༦. པ་རོ

ས་མཱ་སོ་ཏི ཚ་ཊྛཱི་ས་མཱ་སོ ཀཱ་ར་ཀ་ས་མཱ་སོ ཝཱ. ནི་པཱ་ཏ་ན་ཏཱ ཙཱ་སྶ ཝི་སེ་ས་ཏོ་ཏི. ཨེ་ཏ་ཉྩཱ་ཏི པ་རོ་ཀྑེ་ཏི ཨེ་ཏ་ཉྩ. ཀྲི་ཡ་ཏྠ་སྶ ཨུ་པཱ་དྷི ཝི་སེ་ས་ནཾ ཀྲི་ཡ་ཏྠོ་པཱ་དྷི, ཏ་སྶ ཀྲི་ཡ་ཏྠོ་པཱ་དྷི་ནོ བྷཱུ་ཏཱ ན་ཛྫ་ཏ་ན་སྶ སཱ་དྷ་ན་དྭཱ་རེ་ན ཝི་སེ་ས་ནཾ, ན ཏཱུ་ཛུ་ཀཾ་ཏྱ་ཏྠོ. ཀ་སྨཱ ནོ་ཛུ་ཀཾ ཝི་སེ་ས་ནཾ ཏྱཱ་ཧ ‘བྱ་ཝ་ཙྪེ་ཛྫཱ་བྷཱ་ཝཱ’ཏི. ཏ་མེ་ཝ ཕུ་ཊ་ཡི་ཏུ་མཱ་ཧ- ‘ཏ་ཐཱ་ཧི’ཙྩཱ་དི.

སཱ་དྷི་ཡ་མཱ་ནཱ་ཏི ཨི་མི་ནཱ དྷཱ་ཏྭ་ཏྠ་སྶཱ་པ་རི་ནི་པྥ་ནྣ་ཏཾ བོ་དྷེ་ཏི. ཏེ ས་ནྟི ཨི་ནྡྲི་ཡཱ་ནཾ. ས་ནྟོ ཝི་ཛྫ་མཱ་ནོ ཝི་ས་ཡོ ཡེ་སཾ ཨི་ནྡྲི་ཡཱ་ནཾ ཏེ ས་མྦྷཱ་ཝོ ཏ་ཏྟཾ, ཏ་སྨཱ. ནེ་ཏི པ་ཊི་སེ་དྷེ, སཱ་དྷ་ན་དྭཱ་རེ་ན ཝི་སེ་ས་ན་ཏྟེ བྱ་ཝ་ཙྪེ་ཛྫ་ས་བྦྷཱ་ཝཱ ཡ་ཐཱ་ཝུ་ཏྟ་དོ་སོ ན བྷ་ཝ་ཏཱི་ཏི ཨ་ཏྠོ. དོ་སཱ བྷཱ་ཝ་མེ་ཝ ད་སྶེ་ཏུ་མཱ་ཧ- ‘ཡ་སྶི’ཙྩཱ་དི. ཡ་སྶཱ་ཏི དྷཱ་ཏྭ་ཏྠ་སྶ. ཏ་ཏྠཱ་ཏི ཏ་སྨིཾ ཨ་པྤ་ཙྩ་ཀྑེ དྷཱ་ཏྭ་ཏྠེ. ཀཱ་ར་ཀཱ་ནཾ ས་ཏྟི་ས་བྷཱ་ཝ་ཏྟཱ སཱ་པི ཨ་པ་ཙྩ་ཀྑཱ ཝཱ་ཏི ཙོ་དེ་ཏི ན་ནུ་ཙེ་ཙྩཱ་དི་ནཱ. ཨ་ས་ཏྟོ་ཏི ཨ་ས་མ་ཏྠོ.

ཨ་ཏྟཱ་ནཱ་མ ཨ་ཏྟ་ནོ པ་ཙྩ་ཀྑོ་ཏི ཏ་བྦི་ས་ཡེ ཨ་མྷ་ཀཱ་ར་ཀ་སྶ ཝི་དྷཱ་ན་མ་ཡུ་ཏྟ་ནྟི མ་ན་སི ནི་དྷཱ་ཡ ཡཾ ཝུ་ཏྟཾ ཝུ་ཏྟི་ཀཱ་རེ་ན, ཏ་མུ་པ་ད་སྶེ་ཏུ་མཱ་ཧ- ‘ན་ནུ་ཙེ’ཙྩཱ་དི. ཨ་ཏྟ་བོ་དྷ་ནཱི་ཡཱ་པི ཧི ཀི་རི་ཡཱ ཡ་དཱ ཙི་ཏྟ་ཝི་ཀྑེ་པ་ཏོ ནོ་པ་ལ་ཀྑཱི་ཡ་ཏེ, ཏ་དཱ་ཡཾ པ་རོ་ཀྑཱ བྷ་ཝ་ཏི, ཏེ་ནུ་ཏྟ་མ་ཝི་ས་ཡེ་པི པ་རོ་ཀྑ་བྷཱ་ཝོ ཏ་སྶཱ བྷ་ཝ་ཏྭེ་ཝ. ཛཱ་ག་ར་ཏོ་པི ཡ་དཱ མ་དཱ མ་ནོ་བྱཱ་ཏ་ངྒ་ཏོ ཨ་ནུ་པ་ལ་དྡྷི, ཏ་དཱ་པི བྷ་ཝ་ཏྱེ་ཝེ་ཏི ད་སྶེ་ཏུཾ ཝུ་ཏྟཾ བྱཱ་ས་ཏྟ་ཝ་ཙ་ནཾ. ཨ་བྷི་ནི་བྦ་ཏྟི་ཀཱ་ལེ་ཏི ཀི་རི་ཡཱ ནི་བྦ་ཏྟི་ཀཱ་ལེ, ‘སུ་ཏྟོ-ཧཾ ཀིཾ ཝི་ལ་ལཱ་པ, མ་ཏྟོ-ཧཾ ཀིཾ་ཝི་ལ་ལཱ་པེ’ཏི ཨི་ད་མ་ཏྲོ་དཱ་ཧ་ར་ཎཾ. ཙི་ཏྟ ཙི་ཀྑེ་པ་ཝི་ས་ཡ་པྤ་ད་སྶ་ནཱ་ཡེ་ཏྠ སུ་ཏྟ་ཝ་ཙ་ནཾ.