཏྟ་ཀཱ་ནཾ ཧེ་ཏུ་ས་མྤ་ཡུ་ཏྟ་ཀཱ་ན་ནྟི ཨ་ཏྠཾ ཨ་གྒ་ཧེ་ཏྭཱ་ཝ ཡེ་སཾ ཀེ་ས་ཉྩི ས་མྤ་ཡུ་ཏྟ་ཀཱ་ནཾ ཧེ་ཏཱུ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི ཨ་ཏྠོ བྷ་ཝེ་ཡྻ, ཨེ་ཝཾ ས་ནྟེ ཧེ་ཏུ་ནཱ ཝི་པྤ་ཡུ་ཏྟཱ ཙ་ཀྑུ་ཝི་ཉྙཱ་ཎཱ་ད་ཡོ་པི ས་མྤ་ཡུ་ཏྟ་ཀཱ་ཡེ་ཝ, ཧེ་ཏུ་ནཱ ས་མྤ་ཡུ་ཏྟཱ ཀུ་ས་ལཱ་ད་ཡོ་པི. ཏ་ཏྠ ཨ་ཡཾ ཧེ་ཏུ ཨ་སུ་ཀ་སྶ ནཱ་མ ས་མྤ་ཡུ་ཏྟ་ཀ་དྷ་མྨ་སྶ པ་ཙྩ་ཡོ་ཏི པ་ཙྩ་ཡུ་པྤ་ནྣ་ཝ་ཝ་ཏྠཱ་ནཾ ན པ་ཉྙཱ་ཡེ་ཡྻ. ཏ་སྨཱ པ་ཙྩ་ཡ་ཉྩེ་ཝ པ་ཙྩ་ཡུ་པྤ་ནྣ་ཉྩ ཝ་ཝ་ཏྠཱ་པེ་ནྟོ ‘‘ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཨཱ་ཧ. ཏ་སྶ་ཏྠོ – ཧེ་ཏུ་ས་མྤ་ཡུ་ཏྟ་ཀཱ་ནཾ ཀུ་ས་ལཱ་དི་དྷ་མྨཱ་ནཾ ཡོ ཧེ་ཏུ ས་མྤ་ཡུ་ཏྟ་ཀོ, སོ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི. ཏ་ཏྲཱ་པི ‘‘པ་ཙྩ་ཡོ’’ཏི ཨ་ཝ་ཏྭཱ ‘‘ཧེ་ཏུ་པ་ཙྩ་ཡེ་ནཱ’’ཏི ཝ་ཙ་ནཾ ཧེ་ཏུ་ནོ ཨ་ཉྙ་ཐཱ པ་ཙྩ་ཡ་བྷཱ་ཝ་པ་ཊི་སེ་དྷ་ན་ཏྠཾ. ཨ་ཡ་ཉྷི ཧེ་ཏུ ཧེ་ཏུ་པ་ཙྩ་ཡེ་ནཱ་པི པ་ཙྩ་ཡོ ཧོ་ཏི, ས་ཧ་ཛཱ་ཏཱ་དི་པ་ཙྩ་ཡེ་ནཱ་པི. ཏ་ཏྲཱ་སྶ ཡྭཱ་ཡཾ ས་ཧ་ཛཱ་ཏཱ་དི་པ་ཙྩ་ཡ་ཝ་སེ་ན ཨ་ཉྙ་ཐཱ་པི པ་ཙྩ་ཡ་བྷཱ་ཝོ, ཏ་སྶ པ་ཊི་སེ་དྷ་ན་ཏྠཾ ཧེ་ཏུ་པ་ཙྩ་ཡེ་ནཱ་ཏི ཝུ་ཏྟཾ. ཨེ་ཝཾ ས་ནྟེ་པི ‘‘ཏཾ་ས་མྤ་ཡུ་ཏྟ་ཀཱ་ན’’ནྟི ཨ་ཝ་ཏྭཱ ཀ་སྨཱ ‘‘ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཝུ་ཏྟ་ནྟི? ནི་དྡི་སི་ཏ་བྦ་སྶ ཨ་པཱ་ཀ་ཊ་ཏྟཱ. ཏཾ་ས་མྤ་ཡུ་ཏྟ་ཀཱ་ན་ནྟི ཧི ཝུ་ཏྟེ ཡེ་ན ཏེ ཏཾ་ས་མྤ་ཡུ་ཏྟ་ཀཱ ནཱ་མ ཧོ་ནྟི, ཨ་ཡཾ ནཱ་མ སོ་ཏི ནི་དྡི་སི་ཏ་བྦོ ཨ་པཱ་ཀ་ཊོ. ཏ་སྶ ཨ་པཱ་ཀ་ཊ་ཏྟཱ ཡེ་ན ས་མྤ་ཡུ་ཏྟཱ ཏེ ཏཾ་ས་མྤ་ཡུ་ཏྟ་ཀཱ་ཏི ཝུ་ཙྩ་ནྟི, ཏཾ ས་རཱུ་པ་ཏོ་ཝ ད་སྶེ་ཏུཾ ‘‘ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཝུ་ཏྟཾ.
ཏཾ་ས་མུ་ཊྛཱ་ནཱ་ནནྟི ཨེ་ཏྠ པ་ན ནི་དྡི་སི་ཏ་བྦ་སྶ པཱ་ཀ་ཊ་ཏྟཱ ཏཾ-ག་ཧ་ཎཾ ཀ་ཏཾ. ཨ་ཡ་ཉྷེ་ཏྠ ཨ་ཏྠོ – ཏེ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟ་ཀཱ ཙ དྷ་མྨཱ ས་མུ་ཊྛཱ་ནཾ ཨེ་ཏེ་ས་ནྟི ཏཾ་ས་མུ་ཊྛཱ་ནཱ་ནི. ཏེ་སཾ ཏཾ་ས་མུ་ཊྛཱ་ནཱ་ནཾ, ཧེ་ཏུ་ཏོ ཙེ་ཝ ཧེ་ཏུ་ས་མྤ་ཡུ་ཏྟ་དྷ་མྨེ་ཧི ཙ ནི་བྦ་ཏྟཱ་ན་ནྟི ཨ་ཏྠོ. ཨི་མི་ནཱ ཙི་ཏྟ་ས་མུ་ཊྛཱ་ན་རཱུ་པཾ ག་ཎྷཱ་ཏི. ཀིཾ པ་ན ཏཾ ཙི་ཏྟ་ཏོ ཨ་ཉྙེ་ན་པི ས་མུ་ཊྛཱ་ཏཱི་ཏི? ཨཱ་མ, ས་མུ་ཊྛཱ་ཏི. ས་བྦེ་པི ཧི ཙི་ཏྟ་ཙེ་ཏ་སི་ཀཱ ཨེ་ཀ་ཏོ ཧུ་ཏྭཱ རཱུ་པཾ ས་མུ་ཊྛཱ་པེ་ནྟི. ལོ་ཀི་ཡ་དྷ་མྨ་དེ་ས་ནཱ་ཡཾ པ་ན ཙི་ཏྟ་སྶ ཨ་དྷི་ཀ་བྷཱ་ཝ་ཏོ ཏ་ཐཱ་ཝི་དྷཾ རཱུ་པཾ ཙི་ཏྟ་ས་མུ་ཊྛཱ་ན་ནྟི ཝུ་ཙྩ་ཏི. ཏེ་ནེ་ཝཱ་ཧ ཙི་ཏྟ་ཙེ་ཏ་སི་ཀཱ དྷ་མྨཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི.
ཡ་དི ཨེ་ཝཾ ཨི་དྷཱ་པི ‘‘ཏཾ་ས་མུ་ཊྛཱ་ནཱ་ན’’ནྟི ཨ་ཝ་ཏྭཱ ཙི་ཏྟ་ས་མུ་ཊྛཱ་ནཱ་ན་ནྟི ཀ་སྨཱ ན ཝུ་ཏྟ་ནྟི? ཨ་ཙི་ཏྟ་ས་མུ་ཊྛཱ་ནཱ་ན་མྤི ས་ངྒ་ཎྷ་ན་ཏོ. པ་ཉྷཱ་ཝཱ་ར་སྨི་ཉྷི ‘‘པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི ཨཱ་ག་ཏཾ’’. ཏ་སྶ ས་ངྒ་ཎྷ་ན་ཏྠཾ ཨི་དྷ ཙི་ཏྟ་ས་མུ་ཊྛཱ་ནཱ་ན་ནྟི ཨ་ཝ་ཏྭཱ ཏཾ་ས་མུ་ཊྛཱ་ནཱ་ན་ནྟི ཝུ་ཏྟཾ. ཏ་སྶ་ཏྠོ – ཙི་ཏྟ་ཛ་རཱུ་པཾ ཨ་ཛ་ན་ཡ་མཱ་ནཱ་པི ཏེ ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ དྷ་མྨཱ ས་ཧ་ཛཱ་ཏཱ་དི་པ་ཙྩ་ཡ་ཝ་སེ་ན ས་མུ་ཊྛཱ་ནཾ ཨེ་ཏེ་ས་ནྟི ཏཾ་ས་མུ་ཊྛཱ་ནཱ་ནི. ཏེ་སཾ ཏཾ་ས་མུ་ཊྛཱ་ནཱ་ནཾ པ་ཝ་ཏྟེ ཙི་ཏྟ་ཛཱ་ནཾ པ་ཊི་ས་ནྡྷི་ཡ་ཉྩ ཀ་ཊ་ཏྟཱ་རཱུ་པཱ་ན་མྤི ཧེ་ཏཱུ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི. ཨི་མི་ནཱ ཨུ་པཱ་ཡེ་ན ཨ་ཉྙེ་སུ་པི ཏཾ་ས་མུ་ཊྛཱ་ནཱ་ན་ནྟི ཨཱ་ག་ཏ་ཊྛཱ་ནེ་སུ ཨ་ཏྠོ ཝེ་དི་ཏ་བྦོ.
ཀ་སྨཱ པ་ནཱ་ཡཾ ཧེ་ཏུ པ་ཊི་ས་ནྡྷི་ཡ་མེ་ཝ ཀ་ཊ་ཏྟཱ་རཱུ་པཱ་ནཾ ཧེ་ཏུ་པ་ཙྩ་ཡོ ཧོ་ཏི, ན པ་ཝ་ཏྟེ་ཏི? པ་ཊི་ས་ནྡྷི་ཡཾ ཀ་མྨ་ཛ་རཱུ་པཱ་ནཾ ཙི་ཏྟ་པ་ཊི་བ་དྡྷ་ཝུ་ཏྟི་ཏཱ་ཡ. པ་ཊི་ས་ནྡྷི་ཡ་ཉྷི ཀ་མྨ་ཛ་རཱུ་པཱ་ནཾ ཙི་ཏྟ་པ་ཊི་བ་དྡྷཱ པ་ཝ་ཏྟི, ཙི་ཏྟ་ཝ་སེ་ན ཨུ་པྤ་ཛྫ་ནྟི ཙེ་ཝ ཏི་ཊྛ་ནྟི ཙ. ཏ་སྨི་ཉྷི ཁ་ཎེ ཙི་ཏྟཾ ཙི་ཏྟ་ཛ་རཱུ་པཾ ཛ་ནེ་ཏུཾ ན ས་ཀྐོ་ཏི, ཏཱ་ནི་པི ཝི་ནཱ ཙི་ཏྟེ་ན ཨུ་པྤ་ཛྫི་ཏུཾ ཝཱ ཋཱ་ཏུཾ ཝཱ ན ས་ཀྐོ་ནྟི. ཏེ་ནེ་ཝཱ་ཧ – ‘‘ཝི་ཉྙཱ་ཎ་པ་ཙྩ་ཡཱ ནཱ་མ་རཱུ་པཾ, ཏ་སྨིཾ པ་ཏི་ཊྛི་ཏེ ཝི་ཉྙཱ་ཎེ ནཱ་མ་རཱུ་པ་སྶ ཨ་ཝ་ཀྐ་ནྟི ཧོ་ཏཱི’’ཏི (སཾ. ནི. ༢.༣༩). པ་ཝ་ཏྟི་ཡཾ པ་ན ཏེ་སཾ ཙི་ཏྟེ ཝི་ཛྫ་མཱ་ནེ་པི ཀ་མྨ་པ་ཊི་བ་དྡྷཱ་ཝ པ་ཝ་ཏྟི, ན ཙི་ཏྟ་པ་ཊི་བ་དྡྷཱ. ཨ་ཝི་ཛྫ་མཱ་ནེ ཙཱ་པི ཙི་ཏྟེ ནི་རོ་དྷ་ས་མཱ་པ་ནྣཱ་ནཾ ཨུ་པྤ་ཛྫ་ནྟི་ཡེ་ཝ.
ཀ་སྨཱ པ་ན པ་ཊི་ས་ནྡྷི་ཀྑ་ཎེ ཙི་ཏྟཾ ཙི་ཏྟ་ཛ་རཱུ་པཾ ཛ་ནེ་ཏུཾ ན ས་ཀྐོ་ཏཱི་ཏི? ཀ་མྨ་ཝེ་ག་ཀྑི་ཏྟ་ཏཱ་ཡ ཙེ་ཝ ཨ་པྤ་ཏི་ཊྛི་ཏ་ཝ་ཏྠུ་ཏཱ་ཡ ཙ དུ་བྦ་ལ་ཏྟཱ. ཏ་ཉྷི ཏ་དཱ ཀ་མྨ་ཝེ་ག་ཀྑི་ཏྟཾ ཨ་པུ་རེ་ཛཱ་ཏ་ཝ་ཏྠུ་ཀ་ཏྟཱ ཙ ཨ་པྤ་ཏི་ཊྛི་ཏ་ཝ་ཏྠུ་ཀ་ནྟི དུ་བྦ་ལཾ ཧོ་ཏི. ཏ་སྨཱ པ་པཱ་ཏེ པ་ཏི་ཏ་མ་ཏྟོ པུ་རི་སོ ཀི་ཉྩི སི་པྤཾ ཀཱ་ཏུཾ ཝི་ཡ རཱུ་པཾ ཛ་ནེ་ཏུཾ ན ས་ཀྐོ་ཏི; ཀ་མྨ་ཛ་རཱུ་པ་མེ་ཝ པ་ན་སྶ ཙི་ཏྟ་ས་མུ་ཊྛཱ་ན་རཱུ་པ་ཊྛཱ་ནེ ཏི་ཊྛ་ཏི. ཏ་ཉྩ ཀ་མྨ་ཛ་རཱུ་པ་སྶེ་ཝ བཱི་ཛ་ཊྛཱ་ནེ ཏི་ཊྛ་ཏི. ཀ་མྨཾ པ་ན་སྶ ཁེ་ཏྟ་ས་དི་སཾ, ཀི་ལེ་སཱ ཨཱ་པ་ས་དི་སཱ. ཏ་སྨཱ ས་ནྟེ་པི ཁེ་ཏྟེ ཨཱ་པེ ཙ པ་ཋ་མུ་པྤ་ཏྟི་ཡཾ བཱི་ཛཱ་ནུ་བྷཱ་ཝེ་ན རུ་ཀྑུ་པྤ་ཏྟི ཝི་ཡ པ་ཊི་ས་ནྡྷི་ཀྑ་ཎེ ཙི་ཏྟཱ་ནུ་བྷཱ་ཝེ་ན རཱུ་པ་ཀཱ་ཡ་སྶ ཨུ་པྤ་ཏྟི. བཱི་ཛེ པ་ན ཝི་ག་ཏེ་པི པ་ཐ་ཝཱི་ཨཱ་པཱ་ནུ་བྷཱ་ཝེ་ན རུ་ཀྑ་སྶ ཨུ་པ་རཱུ་པ་རི པ་ཝ་ཏྟི ཝི་ཡ; ཝི་ནཱ ཙི་ཏྟེ་ན ཀ་མྨ་ཏོ་ཝ ཀ་ཊ་ཏྟཱ་རཱུ་པཱ་ནཾ པ་ཝ་ཏྟི ཧོ་ཏཱི་ཏི ཝེ་དི་ཏ་བྦཱ. ཝུ་ཏྟ་མྤི ཙེ་ཏཾ – ‘‘ཀ་མྨཾ ཁེ་ཏྟཾ ཝི་ཉྙཱ་ཎཾ བཱི་ཛཾ ཏ་ཎྷཱ སྣེ་ཧོ’’ཏི (ཨ. ནི. ༣.༧༧).
ཨ་ཡ་ཉྩ པ་ན་ཏྠོ ཨོ་ཀཱ་ས་ཝ་སེ་ནེ་ཝ ག་ཧེ་ཏ་བྦོ. ཏ་ཡོ ཧི ཨོ་ཀཱ་སཱ – ནཱ་མོ་ཀཱ་སོ, རཱུ་པོ་ཀཱ་སོ, ནཱ་མ་རཱུ་པོ་ཀཱ་སོ་ཏི. ཏ་ཏྠ ཨ་རཱུ་པ་བྷ་ཝོ ནཱ་མོ་ཀཱ་སོ ནཱ་མ. ཏ་ཏྲ ཧི ཧ་ད་ཡ་ཝ་ཏྠུ་མ་ཏྟ་མྤི རཱུ་པ་པ་ཙྩ་ཡཾ ཝི་ནཱ ཨ་རཱུ་པ་དྷ་མྨཱ་ཝ ཨུ་པྤ་ཛྫ་ནྟི. ཨ་ས་ཉྙ་བྷ་ཝོ རཱུ་པོ་ཀཱ་སོ ནཱ་མ. ཏ་ཏྲ ཧི པ་ཊི་ས་ནྡྷི་ཙི་ཏྟ་མ་ཏྟ་མྤི ཨ་རཱུ་པ་པ་ཙྩ་ཡཾ ཝི་ནཱ རཱུ་པ་དྷ་མྨཱ་ཝ ཨུ་པྤ་ཛྫ་ནྟི. པ་ཉྩ་ཝོ་ཀཱ་ར་བྷ་ཝོ ནཱ་མ་རཱུ་པོ་ཀཱ་སོ ནཱ་མ. ཏ་ཏྲ ཧི ཝ་ཏྠུ་རཱུ་པ་མ་ཏྟ་མྤི ཝི་ནཱ པ་ཊི་ས་ནྡྷི་ཡཾ ཨ་རཱུ་པ་དྷ་མྨཱ, པ་ཊི་ས་ནྡྷི་ཙི་ཏྟ་ཉྩ ཝི་ནཱ ཀ་མྨ་ཛཱ་པི རཱུ་པ་དྷ་མྨཱ ནུ་པྤ་ཛྫ་ནྟི. ཡུ་ག་ན་དྡྷཱ་ཝ རཱུ་པཱ་རཱུ་པཱ་ནཾ ཨུ་པྤ་ཏྟི. ཡ་ཐཱ ཧི ས་སྶཱ་མི་ཀེ ས་རཱ་ཛ་ཀེ གེ་ཧེ ས་དྭཱ་ར་པཱ་ལ་ཀེ རཱ་ཛཱ་ཎ་ཏྟིཾ ཝི་ནཱ པ་ཋ་མ་པྤ་ཝེ་སོ ནཱ་མ ན་ཏྠི, ཨ་པ་ར་བྷཱ་གེ པ་ན ཝི་ནཱ་པི ཨཱ་ཎ་ཏྟིཾ པུ་རི་མཱ་ཎ་ཏྟི་ཨཱ་ནུ་བྷཱ་ཝེ་ནེ་ཝ ཧོ་ཏི, ཨེ་ཝ་མེ་ཝ པ་ཉྩ་ཝོ་ཀཱ་རེ པ་ཊི་ས་ནྡྷི་ཝི་ཉྙཱ་ཎ་རཱ་ཛ་སྶ ས་ཧ་ཛཱ་ཏཱ་དི་པ་ཙྩ་ཡ་ཏཾ ཝི་ནཱ རཱུ་པ་སྶ པ་ཊི་ས་ནྡྷི་ཝ་སེ་ན པ་ཋ་མུ་པྤ་ཏྟི ནཱ་མ ན་ཏྠི. ཨ་པ་ར་བྷཱ་གེ པ་ན ཝི་ནཱ་པི པ་ཊི་ས་ནྡྷི་ཝི་ཉྙཱ་ཎ་སྶ ས་ཧ་ཛཱ་ཏཱ་དི་པ་ཙྩ་ཡཱ་ནུ་བྷཱ་ཝཾ པུ་རི་མཱ་ནུ་བྷཱ་ཝ་ཝ་སེ་ན ལ་དྡྷ་པྤ་ཝེ་ས་སྶ ཀ་མྨ་ཏོ པ་ཝ་ཏྟི ཧོ་ཏི. ཨ་ས་ཉྙ་བྷ་ཝོ པ་ན ཡ་སྨཱ ཨ་རཱུ་པོ་ཀཱ་སོ ན ཧོ་ཏི, ཏ་སྨཱ ཏ་ཏྠ ཝི་ནཱ་ཝ ཨ་རཱུ་པ་པ་ཙྩ་ཡཱ ཨ་ས་ཉྙོ་ཀཱ་ས་ཏྟཱ རཱུ་པཾ པ་ཝ་ཏྟ་ཏི, ཨ་སྶཱ་མི་ཀེ སུ་ཉྙ་གེ་ཧེ ཨ་ཏྟ་ནོ གེ་ཧེ ཙ པུ་རི་ས་སྶ པ་ཝེ་སོ ཝི་ཡ. ཨ་རཱུ་པ་བྷ་ཝོ་པི ཡ་སྨཱ རཱུ་པོ་ཀཱ་སོ ན ཧོ་ཏི, ཏ་སྨཱ ཏ་ཏྠ ཝི་ནཱ་ཝ རཱུ་པ་པ་ཙྩ་ཡཱ ཨ་ཉྙོ་ཀཱ་ས་ཏྟཱ ཨ་རཱུ་པ་དྷ་མྨཱ པ་ཝ་ཏྟ་ནྟི. པ་ཉྩ་ཝོ་ཀཱ་ར་བྷ་ཝོ པ་ན རཱུ་པཱ་རཱུ་པོ་ཀཱ་སོ་ཏི ན་ཏྠེ་ཏྠ ཨ་རཱུ་པ་པ་ཙྩ་ཡཾ ཝི་ནཱ པ་ཊི་ས་ནྡྷི་ཀྑ་ཎེ རཱུ་པཱ་ནཾ ཨུ་པྤ་ཏྟཱི་ཏི. ཨི་ཏི ཨ་ཡཾ ཧེ་ཏུ པ་ཊི་ས་ནྡྷི་ཡ་མེ་ཝ ཀ་ཊ་ཏྟཱ་རཱུ་པཱ་ནཾ པ་ཙྩ་ཡོ ཧོ་ཏི, ན པ་ཝ་ཏྟེ་ཏི.
ན་ནུ ‘‘ཧེ་ཏཱུ ས་ཧ་ཛཱ་ཏཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི ཝུ་ཏྟེ ས་བྦོ་པི ཨ་ཡ་མ་ཏྠོ ག་ཧི་ཏོ ཧོ་ཏི, ཨ་ཐ ཀ་སྨཱ ‘‘ཧེ་ཏུ་ས་མྤ་ཡུ་ཏྟ་ཀཱ་ནཾ དྷ་མྨཱ་ནཾ ཏཾ་ས་མུ་ཊྛཱ་ནཱ་ན་ཉྩ རཱུ་པཱ་ན’’ནྟི ཨི་དཾ ག་ཧི་ཏ་ནྟི? པ་ཝ་ཏྟི་ཡཾ ཀ་ཊ་ཏྟཱ་རཱུ་པཱ་དཱི་ནཾ པ་ཙྩ་ཡ་བྷཱ་ཝ་པ་ཊི་བཱ་ཧ་ན་ཏོ. ཨེ་ཝ་ཉྷི ས་ཏི ཡཱ་ནི པ་ཝ་ཏྟི་ཡཾ ཧེ་ཏུ་ནཱ ས་ཧ ཨེ་ཀ་ཀྑ་ཎེ ཀ་ཊ་ཏྟཱ་རཱུ་པཱ་ནི ཙེ་ཝ ཨུ་ཏུ་ཨཱ་ཧཱ་ར་ས་མུ་ཊྛཱ་ནཱ་ནི ཙ ཛཱ་ཡ་ནྟི, ཏེ་ས་མྤི ཧེ་ཏཱུ ཧེ་ཏུ་པ་ཙྩ་ཡོ་ཏི ཨཱ་པ་ཛྫེ་ཡྻ, ན ཙ སོ ཏེ་སཾ པ་ཙྩ་ཡོ. ཏ་སྨཱ ཏེ་སཾ པ་ཙྩ་ཡ་བྷཱ་ཝ་སྶ པ་ཊི་བཱ་ཧ་ན་ཏྠ་མེ་ཏཾ ག་ཧི་ཏ་ནྟི ཝེ་དི་ཏ་བྦཾ.
ཨི་དཱ་ནི ‘‘ནཱ་ན་པྤ་ཀཱ་ར་བྷེ་ད་ཏོ པ་ཙྩ་ཡུ་པྤ་ནྣ་ཏོ’’ཏི ཨི་མེ་སཾ པ་དཱ་ནཾ ཝ་སེ་ནེ་ཏྠ ཝི་ཉྙཱ་ཏ་བྦོ ཝི་ནི་ཙྪ་ཡོ. ཏེ་སུ ནཱ་ན་པྤ་ཀཱ་ར་བྷེ་ད་ཏོཏི ཨ་ཡ་ཉྷི ཧེ་ཏུ ནཱ་མ ཛཱ་ཏི་ཏོ ཀུ་ས་ལཱ་ཀུ་ས་ལ་ཝི་པཱ་ཀ་ཀི་རི་ཡ་བྷེ་ད་ཏོ ཙ་ཏུ་བྦི་དྷོ. ཏ་ཏྠ ཀུ་ས་ལ་ཧེ་ཏུ བྷཱུ་མ་ནྟ་ར་ཏོ ཀཱ་མཱ་ཝ་ཙ་རཱ་དི་བྷེ་དེ་ན ཙ་ཏུ་བྦི་དྷོ, ཨ་ཀུ་ས་ལ་ཧེ་ཏུ ཀཱ་མཱ་ཝ་ཙ་རོ་ཝ ཝི་པཱ་ཀ་ཧེ་ཏུ ཀཱ་མཱ་ཝ་ཙ་རཱ་དི་བྷེ་དེ་ན ཙ་ཏུ་བྦི་དྷོ, ཀི་རི་ཡ་ཧེ་ཏུ ཀཱ་མཱ་ཝ་ཙ་རོ རཱུ་པཱ་ཝ་ཙ་རོ ཨ་རཱུ་པཱ་ཝ་ཙ་རོ་ཏི ཏི་ཝི་དྷོ. ཏ་ཏྠ ཀཱ་མཱ་ཝ་ཙ་ར་ཀུ་ས་ལ་ཧེ་ཏུ ནཱ་མ་ཏོ ཨ་ལོ་བྷཱ་དི་ཝ་སེ་ན ཏི་ཝི་དྷོ. རཱུ་པཱ་ཝ་ཙ་རཱ་དི་ཀུ་ས་ལ་ཧེ་ཏཱུ་སུ་པི ཨེ་སེ་ཝ ན་ཡོ. ཨ་ཀུ་ས་ལ་ཧེ་ཏུ ལོ་བྷཱ་དི་ཝ་སེ་ན ཏི་ཝི་དྷོ. ཝི་པཱ་ཀ་ཀི་རི་ཡ་ཧེ་ཏཱུ པ་ན ཨ་ལོ་བྷཱ་དི་ཝ་སེ་ན ཏ་ཡོ ཏ་ཡོ ཧོ་ནྟི. ཏཾ་ཏཾ་ཙི་ཏྟ་ས་མྤ་ཡོ་ག་ཝ་སེ་ན པ་ན ཏེ་སཾ ཏེ་སཾ ཧེ་ཏཱུ་ནཾ ནཱ་ན་པྤ་ཀཱ་ར་བྷེ་དོ་ཡེ་ཝཱ་ཏི ཨེ་ཝཾ ཏཱ་ཝེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
པ་ཙྩ་ཡུ་པྤ་ནྣ་ཏོཏི ཨི་མི་ནཱ པ་ཙྩ་ཡེ་ན ཨི་མེ དྷ་མྨཱ ཨུ་པྤ་ཛྫ་ནྟི, ཨི་མེ་སཾ ནཱ་མ དྷ་མྨཱ་ནཾ ཨ་ཡཾ པ་ཙྩ་ཡོ་ཏི ཨེ་ཝ་མྤི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི ཨ་ཏྠོ. ཏ་ཏྠ ཨི་མ་སྨིཾ ཏཱ་ཝ ཧེ་ཏུ་པ་ཙྩ་ཡེ ཀཱ་མཱ་ཝ་ཙ་ར་ཀུ་ས་ལ་ཧེ་ཏུ ཀཱ་མ་བྷ་ཝ་རཱུ་པ་བྷ་ཝེ་སུ ཨ་ཏྟ་ནཱ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཧེ་ཏུ་པ་ཙྩ་ཡོ ཧོ་ཏི, ཨ་རཱུ་པ་བྷ་ཝེ ས་མྤ་ཡུ་ཏྟ་དྷ་མྨཱ་ནཾ་ཡེ་ཝ. རཱུ་པཱ་ཝ་ཙ་ར་ཀུ་ས་ལ་ཧེ་ཏུ ཀཱ་མ་བྷ་ཝ་རཱུ་པ་བྷ་ཝེ་སུ་ཡེ་ཝ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཧེ་ཏུ་པ་ཙྩ་ཡོ. ཨ་རཱུ་པཱ་ཝ་ཙ་ར་ཀུ་ས་ལ་ཧེ་ཏུ ཀཱ་མཱ་ཝ་ཙ་ར་ཀུ་ས་ལ་ཧེ་ཏུ་ས་དི་སོ་ཝ. ཏ་ཐཱ ཨ་པ་རི་ཡཱ་པ་ནྣ་ཀུ་ས་ལ་ཧེ་ཏུ, ཏ་ཐཱ ཨ་ཀུ་ས་ལ་ཧེ་ཏུ. ཀཱ་མཱ་ཝ་ཙ་ར་ཝི་པཱ་ཀ་ཧེ་ཏུ པ་ན ཀཱ་མ་བྷ་ཝ་སྨིཾ་ཡེ་ཝ ཨ་ཏྟ་ནཱ ས་མྤ་ཡུ་ཏྟ་དྷ་མྨཱ་ནཾ, པ་ཊི་ས་ནྡྷི་ཡཾ ཀ་ཊ་ཏྟཱ་རཱུ་པཱ་ནཾ, པ་ཝ་ཏྟེ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཧེ་ཏུ་པ་ཙྩ་ཡོ. རཱུ་པཱ་ཝ་ཙ་ར་ཝི་པཱ་ཀ་ཧེ་ཏུ རཱུ་པ་བྷ་ཝེ ཝུ་ཏྟ་པྤ་ཀཱ་རཱ་ན་ཉྙེ་ཝ ཧེ་ཏུ་པ་ཙྩ་ཡོ. ཨ་རཱུ་པཱ་ཝ་ཙ་ར་ཝི་པཱ་ཀ་ཧེ་ཏུ ཨ་རཱུ་པ་བྷ་ཝེ ས་མྤ་ཡུ་ཏྟ་ཀཱ་ན་ཉྙེ་ཝ ཧེ་ཏུ་པ་ཙྩ་ཡོ. ཨ་པ་རི་ཡཱ་པ་ནྣ་ཝི་པཱ་ཀ་ཧེ་ཏུ ཀཱ་མ་བྷ་ཝ་རཱུ་པ་བྷ་ཝེ་སུ ས་མྤ་ཡུ་ཏྟ་ཀཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཨ་རཱུ་པ་བྷ་ཝེ ཨ་རཱུ་པ་དྷ་མྨཱ་ན་ཉྙེ་ཝ ཧེ་ཏུ་པ་ཙྩ་ཡོ. ཀི་རི་ཡ་ཧེ་ཏཱུ་སུ པ་ན ཏེ་བྷཱུ་མ་ཀེ་སུ་པི ཀུ་ས་ལ་ཧེ་ཏུ་ས་དི་སོ་ཝ པ་ཙྩ་ཡོ་ཏི. ཨེ་ཝ་མེ་ཏྠ པ་ཙྩ་ཡུ་པྤ་ནྣ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི.
ཧེ་ཏུ་པ་ཙྩ་ཡ་ནི་དྡེ་ས་ཝ་ཎྞ་ནཱ.
༢. ཨཱ་ར་མྨ་ཎ་པ་ཙྩ་ཡ་ནི་དྡེ་ས་ཝ་ཎྞ་ནཱ
༢. ཨཱ་ར་མྨ་ཎ་པ་ཙྩ་ཡ་ནི་དྡེ་སེ རཱུ་པཱ་ཡ་ཏ་ནནྟི རཱུ་པ་ས་ངྑཱ་ཏཾ ཨཱ་ཡ་ཏ་ནཾ. སེ་སེ་སུ་པི ཨེ་སེ་ཝ ན་ཡོ. ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱཏི ཙ་ཀྑུ་ཝི་ཉྙཱ་ཎ་ས་ངྑཱ་ཏཱ་ཡ དྷཱ་ཏུ་ཡཱ. སེ་ས་པ་དེ་སུ་པི ཨེ་སེ་ཝ ན་ཡོ. ཏཾ་ས་མྤ་ཡུ་ཏྟ་ཀཱ་ནནྟི ཏཱ་ཡ ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ ས་མྤ་ཡུ་ཏྟ་ཀཱ་ནཾ ཏི་ཎྞཾ ཁ་ནྡྷཱ་ནཾ, ས་བྦེ་ས་མྤི ཙ་ཀྑུ་པ་སཱ་ད་ཝ་ཏྠུ་ཀཱ་ནཾ ཙ་ཏུ་ནྣཾ ཁ་ནྡྷཱ་ནཾ རཱུ་པཱ་ཡ་ཏ་ནཾ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ་ཏི ཨ་ཏྠོ. ཨི་ཏོ པ་རེ་སུ་པི ཨེ་སེ་ཝ ན་ཡོ. མ་ནོ་དྷཱ་ཏུ་ཡཱཏི ས་ས་མྤ་ཡུ་ཏྟ་དྷ་མྨཱ་ཡ ཏི་ཝི་དྷཱ་ཡ་པི མ་ནོ་དྷཱ་ཏུ་ཡཱ རཱུ་པཱ་ཡ་ཏ་ནཱ་དཱི་ནི པ་ཉྩ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ, ནོ ཙ ཁོ ཨེ་ཀ་ཀྑ་ཎེ. ས་བྦེ དྷ་མྨཱཏི ཨེ་ཏཱ་ནི ཙ རཱུ་པཱ་ཡ་ཏ་ནཱ་དཱི་ནི པ་ཉྩ ཨ་ཝ་སེ་སཱ ཙ ས་བྦེ་པི ཉེ་ཡྻ་དྷ་མྨཱ ཨི་མཱ ཚ དྷཱ་ཏུ་ཡོ ཋ་པེ་ཏྭཱ སེ་སཱ་ཡ ས་ས་མྤ་ཡུ་ཏྟ་དྷ་མྨཱ་ཡ མ་ནོ་ཝི་ཉྙཱ་ཎ་དྷཱ་ཏུ་ཡཱ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ་ཏི ཨ་ཏྠོ. ཡཾ ཡཾ དྷ་མྨཾ ཨཱ་ར་བྦྷཱཏི ཨི་མི་ནཱ ཡེ ཨེ་ཏེ ཨེ་ཏཱ་སཾ ས་ཏྟ་ནྣཾ ཝི་ཉྙཱ་ཎ་དྷཱ་ཏཱུ་ནཾ ཨཱ་ར་མྨ་ཎ་དྷ་མྨཱ ཝུ་ཏྟཱ, ཏེ ཏཱ་སཾ དྷཱ་ཏཱུ་ནཾ ཨཱ་ར་མྨ་ཎཾ ཀ་ཏྭཱ ཨུ་པྤ་ཛྫ་ན་ཀྑ་ཎེ་ཡེ་ཝ ཨཱ་ར་མྨ་ཎ་པ་ཙྩ་ཡོ ཧོ་ནྟཱི་ཏི དཱི་པེ་ཏི. ཨེ་ཝཾ ཧོ་ནྟཱ་པི ཙ ན ཨེ་ཀ་ཏོ ཧོ་ནྟི, ཡཾ ཡཾ ཨཱ་ར་བྦྷ ཡེ ཡེ ཨུ་པྤ་ཛྫ་ནྟི, ཏེ་སཾ ཏེ་སཾ ཏེ ཏེ ཝི་སུཾ ཝི་སུཾ ཨཱ་ར་མྨ་ཎ་པ་ཙྩ་ཡོ ཧོ་ནྟཱི་ཏི་པི དཱི་པེ་ཏི. ཨུ་པྤ་ཛྫ་ནྟཱིཏི ཨི་དཾ ཡ་ཐཱ ན་ཛྫོ ས་ནྡ་ནྟི, པ་བྦ་ཏཱ ཏི་ཊྛ་ནྟཱི་ཏི ས་བྦ་ཀཱ་ལ་ས་ངྒ་ཧ་ཝ་སེ་ན, ཨེ་ཝཾ ཝུ་ཏྟ་ནྟི ཝེ་དི་ཏ་བྦཾ. ཏེ་ན ཡེ་པི ཨཱ་ར་བྦྷ ཡེ ཨུ་པྤ་ཛྫིཾ་སུ, ཡེ་པི ཨུ་པྤ་ཛྫི་སྶ་ནྟི, ཏེ ས་བྦེ ཨཱ་ར་མྨ་ཎ་པ་ཙྩ་ཡེ་ནེ་ཝ ཨུ་པྤ་ཛྫིཾ་སུ ཙ ཨུ་པྤ་ཛྫི་སྶ་ནྟི ཙཱ་ཏི སི་དྡྷཾ ཧོ་ཏི. ཙི་ཏྟ་ཙེ་ཏ་སི་ཀཱ དྷ་མྨཱཏི ཨི་དཾ ‘‘ཡེ ཡེ དྷ་མྨཱ’’ཏི ཝུ་ཏྟཱ་ནཾ ས་རཱུ་པ་ཏོ ནི་ད་སྶ་ནཾ. ཏེ ཏེ དྷ་མྨཱཏི ཏེ ཏེ ཨཱ་ར་མྨ་ཎ་དྷ་མྨཱ. ཏེ་སཾ ཏེ་སནྟི ཏེ་སཾ ཏེ་སཾ ཙི་ཏྟ་ཙེ་ཏ་སི་ཀ་དྷ་མྨཱ་ནཾ. ཨ་ཡཾ ཏཱ་ཝེ་ཏྠ པཱ་ལི༹་ཝ་ཎྞ་ནཱ.
ཨི་དཾ པ་ན ཨཱ་ར་མྨ་ཎཾ ནཱ་མ རཱུ་པཱ་ར་མྨ་ཎཾ ས་དྡ་ག་ནྡྷ་ར་ས་ཕོ་ཊྛ་བྦ་དྷ་མྨཱ་ར་མྨ་ཎ་ནྟི ཀོ་ཊྛཱ་ས་ཏོ ཚ་བྦི་དྷཾ ཧོ་ཏི. ཏ་ཏྠ ཋ་པེ་ཏྭཱ པ་ཉྙ་ཏྟིཾ ཨ་ཝ་སེ་སཾ བྷཱུ་མི་ཏོ ཀཱ་མཱ་ཝ་ཙ་རཾ…པེ… ཨ་པ་རི་ཡཱ་པ་ནྣ་ནྟི ཙ་ཏུ་བྦི་དྷཾ ཧོ་ཏི. ཏ་ཏྠ ཀཱ་མཱ་ཝ་ཙ་རཾ ཀུ་ས་ལཱ་ཀུ་ས་ལ་ཝི་པཱ་ཀ་ཀི་རི་ཡ་རཱུ་པ་བྷེ་ད་ཏོ པ་ཉྩ་ཝི་དྷཾ; རཱུ་པཱ་ཝ་ཙ་རཾ ཀུ་ས་ལ་ཝི་པཱ་ཀ་ཀི་རི་ཡ་ཏོ ཏི་ཝི་དྷཾ, ཏ་ཐཱ ཨ་རཱུ་པཱ་ཝ་ཙ་རཾ, ཨ་པ་རི་ཡཱ་པ་ནྣཾ ཀུ་ས་ལ་ཝི་པཱ་ཀ་ནི་བྦཱ་ན་ཝ་སེ་ན ཏི་ཝི་དྷཾ ཧོ་ཏི. ས་བྦ་མེ་ཝ ཝཱ ཨེ་ཏཾ ཀུ་ས་ལཱ་ཀུ་ས་ལ་ཝི་པཱ་ཀ་ཀི་རི་ཡ་རཱུ་པ་ནི་བྦཱ་ན་པ་ཉྙ་ཏྟི་བྷེ་ད་ཏོ ས་ཏྟ་ཝི་དྷཾ ཧོ་ཏི. ཏ་ཏྠ ཀུ་ས་ལཾ བྷཱུ་མི་བྷེ་ད་ཏོ ཙ་ཏུ་བྦི་དྷཾ ཧོ་ཏི, ཨ་ཀུ་ས་ལཾ ཀཱ་མཱ་ཝ་ཙ་ར་མེ་ཝ, ཝི་པཱ་ཀཾ ཙ་ཏུ་བྷཱུ་མ་ཀཾ, ཀི་རི་ཡཾ ཏི་བྷཱུ་མ་ཀཾ, རཱུ་པཾ ཨེ་ཀ་བྷཱུ་མ་ཀཾ ཀཱ་མཱ་ཝ་ཙ་ར་མེ་ཝ, ནི་བྦཱ་ན་མྤི ཨེ་ཀ་བྷཱུ་མ་ཀཾ ཨ་པ་རི་ཡཱ་པ་ནྣ་མེ་ཝ, པ་ཉྙ་ཏྟི བྷཱུ་མི་ཝི་ནི་མུ་ཏྟཱ་ཏི ཨེ་ཝ་མེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
ཨེ་ཝཾ བྷི་ནྣེ པ་ནེ་ཏ་སྨིཾ ཨཱ་ར་མྨ་ཎེ ཀཱ་མཱ་ཝ་ཙ་ར་ཀུ་ས་ལཱ་ར་མྨ་ཎཾ ཀཱ་མཱ་ཝ་ཙ་ར་ཀུ་ས་ལ་སྶ, རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཀཱ་མཱ་ཝ་ཙ་ར་ཝི་པཱ་ཀ་སྶ, ཀཱ་མཱ་ཝ་ཙ་ར་ཀི་རི་ཡ་སྶ, རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀུ་ས་ལཱ་ར་མྨ་ཎཾ ཏེ་སུ ཚ་སུ རཱ་སཱི་སུ ཀཱ་མཱ་ཝ་ཙ་ར་ཝི་པཱ་ཀ་ཝ་ཛྫཱ་ནཾ པ་ཉྩ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཀུ་ས་ལཱ་ར་མྨ་ཎཾ ཀཱ་མཱ་ཝ་ཙ་ར་ཀུ་ས་ལ་སྶ, རཱུ་པཱ་ཝ་ཙ་ར་ཀུ་ས་ལ་སྶ, ཨ་རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཨ་རཱུ་པཱ་ཝ་ར་ཙ་ར་ཝི་པཱ་ཀ་སྶ, ཀཱ་མཱ་ཝ་ཙ་ར་ཀི་རི་ཡ་སྶ, རཱུ་པཱ་ཝ་ཙ་ར་ཀི་རི་ཡ་སྶ, ཨ་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཨ་ཊྛ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་པ་རི་ཡཱ་པ་ནྣ་ཀུ་ས་ལཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཏོ ཀུ་ས་ལ་ཀི་རི་ཡཱ་ན་མེ་ཝ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་ཀུ་ས་ལཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཀཱ་མཱ་ཝ་ཙ་ར་ཝི་པཱ་ཀ་སྶ, ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི.
ཀཱ་མཱ་ཝ་ཙ་ར་ཝི་པཱ་ཀཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཀཱ་མཱ་ཝ་ཙ་ར་ཝི་པཱ་ཀ་སྶ, ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཝི་པཱ་ཀཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ པ་ཉྩ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཝི་པཱ་ཀཱ་ར་མྨ་ཎ་མྤི ཨི་མེ་སཾ་ཡེ་ཝ པ་ཉྩ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་པ་རི་ཡཱ་པ་ནྣ་ཝི་པཱ་ཀཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་ཀི་རི་ཡཱ་ན་ཉྙེ་ཝ ཨཱ་ར་མྨ་ཎ་པ་ཙྩ་ཡོ ཧོ་ཏི.
ཀཱ་མཱ་ཝ་ཙ་ར་ཀི་རི་ཡཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ, ཨ་ཀུ་ས་ལ་སྶ, ཀཱ་མཱ་ཝ་ཙ་ར་ཝི་པཱ་ཀ་སྶ, ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀི་རི་ཡཱ་ར་མྨ་ཎཾ ཨི་མེ་སུ ཚ་སུ རཱ་སཱི་སུ ཀཱ་མཱ་ཝ་ཙ་ར་ཝི་པཱ་ཀ་ཝ་ཛྫཱ་ནཾ པ་ཉྩ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཀི་རི་ཡཱ་ར་མྨ་ཎཾ ཏེ་སཾ པ་ཉྩ་ནྣཾ ཨ་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཙ་ཏུ་ས་མུ་ཊྛཱ་ནཾ རཱུ་པ་ཀྑ་ནྡྷ་ས་ངྑཱ་ཏཾ རཱུ་པཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ ཨ་ཀུ་ས་ལ་སྶ ཀཱ་མཱ་ཝ་ཙ་ར་ཝི་པཱ་ཀ་སྶ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ནི་བྦཱ་ནཱ་ར་མྨ་ཎཾ ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀུ་ས་ལ་སྶ, ཨ་པ་རི་ཡཱ་པ་ནྣ་ཏོ ཀུ་ས་ལ་ཝི་པཱ་ཀ་སྶ, ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཀི་རི་ཡ་སྶ ཙཱ་ཏི ཨི་མེ་སཾ ཚ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀུ་ས་ལ་ཀི་རི་ཡཱ་ནཾ ཀེ་ཙི ནི་ཙྪ་ནྟི, ཏཾ ཡུ་ཏྟི་ཏོ ཨུ་པ་དྷཱ་རེ་ཏ་བྦཾ. ནཱ་ན་པྤ་ཀཱ་ར་ཀཾ པ་ན པ་ཉྙ་ཏྟི་ཨཱ་ར་མྨ་ཎཾ ཏེ་བྷཱུ་མ་ཀ་ཀུ་ས་ལ་སྶ, ཨ་ཀུ་ས་ལ་སྶ, རཱུ་པཱ་ཝ་ཙ་ར་ཝི་པཱ་ཀ་སྶ, ཨ་རཱུ་པཱ་ཝ་ཙ་ར་ཝི་པཱ་ཀ་སྶ, ཏེ་བྷཱུ་མ་ཀ་ཀི་རི་ཡ་སྶ ཙཱ་ཏི ཨི་མེ་སཾ ན་ཝ་ནྣཾ རཱ་སཱི་ནཾ ཨཱ་ར་མྨ་ཎ་པ་ཙྩ་ཡོ ཧོ་ཏི. ཏ་ཏྠ ཡཾ ཡཾ ཨཱ་ར་མྨ་ཎཾ ཡེ་སཾ ཡེ་སཾ པ་ཙྩ་ཡོ, ཏེ ཏེ ཏཾ་ཏཾ་པ་ཙྩ་ཡུ་པྤ་ནྣཱ ནཱ་མ ཧོ་ནྟཱི་ཏི ཨེ་ཝ་མེ་ཏྠ པ་ཙྩ་ཡུ་པྤ་ནྣ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི.
ཨཱ་ར་མྨ་ཎ་པ་ཙྩ་ཡ་ནི་དྡེ་ས་ཝ་ཎྞ་ནཱ.
༣. ཨ་དྷི་པ་ཏི་པ་ཙྩ་ཡ་ནི་དྡེ་ས་ཝ་ཎྞ་ནཱ
༣. ཨ་དྷི་པ་ཏི་པ་ཙྩ་ཡ་ནི་དྡེ་སེ ཚ་ནྡཱ་དྷི་པ་ཏཱིཏི ཚ་ནྡ་ས་ངྑཱ་ཏོ ཨ་དྷི་པ་ཏི. ཚ་ནྡཾ དྷུ་རཾ ཀ་ཏྭཱ ཚ་ནྡཾ ཛེ་ཊྛ་ཀཾ ཀ་ཏྭཱ ཙི་ཏྟུ་པྤ་ཏྟི་ཀཱ་ལེ ཨུ་པྤ་ནྣ་སྶ ཀ་ཏྟུ་ཀ་མྱ་ཏཱ་ཚ་ནྡ་སྶེ་ཏཾ ནཱ་མཾ. སེ་སེ་སུ་པི ཨེ་སེ་ཝ ན་ཡོ. ཀ་སྨཱ པ་ན ཡ་ཐཱ ཧེ་ཏུ་པ་ཙྩ་ཡ་ནི་དྡེ་སེ ཧེ་ཏཱུ ཧེ་ཏུ་ས་མྤ་ཡུ་ཏྟ་ཀཱ་ན’’ནྟི ཝུ་ཏྟཾ, ཨེ་ཝ་མི་དྷ ‘‘ཨ་དྷི་པ་ཏཱི ཨ་དྷི་པ་ཏི་ས་མྤ་ཡུ་ཏྟ་ཀཱ་ན་ནྟི ཨ་ཝ་ཏྭཱ ‘‘ཚ་ནྡཱ་དྷི་པ་ཏི ཚ་ནྡ་ས་མྤ་ཡུ་ཏྟ་ཀཱ་ན’’ནྟི་ཨཱ་དི་ནཱ ན་ཡེ་ན དེ་ས་ནཱ ཀ་ཏཱ་ཏི? ཨེ་ཀ་ཀྑ་ཎེ ཨ་བྷཱ་ཝ་ཏོ. པུ་རི་མ་ན་ཡ་སྨི་ཉྷི དྭེ ཏ་ཡོ ཧེ་ཏཱུ ཨེ་ཀ་ཀྑ་ཎེ་པི ཧེ་ཏུ་པ་ཙྩ་ཡོ ཧོ་ནྟི མཱུ་ལ་ཊྛེ་ན. ཨུ་པ་ཀཱ་ར་ཀ་བྷཱ་ཝ་སྶ ཨ་ཝི་ཛ་ཧ་ན་ཏོ. ཨ་དྷི་པ་ཏི པ་ན ཛེ་ཊྛ་ཀ་ཊྛེ་ན ཨུ་པ་ཀཱ་ར་ཀོ, ན ཙ ཨེ་ཀ་ཀྑ་ཎེ བ་ཧཱུ ཛེ་ཊྛ་ཀཱ ནཱ་མ ཧོ་ནྟི. ཏ་སྨཱ ཨེ་ཀ་ཏོ ཨུ་པྤ་ནྣཱ་ན་མྤི ནེ་སཾ ཨེ་ཀ་ཀྑ་ཎེ ཨ་དྷི་པ་ཏི་པ་ཙྩ་ཡ་བྷཱ་ཝོ ན་ཏྠི. ཏ་སྶ ཨ་དྷི་པ་ཏི་པ་ཙྩ་ཡ་བྷཱ་ཝ་སྶ ཨེ་ཀ་ཀྑ་ཎེ ཨ་བྷཱ་ཝ་ཏོ ཨི་དྷ ཨེ་ཝཾ དེ་ས་ནཱ ཀ་ཏཱ་ཏི.
ཨེ་ཝཾ ས་ཧ་ཛཱ་ཏཱ་དྷི་པ་ཏིཾ ད་སྶེ་ཏྭཱ ཨི་དཱ་ནི ཨཱ་ར་མྨ་ཎཱ་དྷི་པ་ཏིཾ ད་སྶེ་ཏུཾ ཡཾ ཡཾ དྷ་མྨཾ ག་རུཾ ཀ་ཏྭཱཏི་ཨཱ་དི ཨཱ་ར་དྡྷཾ. ཏ་ཏྠ ཡཾ ཡཾ དྷ་མྨནྟི ཡཾ ཡཾ ཨཱ་ར་མྨ་ཎ་དྷ་མྨཾ. ག་རུཾ ཀ་ཏྭཱཏི ག་རུ་ཀཱ་ར་ཙི་ཏྟཱི་ཀཱ་ར་ཝ་སེ་ན ཝཱ ཨ་སྶཱ་ད་ཝ་སེ་ན ཝཱ ག་རུཾ བྷཱ་རི་ཡཾ ལ་དྡྷ་བྦཾ ཨ་ཝི་ཛ་ཧི་ཏ་བྦཾ ཨ་ན་ཝ་ཉྙཱ་ཏཾ ཀ་ཏྭཱ. ཏེ ཏེ དྷ་མྨཱཏི ཏེ ཏེ ག་རུ་ཀཱ་ཏ་བྦ་དྷ་མྨཱ. ཏེ་སཾ ཏེ་སནྟི ཏེ་སཾ ཏེ་སཾ ག་རུ་ཀཱ་ར་ཀ་དྷ་མྨཱ་ནཾ. ཨ་དྷི་པ་ཏི་པ་ཙྩ་ཡེ་ནཱཏི ཨཱ་ར་མྨ་ཎཱ་དྷི་པ་ཏི་པ་ཙྩ་ཡེ་ན པ་ཙྩ་ཡོ ཧོ་ཏཱི་ཏི ཨ་ཡཾ ཏཱ་ཝེ་ཏྠ པཱ་ལི༹་ཝ་ཎྞ་ནཱ.
ཨ་ཡཾ པ་ན ཨ་དྷི་པ་ཏི ནཱ་མ ས་ཧ་ཛཱ་ཏཱ་ར་མྨ་ཎ་ཝ་སེ་ན དུ་ཝི་དྷོ. ཏ་ཏྠ ས་ཧ་ཛཱ་ཏོ ཚ་ནྡཱ་དི་ཝ་སེ་ན ཙ་ཏུ་བྦི་དྷོ. ཏེ་སུ ཨེ་ཀེ་ཀོ ཀཱ་མཱ་ཝ་ཙ་རཱ་དི་ཝ་སེ་ན བྷཱུ་མི་ཏོ ཙ་ཏུ་བྦི་དྷོ. ཏ་ཏྠ ཀཱ་མཱ་ཝ་ཙ་རོ ཀུ་ས་ལཱ་ཀུ་ས་ལ་ཀི་རི་ཡ་ཝ་སེ་ན ཏི་ཝི་དྷོ. ཨ་ཀུ་ས་ལཾ པ་ཏྭཱ པ་ནེ་ཏྠ ཝཱི་མཾ་སཱ་དྷི་པ་ཏི ན ལ་བྦྷ་ཏི. རཱུ་པཱ་རཱུ་པཱ་ཝ་ཙ་རོ ཀུ་ས་ལ་ཀི་རི་ཡ་ཝ་སེ་ན དུ་ཝི་དྷོ, ཨ་པ་རི་ཡཱ་པ་ནྣོ ཀུ་ས་ལ་ཝི་པཱ་ཀ་ཝ་སེ་ན དུ་ཝི་དྷོ. ཨཱ་ར་མྨ་ཎཱ་དྷི་པ་ཏི པ་ན ཛཱ་ཏི་བྷེ་ད་ཏོ ཀུ་ས་ལཱ་ཀུ་ས་ལ་ཝི་པཱ་ཀ་ཀི་རི་ཡ་རཱུ་པ་ནི་བྦཱ་ནཱ་ནཾ ཝ་སེ་ན ཚ་བྦི་དྷོ་ཏི ཨེ་ཝ་མེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
ཨེ་ཝཾ བྷི་ནྣེ པ་ནེ་ཏྠ ས་ཧ་ཛཱ་ཏཱ་དྷི་པ་ཏི་མྷི ཏཱ་ཝ ཀཱ་མཱ་ཝ་ཙ་ར་ཀུ་ས་ལ་ཀི་རི་ཡ་ས་ངྑཱ་ཏོ ཨ་དྷི་པ་ཏི དུ་ཧེ་ཏུ་ཀ་ཏི་ཧེ་ཏུ་ཀེ་སུ ཙི་ཏྟུ་པྤཱ་དེ་སུ ཚ་ནྡཱ་དཱི་ནཾ ཨ་ཉྙ་ཏ་རཾ ཛེ་ཊྛ་ཀཾ ཀ་ཏྭཱ ཨུ་པྤ་ཏྟི་ཀཱ་ལེ ཨ་ཏྟ་ནཱ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པ་སྶ ཙ ཨ་དྷི་པ་ཏི་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀུ་ས་ལ་ཀི་རི་ཡ་ས་ངྑཱ་ཏེ་པི ཨེ་སེ་ཝ ན་ཡོ. ཨ་ཡཾ པ་ན ཨེ་ཀ་ནྟེ་ནེ་ཝ ལ་བྦྷ་ཏི. ན ཧི ཏེ དྷ་མྨཱ ས་ཧ་ཛཱ་ཏཱ་དྷི་པ་ཏིཾ ཝི་ནཱ ཨུ་པྤ་ཛྫ་ནྟི. ཨ་རཱུ་པཱ་ཝ་ཙ་ར་ཀུ་ས་ལ་ཀི་རི་ཡ་ས་ངྑཱ་ཏོ པ་ན པ་ཉྩ་ཝོ་ཀཱ་རེ རཱུ་པཱ་ཝ་ཙ་ར་ཨ་དྷི་པ་ཏི་ས་དི་སོ་ཝ ཙ་ཏུ་ཝོ་ཀཱ་རེ པ་ན ས་མྤ་ཡུ་ཏྟ་དྷ་མྨཱ་ན་ཉྙེ་ཝ ཨ་དྷི་པ་ཏི་པ་ཙྩ་ཡོ ཧོ་ཏི. ཏ་ཐཱ ཏ་ཏྠུ་པྤ་ནྣོ ས་བྦོ་པི ཀཱ་མཱ་ཝ་ཙ་རཱ་དྷི་པ་ཏི. ཨ་པ་རི་ཡཱ་པ་ནྣོ ཀུ་ས་ལ་ཏོ་པི ཝི་པཱ་ཀ་ཏོ་པི པ་ཉྩ་ཝོ་ཀཱ་རེ ཨེ་ཀ་ནྟེ་ནེ་ཝ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཨ་དྷི་པ་ཏི་པ་ཙྩ་ཡོ ཧོ་ཏི, ཙ་ཏུ་ཝོ་ཀཱ་རེ ཨ་རཱུ་པ་དྷ་མྨཱ་ན་ཉྙེ་ཝ. ཨ་ཀུ་ས་ལོ ཀཱ་མ་བྷ་ཝེ མི་ཙྪ་ཏྟ་ནི་ཡ་ཏ་ཙི་ཏྟེ་སུ ཨེ་ཀ་ནྟེ་ནེ་ཝ ས་མྤ་ཡུ་ཏྟ་ཀཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཨ་དྷི་པ་ཏི་པ་ཙྩ་ཡོ ཧོ་ཏི. ཨ་ནི་ཡ་ཏོ ཀཱ་མ་བྷ་ཝ་རཱུ་པ་བྷ་ཝེ་སུ ཨ་ཏྟ་ནོ ཨ་དྷི་པ་ཏི་ཀཱ་ལེ ཏེ་ས་ཉྙེ་ཝ. ཨ་རཱུ་པ་བྷ་ཝེ ཨ་རཱུ་པ་དྷ་མྨཱ་ན་ཉྙེ་ཝ ཨ་དྷི་པ་ཏི་པ་ཙྩ་ཡོ ཧོ་ཏི. ཨ་ཡཾ ཏཱ་ཝ ས་ཧ་ཛཱ་ཏཱ་དྷི་པ་ཏི་མྷི ན་ཡོ.
ཨཱ་ར་མྨ་ཎཱ་དྷི་པ་ཏི་མྷི པ་ན ཀཱ་མཱ་ཝ་ཙ་ར་ཀུ་ས་ལོ ཨཱ་ར་མྨ་ཎཱ་དྷི་པ་ཏི ཀཱ་མཱ་ཝ་ཙ་ར་ཀུ་ས་ལ་སྶ ལོ་བྷ་ས་ཧ་ག་ཏཱ་ཀུ་ས་ལ་སྶཱ་ཏི ཨི་མེ་སཾ དྭི་ནྣཾ རཱ་སཱི་ནཾ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. རཱུ་པཱ་ཝ་ཙ་རཱ་རཱུ་པཱ་ཝ་ཙ་རེ་པི ཀུ་ས་ལཱ་ར་མྨ་ཎཱ་དྷི་པ་ཏི་མྷི ཨེ་སེ་ཝ ན་ཡོ. ཨ་པ་རི་ཡཱ་པ་ནྣ་ཀུ་ས་ལོ པ་ན ཨཱ་ར་མྨ་ཎཱ་དྷི་པ་ཏི ཀཱ་མཱ་ཝ་ཙ་ར་ཏོ ཉཱ་ཎ་ས་མྤ་ཡུ་ཏྟ་ཀུ་ས་ལ་སྶ ཙེ་ཝ ཉཱ་ཎ་ས་མྤ་ཡུ་ཏྟ་ཀི་རི་ཡ་སྶ ཙ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ཨ་ཀུ་ས་ལོ པ་ན ཨཱ་ར་མྨ་ཎཱ་དྷི་པ་ཏི ནཱ་མ ལོ་བྷ་ས་ཧ་ག་ཏ་ཙི་ཏྟུ་པྤཱ་དོ ཝུ་ཙྩ་ཏི. སོ ལོ་བྷ་ས་ཧ་ག་ཏཱ་ཀུ་ས་ལ་སྶེ་ཝ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ཀཱ་མཱ་ཝ་ཙ་རོ པ་ན ཝི་པཱ་ཀཱ་ར་མྨ་ཎཱ་དྷི་པ་ཏི ལོ་བྷ་ས་ཧ་ག་ཏཱ་ཀུ་ས་ལ་སྶེ་ཝ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ཏ་ཐཱ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀཱ་ར་མྨ་ཎཱ་དྷི་པ་ཏི. ལོ་ཀུ་ཏྟ་རོ པ་ན ཝི་པཱ་ཀཱ་ར་མྨ་ཎཱ་དྷི་པ་ཏི ཀཱ་མཱ་ཝ་ཙ་ར་ཏོ ཉཱ་ཎ་ས་མྤ་ཡུ་ཏྟ་ཀུ་ས་ལ་ཀི་རི་ཡཱ་ན་ཉྙེ་ཝ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ཀཱ་མཱ་ཝ་ཙ་རཱ་དི་བྷེ་ད་ཏོ པ་ན ཏི་ཝི་དྷོ་པི ཀི་རི་ཡཱ་ར་མྨ་ཎཱ་དྷི་པ་ཏི ལོ་བྷ་ས་ཧ་ག་ཏཱ་ཀུ་ས་ལ་སྶེ་ཝ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ཙ་ཏུ་ས་མུ་ཊྛཱ་ནི་ཀ་རཱུ་པ་ས་ངྑཱ་ཏོ རཱུ་པ་ཀྑ་ནྡྷོ ཨཱ་ར་མྨ་ཎཱ་དྷི་པ་ཏི ལོ་བྷ་ས་ཧ་ག་ཏཱ་ཀུ་ས་ལ་སྶེ་ཝ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏི. ནི་བྦཱ་ནཾ ཀཱ་མཱ་ཝ་ཙ་ར་ཏོ ཉཱ་ཎ་ས་མྤ་ཡུ་ཏྟ་ཀུ་ས་ལ་སྶ ཉཱ་ཎ་ས་མྤ་ཡུ་ཏྟ་ཀི་རི་ཡ་སྶ ལོ་ཀུ་ཏྟ་ར་ཀུ་ས་ལ་སྶ ལོ་ཀུ་ཏྟ་ར་ཝི་པཱ་ཀ་སྶ ཙཱ་ཏི ཨི་མེ་སཾ ཙ་ཏུ་ནྣཾ རཱ་སཱི་ནཾ ཨཱ་ར་མྨ་ཎཱ་དྷི་པ་ཏི་པ་ཙྩ་ཡོ ཧོ་ཏཱི་ཏི ཨེ་ཝ་མེ་ཏྠ པ་ཙྩ་ཡུ་པྤ་ནྣ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི.
ཨ་དྷི་པ་ཏི་པ་ཙྩ་ཡ་ནི་དྡེ་ས་ཝ་ཎྞ་ནཱ.
༤. ཨ་ན་ནྟ་ར་པ་ཙྩ་ཡ་ནི་དྡེ་ས་ཝ་ཎྞ་ནཱ
༤. ཨ་ན་ནྟ་ར་པ་ཙྩ་ཡ་ནི་དྡེ་སེ མ་ནོ་དྷཱ་ཏུ་ཡཱཏི ཝི་པཱ་ཀ་མ་ནོ་དྷཱ་ཏུ་ཡཱ. མ་ནོ་ཝི་ཉྙཱ་ཎ་དྷཱ་ཏུ་ཡཱཏི ས་ནྟཱི་ར་ཎ་ཀི་ཙྩཱ་ཡ ཨ་ཧེ་ཏུ་ཀ་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡཱ. ཏ་ཏོ པ་རཾ པ་ན ཝོ་ཊྛ་བྦ་ན་ཛ་ཝ་ན་ཏ་དཱ་ར་མྨ་ཎ་བྷ་ཝ་ངྒ་ཀི་ཙྩཱ མ་ནོ་ཝི་ཉྙཱ་ཎ་དྷཱ་ཏུ་ཡོ ཝ་ཏྟ་བྦཱ སི་ཡུཾ, ཏཱ ཨ་ཝུ་ཏྟཱ་པི ཨི་མི་ནཱ་ཝ ན་ཡེ་ན ཝེ་དི་ཏ་བྦཱ་ཏི ན་ཡཾ ད་སྶེ་ཏྭཱ དེ་ས་ནཱ ས་ངྑི་ཏྟཱ. ‘‘པུ་རི་མཱ པུ་རི་མཱ ཀུ་ས་ལཱ དྷ་མྨཱ’’ཏི་ཨཱ་དི་ཀེ ཙ ཚ་ཊྛ་ན་ཡེ ཏཱ ས་ངྒ་ཧི་ཏཱ་ཏི་པི ཨི་དྷ ན ཝུ་ཏྟཱ་ཏི ཝེ་དི་ཏ་བྦཱ. ཏ་ཏྠ པུ་རི་མཱ པུ་རི་མཱཏི ཚ་སུ དྭཱ་རེ་སུ་པི ཨ་ན་ནྟ་རཱ་ཏཱི་ཏཱ ཀུ་ས་ལ་ཛ་ཝ་ན་དྷ་མྨཱ ད་ཊྛ་བྦཱ. པ་ཙྪི་མཱ་ནཾ པ་ཙྪི་མཱ་ནནྟི ཨ་ན་ནྟ་ར་ཨུ་པྤ་ཛྫ་མཱ་ནཱ་ན་ཉྙེ་ཝ. ཀུ་ས་ལཱ་ནནྟི ས་དི་ས་ཀུ་ས་ལཱ་ནཾ. ཨ་བྱཱ་ཀ་ཏཱ་ནནྟི ཨི་དཾ པ་ན ཀུ་ས་ལཱ་ན་ནྟ་རཾ ཏ་དཱ་ར་མྨ་ཎ་བྷ་ཝ་ངྒ་ཕ་ལ་ས་མཱ་པ་ཏྟི་ཝ་སེ་ན ཝུ་ཏྟཾ. ཨ་ཀུ་ས་ལ་མཱུ་ལ་ཀེ ཨ་བྱཱ་ཀ་ཏཱ་ནནྟི ཏ་དཱ་ར་མྨ་ཎ་བྷ་ཝ་ངྒ་ས་ངྑཱ་ཏཱ་ན་ཉྙེ་ཝ. ཨ་བྱཱ་ཀ་ཏ་མཱུ་ལ་ཀེ ཨ་བྱཱ་ཀ་ཏཱ་ནནྟི ཨཱ་ཝ་ཛྫ་ན་ཛ་ཝ་ན་ཝ་སེ་ན ཝཱ བྷ་ཝ་ངྒ་ཝ་སེ་ན ཝཱ པ་ཝ་ཏྟཱ་ནཾ ཀི་རི་ཡ་ཝི་པཱ་ཀཱ་བྱཱ་ཀ་ཏཱ་ནཾ ཀི་རི་ཡ་མ་ནོ་དྷཱ་ཏུ་ཏོ པ་ཊྛཱ་ཡ པ་ན ཡཱ་ཝ ཝོ་ཊྛ་བྦ་ན་ཀི་ཙྩཱ མ་ནོ་ཝི་ཉྙཱ་ཎ་དྷཱ་ཏུ, ཏཱ་ཝ པ་ཝ་ཏྟེ་སུ ཝཱི་ཐི་ཙི་ཏྟེ་སུ་པི ཨ་ཡཾ ན་ཡོ ལ་བྦྷ་ཏེ་ཝ. ཀུ་ས་ལཱ་ནནྟི པ་ཉྩ་དྭཱ་རེ ཝོ་ཊྛ་བྦ་ནཱ་ན་ནྟ་རཱ་ནཾ མ་ནོ་དྭཱ་རེ ཨཱ་ཝ་ཛྫ་ནཱ་ནྟ་རཱ་ནཾ པ་ཋ་མ་ཛ་ཝ་ན་ཀུ་ས་ལཱ་ནཾ. ཨ་ཀུ་ས་ལཱ་ནནྟི པ་དེ་པི ཨེ་སེ་ཝ ན་ཡོ. ཡེ་སཾ ཡེ་སནྟི ཨི་དཾ ས་བྦེ་ས་མྤི ཨ་ན་ནྟ་ར་པ་ཙྩ་ཡ་དྷ་མྨཱ་ནཾ. ས་ངྑེ་པ་ལ་ཀྑ་ཎ་ནྟི ཨ་ཡཾ ཏཱ་ཝེ་ཏྠ པཱ་ལི༹་ཝ་ཎྞ་ནཱ.
ཨ་ཡཾ པ་ན ཨ་ན་ནྟ་ར་པ་ཙྩ་ཡོ ནཱ་མ ཋ་པེ་ཏྭཱ ནི་བྦཱ་ནཾ ཙ་ཏུ་བྷཱུ་མ་ཀོ ཨ་རཱུ་པ་དྷ་མྨ་རཱ་སི་ཡེ་ཝཱ་ཏི ཝེ་དི་ཏ་བྦོ. སོ ཛཱ་ཏི་ཝ་སེ་ན ཀུ་ས་ལཱ་ཀུ་ས་ལ་ཝི་པཱ་ཀ་ཀི་རི་ཡ་ཏོ ཙ་ཏུ་དྷཱ བྷི་ཛྫ་ཏི. ཏ་ཏྠ ཀུ་ས་ལོ ཀཱ་མཱ་ཝ་ཙ་རཱ་དི་བྷེ་ད་ཏོ ཙ་ཏུ་བྦི་དྷོ ཧོ་ཏི, ཨ་ཀུ་ས་ལོ ཀཱ་མཱ་ཝ་ཙ་རོ་ཝ ཝི་པཱ་ཀོ ཙ་ཏུ་བྷཱུ་མ་ཀོ, ཀི་རི་ཡཱ་ན་ནྟ་ར་པ་ཙྩ་ཡོ པ་ན ཏེ བྷཱུ་མ་ཀོ་ཏི ཨེ་ཝ་མེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
ཨེ་ཝཾ བྷི་ནྣེ པ་ནེ་ཏྠ ཀཱ་མཱ་ཝ་ཙ་ར་ཀུ་ས་ལོ ཨ་ཏྟ་ནཱ ས་དི་ས་སྶེ་ཝ ཀཱ་མཱ་ཝ་ཙ་ར་ཀུ་ས་ལ་སྶ ཨ་ན་ནྟ་ར་པ་ཙྩ་ཡོ ཧོ་ཏི. ཉཱ་ཎ་ས་མྤ་ཡུ་ཏྟ་ཀཱ་མཱ་ཝ་ཙ་ར་ཀུ་ས་ལོ པ་ན རཱུ་པཱ་ཝ་ཙ་ར་ཀུ་ས་ལ་སྶ ཨ་རཱུ་པཱ་ཝ་ཙ་ར་ཀུ་ས་ལ་སྶ ལོ་ཀུ་ཏྟ་ར་ཀུ་ས་ལ་སྶཱ་ཏི ཨི་མེ་སཾ ཏི་ཎྞཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཀཱ་མཱ་ཝ་ཙ་ར་ཀུ་ས་ལོ ཙ ཀཱ་མཱ་ཝ་ཙ་ར་ཝི་པཱ་ཀ་སྶ, རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀ་སྶ, ཉཱ་ཎ་ས་མྤ་ཡུ་ཏྟོ ལོ་ཀུ་ཏྟ་ར་ཝི་པཱ་ཀ་སྶཱ་པཱི་ཏི ཨི་མེ་སཾ ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀུ་ས་ལོ རཱུ་པཱ་ཝ་ཙ་ར་ཀུ་ས་ལ་སྶ, ཉཱ་ཎ་ས་མྤ་ཡུ་ཏྟ་ཀཱ་མཱ་ཝ་ཙ་ར་ཝི་པཱ་ཀ་སྶ, རཱུ་པཱ་ཝ་ཙ་ར་ཝི་པཱ་ཀ་སྶཱ་ཏི ཨི་མེ་སཾ ཏི་ཎྞཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཀུ་ས་ལོ ཏེ་སཾ དྭི་ནྣཾ ཝི་པཱ་ཀཱ་ནཾ ཨ་ཏྟ་ནོ ཀུ་ས་ལ་སྶ ཝི་པཱ་ཀ་སྶ ཙཱ་ཏི ཨ་ཝི་སེ་སེ་ན ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཝི་སེ་སེ་ན པ་ནེ་ཏྠ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ཀུ་ས་ལོ ཨ་ནཱ་གཱ་མི་ཕ་ལ་ས་ངྑཱ་ཏ་སྶ ལོ་ཀུ་ཏྟ་ར་ཝི་པཱ་ཀ་སྶ་པི ཨ་ན་ནྟ་ར་པ་ཙྩ་ཡོ ཧོ་ཏི. ལོ་ཀུ་ཏྟ་ར་ཀུ་ས་ལོ ལོ་ཀུ་ཏྟ་ར་ཝི་པཱ་ཀ་སྶེ་ཝ ཨ་ན་ནྟ་ར་པ་ཙྩ་ཡོ ཧོ་ཏི. ཨ་ཀུ་ས་ལོ ཨ་ཝི་སེ་སེ་ན ཨ་ཀུ་ས་ལ་སྶ ཙེ་ཝ ཀུ་ས་ལཱ་ཀུ་ས་ལ་ཝི་པཱ་ཀ་སྶ ཙ. ཝི་སེ་སེ་ན པ་ནེ་ཏྠ སུ་ཁ་མ་ཛ྄ཛྷ་ཏྟ་ཝེ་ད་ནཱ་ས་མྤ་ཡུ་ཏྟོ ཨ་ཀུ་ས་ལོ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀ་སྶཱ་པཱི་ཏི ཨི་མེ་སཾ ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི.
ཀཱ་མཱ་ཝ་ཙ་ར་ཝི་པཱ་ཀ་སྶ ཉཱ་ཎ་ས་མྤ་ཡུ་ཏྟོ ཝཱ ཉཱ་ཎ་ཝི་པྤ་ཡུ་ཏྟོ ཝཱ ཝི་པཱ་ཀོ ཀཱ་མཱ་ཝ་ཙ་ར་ཀི་རི་ཡཱ་ཝ་ཛྫ་ན་སྶ, ཉཱ་ཎ་ས་མྤ་ཡུ་ཏྟ་ཝི་པཱ་ཀོ པ་ནེ་ཏྠ པ་ཊི་ས་ནྡྷི་ཝ་སེ་ན ཨུ་པྤ་ཛྫ་མཱ་ན་སྶ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀ་སྶཱ་པཱི་ཏི ཨི་མེ་སཾ ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཝི་པཱ་ཀོ ས་ཧེ་ཏུ་ཀ་ཀཱ་མཱ་ཝ་ཙ་ར་ཝི་པཱ་ཀ་སྶ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀ་སྶ ཀཱ་མཱ་ཝ་ཙ་ར་ཀི་རི་ཡཱ་ཝ་ཛྫ་ན་སྶཱ་ཏི ཨི་མེ་སཾ ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཝི་པཱ་ཀོ ཏི་ཧེ་ཏུ་ཀ་ཀཱ་མཱ་ཝ་ཙ་ར་ཝི་པཱ་ཀ་སྶ ཨ་རཱུ་པཱ་ཝ་ཙ་ར་ཝི་པཱ་ཀ་སྶ ཀཱ་མཱ་ཝ་ཙ་ར་ཀི་རི་ཡཱ་ཝ་ཛྫ་ན་སྶཱ་ཏི ཏི་ཎྞཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ལོ་ཀུ་ཏྟ་ར་ཝི་པཱ་ཀོ ཏི་ཧེ་ཏུ་ཀ་ཀཱ་མཱ་ཝ་ཙ་ར་ཝི་པཱ་ཀ་སྶ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ལོ་ཀུ་ཏྟ་ར་ཝི་པཱ་ཀ་སྶཱ་ཏི ཙ་ཏུ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི.
ཀཱ་མཱ་ཝ་ཙ་ར་ཀི་རི་ཡཾ ཀཱ་མཱ་ཝ་ཙ་ར་ཀུ་ས་ལཱ་ཀུ་ས་ལ་སྶ ཙ་ཏུ་བྷཱུ་མ་ཀ་ཝི་པཱ་ཀ་སྶ ཏེ་བྷཱུ་མ་ཀ་ཀི་རི་ཡ་སྶཱ་ཏི ན་ཝ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. རཱུ་པཱ་ཝ་ཙ་ར་ཀི་རི་ཡཾ ཏི་ཧེ་ཏུ་ཀ་ཀཱ་མཱ་ཝ་ཙ་ར་ཝི་པཱ་ཀ་སྶ རཱུ་པཱ་ཝ་ཙ་ར་ཝི་པཱ་ཀ་སྶ རཱུ་པཱ་ཝ་ཙ་ར་ཀི་རི་ཡ་སྶཱ་ཏི ཏི་ཎྞཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཀི་རི་ཡཾ ཏི་ཧེ་ཏུ་ཀ་ཀཱ་མཱ་ཝ་ཙ་ར་ཝི་པཱ་ཀ་སྶ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ལོ་ཀུ་ཏྟ་ར་ཝི་པཱ་ཀ་སྶ ཨ་རཱུ་པཱ་ཝ་ཙ་ར་ཀི་རི་ཡ་སྶཱ་ཏི པ་ཉྩ་ནྣཾ རཱ་སཱི་ནཾ ཨ་ན་ནྟ་ར་པ་ཙྩ་ཡོ ཧོ་ཏཱི་ཏི. ཨེ་ཝ་མེ་ཏྠ པ་ཙྩ་ཡུ་པྤ་ནྣ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི.
ཨ་ན་ནྟ་ར་པ་ཙྩ་ཡ་ནི་དྡེ་ས་ཝ་ཎྞ་ནཱ.
༥. ས་མ་ན་ནྟ་ར་པ་ཙྩ་ཡ་ནི་དྡེ་ས་ཝ་ཎྞ་ནཱ
༥. ས་མ་ན་ནྟ་ར་པ་ཙྩ་ཡ་ནི་དྡེ་སོ་པི ཨི་མི་ནཱ ས་མཱ་ན་ག་ཏི་ཀོ་ཝ. ཨི་མེ པ་ན དྭེ པ་ཙྩ་ཡཱ མ་ཧཱ་ཝི་ཏྠཱ་རཱ, ཏ་སྨཱ ས་བྦ་ཙི་ཏྟུ་པྤ་ཏྟི་ཝ་སེ་ན ཏེ་སཾ ཨུ་པ་པ་རི་ཀྑི་ཏྭཱ ཝི་ཏྠཱ་རོ ག་ཧེ་ཏ་བྦོ་ཏི.
ས་མ་ན་ནྟ་ར་པ་ཙྩ་ཡ་ནི་དྡེ་ས་ཝ་ཎྞ་ནཱ.
༦. ས་ཧ་ཛཱ་ཏ་པ་ཙྩ་ཡ་ནི་དྡེ་ས་ཝ་ཎྞ་ནཱ
༦. ས་ཧ་ཛཱ་ཏ་པ་ཙྩ་ཡ་ནི་དྡེ་སེ ཨ་ཉྙ་མ་ཉྙནྟི ཨ་ཉྙོ ཨ་ཉྙ་སྶ. ཨི་མི་ནཱ ཨེ་ཏེ་སཾ དྷ་མྨཱ་ནཾ ཨེ་ཀ་ཀྑ་ཎེ པ་ཙྩ་ཡ་བྷཱ་ཝ་ཉྩེ་ཝ པ་ཙྩ་ཡུ་པྤ་ནྣ་བྷཱ་ཝ་ཉྩ དཱི་པེ་ཏི. ཨོ་ཀྐ་ནྟི་ཀྑ་ཎེཏི པ་ཉྩ་ཝོ་ཀཱ་ར་བྷ་ཝེ པ་ཊི་ས་ནྡྷི་ཀྑ་ཎེ. ཏ་སྨི་ཉྷི ཁ་ཎེ ནཱ་མ་རཱུ་པཾ ཨོ་ཀྐ་ནྟཾ ཝི་ཡ པ་ཀྑ་ནྡ་ནྟཾ ཝི་ཡ པ་ར་ལོ་ཀ་ཏོ ཨི་མཾ ལོ་ཀཾ ཨཱ་ག་ནྟྭཱ པ་ཝི་ས་ནྟཾ ཝི་ཡ ཨུ་པྤ་ཛྫ་ཏི, ཏ་སྨཱ སོ ཁ་ཎོ ‘‘ཨོ་ཀྐ་ནྟི་ཀྑ་ཎོ’’ཏི ཝུ་ཙྩ་ཏི. ཨེ་ཏྠ ཙ རཱུ་པནྟི ཧ་ད་ཡ་ཝ་ཏྠུ་མ་ཏྟ་མེ་ཝ ཨ་དྷི་པྤེ་ཏཾ. ཏ་ཉྷི ནཱ་མ་སྶ, ནཱ་མ་ཉྩ ཏ་སྶ ཨ་ཉྙ་མ་ཉྙཾ ས་ཧ་ཛཱ་ཏ་པ་ཙྩ་ཡ་ཊྛཾ ཕ་ར་ཏི. ཙི་ཏྟ་ཙེ་ཏ་སི་ཀཱཏི པ་ཝ་ཏྟི་ཡཾ ཙ་ཏྟཱ་རོ ཁ་ནྡྷཱ. ས་ཧ་ཛཱ་ཏ་པ་ཙྩ་ཡེ་ནཱཏི ཨེ་ཏྠ ཙི་ཏྟ་ས་མུ་ཊྛཱ་ན་རཱུ་པཱ ཙི་ཏྟ་ཙེ་ཏ་སི་ཀཱ་ནཾ པ་ཙྩ་ཡ་ཊྛཾ ན ཕ་ར་ནྟི, ཏ་སྨཱ ‘‘ཨ་ཉྙ་མ་ཉྙ’’ནྟི ན ཝུ་ཏྟཾ. ཏ་ཐཱ ཨུ་པཱ་དཱ་རཱུ་པཱ བྷཱུ་ཏཱ་ནཾ. རཱུ་པི་ནོ དྷ་མྨཱ ཨ་རཱུ་པཱི་ནཾ དྷ་མྨཱ་ནནྟི ཧ་ད་ཡ་ཝ་ཏྠུ ཙ་ཏུ་ནྣཾ ཁ་ནྡྷཱ་ནཾ. ཀི་ཉྩི ཀཱ་ལེཏི ཀི་སྨི་ཉྩི ཀཱ་ལེ. ས་ཧ་ཛཱ་ཏ་པ་ཙྩ་ཡེ་ནཱཏི པ་ཊི་ས་ནྡྷིཾ ས་ནྡྷཱ་ཡ ཝུ་ཏྟཾ. ན ས་ཧ་ཛཱ་ཏ་པ་ཙྩ་ཡེ་ནཱཏི པ་ཝ་ཏྟིཾ ས་ནྡྷཱ་ཡ ཝུ་ཏྟཾ.
ཨ་ཡཾ པ་ན ‘ཙ་ཏྟཱ་རོ ཁ་ནྡྷཱ ཨ་རཱུ་པི་ནོ ཨ་ཉྙ་མ་ཉྙཾ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ’ཏི ཨེ་ཝཾ ཚ་ཧི ཀོ་ཊྛཱ་སེ་ཧི ཋི་ཏོ. ཏ་ཏྠ ཏ་ཡོ ཀོ་ཊྛཱ་སཱ ཨ་ཉྙ་མ་ཉྙ་ཝ་སེ་ན ཝུ་ཏྟཱ, ཏ་ཡོ ན ཨ་ཉྙ་མ་ཉྙ་ཝ་སེ་ན. ཏ་ཏྠ པ་ཋ་མ་ཀོ་ཊྛཱ་སེ ཨ་རཱུ་པ་མེ་ཝ པ་ཙྩ་ཡོ ཙེ་ཝ པ་ཙྩ་ཡུ་པྤ་ནྣ་ཉྩ, དུ་ཏི་ཡེ རཱུ་པ་མེ་ཝ, ཏ་ཏི་ཡེ ནཱ་མ་རཱུ་པཾ, ཙ་ཏུ་ཏྠེ པ་ཙྩ་ཡོ ཨ་རཱུ་པཾ, པ་ཙྩ་ཡུ་པྤ་ནྣཾ རཱུ་པཾ; པ་ཉྩ་མེ པ་ཙྩ་ཡོ་པི པ་ཙྩ་ཡུ་པྤ་ནྣ་མྤི རཱུ་པ་མེ་ཝ; ཚ་ཊྛེ པ་ཙྩ་ཡོ རཱུ་པཾ, པ་ཙྩ་ཡུ་པྤ་ནྣཾ ཨ་རཱུ་པ་ནྟི ཨ་ཡཾ ཏཱ་ཝེ་ཏྠ པཱ་ལི༹་ཝ་ཎྞ་ནཱ.
ཨ་ཡཾ པ་ན ས་ཧ་ཛཱ་ཏ་པ་ཙྩ་ཡོ ཛཱ་ཏི་ཝ་སེ་ན ཀུ་ས་ལོ ཨ་ཀུ་ས་ལོ ཝི་པཱ་ཀོ ཀི་རི་ཡཾ རཱུ་པ་ནྟི པ་ཉྩ་དྷཱ བྷི་ཛྫ་ཏི. ཏ་ཏྠ ཀུ་ས་ལོ བྷཱུ་མི་ཏོ ཙ་ཏུ་བྦི་དྷོ ཧོ་ཏི, ཨ་ཀུ་ས་ལོ ཨེ་ཀ་ཝི་དྷོ་ཝ ཝི་པཱ་ཀོ ཙ་ཏུ་བྦི་དྷོ, ཀི་རི་ཡ་ས་ངྑཱ་ཏོ ཏི་ཝི་དྷོ, རཱུ་པཾ ཨེ་ཀ་ཝི་དྷཾ ཀཱ་མཱ་ཝ་ཙ་ར་མེ་ཝཱ་ཏི ཨེ་ཝཾ ཏཱ་ཝེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.
ཨེ་ཝཾ བྷི་ནྣེ པ་ནེ་ཏྠ ཙ་ཏུ་བྷཱུ་མ་ཀ་མྤི ཀུ་ས་ལཾ པ་ཉྩ་ཝོ་ཀཱ་ར་བྷ་ཝེ ཨ་ཏྟ་ནཱ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པ་སྶ ཙ ས་ཧ་ཛཱ་ཏ་པ་ཙྩ་ཡོ ཧོ་ཏི, ཏ་ཐཱ ཨ་ཀུ་ས་ལཾ. ཡཾ པ་ནེ་ཏྠ ཨ་རཱུ་པེ ཨུ་པྤ་ཛྫ་ཏི, ཏཾ ཨ་རཱུ་པ་དྷ་མྨཱ་ནཾ་ཡེ་ཝ ས་ཧ་ཛཱ་ཏ་པ་ཙྩ་ཡོ ཧོ་ཏི.
ཀཱ་མཱ་ཝ་ཙ་ར་རཱུ་པཱ་ཝ་ཙ་ར་ཝི་པཱ་ཀཾ ཙི་ཏྟ་ས་མུ་ཊྛཱ་ན་རཱུ་པ་སྶ ཙེ་ཝ ས་མྤ་ཡུ་ཏྟ་དྷ་མྨཱ་ན་ཉྩ ས་ཧ་ཛཱ་ཏ་པ་ཙྩ་ཡོ ཧོ་ཏི. ཡཾ པ་ནེ་ཏྠ རཱུ་པཾ ན ས་མུ་ཊྛཱ་པེ་ཏི, ཏཾ ས་མྤ་ཡུ་ཏྟ་དྷ་མྨཱ་ན་ཉྙེ་ཝ. ཡཾ པ་ཊི་ས་ནྡྷི་ཡཾ ཨུ་པྤ་ཛྫ་ཏི, ཏཾ ཀ་ཊ་ཏྟཱ་རཱུ་པཱ་ན་ཉྩཱ་པི ས་ཧ་ཛཱ་ཏ་པ་ཙྩ་ཡོ ཧོ་ཏི. ཨ་རཱུ་པཱ་ཝ་ཙ་ར་ཝི་པཱ་ཀཾ ས་མྤ་ཡུ་ཏྟ་དྷ་མྨཱ་ན་ཉྙེ་ཝ. ལོ་ཀུ་ཏྟ་ར་ཝི་པཱ་ཀཾ པ་ཉྩ་ཝོ་ཀཱ་རེ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ, ཙ་ཏུ་ཝོ་ཀཱ་རེ ཨ་རཱུ་པཱ་ན་ཉྙེ་ཝ. ཀཱ་མཱ་ཝ་ཙ་ར་ཨ་རཱུ་པཱ་ཝ་ཙ་ར་ཀི་རི་ཡཱ པ་ཉྩ་ཝོ་ཀཱ་རེ ས་མྤ་ཡུ་ཏྟ་ཀཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ས་ཧ་ཛཱ་ཏ་པ་ཙྩ་ཡོ ཧོ་ཏི, ཙ་ཏུ་ཝོ་ཀཱ་རེ ཨ་རཱུ་པཱ་ན་ཉྙེ་ཝ. རཱུ་པཱ་ཝ་ཙ་ར་ཀི་རི་ཡཱ ས་མྤ་ཡུ་ཏྟ་དྷ་མྨཱ་ན་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པཱ་ན་ཉྩ ཨེ་ཀ་ནྟེ་ན ས་ཧ་ཛཱ་ཏ་པ་ཙྩ་ཡོ ཧོ་ཏི.
ཙ་ཏུ་ས་མུ་ཊྛཱ་ནི་ཀ་སྶ རཱུ་པ་སྶ ཀ་མྨ་ས་མུ་ཊྛཱ་ན་རཱུ་པེ ཨེ་ཀཾ མ་ཧཱ་བྷཱུ་ཏཾ ཏི་ཎྞཾ, ཏཱི་ཎི ཨེ་ཀ་སྶ, དྭེ དྭི་ནྣཾ མ་ཧཱ་བྷཱུ་ཏཱ་ནཾ, མ་ཧཱ་བྷཱུ་ཏཱ ཨུ་པཱ་དཱ་རཱུ་པ་སྶ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཀཱ་མཱ་ཝ་ཙ་ར་རཱུ་པཱ་ཝ་ཙ་ར་པ་ཊི་ས་ནྡྷི་ཀྑ་ཎེ ཝ་ཏྠུ་རཱུ་པཾ ཝི་པཱ་ཀ་ཀྑ་ནྡྷཱ་ནཾ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨུ་ཏུ་ཙི་ཏྟཱ་ཧཱ་ར་ས་མུ་ཊྛཱ་ནེ་སུ པ་ན མ་ཧཱ་བྷཱུ་ཏཱ་ནི ཨ་ཉྙ་མ་ཉྙ་ཉྩེ་ཝ ཨུ་པཱ་དཱ་རཱུ་པ་སྶ ཙ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི ཨེ་ཝ་མེ་ཏྠ པ་ཙྩ་ཡུ་པྤ་ནྣ་ཏོ་པི ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི.
ས་ཧ་ཛཱ་ཏ་པ་ཙྩ་ཡ་ནི་དྡེ་ས་ཝ་ཎྞ་ནཱ.
༧. ཨ་ཉྙ་མ་ཉྙ་པ་ཙྩ་ཡ་ནི་དྡེ་ས་ཝ་ཎྞ་ནཱ
༧. ཨ་ཉྙ་མ་ཉྙ་པ་ཙྩ་ཡ་ནི་དྡེ་སེ ས་ཧ་ཛཱ་ཏ་པ་ཙྩ་ཡ་ནི་དྡེ་ས་སྶ པུ་རི་མཱ་ནཾ ཏི་ཎྞཾ ཀོ་ཊྛཱ་སཱ་ནཾ ཝ་སེ་ན པཱ་ལི༹ ཨཱ་ག་ཏཱ. ཏ་སྶཱ ཏ་ཏྠ ཝུ་ཏྟ་ས་དི་སཱ་ཝ ཝ་ཎྞ་ནཱ་ཏི པུ་ན ན ག་ཧི་ཏཱ. ཨ་ཡ་མྤི ཙ ཨ་ཉྙ་མ་ཉྙ་པ་ཙྩ་ཡོ ཛཱ་ཏི་ཝ་སེ་ན ཀུ་ས་ལོ ཨ་ཀུ་ས་ལོ ཝི་པཱ་ཀོ ཀི་རི་ཡཾ རཱུ་པ་ནྟི པ་ཉྩ་དྷཱ བྷི་ནྣོ. ཏ་ཏྠ ཀུ་ས་ལོ བྷཱུ་མི་ཏོ ཙ་ཏུ་བྦི་དྷོ. ས་བྦཾ པུ་རི་མ་ས་དི་ས་མེ་ཝཱ་ཏི ཨེ་ཝ་མེ་ཏྠ ནཱ་ན་པྤ་ཀཱ་ར་བྷེ་ད་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ.